اغفري خطئي حبيبتي

البارت 8-9-10

9
شهد :هلاو ريم شونج ....ريم :هلا شهد انت شونج
شهد :حمدلله هي نوسه وياج .....
ريم :نوسه شونج حبيبي حمدلله ع سلامتج وبديت بالبجي ....نسرين :بصوت( مخنوك وتعبان )حبي ريم لتبجين بخير اني الحمدلله انت شونج شخبار الموضوع الي گتلج عليه فكرتي بي ...
ريم :اوف نوسه انت بهالحال وتفكرين بيه ...
نسرين :اي شگلتي اريد اسمع ....ريم :موافقه بس علي ميستاهلني يستاهل وحده نضيفه مو اني الــ....
نسرين :اشش لاتكملين خلص راح ابلغ علي بالموضوع
ريم :ارجعي فدوه ساره ناويه تدمرنا عفيه ارجعي لزين ولاتنطيهه فرصه ...نسرين :بديت ابجي ريم كسرني خاني وظلمني مدااكدر عفيه اريد ارتاح ماابيه احجي ديري بالج ع نفسج باي .......
ريم :سديته منها ورحت ادور على زين ملگيته ولاساره شفت نفسي وحدي بالبيت ودنيه ليل متت خوف رحت لغرفة امي وابويه وقفلت الباب لان باب غرفتي مكسوره كسرها زين بعدها بنص الليل سمعته اجه باوعتله من فوك الدرج من شكله مبين شارب رحت دخلت لغرفه امي وقفلت الباب واسمعه كل شويه بحال مره يبجي ويحجي بنسرين ومره يغني ومره يضحك علما نام والصبح كعدت لكيته امدد يم الدرج ونايم وريحته ابد محلوه كعدته كعد وراح للحمام وغسل وصبيتله جاي وريوك وهو ساكت ميحجي وهاديئ اوف شسوت بيك ساره اوف
زين تره اهلي جايين بعد يومين هي صار شكد معرفت تجيبلك فون وتخابرهم وتطمنهم وتطمن بابا ع الشغل هو كاعد منتجي ع الكرسي ومدد ايد ع الطاوله ويباع عليه ....زين :والله بطرانه ياشغل هو اني شايف الشغل ....ريم :ليش تخلي ساره تدمر حياتنا اتركها زين ورجع نسرين متلگه مثلهه ....
زين :(اخذت الكلاص وشمرته بالكاع وانكسر وتناثر )
نسرين نسرين نسرين مراح اخلص اني مراح انساهه كافي كافي لتحجين بيها كاافي الي بيه ارحميني واسكتي ....ريم :متت خوف منه ايديه خليتهم على اذني وغمضت عيوني وهو يعيط راح كعد بالحديقه ويدخن والجو بارد وهو لابس بس كيمونه وشورت
وكعد ع الكااع ...رحت اله شفته هدأ زين نسرين صار عدهه اسقاط يعني طفلكم وكع وكله بسبب ساره زين انت مافكرت منو حذف الرمز من تليفون شهد زيـ....
مخلاني اكمل كلامي ....
زين :شنو نسرين شبيهه .....ريم :سقطت طفل زين
زين :شوكت هي وشونها هسه ؟ريم :بهالايام زين متت قهر عليها فدوه لتخلي ساره تخرب بينكم فدوه
من گتله هيج اتهستر ظل يضرب بنفسه والجگاره بيده عصرها وهي مشعوله متت قهر عليه وشكد لعنت ساره ...زين :اني لازم اروح الهاا هسه مراح اتحمل بعد ....ريم :وين تروح زيون انتظر امي وابويه يجون وروح ...زين :لج مااصبر مااتحمل (بصياح)
ريم :فدوه اهدأ احنا بالحديقه الجيران رح يسمعونه
زين :فتت جوه وانتظرت اهلي يجون ومن اجو صارو يسألون عن نسرين وحسين وشنو صار خفت على ابويه توه مسوي عمليه گتله راحت تشوف زوجة ابوها لان توفه ابوها لحتئ تتخلف اله اما امي عرفت كلشي وراها بيومين انطلقت للبصره واول ماوصلت شفت عمي وسلمت عليه وحسين هم شفته هناك ...اخذته علئ انفراد وحاجيته ..شنو تسوي هنا ...
حسين :اجيت اخطب شهد ....زين :ماشي الله كريم
نسرين ؛جنت بالغرفه وحدي نايمه ع الجربايه وحالتي
حاله الكانونه بايدي دخل ابويه وزين عليه ...
