بعض العيون حقدها في نظرها

٩

.. آرحب با المنظمات...
هلا وغلا با النصف الاخر..آسعدني تواجدك يا الغلا..
بيالة شاي..لي عوده يا الغاليه لردك المتميز...على الرغم من انها اطلالتك الاولى بينا..
...
نو ـبنت نايف ــف...
سلامة قلبكـ وروحكـ من التعب...وحشتينيـ.. بعدد حروف البارتات الي طافتكـ..وآكثر...
وربيـ.. يبعد كل كدر عنكـ وعن جميع المتابعاتـ ياربـ...
..
طيـــ آلاحباب ـف...
ربي يسعدك على دعواتك..لآخلا ولاعدمـ
..
صبراً يازمن...
شكراً لقلبكِ يآ بياض..
...
شبيـــ القمر ــهة...
سلآمتك..ياقمرنا..طهوراً ان شاء الله...=وتخفيف ذنوب^_^
...
لكل من أرسل على الخاص...لآخلاني الله منكم...شكراً من القلب..
...
متابعات التقيم اعذروني سميتكم كذا...
بس شرفونا بين صفحات الروايه يا الغالين...آنا مايهمني التقيم...آلمهم عندي تواجدكم
ومناقشتكم معي بين صفحات الروايه...لتعم الفائده...لأآخلاني الله منكم...ومن محبتكم..

...
آوسمتي^_^=فيس دايم يستانس اذا وصل ها النقطه..
لبيالة شاي...آول تواجد لك..بينا...وتميز جديد ينظم لمتميزات الغاليات على قلبي..
ذكرتي نقطه جداً مهمه...بس اذا ذكرتها ..فيها حرق لحدث مهم قادم...خليها متخبيه
بين سطور ردك المتميز..واذا طل الحدث...راح تعرفينه^_
فخوره جداً بنجمه لمعة في سماء بعض العيون...تكشف عن تميزها القادم..
.
آتمنى لكم قراءه ممتعه..مقدماً..
...
...
لآتلهيكم الروايه عن دخول وقت الصلاه..
...

.
.

..
..
..
ملوك تفتح الستاره الفاصله بين آلآسره بطوارئ....
ضوقت عيونها بآستغراب...
جالس على احد الأسره...بوضع معتدل...
هدوء..يفصل عقارب الساعه..بحضوره..وكئن الهدوء..سحابة تتبعه..
آو..
انخلق الهدوء كا..تؤم..او تابعاً..له...
يستحوذ على المكان..بعطره...فيجبر المكان على استنشاق ذاك العطر...
الخليط من الهدوء والصخب..
ملوك بستغراب\مآشوف فيك شي....!
آدار..وجه..آنشين فقط..ورفع نظره لجهتها...آبتسم..\الآطباء هنا ماهم مسلمين..؟
ملوك بهدوء وهي فاهمه المقصد..وهو عدمـ القائها السلام..\لآ الآغلبيه مسلمه ولله الحمد...ممكن تجاوب على سؤالي...ليش مشرفنا..؟
وليه حضرت جنابك..طالبني بآ الأسم..عرفنا ان المستشفى ..مستشفى الوالد..لكن
هذا مايعطيك الحق ابداً..وآساساً لو عارفه ان الي طالبني آنت..صدقني..ماكنت عنيت
نفسي بنزول لك..
عناد تقلصت عضلآت وجه...لكن آظهر بحديثه الهدوء\آولآ..قصدك الارتفاع لي..!
لئني ماحب كلمة نزول..ترتبط فيني...لو غيرتي المصطلح لـ كان مارحت لك...كان افضل..
وثانياً..تفكيرك تفكير بزر..وش مستشفى ابوك..ومستشفى ابوي...بروضه انتي يا دكتوره
..ختم جملته بصوت ضحكه هادئه مستفزه...
مآتستفزها...ها النوعيه..ماتحبهم..وتعرف كيف تعامل معهم..بصرامه..\ليش طلبتني..؟
عناد متجاهل نبرتها الحادهـ\كفي صايبتها رعشه.. ومادري أيش فيها بضبط من بعد الحادث..خياطك الثاني الزفت
يمكنه هبب له بعرق...والا قطع له شي... وانتي خيطتي وماشفتي الوضع..!لما آنقذتك..؟
تذكرين...؟
والا بعد ذاكرتك نست..مثل لسانكـ..؟
آنزلت عيونها..لعيونه...وبتهكم..\ترى شكرناك وقتها..!وماظن تبينا نشكرك على
الطالعه والداخله...
