بــــيـــت نــــور
وقفت سياره فواز قدام البيت ولف للبنات: منيره تبين اوصلك لبيتك؟
نور وهي تلف لمنيره وبحماس:لا منيره يااقلبي تكفين نامي عندي اليوم
منيره:اا بس
قاطعتها نور:يلا يلا منور تكفين
سكتت منيره شوي بعدين قالت:طيب اكلم امي اقولها
نور بسرعه وهي تبتسم:قلت لها قبل
منيره:ههه يعني واثقه اني كنت بوافق؟
هزت راسها نور بطريقه طفوليه:اكيد ههههه
ابتسم فواز وانزلوا كلهم للبيت
الــمـــزرعــــه
بعد ماخلصوا او بالاصح تعبوا من كثر مايغنون صار الكل يسولف ويضحك ماعدا قمر اللي تتاملهم وكانها تبي تشبع عيونها فيهم
صار فهد يتاملها بهدوء صار يمسح ع يدها اللي ماسكها بحنيه وبهمس:وشفيك؟
ناظرته قمر بتامل وتتدقيق وبنفس الهمس:اوعدني انك ماتتخلى عني اوعدني تبقى معي لاخر نفس بحياتي بس تكفى اذا ماتقدر توفي بوعدك لاتوعدني خايفة (لفت وجهها وصارت تناظر ابوفهد وام فهد والبنات ومشاري والجده) خايفه افقدهم (نزلت راسها شوي بعدين رفعته) خايفه افقدك
بلع ريقه مايستحمل يشوفها كذا خايفه ضايعه ابتسم:قمر اوعدك اني ماتخلى عنك زي ما سوا ابوك وعبدالعزيز اوعدك اوعدك اني ابقى معك لااخر نفس (توسعت ابتسامته) حتى لو بيوم تفرقنا ابيك تعرفين اني هنا فاهمه انا جنبك وين مارحتي اعرف ان روحك جنبك وتحميك فاهمه؟
ناظرت قمر عيونها وهزت راسها بلعت ريقها ولفت وجهها عنه وسحبت يدها وحطتها بحضنها وهي ودها تصرخ باعلى صوت وتقول فهد احبك
ناظرها فهد بحب وابتسم ولف وجهه وهو يفكر بالمستقبل""وشلون اقول لابوي وشلون اواجهه مشاري (لف وناظر قمر لثواني) بس عشان هالعيون كل شي بيهون (لف وصار يتامل اهله ابتسم بقوه وراحه)
خوله بصوت عالي: فارس فارس
رفعت قمر راسها وطبعا بصوت رجولي:هلا
خوله:تكفى تكفى غن اخر اغنيه
منى:ههه يعني خاتمه هاه؟؟
خوله:هههه ايه يلا فارس
سكتت قمر شوي بعدين قالت:امم طيب (رفعت راسها وهي تناظر فهد وبدت تغني):
أوعدني عني ما تغيب
تبقى هنا جنبي قريب
بـــيـــت خــالــد الــراســي
دخلت اميره ووراءها الشغاله شايله اكياس سلمت ع ريوف ورغد ولفت للشغاله:خوذيهم للمطبخ رتبيهم وجيبوهم هنا
الشغاله:اوك (ومشت)
اميره بابتسامه:الا وين ساره وريناد؟
دخلت ساره ووراءها ريناد ع اخر كلام اميره:هذا حنا
لفوا كلهم لساره وريناد ووقفت اميره تسلم عليهم وجلسوا
ريوف:يلا تكلموا وشفيكم تاخرتوا؟
صارت ساره تقولهم كل شي صار من البدايه:واخر شي قال بوصلك لسيارتكم ووصلنا وحنا مشينا وهم بعد مشوا
اميره:ماشاءالله صدق رجال
ريوف بحماس:صادقه اللي مثل هذا النوع الحين انقرض
ساره:هههه وش انقرض حيوان هو؟
اميره ببتسامه:ريناد وشفيك؟
ابتسمت ريناد ع خفيف ووقفت:ولاشي اميره ممكن ارتاح بغرفتك شوي؟
اميره بسرعه:اكيد تفضلي
بعد ماراحت ريناد لفت ريوف لساره وبخوف:وشفيها ريناد؟
ساره وهي تنزل كوب العصير:مدري والله عنها
ابتسمت رغد ببلاهه:يمكن تحب هذا اللي اسمه فواز؟
ضربتها ريوف من راسها:عمى وش حب وماحب مافيه شي اسمه حب فيه زواج تقليدي بس
رغد وهي تحط مكان الضربه:أي طيب طيب اف
ابتسمت اميره بهدوء:ليش ريوف (ومن قلبها) فيه حب
ناظرتها ريوف بتامل""حب يااميره أي حب حب مثل حبك لرامي واحد خاين لالا هذا ماهو الحب""
عم الهدوء المكان فتره بعدين انقزت ساره وبابتسامه واسعه: قومواا نلعب بالرشاشات
عجبت الفكره رغد وريوف وقفوا بس قبل ماتقول أي شي اميره سحبوا يدينها وهم يركضون ويضحكون
وهم طالعين للحديقه اميره:الا تعالوا وين سدوم؟
ساره:كالعاده الشيخه بالشركه
ضحكت اميره وكملوا طريقهم للحديقه
أنت تقرأ
أكابر و اقول فراقه عادي و انا في داخلي اصرخ تكفون جيبوه
Romanceروايــــــــة... أكابر واقول فراقه عادي وأنا في داخلي اصرخ تكفون جيبوه .. ♥ ·.¸¸.·¯··._.· مهما كانت الاسباب ومهما كانت المواقف هذا لا يبرر أن يترك اﻷب اولاده او يترك اﻷخ اخته في ظروف امس ما تكون بحاجه إليه .. 💞 الـــــكـــــاتـــبـــــة : اشــــت...
