بعض العيون حقدها في نظرها

٩

الظبي على راس الدرج والعبايه على يدها..بصوت مستغرب\وش فيك..وش الي عامل فيك كذا..؟
آنتبه لها بتال وهو يرفع راسه..شماغه على كتفه..وسكر ازرة ثوبه وهو يصعد
الدرج...
الظبي تنزل الدرجات \ابو سنا وش فيك..؟وش صاير..حادث,,والا ...
بتال يشير بيده \مافي شي...بطلع اتحمم وآنام..لآتخافين مآفي شي يحمل..!
الظبي تطالع بتال وهو يتعداها \لحظه ابيك بسالفه ...ها الحريم الي عندك...
داقين علي البارح من شريحه ثانيه...وقاعدين يخبصون ويحطون وينزلون..ماخلو
شي الا لزقوه بطارق...يبوني اطلع من ها البيت كئني على روسهم او آقاسمهم حلالهم..!
سحب بتال شماغه من كتفه ..ورماه على كتفه الثاني..\ظبي...راسي معورني..خلي
سوالف ها الحريمـ بعدين..وآنتي بعد كبري راسك..آنتي الداخله وهم الطالعين..
وش تقاسمينهم حلالك..والحلال وراعيه تحت آمرك..عين فراش وعين لحاف...
وماحد بضايمك وانا حي...بس الحين والله مالي خلق احد..ولي يرحم والديك..حتى
الكلام مافيني اخذ واعطي...
تركها بتال وتوجه لجناح مناير....
الظبي نزلة من الدرج والابتسامه..تزين شفايفها...المورده.....
فتح باب الجناح بتعب...آنصدم...بوقوف مناهل السريع...\حي الله ابو فلك..مجهزه الحمام
فديتك..تحمم وترتاح...
بتال رمى الشماغ على السرير...,,,دخل غرفة التبديل..
ماهي الا لحظات وطلع ملتف بروبه...
مناير برتباك\كل حاجه جاهزه داخل..والحين بنزل اجيب لك المدخن واحط لك العود..
مارد عليها بتال دخل بصمت وسكر الحمام وهي لسا ماخلصت كلامها...
طلعت برتباك من الجناح...وحصلت مناهل طالعه من جناحها ووجها المرتبك
يسبق سؤالها\ها...نجهز الشناط...آنا قلت لآخوي الصغير عشان يمهد لخوي الكبير
اني بجي عنده...
مناير بخوف\مدري والله لكن هو ساكت وماحكي..ماظني بيطلقنا...ولاكان قال امسكي
الباب ولا كلمه..!آن شاء الله سهود ومهود..ماهو بمطلقنا بعد ها العمر..
مناهل بخوف..\انا بدخل..في حبوب صارفتها لي الدكتوره لنوم...لما كان فيني
آرق ببلع لي حبتين وبرقد...تبين..؟
مناير \لآ والله مابي...وان كان يبي شي مني...بعد سواد وجه ونوم..لآ ياختي ..لآ..
نزلة مناير بسرعه تجهز الجمر لبتال قبل مايطلع من الحمام...
..
..
~~هـات ريـشة نـرسم اللوحـة [ وداع ] .. 
شخص مقفي ،، وشخص واقـف في ضيـاع ،، ~~
.
.

..
بعد نصف ساعه
با الفور..
فتح الباب با البطاقه...
دخل بخطوات هادئه للجناح....آنصدم من تواجدها المفاجئ...
بئريحه وهدوء متوسطه الاريكه...لجناح الاستقبال...والابتسامه تعلو وجها....
رمى الكرت على الطاوله..وجلس على الكرسي البعيد عنها...
آبتسم\حتى بآفخم الفنادق مافي آمان..شي يخوف...؟
آبتسمت \يعني نقدر نقول..مفاجئه ..حلوه...؟
يآسر بضبط اعصاب \منى آطلعي برا...مليون مره قلت لك آنا مو وجه تعمق في آي علاقه..انتي على بالك
المكالمات انها تتطور عندي لعلاقه كامله سواء با الحرام او الحلال...