آبتسم..\..مو..جاي..آذكرك..على فكره..آنا جاي...تشوفين يدي وش فيها بضبط..؟
آدارت عيونها لطاوله الصغيره..سحبت لها قفازت ولبستها بعصبيه...تحكمت فيها..لكن
خانتها وظهرت...
قربت منه....وبهدوء\آشوف..يدك..لو سمحت...؟
هدوئه المربك.. مد كفه ...
ماهي الا لحضات...
ملوك \الجرح...زال تماماً...بس مدام فيه رجفه وتشكتي انت من مكان الاصابه..
آتوقع الاشعه...تكشف اكثر...آعطيك موعد...وراح احولك..على الدكتور علي 
قآطعها عناد وهو يسحب كفه...\لآ...مافي تحويل...حضرت جنابك الي بتعالجيني لو فيها شي..!!
ملوك رفعت عيونها بصدمه\نعمـ...آذا آنت بتجلس..تتئمر...شي ثاني..؟
وقف عناد وصار مقابلها تماماً..لكن تفصل بينهم الكثير من الخطوات..\آيه نسيتي
انه مستشفى ابوي...!!
أنتبهت لنبرة التهكم ذاتها..\مآتوقع فيك شي.. يمكن حاله نفسيه..لئن الي مثلك
آتوقع التخصصات الي هم فيها ماهم قدها..؟
آبتسم\ياشيخه..يمكن ليش لآ...عندك اكبر مثال حضرتك.. مخيطه الجرح والظاهر فيه خطئ طبي..
صدقيني ساعتها ماراح آرحمك..
بهدوء\تئكد..مآفي اي خطئ من ناحيتي..والحين..تفضل معي لقسم الاشعه...بس عشان تتئكد..
ان فيه ناس ماهم بمراكزهم الصحيحه...
آدار وجه عنها...ومشى بخطوات واثقه وطلع من قسم الطوارئ..
.
.
~~هـات ريـشة نـرسم اللوحـة [ وداع ] .. 
شخص مقفي ،، وشخص واقـف في ضيـاع ،، ~~
.
.
الساعه 4 فجراً...
طوت سجادتها...من ثم اتجهت للكنبه....رمت نفسها ..ودخلت في نوبة بكاء موجع..
كم..يؤلمها روئيته بعد تلك السنين...
وكم يصل الوجع الى حد نخاع الم..
آعتقدت في يوم انها لن تراه ابداً...
حتى وان كان هذا الاعتقاد..ينحر روحها على عتبات الفراق...
لكنه..كان..آرحمـ..بكثير..من الصوره التي رئته...
كيف لتلك السنين ان تزيده من الوسامه الموجعه..وترويه من الجمال اليوسفي
بهذا العطاء الحاتمي...
كيف لهذه الوسامه المجبوله برجوله قاتله..آن تضع..قلبها الصغير..
بماء ساخن..جعل هذا القلب...يحتضر...
بين آيديها..ولآ تستطيع لهُ شي...
آدخلت يدها بين آزرة قميصها..لعل.. هذا القلب.. يتوقف ...عن نبضاتها الموجعه..
تجبره ..على.. الركون.. للصمت.. كما كان..
كيف لها ان تلملم نفسها الان..وهي عجزت كل هذه السنوات التي مرت
ان تجمعها ...
فهي مبعثره..كما..عهدتها...وكمآ..لم..تجمعها..ولآ...تُكلف..نفسها عناء جمعها من بعده...
بتآل..كان آنفاس الفجر الاولى...التي عرفت فيها الحب...
ولحظة آنبثاق..لذته...
وآيضاً...
وجعها....
تركها وحيده..في ذاك الدرب..تجر آستفهمات..عجز قلبها الصغير
آستيعابها...وتململ من آنقطاع الاجابه...
-خالتي..!
آدارت وجها بخوف...لتلتقي بعيون ياسر..,,,
تلك العيون التي تخافها...وتجد فيها الامان في ذات الوقت..
