زينب الموسوي
ظلينا گاعدين اني وايهاب شاف موبايلي گال قديم تعاي اختاري واحد لا بعدين مو هسه گومي لاتددلين زايد. رحنا صرنا نمشي سوا گال شوفي حتى بالطول متناسبين اني وياچ. دخلنا محل موبايلات گلي اختاري اي موبايل يعجبچ. خليها بعدين ايهاب والله حتى اهلي ميقبلون. دگولي ايهاب مره ثانيه هاشبيك متگلي مسامع اسمك قبل لا مسامعه وياه موسيقى. خلي نرجع لمكانا ايهاب ماما ظل تحچي عليه. اختاري موبايل ويبقى عندي بالخطوبه انطيه الچ حتى اهلچ ميحچون عليچ اختارينا الموبايل ورجعنا لمكانا انطاني رقمه وتس اب وانطيته رقمي رجعنا اني وماما بالسياره گلبي كان ناصب مراجيح ومخلي عقلي على وضع الطيران وتفكيري على الصامت. طفله عمرها ١٦سنه اول مره تسمع احد راح يدللها وتسافر وتسوق وتدرس وتشتغل ايهاب كان عمره ٢٦سنه واصغر ولد بالعائله واهله اغنياء ومعروفين رجعت للبيت اتصلت بصديقتي نور
نور منو سالكم عليه
ناس گالوا يريدون يخطبوچ ليش انتي صدوگ راح تنخطبين
ماادري بعد اگلچ اذا احد اتقدملچ وگال تكملين دراسه وتشتغلين واشتريلچ سياره ونسافر لندن تقبلين
اگلچ اذا متقبلين ودي عليه
لاصدوگ نور
اگلچ دعاء انتي امچ اول وتالي تزوجچ فاخذي ابو لندن احسن وبعد شغله گوليله مااعرف اطبخ وماريد اغسل مواعين خلي يجيب غساله لو مواعين بلاستك
وعلى شنو مواعين بلاستك هم تعاي شيليهن وخليهن بالزباله ناكل بالمطعم ونگوم
بعد احسن بس عود اخذيني وياچ للمطعم
والله خطيه هذا المسكين راح ياخذ اكبر خايسه بالاعداديه مالتنا
محد دگ بابه هو جابه لروحه
باليل خابر ايهاب
ليش مخابرتي دعاوي
نسيت وعندي واجبات تعرف امتحانات باقي اسبوع
ها من ساعة الي شفتچ بس افكر بيچ. شسويتلي سحر
اگولك مو شويه تتبالغ بالموضوع ترى انت عمرك ٢٦سنه والكليه مليانه بنات وشغلك مامعقوله اول مشفتني دخت
والله هذا الصار وصح شايف بنات بس مرات شخص من تشوفه تحس نفسك مريض وهو دواك
انت شايف بنات وتعرف بنات همين كمل الجمله
ذكيه چماله اكيد اعرف بنات بس تعرفين الحياة بامريكا حاسبيني من يوم العرفتچ الي قبله معليچ بيه وهسه تشوفين متلگين باخلاصي وحبي الچ
عندي دوام الصبح لازم انام
زين حبيبتي روحي نامي بس عشر دقايق وادگ عليچ اذا گدرتي تنامين نوم العوافي واذا لا جاوبي
سديت التلفون شي بداخلي شل التفكير عندي اريد العشر دقايق تخلص واجاوب هذا ايهاب شي مااگدر اوگف بوجهه واصده دگ بعد العشر دقايق
مو گتلچ مراح تنامين گوليلي شوكت نجي نخطب
اتفق ويه اهلي بكيفكم
بكيفنا شنو انتي بكيفچ كل الي تريديه يصير
ايه بس اهلي لازم تتفق وياهم
تتدللين انتي واهلچ
وظل يسولف لحد ساعه وحده اني منايمه
گعدت الصبح مغفيه من النعاس دز عباره بالانگليزي وعد اكون افضل شي حدث بحياتچ
