تكفى لا تعلم إبوي ترى اللي فيه يكفيه

الاخير

البارت الأخير ..

ارتاح تقريبا ان الدكتور طمنه الم طبيعي يشعر فيه بسبب
محيطه الخارجي او شوق جسمه لشي معين ..
تطمن على بدر اللي قالو له انه حالته الحمد الله مستقره ..
بوجود القلب الصناعي .. له ..

تنهد بتعب وهو يسند جسمه على المخده بتعب لف عينه
لما انضرب الباب بهدووء ودخل سالم .. وبيده مجموعة اوراق ..
وكيس كبييره تنوضع فيها البدلات الرسميه ..

غسان ابتسم بفرح لوجه سالم اللي كان باين عليه انه خايف عليه ..
سالم بهدوء :كيف حالك طال عمرك ..
غسان ربت على كتفه :الحمد الله انا بخير تطمن ..
سالم ارتاح وابتسم :الحمد الله على سلامتك طال عمرك ..
غسان :الله يسلمك .. جبت اللي قلت لك عليه ..

سالم طلع من وسط الأوراق اللي بيدينه بطاقة دعوة
باللون البيجي الرخامي والكلام كأنه منحوت عليها بسبب دقة
الكتابه الأنجليزيه فيها ..

غسان يقرأ الكلام اللي فيها ..

سالم :الأستاذ فارس حمد ال.... رسل الدعوه مخصوصا لك بنفسه وجاااء يتطمن عليك لكن
ماقدر يدخل بسبب ان الأهل كانو موجودين جنبك ..

غسان ابتسم :يبقى فارس مثل مااهو مايتغير يحب المظاهر اكثر من اللازم ..
جبت البدلة اللي قلت لك عليها قبل لا اسوي العمليه ..

سالم يمدد البدله على الصوفا قباله :ايه طال عمرك بس اتمنى انك ماتروح لأنك
ماتحب الأجواء اللي تصير في الحفلات وانت تعبان الحين ..

غسان تنهد بتعب :لازم اوصله من الأصوول عندي ..
تأكد بس ان امي مااتلزم تجيني .. .. وانا بكون بخير وجهز سيارتي مع السايق ..

سالم نزل راسه :حاضر طال عمرك تامر على شي ثاني ..

غسان رفع يده :لا تسلم تقدر تروح ترتاح ..

سالم :مشكور طال عمرك ...

تراجع للخلف وطلع من الغرفه .. تارك غسان يتأمل الصوره بجواله ..
اللي الكل تقريبا فيه الفضول وش هالصوره اللي تخليه ينتقل الى العالم الخيالي ..
تقريبا ..

عند غسق ..
ارتاحت لما كلمتها نارا وقالت لها انه بخيير لكن الدكتور طلب منه مايستخدم الجوال
كثيير .. حجه جابتها نارا ماتدري من وين بالظبط ..

خذت نفس يدل على ارتياحها وخذت شور طويل تدعم فيه نفسها بالفرح ..وانه بخيير
غيرت جو الغرفة وغيرت المفارش وكل الأشياء اللي تقدر تغيرها ..
وامتلت ريحة الغرفة بالبخووور والعوود المفضل عند غسان هيأة لنفسها انه
بيرجع اليوم ...

فتحت واخيرا الفستان اللي كانت تتمنى تلبسه بوجوده تثبت له انها تغيرت ..
الأسود القصير ماركة كوكو شنيل ..
اللي لما لبسته انساب بكل سهولة على جسمها الحريري اكثر مايقال له الحيين ..