رفع يدها...وطبع عليها قبله استمرت لثواني..فقط...\تكفين خلآص وقفي دموع...
سحبت جسمها وجلست بضعف..مسحت دموعها بصابعها..\وين مناف..وش سويت فيه..
ياسر..\مناف مسافر...وهذا الي انا وانتي بنقوله...
آتسعت عيون فلك بخوف\وش سويت فيه..!ذبحتها..
ياسر ببحه \مو يستاهل الذبح..!
فلك تضرب كتفه وبصراخ\ذبحت ولد خالك.؟؟؟
ياسر بعصبيه يوقف\مو يستاهل الموت...آجل لو احد دخل عليك وسوى فيك شي وش 
ردة فعلك علميني..
فلك توقف وبصياح\ذبحته..! ذبحته...ياويلك من ربك ...
تراجع ياسر للخلف ومن غير مباله..\والله العظيم...اني فالك المسدس بحطه براسه..
لكن عمي ..سحبه مني...!
وآذا ماتعالج قسم بالله ان انحره..بيدي..
فلك طاحت على ركبها ...ماقدرت ..توقف...
آنصدم ياسر من وقوع خالته الموجع آمامه.....رفعها لكنبه....وببحه \شكل ضغطك انخفض..
فلك ببحه تبعده عنها \فآرق وجهي..فآرقه...مآبي آشوفك...
ياسر متجاهلها...سحب له خداديه وحطها ورى ظهر فلك..
ياسر بهدوء\طيب..آنتي الحين اسكتي بروح اجيب لك شي يعدل لك الضغط...
...
.
~~هـات ريـشة نـرسم اللوحـة [ وداع ] .. 
شخص مقفي ،، وشخص واقـف في ضيـاع ،، ~~
.
.
6 الصباح..
ملوك تسكر الباب الصغير بهدوء...التفتت لصوت الضحكات...
آبتسمت...\مروان هنا..!
آبتسم مراون لملوك..\آيه ..آمي نزلتني وراحت تجيب البيبي...آنتي دكتورا ليه 
ماساعدتيها تجيب البيبي..
ملوك آتسعت ابتسامتها وهي تشوف مروان..ببشرته السمراء يلعب لعبه قديمه حيل..
آبعدت الطرحه عن عنقها الناعمـ\من الي سمح لك تخرب ارضية سورنا..ها..؟
مروان يحرك تيشيرته البالي\تعالي العبي معي لما اخلص امسحها..
ملوك بضحكه\مين الي صاحي جوى...؟
مروان من غير اهتمام وتركيزه با اللعبه \خالتي فلك..وعمو ياسر....
ملوك...\طيب عدل ها المربعات الي انت راسمها....
آعطآها مروان الحجره الي كانت بيده ...وراح يرسم المربعات بشكل شبه متساوي...
ملوك ترمي الحجر..على المربع الاول...
نزلة الشنطه وعبايتها..و..الاغراض الي كانت بيدها...
ملوك بآبتسامه\شوف اذا فزت بتسمون بنتكم علي...
مروان يقف متخصر..\لآ...آمي قالت بنسميها حصه...
ملوك بتريقه\آحسن خل اسمي لي..من زينكم واختكم..
رفعت التنوره وبدت..تلعب مع مروان...
با الجه الثانيه..بخطواته المبتسمه..على المنظر ..
مرر عيونه بحب على تفاصيلها الناعمه الجميله..
مروراً برفع تنورتها...وساقها المورد...والخلاخل الملون يزينه...
وارتفاع خصلات شعرها مع آبتسامتها...وصوت آنفاسها ...
نزولآ بيدها الرقيقه على صدرها من تلاحق انفاسها..
ياسر آبعد عيونه عنها بصعوبه....ميل نفسه بسترخاء على الباب ..وتئمل رسمات مربعات
اللعبه...تلك اللعبه..القديمه..
التي تحمل ذكريات جميله...
الذكريات...تؤلمه...وتشوش حاضره..
تمنى مراراً وتكراراً..
ان ينعم الله عليه في يوماً من الايام بفقدان الذاكره..!
قد يرتاح حينها..ويعيش بسلام...