ابو نسرين :اتفضل زين هسه تكوم بالسلامه حتى ترجع وياك نوسه وان شاءالله خير وطلع .......
نسرين :بمجرد ما طلع ابويه وسد الباب  اجه زين الي بسرعه وشمر نفسه عليه وحضني وشبكني ويبوس بيه ويبجي ...زين :ولج حياتي ياروحي شصار بيج معقوله ابنه مات والله مدااصدك لو اني ميت ولاهو كله مني اني وظل يبوس بيه ويحظن ...دفعته وباوعت اله متغير لحيته طالعه وعيونه مغورگه وحالته حاله دفعته وگتله وخر ياخاين والك عين تجي بعد السويته ولك لاتحلم ارجعلك ودفعته وگام
....زين :يعني متسامحيني ولج غلطت اني واحبج والله حتى شرب اشرب من عفتيني لسه فدوه ارجعي الي واي شي تأمرين بي اني حاضر ....
نسرين :زين طلگني مااطلب غيرها ...ودرت وجهي عنه ....زين :نسرين غيرها اي شي اني حاضر بس لتحرميني منج ونبي ندمان ولج والله ندمان لج سامحيني  الله يسامح انت متسامحين ...
نسرين :هي انت گلتهه زين الله الي يسامح بس انه مااسامح وانت ماتستاهل اسامحك وروح اطلع مخايفه من ابويه ولااحد كافي معندي شي اخسره بعد هو عيونه صارت جدح اجه تقرب عليه خفت منه ونزيت قرب وجهه عليه وعيونه تخووف وگال
زين :باعي نسرين ترجعين ويايه وغصبا عليج مثلما تزوجتج غصب عليه ارجعج غصبا عليج وهذا ابني الموتي تجيبيلي عشره غيره خوش تره خطوبة شهد وحسين مراح اتم وابوج محاجي ابويه ع ريم لاخوج علاوي وهم مراح اتم كولشي بكيفي وراح اشوفكم الوجه الثاني الزين مو زين القديم الي انجبر يزوج بنت عمه الميعرف عنها كولشي لاااازين تغير وراح اشوفج منو هو ..
نسرين :بقيت صافنه على كلامه كله تهديد رگع ايده بالحايط وطلع تمددت ع الجربايه غورگت عيوني بالدموع تنفست بقوه وعيوني ع السگف
يتبع
اغفري–ذنبي–حبيبتي
بقلم نورا غدرني الزمن
بيج قصص ليل وعشگ
الجزء العاشر ............
نسرين :بقيت محتاره شراح يصير بيه وفكرت بريم وبعلي وشهد وحسين اووف فوگ المرض تفكير وهم
طبعا اني بالغرفه ابقئ بس اطلع اغسل وارجع وهم يجيبون الي الاكل صار الليل جنت دااريد انام  انفتحت الباب ودخل زين اني گلت هوف ودرت وجهي .....هو جان جايب جنطته وخلاهه بالغرفه ماحجه شي بدل ملابسه واجه يمي گتله هاا وخر لاتنام يمي ....زين :تره عمي گلي نام يم مريتك ........
واجه واندحس بيه والجربايه ام نفر واحد بس بيهه عرض شويه واحنه ضعاف مو كلش سمان حضني حيل ادفع بي ماكو ضماني الصدره حييل حييل جنت اقاومه واگوله وخر زين مااريدك وخر بعد استسلمت وعلى ريحته احسه تبنجت لان مشتاقتله ضميت راسي بصدره وبديت ابجي وهو يمسح ع شعري ويبوس بيه بس كلما تغمض عيني تجي صورة ساره وهي بفراشي وابقئ اتخيل شغلات شون لمسها شون نام وياهه وباسهه وعلئ فراشي احساس كره ع حقد ع غيره وحب بقيت اتامل حد مااغفيت بحضنه .....بعدها انجبرت اروح ويا لبغداد بعد مابقينه كم يوم .الطريق كله ساكته حتئ لو يحجي مااجاوب لحد مايمل ويسكت.....اول ماطبيت سلمت على ريم عمي وعمتي وتحمدت الهم السلامه وحجيت ويا عمتي ع موضوع ساره وتناقشنا گالت اني احل الموضوع واحاجي ساره طبيت الغرفتي وفراشي شكد كرهتها ردت ارتاح مااكدرت شي يعصر الي قلبي عصر اجه يمي. اخذت ملابسي واريد اطلع ....