منى وهي تحط رجل على رجل بئنوثه آبتعد عنها جمالها وهو الحياء\متئكد ان مافي
ولآ علاقه عندك...آمتدت آكثر من كذا..
ياسر يهز راسه با النفي\مستحيل..والحين تفضلي من غير مطرود قبل..آتخذ فيك
وفي الي سهل دخولك لها الجناح اجراء ثاني...ماتوقعتوه...
منى بهمس وهي تقوم وتسحب عبايتها مرة من عنده \صدقني ياسر ها القناع مو حلو
عليك..ترى ملوك ماهي مركبه كميرات مراقبه في كل مكان..
قآم بعصبيه ومسك كتفها فتح الباب وهو يدفها بعصبيه\لآشوفك مره ثانيه فآهمه..!
بتر كلامه رؤيته لشخص اخر....تمنى الأرض تبتلعه...ولآ توقيت تواجده الغير مرحب فيه...
آربكته..جداً...
بل...
جعلت نظراته تتوقف..وتشخص..!
من ثم..يزحف الشحوب لوجه..من آثر الصدمه..
الاحراج التام ..آكتساه...
الظبي بهمس..\بسم الله عليك...آدخل ..آدخل...
دخلت الظبي على صدمة ياسر مآفاق من هولها..الا ضرب كتف الظبي بكتفه...وهو اعلان
عن دخولها لجناحه...حتى وان كانت ايضاً غير مرحب بها...
استدار ياسر...بصدمه...
وآرتمى على آول كرسي صادفه...
الظبي وهي تصدر الجناح..بخطوات هادئه تبعد الستاره الفخمه عن الشباك..
وبهدوء\واي المنظر من هنا مره حلو...ياحلو الرياض..
ياسر ببحه\وش تبين...؟
الظبي بتريقه \الف مره قلت لك..ها البنت انت تبيها بس تكسير روس..بس انت الله يهديك
ماتبي تقتنع بشي واقعي ومفروغ منه..!ممممم فسر لي وجود ها البنت الي تو...
اظن مايحتاج اقول لك حرام ومايجوز..وخاف ربك...لئنو انت آكبر مني..وشهادتك
آعلى مني..وآظن انه بسنه من سنين دراستك الطويله جاكم ها الشي في درس..
تصدق بعد الي شفته...ماراح آزعجك بعد اليوم...انك تنفصل عن ملوك..لئن الكتاب
مبين من عنوانه....وهي بنفسها الي بتنفصل منك..من غير تعب ومن تفكير مني..!
عفس وجه ياسر..وهو يسحب البكت ...\الظبي ترى حتى نفسي مو طايقها..لآتجيني
تهذرين فوق راسي...آنا جاي اخذ أغراضي واطلع....بعد انتي لو سمحتي آطلعي
ترى وراي الف شغله وشغله غيرك...
الظبي استدارت له....
وجلست على كرسي قريب منه\لآ ارتاح ..الي جايه فيه غير هذا..
..
...
.
~~هـات ريـشة نـرسم اللوحـة [ وداع ] .. 
شخص مقفي ،، وشخص واقـف في ضيـاع ،، ~~
.
.
..
9 م
با احد افخم الابراج التسوقيه...
تشرب القهوه تبعها بئريحيه..معها الخال تبعها..ومايهمها من ما كان..واذا فيها تحرر شوي..هذا مايمنع انها انسانه عاديه.
-عنبر
انبته لها الخال بصوتها الناعم المرهف فز لها...
عنبر\سمي عمتي...
رهف تحرك السكر الي حطته بقهوتها بهدوء\جب لي كم مجله من تحت...
عنبر بتوتر\بس يا عمتي العمه الكبيره دقت علي كذا مره تسئل عنك..
رهف طالعته وعقدت حواجبها \طيب انزل هآآت الي قلت لك عنه!!!
عنبر بخوف\لكن عمتي..؟
اشارت له رهف بصابعها يروح..
وفعلاً راح بسرعه عنبر للمكان الي طلبت منه...
طالعت ساعتها ..
