فتحت نور جوالي لقيتها عبير ونفسها قايم قلت ليها ما ليك يا بت خلعتيني 😂😂قالت لي عامر اخوي داير يدقني عشان ابيت اكوي ليه قميصو 😢قلت ليها ورح معاي واللقدر يمد يدو عليك 😡مشينا تحت والكهرباء جات لقانا قال ليها تعالي هنا يا حيوانه الليله بقتلك 😠قال ليك تقيتل اختك الوحيده الياداب ماشه سابع يخسي عليك 😢😢😢قلت ليه جيبو انا بكوي ليك 😒قال لي لا خلاص بكوي براي 😞نادتني بت عمي عادل اسمها تبيان قدري بتقرا صيدله 😍ومعاها بت عمي فيصل اسمها إسلام خريكة ادارة اعمال 😍مشيت ليهم في المطبخ ومعاي عبير بقينا نسوي في اكل لينا بعد جطنا المطبخ وسطناه رتبناه ولمن دايرين ناكل جونا علي اخو إسلام في سابع وعثمان اخو تبيان في تانيه ثانوي قالو دايرين ياكلو معانا ابينا نديهم اكلنا برانا 😌بس ادينا نسوان اعمامي معانا.
يوم السبت مشينا ناس عمتي لانو كان شيلة بتها والعرس بعد 3 أسابيع, بيتهم مافي مقارنه بينو وبين بيوت المنشيه ولا الرياض ساكنين في حي راقي غايتو لاقتني بيوت حلوه شديد في المدينة في أحياء راقيه وكده المهم ناس العريس وصلو جابو حاجاتهم وانا طوالي طلعت منهم الساعه8 لانو الساعه9 لو جات ما بدخلوني الداخليه عمي عادل وصلني ورجع بناتي قالو لي الغرفه من دونك ما حلوه 😢قلت ليهم عارفه 😌😂حكيت ليهم وتاني مشينا نمنا لانو بكره عندنا جامعه 😢💔..
صحينا الصباح جهزنا المحاضره الأولى إتلغت قاعدين في بنش كده لجين شهقت 😨وااااااي أنا اموت ولا أنقلب عنكبوت زحو لي ادردق 😭😭😭😢قلت ليها يا بت مالك 😱قالت لي عاينو الولد داااااك قبلنا براءه قالت واااااي لكن ما كنت قايله في السودان في أولاد حلوين زي ديل وخصوصا القضارف 😍😍😍قلت ليها مالو مافي والله في امك ما بتلد زيهم 😒😒😒زينه قالت واو يا ربي شو هايدا ما بقدر أصدق سبحان الله 😍قلت ليها احسن من الحلب حقنكم 😂😂😂قلت ليهم والله ما بستحقو كل ده لجين قالت لي وعايني المعاه 😍قلت ليها دقيقه دقيقه المعاه ده عامر براءه قالت لي بتعرفي من وين 😨قلت ليها ده ولد عمي يا هبله 😒والمعاه ده شفتو في حته لكن ما متذكره 😞تلفوني ضرب لقيتو رقم غريب رديت لقيتو عامر قال لي وصفي لي محلك وصفتو ليهو وماكان شفتو تاني من يوم الجمعه 😒لجين واي شوفيهم جاين علينا 😭😭وصلو سلمو علينا وعرفتو صحباتي وأثناء ما واقفين جات بت لابسه كيف والشعره في السهله 😂شكلها بت زول كبير كده 😂قالت لي عامر دي منو المعاك قصدها أنا 😞قلت ليها بت عمو 😒قالت ليه ليه ما وريتني 😒قلت ليها مالازم يوريك 😡😠😒
الولد المعاه قال لي آنتِ لي لميضه كده 😂😂قلت ليه عشان إنت تسأل 😒عامر قال ليه يا مؤيد بتعرف بت عمي من وين 😨قال ليه الحكيت ليك عنها لمن جيت 😂😂عامر عاين لي لقى عيوني محمره قال لي غزلان مالك 😨😱قلت ماف حاجه بس حاسه راسي لافي 😢قال لي طيب تعالي ساقني قعدني في كرسي وجاب لي مويه 😍طبعا البت صحبتو ديك الغيره دايره تقتلها 😂😂الليله قلت كان اشوف أخرها 😂قلت ليه أنا ماشه المحاضره قال لي خلاص يلا اوصلك قلت لا الا البنات بودوني 😄يلا مشينا شويه عملت ليك نفسي دايخه وداير يغمى علي وقعت في عامر 😂هو اتخلع قال لي غزلان إنتِ كويسه قلت اااااي 😂البت حسيتها دايره تبكي قلت الليله كفاها 😂😂😂مشينا محاضرتا لجين قالت لي غزلان ولد عمك أحلى منك 😂😂قلت وأنا أعمل ليه شنو يعني لنفسو والله يختي ما تشوفيه كده الولد ده مفتري لابعد الحدود 😒.
رجعنا الداخليه زي الساعه 8 حسيت نفسي تعبانه كنت تحت في الساحه بتاعت الداخليه بتمشى بس جيت خابت الواطه بقيت ما قادره اتنفس 😢عندي ازمه قامت علي البنات اتلمو فيني بقو ما عارفين يعملو شنو 😱😱😨لجين جات تفتح تلفوني تشيل رقم زول من اهلي لقتو مقفول برمز ولحسن الحظ عامر اتصل ردت ليه وكلمتو وقال ليها جاي في الطريق بعد 10 دقائق جا قال ليها اطلعو بره مشو معاي البنات المستشفى قعدنا زي ساعتين وطلعوني وعامر وصلنا بعربية ابوه, زي الساعه 12 جاتني رساله من رقم غريب مكتوب فيها. .
يتبع.....