حددوا موعد الخطوبه الخميس وظل يوميه يتصل الي چان يگوله بعمري مكنت سامعته ومااعرف حتى ارد عليه وحتى مشاعري مكنت اعرف افسرها او اوصفه بس من يسد التلفون ارجع لوعيي اني مااريد اتزوج وچنت اگله خلينا بس نسولف بلا زواج اني مو گد الزواج وبيت ومسؤوليه حبيبتي مراح تكون عليچ مسؤوليه انتي بس تامرين واني انفذ والله ماادري اصدگك لو لا. زين غير نتزوج حتى تعرفين اني چذاب لو لا وبعدين اني جاي من الباب مد الف وادور. وادور غراميات الخميس عندي امتحان والجمعه هم خليها بعد الامتحانات
هي خطوبه ساعه زمان ورجعي ادرسي وانتي معدلاتچ عاليه...يتبع
الصمت
بارت 4
زينب الموسوي
وصلنا ليوم الخميس بالبدايه گالوا بس خطوبه ورا ساعه اتصلوا گالوا عقد همين وامه جتي قبلهم وياها بدله وذهب البدله كانت مثل الاميرات لمستها واني ممصدگه اني راح البسها وصارت خطوبتنا وعقد شيخ وايهاب وافق على دراستي والزواج يصير بعد ست اشهر اني گلت لبابا يگلهم هيچ حاولوا يقدموه حتى مدام عندي عطله نتزوج بس اني بقيت ابچي من جتي امي سألتني
دعاء ليش ست اشهر الولد كلشي مكمل. ماما الله يخليچ گولي ست اشهر اني گلبي مقبوض من هذا الزواج ولاتنسين اني قميص مااعرف اغسل بين متعلميني. ايهاب يگول ميخالف بعدين تتعلم. ماما موتحسين اكو شي بالموضوع هذا ايهاب عبالك ممصدگ شنو ماكو بنات كلشي اگول گال حاضر. بعد شتردين اتزوجيه وخليه يدللچ ماما ست اشهر ماانقص يوم
خلصت الخطوبه طلعوا كلهم صعدت لغرفتي ادرس مانزعت البدله من هالگد معاجبتني. صار ١١باليل اتصل ايهاب
ها دعاوي خلصتي دراسه
الحمد لله خلصت عجبچ الذهب والبدله. اني مااعرف بالذهب بس ماما تگول حلو والبدله لحد الان لابستها تجنن. انتي الي تجننين والله بس زعلان منچ. على راحتك ازعل. غير تگولين ليش زعلان. اني بيه طبع الي يزعل اتركه براحته ومااعرف اصالح حتى صديقاتي لاوياي غيريه هذا الطبع وتساليني ليش زعلان وتصالحيني همين اوكي ليش زعلان اول شي مقبلتي ابوسچ ماما موجوده واخواتي واني مااعرفك حتى تبوسني. متعرفيني شنو اني صرت رجلچ. ايهاب اني ماعندي هاي السوالف احنا قبل ساعات لبسنا حلقات وعقدنا هذا شي داخل البنيه تربت على العفه مو بس گالوا. عقدتي تحولت زوجه يراد وكت ومن هسه اگلك صح اني زغيره بس راح تتعب وياي لان لحد الان مداخل عقلي اني مخطوبه وعاقده لذلك ردت ست اشهر وهذاالسبب الثاني الي مزعلني ست اشهر هواي ويعني بنص المدارس شلون نسافر اني حسبتها ست اشهر يعني بعطله الميلاد ١٦يوم نسافر بيها انت گلت اي شي تريديه اسويه خلص مثل متحبين يوم السبت اجي اخذچ نتعلم سياقه والله صدوگ طبعا حبيبتي حتى نختار سياره همين والله تشتريلي سياره. ليش اني عندي غيرچ دعاوي الحلوه