ناظرت في الي متواجدين حولها..ناس مو كثير..ماهم مثل عددهم لماجت....
ماتحب كثرة الناس حولها..حتى لو كانت ماهي محط انظارهم..تحس بخنقه وارتباك..تحس بشي يطبق على انفاسها...
لا لا...شي عادي...مافيني شي....اساساً انا مو محط انظار... الكل ملتهي بالي قدامه...
بس هاذاك يطالع فيني....ها....؟
يمكن صدفه نظراته وماهي مقصوده...!
طالعت جوالها..حصلت مكالمات من امها....
حطت اصابعها النحيفه على جبينها...
مازالت..تحس انها محط انظار الكل يطالعه اهي بذات...تكرها ها النظرات وها العيون..تكره
هاالتجماعات وها الناس المتحلقين مجموعات كانو او افراد..تكره ها الشعور الي يلازمها تكره...!!
شالت شنطتها وطلعت مرايه وعدلت طرحتها الملفوفه بحكام على راسها..تبي تبعد نفسها عن التفكير هذا الي ذبحها...
في واحد مقابلها ازعجها...
يبيها تفتح البلوتوث قمه في التخلف..ها المتخلفين..شدلهم ها الاماكن ..حدهم اماكنهم المعروفه..
مو يرفعون راسهم يطلون اماكن ماتوصلها انظارهم..!
في طاوله قريبه مره.......
يوسف بطفش\لو تئخرت شوي احسن..
عناد \آقول احمد ربك بعد...الحين راتبك وين يروح بالله..؟
يوسف ياخذ الفين ريال من يد عناد ويحطها بمحفظته\ببطني يعني وين يروح كله اقصاد
والا تحسب كلنا ابوه سطام الراسي..وجده عناد الي مورثهم شوي وشويات...
آبتسم عناد وبمسخره\رحمتك والله ترى ديونك انت وجهك كثرت وثاني مره اذكر
ربك لآروح لهلي الحين واحصل كل شي محترق عندهم ترى عيونك شرار...
يوسف\اجلس آضيفك قهوه..
عناد\لآ..والله..آعطيك فلوس وتضيفني بحلالي..آنقلع انت وسنونك هذي الي يبي لها
الف تقويم....بروح لهلي..تاركهم با المحل لحالهم..
يوسف بخبث\هين سالفة التقويم انت داق لي الصدر من كم يوم تقول تعال لي 
بمستشفى ابوي وعلى حسابي...
تجاهله عناد وهو يشير بيده...بمعنى مجنون ...
ابتسم يوسف يودعه...
في ها اللحظه وقفت رهف بطفش تبي تطلع من المكان خنقها..وخنقها اكثر..العيون
الي تطالعها..آو..كذا..يتهيئ لها.. ...
التفت بسرعه وضربت بقوه في كتف عناد..
عناد تلقائي بعد منها بهدوء واعتذر..حتى ماطالعها...
رهف برتباك تطالعه بصدمه...
مشى خطوتين واستوقفته يد ناعمه\لحظه!!!
التفت لها عناد بصدمه..
آرتبك من لمستها الغريبه ليده...
شها الجرئه في بنات اليومين ..؟
لآحياء...ولا دين...؟
رفع عيونه وانصدم..!!!!
رفع حواجبه بمتعاض مايبي يطالع وجها...وهو يصد...
آكثر شي يكره...الحجاب..آذا ماغطى الوجه..وستر فتنته...
ليه الكل..يتفرج على شي خاص ينكشف بس للناس مقربين..
كا الجوهره الثمينه...تنكشف فقط..لـ..لصحابها....و...مقدرين معدنها..الثمين..
تستفزه..العيون العابثه...تلتهم بمكر ...آلآوجه...المكشوفه....
رهف برتباك\لو سمحت ..طالعني !!
رفع عيونه عناد وبااحتقار وطالع وجها..
واول ماطاحت عيونه على عيونها سكت بهدوء ...تئملها...
بستغراب..!
بجذابيه غريبه..حركت خلاياه...تجبره على الابتعاد...وتربكه...
