لنا رجعت الشقة ورجعت معاها ميار ولمو هدوم لنا ولنا كلمت ناني و ادتها مرتبا
وكلمت السواق انو بعد يوصلا هي وميار تاني ما يجيها الا هي تتصل ليهووو في بيت نايس ميار
في الشارع وائل اتصل عليها وسألا من اخبارا م حبت تتكلم معاو فترة عشان هم في العربية وكدا
لنا مشت وهي ما عارفة انو كل حياتها حتتغير في بيت ميار
وصلو البيت وسلمو علي ام ميار وابوها لسه م كان من الشغل ووائل في المعرض
اول من وصلو وغيروو نااامو صحو المسا لنا قالت لي ميار :ميوو انا جعانة
ميار : انا كمان
لنا :نفسي في اندومي
ميار :طيب بمشي اجيبا واجي طلعت ميار
فجاءة باب الغرفة فتح ...شافا
قاعدة في الارض ومربعة رجلينا ومضفرة شعرا ضفيرة وحدة وخاتا المراجع قداما ولابسة بيجامة لونا سماوي الكلام الكان جاي يقولو لي اختو طار لم شاف الملاك القاعد في الارض قدامو حس دقات قلبو ما طبيعية حس بشعور غريب بحسو لم يسمع صوت لنا
لنا ولسه عينا في المرجع قالت ببحتها الحلوة : ماشاء الله ميوووو متين بالسرعة دي جبتي الاندومي وجيتي يلا امشي سويها انا جعاااااانة
قالت كلمتا دي ورفعت راسا القلم الماساكهو في يدا وقع وحست بقلبها حيطلع من قفصا الصدري
بينو وبين نفسو :نفس البحة يا وائل نففففسها بحة صوت لنا
بقت عيونهم معلقة ببعض ولا واحد فيهم حاسي بروحوو
وائل استوعب ورجع ليو عقلو طوالي لف ورجع وطلع من الغرفة و ما قال ولا كلمة
بعد طلع لنا يدووووب استوعبت انو واقف قريب دقيقة وبيعاينو لبعض وهي لابسة بيجامة نوم
لنا استغربت دا منوو والجابو شنو وليه حست الاحساس دا واتزكرت انها حستو لم الولد قرب يطقشا بالعربية ووبتحس بنفس الاحساس دا لم تتتكلم مع وائل...
جات ميار داخلة لقت لنا متنحة في الباب ومن ريحة العطر المنتشر في الغرفة عرفت انو وائل كان في الغرفة
ميار : لنا
لنا:....
ميار :لنااااا
لنا :......
ميار ضربتا :لناااا
لنا :بسم الله في شنو مالك بتصرخي؟
ميار :لي ساعة بناديك سارحة وين
لنا :دا منو الجا داخل قبل شوية دا
ميار بخباثة : وائل
لنا وقلبها وصل رجليها :وائل؟!!!
ميار :اي وائل اخوي
لنا سكتت وحاولت تغير الموضوع قالت لميار : وين الاكل ؟
ميار : هسي بجييا وطلعت تاني
لنا قعدت تفكر بالزول الدخل الغرفة فجاءة دا
وسرحت معقولة يكون اللي في بالها صح؟
وائل بعد رجع غرفتو
خاتي يدو في قلبو وبقول بصوت عالي : معقول حبيتا لدرجة بقيت اتخيلا معقول يا وائل ؟؟ طيب دي منو اللي في غرفة ميار دي وليه قلبي دق لم شفتها
ودار في راسو مية سؤال
قرر انو يتصل علي لنا عشان يسمع صوتا وما ينشغل بالبت اللي في الغرفة الجمبووو ورفع تلفونو واتصل
لنا لم شافت رقمو تاني دقات قلبها زادت واتخيلت صورة الزول الجا داخل الغرفة بالغلط قبل شوية
درت ع وائل : الوووو وكان ظاهر من صوتا انها متوترة
وائل وخس بدقات قلبو ما طبيعيو ابدا
نفس البحة ونفس الصوت قال :لنا
لنا وتوترا زايد : هااا
وائل ساكت مسافة بعدين قال ليها :كيفك ؟
لنا وخلاااص اعصابا تلفت : همممم تمام
وحبت تكسر التوتر الحاصل قالت لبو : بس جعانة قاعدة في بيت صحبتي والمفروض انها تطيب لي اكل ولسه ما جات
وائل وخلاص اتاكد انو اللي في الغرفة الجمبو دي ياها لنا قال ليها : طيب اطلعي شوفيها
لنا : صح والله استني اطلع
وقفت وفتحت باب الغرفة وائل من غرفتو سمع انو صوت باب ميار فتحت الباب ووقفت عشان تشوف ميار من فوق ولسه التلفون قي اضانا
وائل سألا : طلعتي ؟
لنا وهي لسه بي بجامتا : اي
وائل فتح باب غرفتو ووقف قدام لنا وهو لسه ماسك التلفون قال ليها : اها ميار جابت الاندومي؟؟!!
وبقو واقفين وش لوش والاتنين ماسكيت تلفوناتهم والخط فاتح .....
يتبع.....