اگلك صديقاتي كلهم يصيحولي دي ماكو داعي لدعاوي. خلص اگول دي. بس منو احلى يگولها اني لو هنه. انت طبعا اول سبت طلعنا بيه انطاني السياره شافني اسوق زين بس اخاف ظل يلزم ايدي بحجه يعلمني وبعدين كل شويه يبوسني واصيح عليه ميفيد گتله خلص بعد مااطلع وياك احنا بالشارع ميصير هيچ. خلص بعد مااسويها بس دي ست اشهر هواي خلينا نتزوج شيصير يعني. ايهاب والله مااعرف اسوي كلشي حتى چاي مااعرف. ماحب الچاي وبعدين تتعلمين ترى هاي مو سبب تاجلين زواجنا. شلون مو سبب لااعرف اطبخ لاانظف الشقه تنملي وسخ وفار تقبل. انتي من تتزوجين لاراديا تظلين تعرفين وتريدين تتعلمين ايهاب فدوه لاتلح على هذا الموضوع خلص. ظلينا نطلع كل سبت اتعلمت سياقه وخلصت الامتحانات ونجحت گلي تعالي اشتريلچ سياره هديه لنجاحچ. اشترالي سياره بس باسمه لان اني ماعندي كردت افتريت على صديقاتي بيها حتى يشوفوها ومن رجعت من صديقاتي اتصلت بايهاب ايهاب صديقاتي انجنوا على السياره وكلهم صوروها ونزلنا ستوري على الانستا شوفها. شفتها انتي احلى من السياره شوفي الغرفه الي راح اجيبها الچ احلى من السياره بالف مره. الله يخليك الي اذا جبت الغرفه اصورها وادزها الچ. اوكي حتى انزل الصور صديقاتي يشوفوها اهلي بدوا يوميه يسمعوني خطيه الولد يجيب ويشتري وانتي شامرته ست اشهر اهله ظلوا يحچون يعني بس تعرفين طلعات وتفرفر وياه. ايهاب موافق ينتظر ليش انتم تلحون بس ايهاب كان يوميه يسمعني خلي نتزوج بيوم احد دزلي صور الغرفه نزلت ركض شوفتها لماما وبنين معقوله هاي الغرفه الي اي والله هاي الغرفه حظ الخايسات بنين كنت احس بيها بدت تغار هي تخرجت من الاعداديه واني بعدلي سنتين باليل مر عليه ايهاب حتى نطلع رحنا مطعم گتله ايهاب الغرفه خرافيه اهلي صفنوا عليها الشقه كلها غيرت اثاثها وصارت صدوگ شقة عرسان هسه نخلص واخذچ تشوفيها واي شي ناقص گوليلي...يتبع
الصمت
بارت 5
زينب الموسوي
ايهاب اني مااروح للشقه الدنيا ليل وعيب اروح وياك لوحدنا شنو العيب ترى هاي مصايره دي كلشي وگلتي لا وعيب ليش اني مااعرف العيب خلص شبيك صرت عصبي اني مگلت شي اذا مصر انروح اروح اوكي. لا اذا متريدين تروحين مالازم رحنا للشقه طول ماهو يسوق ميحچي وياي ويسوق سريع. ايهاب شبيك هسه توگفنا الشرطه على هاي السرعه معليچ انتي خلي الشرطه توگفنا بلكي يصير عندچ احساس والله ميلوگلك تصير عصبي هسه حتى بعد مااگدر اشوف الشقه وافرح بيها لان انت عصبي الله يخليك اضحك فدوه اذا تحبني اضحك ضحكنا بس بعد لاتگليلي عيب وميصير انتي لو ماهذا الشرط ست اشهر هسه متزوجين وصلنا الشقه كلشي بيها مرتب وحلو ايهاب انت لو ممصدگ لو دتمثل عليه انت تدري اني مو ام بيت وهاي الشقه مال تعيش بيها دكتوره مهندسه ربة بيت نادره مو اني اني رايدچ انتي وتستاهلين اكثر وهسه تشوفين اخلي حياتچ كلها سعاده