رهف ارتجفت شفايفها وهي تطالع معالم عناد بشموخ واقف مقابلها... ..
-عمتي جبت لك الي طلبتيه..
بعد عناد عيونه من ها البنت الي مقابلته واقفه وطالع الخال الواقف وراها ومعه كم مجله..
رهف ماسكه يده ولسا مابعدتها...
عنبر بصدمه\عمي احمد!!!
ناظره بصدمه عناد..شها الناس المهبل..البنت ماسكتني والخال هاذا شيقول بعد..
ماقدر يبعد يده عنها...
حس بمثل الماس الكهربائي...
آو..
جاذبيه غربيه...تركت يده خارجها...
ثقلت يده...
آو...
خرجت من آومر جسمه تعصيها بعوده اليه..
يوسف وقف بنص وبستغراب\فيه شي اختي..؟
رهف ماقدرت تنطق ولا بكلمه بس طاحت من عيونها دمعه اسرع من يتوقعها احد...
انصدم عناد ورجع لورى خطوتين... 
كانت كفيله ها الخطوتين انها تبعد يد رهف من يده..
يوسف منصدم من البنت..
عنبر ببحه\عمتي يشبه عمي احمد الله يرحمه..
عناد طالع الخال وكان بيتكلم لكن سكت لما شاف البنت غمضت عيونها وصدت بوجها للجه الثانيه..
وبهدوء مشت وتركته..
حس بثقل كبير بلسانه..وشلل تام اجتاح كلماته...
حس بنقبضات تسري في نبضات قلبه..تجعلها تنبض حين...
وحين آخر تتوقف عن النبض..
فتجعله بعالم الاموات...
تترنح هذا الروح بجسده...تخرج في لحظات..ومن ثم تعود..بغرابة ..
لحظات ..
يوسف\شي غريب!!
التفت ببطئ له عناد وطالعه بحيره..بس حرك شفايفه بهمس\ش الغريب..؟
يوسف وقف قدامه بضبط\البنت فيها شي غريب يئسرك!!لكن لحظه!!البنت تشبهـ..
قاطعه عناد بعنفوان\مافي غريب بنات ها اليومين صارو لارقيب ولاحسيب...قلة حيى وكثرة مساخه!!
ترك عناد يوسف وراح بسرعه يبي يبعد عن الجو الي خنقه بعد البنت فجئه..
با المقابل..
بسيارتها الفخمه..عيونها تدور في الفراغ ..تدور شوية هدوء وماتحصله.حزن اكتساها من جديد..هو احمد..وهي بتوه
عن اخوها..اخوها احمد بشحمه ولحمه..في احد مايعرف اخوه.....
وباالذات رهف و احمد والعلاقه الكبيره المبنيه على
الاخوه والحنان المتتفق من احمد..
ياناس احمد..لاحد يقول لي اتوهم ..انا مافيني شي..رهف مافيها
شي!!انا طبيعه..مثلكم ..بس روحي رحلة مع اخوي احمد..بس احمد مامات حي..انا شفته تو...ماتوه عنه بين اربعين واحد..
فتحة الباب بقوى وطلعت برى السياره قبل لاتتحرك صرخات عنبر لها ماسمعتها......
مشت بسرعه..مانتبهت لاشخاص القليل الواقفين..تبي تلحق عليه لايطلع ..هو احمد..ماتبيه يروح مرتين..
ماهي الالحظات ووقفت بنفس المكان تدور عيونها بكل الطاولات الي قدامها..تبي تلمح طيفه بين الوجوه..
لو هو حلم..او خيال..مو حقيقه ومو محال..عمر الحزن لفقدان الاخ ماكان نسيان..
خدودها الورد تبللت بدموعها الحاره..
انفاس رهف المتعثره..بكل اركان جسمها تستفزها تصرخ تناديه بين الوجوه الي حوليها..يلتهمون بشراها شكلها الانثوي
الصارخ..بفتنه جذابه..
تحركت شفايفها بقهر\وينك احمد..!
ثقيلة ( مزحة الدنيَآا .. ) !!
