زواج بالقوه

الفصل السادس

انصدمت رنا بشده لوجود جلال خلفها و منذ متى يقف هكذا وهل سمع الحوار بينى وبين حاتم ...

جلال...مكنتش اعرف انك خاينه...

رنا...انا مش...

قطع كلامها جلال الغاضب ....انتى متستهليش اخويا باى تمن انتى واحده حقيره ولما انتى دايبه فى الحب مع البيه بتاعك ده ليه وافقتى تتجوزى اخويا ادهم...

رنا..اظن انك متعرفش حاجه فياريت متحكمش من بعيد من غير ما تعرف تفاصيل ومسمحش ليك انك تقل منى و تتهمنى باى حاجه...

اقترب جلال منها وامسك ذراعها بقوه شديدة وتحدث بغضب وصوت عالى ...

جلال...انتى فاكره ان محدش هيتكشف خيانتك بس واضح انك غلطانه بس احب اقولك انى ماليش غير ادهم ويوم ما حد يفكر يجرحه هيكون اخر يوم فى عمره انتى فاهمه...

رنا...على اساس ان اخوك ضعيف انا مبكرهش حد في حياتى الا اخوك ده ...

جلال وهو يضغط على يدها اكثر حتى ان رنا شعرت انها تكاد تكسر فى يده...

جلال....حظك وحش اوى انك وقعتى تحت ايدى واوعدك ان لو فى يوم حسيت ان ادهم حزين بسببك صدقينى هيكون اخر يوم في عمرك ...

وترك ذراعها واختفى بسرعه من امامها وقفت رنا قليلا مكانها تستجمع نفسها وتفكر هل يقول جلال الى ادهم ماحدث منذ قليل وماذا سيكون رد فعله دخلت رنا الى الداخل وجدت ادهم سعيد مع اصدقائه وتعلقت عيونها بجلال للحظة وجدت بها احتقار وغضب ونظره تحذير منه توجهت الى مكانها وحاولت بقدر الامكان عدم النظر باتجاه جلال نهائيا انتهى الفرح وذهبت رنا برفقه ادهم الى المنزل وحدث بينهما المشاجره وهربت نعم هربت وها هى الان فى المشفى تتالم مما حدث معها و احد يعلم ما حدث لها و بد ان أدهم غاضب للغايه من هروبها رجعت رنا الى الواقع وجدت باب الغرفه يفتح وتدخل ممرضه لها...

الممرضه..اخيرا صحيتى حمد بالسلامة. .

رنا... الله يسلمك. ..انا هنا من امتى ...

الممرضه..بقالك 3 ايام بس الحمد بقيتى احسن من الاول...

الممرضة. ..الشخص اللى جابك موجود بره ادخله...

رنا...اه لو سمحتى ....

دخل اليها شاب فى منتصف العشرينات. ...

هو...انا اسف جدا للحادث بس و انتى اللى طلعتى قصادى فجاءه..

رنا..اسفه وعارفه انى غلطانه ومتشكره لمساعدتك.