لن ينسى الم التي سببها جده..لوالدته....
تلك الدموع التي كانت تحفر طريقها الدائم على وجه تلك العجوز..
حتى بئقسى آيام مرضها...
بجبروته...يريد من والده ان يتركها....
آذانه مازالت تحتفظ برنين تلك الكلمات الموجعه...
وهي تحتضنه من وراء الباب..
وقلبها يعتصر الم ووجع....
وعيونها لم تبخل عليها يوماً بغيوماً وسحب من دموع..
كتب الله لها ان تلازمها لآخر آيام حياتها...وعلى فراش مرضها..من ثم رحيلها
المر والمؤلم عني....
تلك الذكريات ..يراها آمامه.... كاعجوزاً تضرب با المندل...!
فآترتفع تلك الاحجار...وتنزل بخفه..على ذاك القماش...
ومن ثم تجمع الاكاذيب...لوصف مستقبلاً كاذب..بالغة في حبكته...حتى يخرج بصوره منطقيه
قريبه لتصديق...
وهو آوهن من بيتاً...نسجته العنكبوت...
آغمض عينيه..
وآستنشق بين جدران هذا البيت القديم..وهذا السور الصغير..
رائحتها...
المليئه با الدموع...
من ثم فتح عينيه.. لتحمل بين طياتها نظرات حقد..وانّ آخفاها...
التقت نظرته.. و..وقعت..
...على المربع الذي التقى بساقها المعانق
بصخب بياض الثلج..آبتسم بـ ضيق..و..
آستدار للخلف...لكن آنتبه على صوت ملوك...
\آسر...صباحو...بالله تعال نلعب مع بعض..شي والله ها العبه من زمان عنها...
التفت من جديد لها...
آنتبه لهآ وهي ترفع شعرها بربطه ورديه ...وخدودها المتورده بسرعه عجيبه..
ياسر ببحه\يآآآلله lمن الي يلعبون ها اللعبه...آدخلي بس انتي وها البومه الي معك..
آنكمش وجه مروان بزعل..
ملوك تجاهلت ياسر ...آبتسمت لمروان ..\يمزح معك هو بس يغار..علشان آول بس هو الي العب معه...
شفت وشلون هو بزر...؟
ختمت جملتها بغمزه لمروان الي آبتسم..
مشت بخطوات متقاربه ..لتقترب منه...
ملوك بصوت واطي آقرب للهمس\حرام عليك ليه كذا على الولد..ترى ماهو متعود عليك..؟
ياسر من دون مباله\آمه هذي دجاجه.. كل شوي جايبه لنا بزر ..ومنزله بومتها هذا عندنا..
وموزعه الباقين على الجيران..!
ملوك..\لآاله الا الله لآتصيب الحرمه بعيونك..وش فيك الجار للجار...تعال ..والله ان تلعب
معه عشان ثاني مره ماتقول بومه..واللهـ...واللهـ...خلآص حلفت..
ياسر عقد حواجبه\وشو..! هذا الناقص.. العب..!
ليت بس جدي يسمع ها الحكي...آنا العب ..؟
السهر مئثر عليك...روحي نامي قبل تقولين بعد ركب لي مرجيحه با السور..
آبتسمت\تتريق..! صدق عاد..!كبرنا..؟
ياسر يشير بصابعه على شعيرات بيضاء على شعره..\..آكبر دليل..
سحبته من يده وآخذت الكوفي من يده الثانيه...\ماعندي آدله تعال بس ...
في ها الوقت..
مسحت دموعها فلك وهي تسكر الستاره المطله على ملوك وياسر....
تظاهرة بتماسك...من آجلها فقط...
فآملوك..لآتستحق ..الا.. الأبتسامه...
.....
.
~~هـات ريـشة نـرسم اللوحـة [ وداع ] .. 
شخص مقفي ،، وشخص واقـف في ضيـاع ،، ~~
.
.
جده..
فتح الشباك...وناظرها مبتسم...
ريان بهمس\ضيو السهر مو يضر الحامل هذا نحن با الصباح وانتي مانمتي...
ابتسمت \لأمو ذاك الزود عاد...
مشى بخطوات خفيفه ونزل بهدوء على السرير والقى راسه بحضنها..\ههههه ولدي
بصير خواله ايرانين..!