غثيثة /" مزحة الأيّآم ¨•
تقول [ إنطر ] علىَ بآبك
ترىَ الغآلي علىَ جيّه ..!
وأروُحْ لِـ بَآبي » بـِ خطوه ¨ تِسبق الأقدآم !!
بـِ شوق يحمِله قلبِي •.. وعين تحتضن ضَيّه .. !
رجِعت و [ خَآطِري ضَآيق ] أنَآا مآشفته يجي أعواآم? ..
تجين الحين يَآ » دنيَاا تصحّين الحِزن فيّه ¨!
كذبتي ليه ؟! يَآ أيآمي علىَ قلب /" مِسَى منظآم
وأصبَحْ بـِ الأمل •..
لأنّه !! صدّقك بـِ حِسن نيّه 
حركت يدينها بقهر على جبينهاالي تسللت له قطرات العرق الحاره..
سمعت صوت جوالها يغرق المكان بنغمتها الحزينه..
ناظرت الجوال شافت رقم ابوها .....ماترددت كثير وردت وهي تسحب نفسها من المكان
ايوا بابا..
ابو احمد\هلابابا ..اتصل علي عنبر انتي بخير بابا...
ابتسمت بحزن \بخير!!
ابو احمد بحزن\خلاص رهف روحي مع عنبر انا راح اكون با الفله بعد خمس دقايق...خلينا نجتمع سوى..
رهف بشبه ضحكه\آنت فآضي!!
ابو احمد\هههه آكيد..
رهف ابتسمت بحزن\اوكي يالله باي..
طلعت من المكان بسرعه وركبت السياره وطلعت ..
بسيارة عناد كان واقف ماقدر ينزل ولاقدر يمشي..البنت شلت له تفكيره..
شكلها مشبها علي احد تحبه..شكله حبيبها وتركها..
يمكن...بس البنت هزت جواتي شي مادري وشو بضبط..
طالع بحركه لااراديه المرايه الي قدامه لمح تقاسيم وجه..عقد حواجبه بستغراب 
حس برغبته الجامحه في الترجيع...
مآقدر...
نزل من السياره وترك الباب مفتوح ابتعد عنها مو كثير..
وبدى يرجع....
حس ضلوع صدره بتطلع من مكانها مع حالة الترجيع الي صابته فجئه..
وكتمه قويه جثمة على صدره بقوه...
آنتبه ليد...تمتد له وتحضن ذراعه ..
شهد بشبه بكاء\عنــاد وش فيك ..؟
عناد يشير لها تركب السياره ...
لكن شهد رفضت ومدة له قارورة مويه كانت معها...\آنا عارفه فيك شي من يوم
قلت لي اطلعي بسرعه...بنمشي...
آبعد الكاب من راسه واخذ القاروره وبدى سكبها على راسه ووجه...

.....
نقف هنا..,,,
..
همسة محبه..
تآبع الحديث السابق باالبارت الثامن...الفوائد..
المشي حافيا وأثره على الروح:

الجانب الروحي يسموا بالطاعات. 
والمشي حافيا هو طاعة لأمر رسلونا ومعلمنا (صلى الله عليه وسلم). وإن عملية تذكر الأجر - الذي أعده الله لمن أطاع أمره ابتغاء وجهه الله الكريم -
في الدنيا والآخرة أيضا يزيد من قوة الإيمان وإطمئنان القلب. 

وكما أن علم الإنعكاس محدود الإمكانيات - إذ لا يستطيع بواسطته إيقاف أي علاج بالأدوية أو الإمتناع عن إجراء أي عملية جراحية - فإنه يمكننا القول عن إمكانية محدودية المشي حافيا أيضا. و يمكن إعتبار المشي حافيا لبعض الوقت علاج مكمل، ووقائي، كما هو الحال في علم الإنعكاس. وهذا واضح في نصائح بعض أطباء الطب الحديث لبعض الحالات الطبية: كالفطريات في الأقدام، او ما يسمى بمرض قدم الرياضيين، أو دوالي الساقين أو القدم المفلطحة المؤلمة 
..
اللقاء يتجدد