أكابر و اقول فراقه عادي و انا في داخلي اصرخ تكفون جيبوه

٧

الــمــسـتــشــفــى
بـــعــد 3 ســاعــات

بدت قمر تفتح عيونها ع خفيف بلعت ريقها وبهمس: ماء(حست بيد رفعت رقبتها وشربتها ماء ورجعت راسها ع السرير) كانت لسى مغمضه عيونها تحس بارهاق وتعب
كان يتاملها وهو ماسك يدها بقوة "" اسف مااهتميت فيك وانتي كنتي محتاجه لي تركتك وانا ادري انك كنتي متضايقه من عبدالعزيز ااه قمر سامحيني مفروض سالتك واهتميت فيك اكثر""
تمنى انه يقدر يقول هذا الكلام بوجهها بس لما حس انها بدت تفتح عيونها ثاني مره ترك يدها بسرعه
قمر وهي تناظر فهد وبهمس: فهد
ناظرها ببرود عكس النار اللي بداخله: الحمدلله ع سلامتك
قمر وهي تتعدل: الله يسلمك (صارت تناظر الغرفه اللي هي فيها) شلون جيت هنا ؟
فهد وكانه كان حابس كلام بنفسه انطلق بقوه:انتي ليش كذا غبيه هاه إذا انتي مريضه قولي لي  اوديك اعطيك ابره مو احسن من انك تـ (كان بيقول تخوفيني بس سحبها وقال) تشغليني عن اشغالي هاه شوفي سجلوني غياب اليوم بسبتك
ناظرته بصدمه ولفت وجهها للنافذه الواسعه:ماانت مضطر تقعد تقدر تروح لشغلك
ناظرها بقهر فتح فمه بيتكلم بس دخل مشاري وهو ماسك بيده باقه ورد حطها وهو مبتسم:الحمدلله ع سلامتك
ناظرت قمر الورد وابتسمت ناظرت فهد بقهر وكانها تقول له تعلم : الله يسلمك
انصدم فهد من حركتها وانقهر ولف وجهه
تقدم مشاري وكان يبي يبوس راس فارس
نقز فهد بسرعه وصار بينهم : هههه
ناظره مشاري باستغراب:وشفيك بعد خلني اسلم عليه
فهد بارتباك: ههه ههه (ولف لقمر) قلت تبي ماء صح (سحب علبه الماء ومسك وجه قمر بقوه وصار يشربها بقوه)
قمر اللي توسعت عيونها وصارت تكح وهي تدف فهد عنها وتمسح فمها وهي تناظر له باستغراب
قعد مشاري وهو مبتسم:خوفتنا عليك يا شيخ قسم قلبي وقف
ابتسمت قمر وناظرت فهد بنظره ولفت لمشاري : اعذرني والله بس تعبت شوي
مشاري: ايه يقول رامي انه تعب وارهاق .
قمر وهي تلف لفهد :فهد ماتقول عندك شغل تقدر تروح مشاري موجود
ناظرها فهد بقهر ووقف:ايه بروح (طلع وهو معصب)

بـــيـــت اهــل ابــو وســن
جـــنـاح وســن والجـوري ..

وسن وهي لامه رجولها لصدرها ع السرير وساكته
الجوري وهي تقعد جنب وسن وحاطه يدينها ع بطنها:وسن
ناظرتها وسن دون ماتقول أي شي
الجوري: بموت من الجوع من امس ماكلت شي
تنهدت وسن ورجعت ظهرها ع السرير ""ياليتني احس بالجوع ياالجوري اااه نفسي منسده عن كل شي"" :  طيب انزلي جيبي لك اكل
الجوري بسرعه وخوف:لا ما ابي اروح للمطبخ
ناظرت وسن اختها وبلعت ريقها هي عاذره خوف اختها من المطبخ حتى هي صارت تكره تشوف أي مطبخ (رفعت راسها وصارت تناظر الغرفه حتى هذي الغرفه تكرها وتكره هذا البيت وكل اللي فيه لانهم سبب باللي صار لها ولاختها) : طيب دقي من الغرفه ع الخدامه تجيب لك
هزت راسها الجوري وراحت دقايق و رجعت وقعدت وهي ساكته
ناظرت وسن ملامح اختها باستغراب: وشفيك؟
رفعت راسها الجوري وبهمس: ابي امي
وسن:ليش وش صار؟
الجوري وهي تتداري دمعه تنزل ع خدها: ردت علي جدتي وهاوشتني قالت اذا تبين اكل انتي والا اختك انزلوا وكلوا مع النااس
انقهرت وسن حست بشعور غريب وكانها ودها تفجر كل البيت واللي فيه وقفت ومسكت وجه اختها بيدينها وهي تتنقل بعيونها ع ملامح اختها وبنبره امر:لاتصيحين فاهمة خلاص تعبنا من الدموع تعبنا من الحزن وهم مبسوطين لاتخلين دموعك تنزل عشانها لاتخلينهم يحبطونك زي مااحبطوني (مسكت معصم اختها بقوه و وقفتها وبقوة غريبه على وسن) امشي وبنشوف كلامي والا كلام هالعجوز بيمشي
هزت راسها الجوري ومشت مع اختها ..