ضي بهمس\مبسوط بها الشي...
ريان..\ليش مو مسلمين...آحسن من الي ياخذون بنات كفار..وبعدين انتي ياروحي
انولدتي وابوك انولد وامك على ها الارض..يعني حتى الجنسيه خذتوها..
ضي \قصدك حتى لقب العائله خذناه ..
ريان يحرك غرتها\ههههه الشيرازي...طيب وش فيه...
ضي بعبوس\آنتم هنا آهم شي عندك القبليه..حنى لأقبليه ولأحتى عرب...آصولنا غير
آصولكم...حنى بنظركم مالنا آي اصل...
ريان عفس وجه من نفس السيره تنفتح\تدرين ماعندك سالفه...وماتعرفين حتى وش معنى
قبليه.. ,انتي لو عندك خلفيه
في التاريخ كان عرفتي ان الايرانين او بمسماهم القديم الفرس..كانو يترفعون عنا...
بمعنى نحنى بنظرهم مجرد بدو..بجمالهم....
مالنا اي قيمه حتى ماكانو معترفين فينا...وكانو يحكمونا...
يعني يآضيو...لآتشوفين
نفسك علي بعد ها الحكي..!
ختم حديثه بضحكه...
آبتسمت بحب له...ومرواغته الجميله لها دائماً..\طيب بنقعد كم يوم بجده...
ريان بخبث\ممم ممكن آسبوع او اقل...مدري...على حسب..المزاج...
.....
.
~~هـات ريـشة نـرسم اللوحـة [ وداع ] .. 
شخص مقفي ،، وشخص واقـف في ضيـاع ،، ~~
.
.
9 صباحاً..
بصاله الواسعه بدور الارضي..
الظبي بابتسامه حانيه...وهي تلعب الظبي الصغيره بحضانها...\وزين عميمه وزينها..
وزين الاسم والي شايله والي مسمى عليه...
مناير بحس فكاهي..\والله يا الظبي ماعمري جلست معك الا انتي مادحتنا عمرتس..من قريب
او من بعيد...الحين الخلق يجيهم في بعض الاحيان كره لعمارهم واشكالهم
وانتي عيني عليتس بارده...مانتي بمحطمتن عمرتس ابد...
الظبي ماكلفت على نفسها حتى الالتفاته لجهت مناير\وليه..آحطم نفسي..!زين 
والزين حظه دايم زين...ليه..آتشائم والله معطيني من الزين والحلا...وحارم غيري ها النعمه..
مناير \ايهـ اجل الوكاد مالنا عقبتس مدخال...
آبتسمت الظبي بتهكم..
مناهل \ظبي..الحين انتي بئي شهر...مآشاء الله احس بطنك ماهو كبير...
الظبي بابتسامه\من يومين دخلت الخامس...
مناير \ايه..الله يثبته لتس..والله ان طارق رجلتس اكيد انه متشفق على ضنى يضمه..
الظبي عفست وجها ونزلت الظبي الصغيره على العربه الصغيره...
سحبت الجريده متجاهلتهم...واستغرقت في قراءة الصفحه الاولى...
مناهل تسئل بهتمام\وش ها الي معك يامنير...؟
مناير وهي تحرك الكوب الحليب الي بيدها\حوايج با الحليب مآخذتها من آمي عسى يومي
يسبقها..
مناهل باآبتسامه\آمين يارب..غير وش الفايده...
مناير بحماس ..\تبيض...وتسمن..وترب رب الخدود..ومير تحطك عرض الباب..جسم..وشكل..
مناهل\اجل مابيها....زنودي ماهي ناقصه عرض..لكن انتي بعد..والله انك سمينه ليه تبين
اكثر..
مناير\ويلي عنتس يالرفلا..!حلاة الحرمه..عريضة ..مرربه ..ماهي عظام..و عيدان..!
جسمس تسذا زين..لكن يبلتس كم كيلو بعد..
مناهل بتشكيك\وزني 83 يعني تهقين لو آسمن بعد كم كيلو يجي في وجهي العافيه
مناير\ايه ايه..آجل كيف..ياحبيبتي الرياجيل يحبون كذا...الهمام ..!الهمام...!
