ملاكي الحارس

       ((( مَلَأّګيِّ أّلَحٌأّرَّس )))😇

اني اسمي نرجس صف سادس علمي عايشة ويه اهلي وعندي 6  اخوات و3 اخوان احنه عائلة جبيرة اني وعندي اخت وحدة من امي والبقية من مرة ابوية هي شخصيتها قوية كلش ومسيطرة على البيت كله وامي اتمرضت من وراها وماتت 😢😢 وبقت هي سيدة البيت تأمر وتنهي بطلت اختي الجبيرة حتى تشتغل بلبيت بس اني لان شاطرة واتوسلت بابوية مايبطلني وكلت اذا تبطلوني انتحر فه عافوني اكمل دراسة ماعندي علاقة ويه احد بلبيت لان هوسة بس اختي الجبيرة هي صديقتي وامي الثانية بس انقهر عليها لان مرت ابوية ماتقبل تتزوج بس تشغلها بلبيت وهي مشغولة بس تخلف وتذب جهال
نرجع لمواصفاتي طولي وسط ورشيقة لان اكلي قليل من ارجع من المدرسة مرات مايبقولي اكل فه ابات بدون اكل.. عيوني خضرا وشعري جوزي فاتح وعندي غمازات وشوية خدود هههه😊😊😊😊
وصلت للسادس ودروس صعبة ومرت ابوية ماتقبل اروح يم مدرس خصوصي ولا دورات تقوية جننت انقهر لان البنات كلهم عدهم مدرسين خصوصي.. وجنت مرات من يصير عندي فلوس اروح بالباصات للمدرسة ومن ماينطوني فلوس اروح مشي بس اوصل للمدرسة متفلشة😢😢😢فد مرة جنت امشي وشفت صديقاتي ردت اتهرب منهم بس لكفوني
- ها ولج شتسوين تعالي راح تجي الباص خلي نصعد بساع
شون مشكلة نحطيت بموقف مخجل ماعندي فلوس بس استحيت اكول صعدت وياهم وكعدت يم واحد بس ماشفت شكله جنت مرتبكة حيل طلعت جزداني جان فارغ صاحتلي صديقتي
-ها ولج نرجس دفعتي الكروة اني كبل كلت اي اي دفعت وصرت حمرا وخجلت شو فد شوية والسايق كام يصيح منو مادافع كروة اكو نفر ناقص اني متت من الخجل والخوف وغلست شو هذا الي كاعد بصفي صاح - العفو اخوية جنت ناسي اعذرني ودفع .. بس اني شفته من دفع الكروة خجلت باوعتله وهمست شكرا عمو
باوع عليه وكال ولج ياعمو شكبرتيني هههه يله عادي يصير هيج ... كتله اي نسيت فلوسي بلبيت باجر اصعد وادفع كروتك اعتبره دين
كال اوك براحتج وسكتنا بعد ماحجينه ووصلت للمدرسة ونزلت .....
☺---- مرحبا اني فارس عمري 24 سنة كملت معهد ومامتعين بس داشتغل والحمدالله حالتي المادية زينة مامتزوج طويل وشعري اسود وحنطاوي وكتفي عريض يعني ضخم شوية طلعت للشغل اليوم وصعدت بالباص وصعدت فد بنت اية من الجمال كلش حلوة وكعدت على حظي الحلو يمي فرحت حسيت امي من دربتني وكالت الله يفتحها بوجهك يايمه.  يمكن كالتها من كل كلبها ههههه المهم انطينه اجرة السايق بس انتبهت لهاي مانطت وارتبكت وخجلت وطلعت جزدانها فارغ كبل اني انطيت كروتها وماخجلتها من دارت عليه وهمستلي شكرا شفت عيونها انشليت يايمه هو هذا الحب من اول نظرة واني ماعرف صدك عبالك نظرتها ضربت سهم بكلبي كلت لازم اخليها ابالي واجمع عنها معلومات ...
نرجس.. صار ثاني يوم واتوسلت بمرة ابوية تنطيني فلوس ماكو ماانطت طلعت من وكت ورحت مشي حتى ماشوف صديقاتي ومر كم يوم والصبح واني اطلع شو صاحت عليه مرة ابوية وانطتني كم فلس فرحت كلت اليوم ماكو مشي رحت صعدت بالباص وجان اشوف مكان فارغ يم فد شاب رحت كعدت يمه بس مرتبكة والولد جان بس يتحرك ويحاول يطخ بيه ضجت حيل وكفت الباص ونزلت معصبة
فارس..متت كم يوم مر وهاي البنت بعد ماكو ماشفتها ضجت وفد يوم واني صاعد بالباص شفتها فرحت حيل بس المشكلة ماجان اكو مكان فارغ بس يم شاب زعطوط ضجت شفتها متضايقة يمكن جان يضايقها شو وكفت الباص ونزلت اني دمي فار كمت ولان اني ضخم شلت الولد من ياخته ونزلته من الباص
.نرجس... من نزلت اشوف الباص مامشى ونزل شاب ضخم وشايل هذا الزعطوط من ياخته بحيث رجله ماطاخة الكاع وصاح عليه .تعالي اختي اصعدي هو الي لازم ينزل مو انتي اني انصدمت وخفت كبل درت وجهي وكمت امشي سريع وماادير ورايه بس احس احد يمشي وراية متت خوف وسمعته يكول نرجس نرجس بس دقيقة درت عليه وعيوني مدمعات شتريد مني عفية بس من باوعت عليه جانت ملامحة رجولية وابو دم حار خفت وبدون وعي بجيت شو هذا اتخبل كال شبيج ليش تبجين اسف مو قصدي حبيت اساعدج وبس اسف كملي طريقج محد يتعرضلج واني موجود كتله انت شتريد مني ومنين تعرف اسمي بس  ارجف اول مرة احجي ويه ولد وبالشارع كال صديقاتج صاحوج ذاك اليوم من جنتي كاعدة يمي وعرفت
نرجس - ليش انت منو مممم ها انت الي دفعتلي الكروة ... اكولك بعد لاتمشي وراية اني تاخرت عالمدرسة ورحت سريع..
فارس..راحت نرجس واني بدون مااحس مشيت وراها واندليت مدرستها وسئلت الحارس شوكت يطلعون وبالرجعة مشيت وراها واندليت بيتها وبعدين مرت ايام ماكمت اشوفها كلت مايصير هيج لازم افكر بشي .....