As ondas estreladas do mar
bicaron
Ardendo
Os pes dourados da area,
Mentres a lúa
Choraba a túa perda.
O sol de xeo desaparecera
Tras nubes de tebras;
El, que
Camiñando de espaldas
Deixou
Un camiño de estrelas.
A tormenta berraba
Frases curtas
Sinsentidos
De te queros e bágoas
Marcha;
Bícame;
Alónxate;
Aloumíñame;
Desaparece;
Quéreme;
Mais non te quedes,
Volve.
E o sorriso de nubes
Que esbozou o ceo
De melancolía namorado,
Fixo do mar
No lugar de auga,
Incendio.