آستدارت عيون الظبي بصدمه لجهت مناير....
آنتبهت مناير لنظرة الظبي المصدومه..نزلة الكوب برتباك من نظرتها الغريبه..
مناير برتباك\وانا صادقه..الرياجيل يحبون السمينات..وش فيتس..؟
الظبي ترمي الجريده وبعصبيه..\الهمام الهمام..!انتي يامنير الي مكلمتني البارح..؟
مناير بخوف وارتباك..سكتت وماقدرت تتكلم..لو بحرف اكتفت فقط بشهقه..
مناهل عيونها تدور في الفراغ...وهي منصدمه في حدة ذكاء الظبي..
كلمه وحده بس..كلمه وحده...من غير تعب منها...كشفتهم..بآول قعده معهم..!
الظبي تعيد السؤال بعصبيه\انتي يامناير...انتي...لا تقولين لي انه مو صحيح..؟
مناير انهارت وهي تتكلم برجفه\حبينآ نمزح عليتس ونخفف دمنا شوي..واتاريس خذيتي
خبالنا جد..اساساً كنا بنخبرك الحين..صح يامناهل صح والا لا..
مناهل برتباك ووجها تحول للون ثاني تمام تراقصت فيه الالوان الطيف...\ايه ..بلهـ ..صدق..؟
الظبي واصله لدرجة الف في العصبيه\آنتم وش مصلحتكم اني اطلع من ها البيت ماتكلمون..!
على صراخ الظبي..كان مقرن متوسط الصاله وبصوته الخشن\وش فيكم..وش ها الصوت
وها الصجه..
الظبي بصراخ ومن دون ان تلتفت على ابوها\تعال شوف..تعال..لآيطوفك الخطط
والتدبير...هذولا الثنتين حول خطة تصفية الرجال الي مشغلك لهم وشوف وتفرج 
وش بيسون فيه...!
مقرن بحده..وهو يشير بعكازه\وش العلم..!وش فيكم...ماتحكون..؟
الظبي \يبه..داقين علي البارح من رقم غريب..ومتبلين طارق رجلي..يقولون الحقي
عليه مع نسوان ويلعب بذيله...يبوني اظهر من البيت او يبون يهدمون بيتي...آلصوت
مسجلته بتلفوني...وهذي هي حكت لها كلمه قالتها لي البارحه...وكشفت نفسها بنفسها..
مناير وهي تبكي\لآ ياعمي ماهوب بقصدنا..حنى بس كنا نبي نمزح معها..وهي تحسبنا
نبيها في شر..يا الظبي ماهو بقصدنا..تراتس غاليتنا على قلوبنا...ومناهل تشهد..
مناهل وعيونها ممتلئه با الدموع\والله ياعمي ان حبها من حب مناير...وربي يشهد..^_^
مقرن بعصبيه وصراخ\انتم ..؟آنتم..؟آنتم..؟آنا ناقصكم بعد..!لكن رجالكم اذا جاء يسنعكم..!الله ياخذكم كلكم في يوم واحد..!
آستدار مقرن لمكتبه ولحقته الظبي...
مناير تجلس على الكنبه وهي تبكي بمراره\عساها الرماتيزم الي يعشش بعظامها 
و البلا الي يثقل لسانها...وجع ماهو بمخ الي عندها...
عساه ينفجر..
عسى ربي يشغلها..من عنده..ان كانها..مبتلية المسلمين..وناشبة في حلوقهم...
سلبه ..سلبه ..ٍسلبه..ماهي ادميه...!
الناس الي مثلها مايقومون من السرير..وهذي ماغير تنوقز كئنها سلوقي..
مناهل وهي مناهره تماماً\الحين من يفكنا من بتال...خلينا نجهز قشنا احسن ...والله
ماعاد نقعد عنده ليل..وهي كشفتنا ..ان يدق بتال على اهلنا يجون يشلونا جنازه...