وحب ظليت افتر بالشقه واصور بيها وهو يحچي غزل لحد انتبهت يتقربلي وصار قريب مني حيل اخذ التلفون من ايدي وخلاه بعيد ظليت ادفعه واصيح شبيك تخبلت وخر عني بس مفاد وياه مگدرت امنعه رغم صياحي وكل جهدي امنعه ودموعي صار الي صار هذا الي گاله ايهاب كافي دي صوتچ فضحنا وخر ايهاب لاتلمسني لو تدري شگد كرهتك والله بعد لو تموت مااتزوجك كافي دي متتزوجيني شنو انتي مرتي واحنا عاقدين مليت واني احچي وياچ نتزوج ميفيد وياچ مااعرف اطبخ ماريد انظف متفتهمين متحسين بيه رن تلفوني رقم ماما شراح اگوله هسه جاوبي دي مصار شي اني زوجچ مااگدر اجاوبها جاوب انت جاوبها هاخاله وبعدين گالها هسه جاين بالطريق. احنا بالسياره. دعاء نايمه بالسياره واني جاوبت تلفونها. سد التلفون كنت خايفه كارهه نفسي وايهاب واهلي وكلشي بحياتي كافي دي حبيبتي گومي اوصلچ واحچي ويه اهلچ نتزوج الاسبوع الجاي والله ماگدرت اتحمل مو قصدي اجبرچ.بس الي صار. ماما اذا تعرف تذبحني لاتگولين الها هو اسبوع ونتزوج ظل يحچي وياي حسيت كلشي بيه مكسور ومطايقه صوت ايهاب وجهه وصلنا للبيت انطاني چاكيته لان ملابسي كانت مشگگه ومن سالتني امي گتله بارده وانطاني الجاكيت تمنيت اگولها بس مگدرت ابتعدت عنها ركض لاتعرف شي دخلت للغرفه ابچي بنين تنام يمي. شبيچ دي ليش تبچين ايهاب يريد نتزوج اسبوع الجاي. وشكو بيها مو انتي عرفتيه ومبين حباب ويريد خاطرچ يمعوده تزوجيه قبل لايبطل وتاخذه وحده ثانيه. ظليت اليل كله گاعده والحرگه بگلبي هذا سوا هيچي حتى استعجل بالزواج لو حتى يستدرجني ويعوفني انتظرت اليوم كله يتصل متصل ولاسأل باليل خابرت مجاوب بالوحده باليل جاوبني خير شتردين ثبرتيني تلفونات. ايهاب تعرف شريد تخابر اهلي وتگلهم على الزواج. اني ماخابر انتي گليلهم كافي اني اتوسل. اخاف عبالك اني زغيره ترى بالمدرسه فهمينا على هيچ حالات ياحالات هاي الي تحچين عنها. الي صار اغتصاب حتى لو اني مرتك هاي امريكا للعصر اذا ماحددت موعد اگل لاهلي واروح على الشرطه ملابسي موجوده مشگگه ولاتنسى اني قاصر يعني ١٥سنه سجن روح العب على اعصاب غيري. هاي شبيچ اتشاقى وياچ. واني هم دا اشاقى وياك وتدري عمرك مراح تلمسني مره ثانيه ونتزوج شهر وارجع لاهلي الي سويته البارحه راح تدفع ثمنه غالي چنت اعرف انت بيك شي غلط لذلك مادخلت گلبي دي ترى الصار عادي وشي طبيعي اني شاب وانتي زوجتي. لاتغير اسلوبك الي صار البارحه حتى تخليني اركض وراك وتذلني من شفتني هسه قويه وافتهم ومستعده انفضح وانضرب من اهلي في سبيل تدخل السجن انت رجعت على التمثيل دي وانتي زوجتي اهل باچر يتصلون ويتحدد موعد واذا تحب اخابرهم اگلهم ابنكم راح يدخل السجن والله لاخليچ تندمين. خلي نشوف منو اليندم...يتبع
الصمت ١
ابدأ من البداية
