أكابر و اقول فراقه عادي و انا في داخلي اصرخ تكفون جيبوه

٢

**الــبــقــالــه ..

ابوفهد وهو ياقف وقفل مكتبه:الساعه 12 بنسكر
وقفت قمر بصدمه وخوف وكانها تذكرت شي""ياربي وشلون نسيت و وين انام الحين يا ويلي من فرحتي بالشغل نسيت ماعندي مكان انام فيه ااه وين اروح بنص الليل ؟""
ابوفهد باستغراب:فيك شي فارس؟
قمر:هاه لالا(وطلعوا وقفت قمر)
اما ابوفهد مشى كم خطوه لان بيته وراء البقاله بس لف وجهه وشاف فارس واقف:وش فيك ياوليدي ليش ماتروح لبيتكم؟
قمر:هاه ايه ايه بروح الحين (بلعت ريقها ولفت ومشت كم خطوه بس وقفت بخوف وهي تشوف السياره اللي فيها شباب ومطلعين روسهم من الشبابيك ويصارخون ويرمون كلام عليها)
وقف ابوفهد هو يناظر له:فارس
لفت قمر:هلا؟
ابوفهد بابتسامه واشر بيده:تعال
قربت قمر بخجل من ابوفهد وسكتت
ابوفهد:وين بيتكم؟
سكتت قمر وماردت
تنهد ابوفهد وحط يده ع كتف قمر:وين تسكن انت واختك؟
قمر"" اف وش اقول لازم اكذب سامحني يارب ع الكذب"": اا اختي تعيش عند خالي
ابوفهد باستغراب: وانت؟
قمر:ااا اا انا(وهي تنزل راسها وتفكر) ايه انا كنت اعيش بشقه مع شباب بس طردوني منها
ابوفهد:ليش؟
قمر:اا اا لان لاني مادفعت الايجار
ابوفهد:طيب ليش ماتعيش عند خالك؟
قمر:اا ايه ايه لان خالي ع قد حاله وعايش ببيت شعبي دور واحد وعنده 7 بنات غير زوجته واختي وماقدر اسكن عندهم
هز راسه ابوفهد:امش معي للبيت
قمر بسرعه وخجل ولعنت بداخلها الحاجه ولعنت خالها وعبدالعزيز وحتى ابوها حست عزه نفسها اللي ياما منعتها عن اشياء صغيره قاعده تذل نفسها:لالا ياعمي يكفي انك شغلتني عندك لا ماعليك مني ادبر لي مكان انام فيه
ابوفهد:حلفت عليك الليله تنام عندي الوقت متاخر وين بتلاقي مكان تسكن فيه من بكره دور يلا امش
سكتت قمر شوي بعدين قالت:لا ياعمي لا هذا كثير
تنهد ابوفهد: انا حلفت خلاص عندي فكره
قمر:ايش؟
ابوفهد:الليله تنام عندي وبكره تنام بالبقاله
قمر باستغراب:البقاله ؟
ابوفهد:ايه البقاله فيها مخزن فاضي فيه مكيف اجيب لك فراش وتقدر تنام فيه بلا ايجار
قمر بخجل:لا ياعمي ماقدر
ابوفهد بمزح وهو يمسك يد قمر ويسحبها:ماكني عطيتك وجهه بتنفذ كلامي فاهم؟؟
ضحكت قمر بخجل:مدري وشلون بطلع من جزاءك
ابوفهد:لاتقول كذا الله يشهد علي يافارس انك دخلت قلبي ع طول وحبيتك زي ولدي فهد
ابتسمت قمر:وانا ياعمي حبيتك زي اا(حست كلمه الاب صعبه ع لسانها)اا زي ابوي بس
قاطعها ابوفهد ومسك معصمها بقوه وسحبها:امش
سكتت قمر وهي تحس بخجل وهو ماسك معصمها لفوا من وراء البقاله وقفوا عند بيت عادي يدل ع توسط حال اهل هذا البيت ابتسمت تذكرت بيتها
ابوفهد ترك معصمها:تفضل
قمر بصوت اقرب للهمس:يزيد فضلك
ابوفهد بصوت عالي شوي:يا ولد
جت بنت صغيره قصيره بيضاء ودبدوبه شوي وشعرها لونه بني قاصته كانت تجنن
قعدت قمر ع ركبها دون شعور تموت بالاطفال تعشقهم وبحنان:يا قلبي تعالي
ابتسم ابوفهد:ريماز تعالي سلمي
ريماز بدلع وهي تحط يدها بفمها:بابا هذا ولد
ضحكوا ابوفهد وقمر
وقفت قمر وشالتها ورفعتها فوق:هههه
:لاتعودها عليك ترا ماراح تفتك منها
رفعت راسها قمر و وقفت على طول وهي تشوف فهد وهو متراكي ع الباب ولابس بجامه كان شكله يخق
ابوفهد: اقول اسكت لاتتكلم عن دلوعتي (وشال بنته وصار يبوسها)
فهد:هههه ياليل بدوا قيس وليلى
قمر لا شعوريا:ههههههه
ابتسم فهد وهو يناظر لها ورجع ناظر ابوه وريماز
ابوفهد:فهد قل لهم يجهزون القهوه والشاهي
فهد:ابشر (وراح)
ابوفهد وهو ياشر ع المحلق باخر الحوش :  تفضل ياوليدي
ودخلوا الملحق وقعدوا صارت تناظر الملحق كان حلو ومرتب عباره عن جلسه تراثيه بديكور تراثي وتلفزيون بلازما معلق على الجدار وبوسط المجلس مشب والنوافذ قزاز عاكس كبير بس اللي جذب انتباها حوسه بزاويه المجلس ملابس ولابتوب واوراق
ابوفهد:هذي اغراض فهد الله يصلحه هو ومشاري 24 ساعه قاعدين هنا عاد تعال شوف الحوسه اللي يسوونها
دخل فهد وهو شايل صينيه: افا يا بوفهد مايمديني رحت وصرت تحش فيني؟
ابوفهد بمرحه المعتاد:عاد انا حر احش بالوقت اللي ابي
ابتسمت قمر وهي تشوف فهد هز راسه وكانه يأس تحس علاقتهم تعدت الاب وابنه كانهم اصدقاء ..