مناير مستمره في دعواتها لكن هذه المره برفعة يدين وتوجه للقبله\يالله ياكريم
تجعل بتال حضاً ونصيباً انا وها العله منيهل مايعرف غيرنا
ومانعرف غيره.....ماتفرقنا يا كريم ولاتولي علينا ظالم
ولاتعطي ها الظبي رقابنا..يالله ياكريم مانبي الا الستر والوفق...آمنعنا منها
عاجل غير آجل...يآرب الناس يدعون ها الوقت با المطر والخير ..وانا آنتشبت فيها
مآغير آدعيك انها تفارقني...يالله لاتكسر خاطري...ولاتشمت عدواتي فيني
ترى فيهم شر..وبيفرحون علي اذا جيت بيت اهلي مطلقه...يارب مرة اخوي
الجازي بعد فيها شر..آنكب عفشها مع الظبي ياكريم...!
مناهل ناظرتها بنصف عين ومن ثم قآمت....
مناير تمسح وجها بعد الدعاء الحار والمتعب لها...ومن ثم قآمت بسرعه لجناحها..
......
.
~~هـات ريـشة نـرسم اللوحـة [ وداع ] .. 
شخص مقفي ،، وشخص واقـف في ضيـاع ،، ~~
.
.
بفلة الراسي...
على الفطور...
طبع قبله على راس آمه...
وجلس على الكرسي القريب منها....
آم جسار بحنان..\بو رعد وينك ها اليومين..ماشوفك..؟
عناد يدهن التوسن بزبده...\يمه آشغالي تصادف طلعاتك..حقك علي..
سحب يدها وباسها....
آبتسمت ام جسار...\الله يرضي لي عليك..ولايحرمني منك..
شهد تسحب كاس العصير من جسار..\كاتباً الكبير ماراح اخليك تفطر فطورك الصحي
المعتاد قبل ماتوعدني..الحين ..الحين...؟
آبتسم جسار على شهد وحركاتها \مخططه على ايش...انا ماحب آقدم وعود من غير
ماعرف ..يعني ماحب اوقع على ورقه بيضا فاضيه..
شهد برفعة حواجب\أفصل الجريده عن البيت..أنت هنا.. بمملكة شهد..مافيك تآمر..وتحط قرارة
دامك مقابل وجهي...آنسى تاخذ حريتك المطلقه...
جسار\وعد ماراح آوعد...آذا ها الشي مقدور عليه..آبشري...
شربت العصير ...\آبيك تسفرنا..ملينا طفشنا...وقسم لو ان الجدران بتكلم كان سمعت
صوت صياحها..تقول فارقوني...ونسني..ونس بناتك....ونس الضعيفه سيوف الي جاتني
البارحه تبكي وتشق هدومها من الضيقه...!
ضحك جسار من آسلوب شهد الساخر\آجل سيوف..اي وقت جاتك..وقعدت تبكي..!
البارح ..؟
شهد بخبث\آيه البارح...خلها تكذبني اذا كنت آكذب..
قرص خدودها جسار\انا الي بكذبك..البارح سيوف نايمه عند آمها...كانت تعبانها...
شهد \لآتصرف..خلآص انت وعدتني..بقوم آخبر كل من يعز علي...اني بروح اتونس
لو في ربوع الوطن الغالي...عادي..آهم شي آفارق جدارن ها البيت...وافارق الرياض..
مع انه والله غالي على قلبي...لكن الحر سلخ جلودنا....يآكآفي تقول آن حنى من افريقيا..
جسار ميل فمه\خلآص صرت واعدك...!!يآكبرها...؟مافيه.. مآقدر....جدولي جداً مشغول..خليها بعد شهرين...وآطلعك برى المملكه...في آلاجازه..
شربت شهد بقايا العصير ونزلته بعصبيه على الطاوله\الحين ريان الدب بجده مونس
عمره..وآنا هنا...ياربي تصبرني بس...يمه..الحين ليه ماتقنعين ابوي نسافر...قسم
بالله شي مو طبيعي ها الحر..لو آسبوع عادي..
آم جسار\شهود ياقلبي...خليها بعد الاجازه..الحين كيف نسافر..عندك جامعه...
قطعت التوست وحطته بصحنها..\الجامعه ملحوق عليها عندي رصيد غياب...آقدر
آغيب اسبوع...بس آنتم تصرفون...وانا الي بخيس هنا با الحر..
عناد مستغرق في الفطور ومستمتع بنرفزة شهد....
ببحه\عدال يالي متعوده على ثلوج فرنسا..!
شهد بآبتسامه خبيثه\أنت بعد اصبر جايك الدور...بتوديني أشتري لي فستان..
آطلق عناد ضحكه ساخره...\آحلفي..عاد..!
آم جسار بهمس التقطتها اذان عنآد\تكفى ياقلبي لاتكسرها..ترى مو من كثر تطلبك..آذا ماعندك شي ودها..
عناد يشرب العصير \من ماقال ماعندي..جدتي بمشيها بعدها بنام..ذابحني النوم..وبعدين
ترى آخر همي بنتك هذي ...
شهد كانت في ها الوقت مستغرقه باالحديث مع جسار....
في موضوع مهم..
عناد..قطب حواجبه..\يمه..طيب..لآتقعدين الله يهديك تزنين تعرفيني ماحب الزن...
ام جسار\تكفى عنادي الله يخليك خل ريقك حلو مع اختك لآتقعد تجرحها على الطالعه
والنازله مايحتاج ..مالها غيركم..وبعدين هي بزر..وانتم الكبار الفاهمين بكره اذا تزوجة
وعقلت آشره عليها وقتها..
عناد بهمس..\الله واكبر..هذي لو تزوجينها..بتنهبل..متصربعه على العرس...آعوذ بالله..
آبتسمت آمه بحنان\عقبال مايزين نصيبك مع وحده بخفة دم شهودي وهبالها على قولتك......
عناد بضحكه\يآكافي..
آستدارت نظرات عناد لنقاش شهد وجسار....
شهد تشير بصابعها بحماس\يآويلي ياجسوري...لو تشوفه يوم ذبح البطل..والبطله..
قسم بالله قطع قلبي يومين من البكئ..صدق يهودي ولد يهودي..حرام على ها المخرج
كل الممثلين ذبحهم...ماخلى احد...ماتركنا نبسط با الحب والرومانسيه بين آيتان وكيفوك
جسار باابتسامه حانيه\شهودي مو كذا المتابعه...فكرة العمل تدور على قصة 
وهي ان اليهود يخطفون اطفال الفلسطينين ويقومون بتربيتهم تربيه (يهوديه) ويحطونهم
في مواجه مع اهلهم طبعاً يكون الطفل في وقتها شاب..ومتشبع بآفكار آجراميه
عن الشعب الفلسطيني...ويقوم بقتلهم وتعذيبهم وهو مايدري انهم أهله..ووطنه..وآرضه..
هذي الفكره المبسطه للمسلسل ...بس آنتي خذتيها من ناحية ثانيه يا الغاليه...
المسلسل مايندرج تحت أيطار الرومنسيه لآ يندرج تحت مسمى تاريخي درامي..
شهد تاكل حبة الزيتون..\جسوري بالله يعني مخليني اقولك قصة المسلسل من الاول
واخر شي انت متابعه...مو حرام عليك تعب شهد قلبك...
جسار يسحب آذنها بخفه\شهد قلبي ماتدري اني آحب آتابع اي شي يخص فلسطين...
وش طبيعي ان ها المسلسل آتابعه...وخاصة ان حلقاته كانت قصيره وسمح لي
وقتي آتابعها...وسوينا تغطيه عنه بجريدتنا...
عناد يرمي كلمه مستفزه لشهد\ياملحكم انتم ومسلسلكم لايكون بس وضحى وبن عجلان..!!
شهد تكشر بوجه \لا ياجدي المسلسلات الي تابعه ماحد يتابعه الحين؟...هذا مسلسل تركي..!
عناد يرمي في فمه قطعة الفراوله المزينه با الكاس الي كان يشرب منه\آيه آيه..صرخة حجر...!!!
طلعت عيون شهد بصدمه\جدي..!تعرف تابع مسلسلات جديده...!
عناد بتهكم\ام جدي...تحسبين الناس مثلك..يتابعون اي شي...في ناس مايتابعون الا الشي المفيد....تجهزي الليل امر آخذك...وسوق واحد بس...
آبتسمت شهد..\لأتئخر بس...!!
طالعها بنص عين وقام من السفره...
.
~~هـات ريـشة نـرسم اللوحـة [ وداع ] .. 
شخص مقفي ،، وشخص واقـف في ضيـاع ،، ~~
.
.