زين :وين رايحه ؟.....نسرين :اليم ريم ابدل ...
زين :وشنو هنا الغرفه تكرصج ؟؟...وبعدين اني راح اغير الاثاث لان كسرته بس خلي ارتاح وهسه صدك ارتاحيت لان انت يمي ....نسرين :مااريدهه هالغرفه كرهتها رايحه يم ريم ....عفته وطلعت ....
رحت غسلت وارتاحيت اجت ريم جابت الي عصير وتدنك ومبينه خجلانه ...گتلها شبيج ....
ريم :نوسه خايفه من الزواج خايفه لاعلي ميعاملني زين وو ....نسرين :انت خلي ايمانج بالله قوي ولتخافين علي ورده ماكو مثله ابد والله واخذيهه مني مراح يهينج ولايأذيج ابد ..ولتنسين انو هو الي خطبج وهو مو مجبور بس طيبة قلبه واخلاقه فرضت عليه انو يستر عليج ....
ريم :خجلانه شون راح اواجهه واني !!!ودنكت ونزلت دموعي ..
نسرين :لازم تخجلين كل عروسه تخجل حبيبي
ريم :بس اني مو مثل اي عروس اني دمرت نفسي بنفسي
نسرين :مو بس انت ريم حتى اهلج مسؤؤلين ع هالشي لازم ميبقوج هناك ويتابعوج ويراقبوج
ريم :بس الغلط مني اني انطيت نفسي هوايه شكد محتقره روحي شكد احس انو اني مو نضيفه شكد وشكد وو
نسرين :الله ارحم الراحمين والله يغفر الذنوب انت الله رحمج ودز الج علي هالملاك ينقذج حبيبي ركزي ع ايامج الجايه وحياتج وعيشيها صح وحاولي تبدين من جديد وتخلين كولشي وره ضهرج واول شي لازم تمحين خالد من ذاكرتج والئ الابد
ريم :تتوقعين بعد احبه بعد موقف علي وحتى بعد مااصار بينه شي شكد كبر بعيني اما خالد فسلمته بيد الله هو ياخذ حقي منه ...دنحجي وطب زين
نسرين :هووف ....زين :لاتظلين كلما ادخل هوف وهوف وامشي ويايه للغرفه ...نسرين :تمددت بصف ريم وتغطيت وگتله اريد انام هنا ....
زين :امشي ويايه هناك نحجي وارجعي
نسرين :مابيه حيل تعبانه وحجي مراح احجي بعد وسويتله حركه عود خيطت حلكي
زين :ريم شويه وخري بالله
نسرين :لاريم ابقي ولزمتها من ايدها
زين :سحبت ريم قوي ونزلتها من السرير ورحت على نسرين شلتها هي والغطاء بقت تدفع بيه نزلني ليشوفنه احد نزلني وكبل وديتها الغرفتنه وهي ترافس برجليها ونزلتها ع الجربايه .....
نسرين :شبيك زين ارحمني مدداشتهيك ارحمني الي سويته مو شويه لك مو شويه ارحمني ....
زين :حكيت شعري تنفست ردت اسيطر على اعصابي مكدرت ضربت الباب برجلي حييل وبديت اعيط عليها واسبها واغلط  ع الصوت اجت امي واجه ابويه ....ابو زين :خير شبيكم شبيك زين تخبلت ع شنو هالصوت مو هاليوم جيتو ....
زين :خبلتني لدتجي بالعين والاغاتي ولابالعنف شسويلهاا بالله ....
الهام :ابو زين انت روح ارتاح وهم مره ورجلها عادي تصير بيناتهم روح ارتاح هسه تنحل
طلع ابو زين وهو يباوع لزين بنضرات معاجبه تصرفه زين واكف ومتخصر وعيونه مخنزرهن ويجدحن نار من العصبيه
ام زين اتجهت لنسرين وهي كاعده ع السرير
يابنتي شبيكم شكو شصار ...
نسرين :عمه فدوه مااشتهي هي الغرفه عفيه مدااتحمل وظلت تبجي
ام زين ؛زين البنيه توها مسقطه طفل وحالتهه استثنائيه عوفها ترتاح ولاتنسه غلطك تره السويته موشويه ...
زين :ماشي واللتفتت لنسرين روحي اخذي راحتج خاتون كلب ابن كلب اني اذا بعد جيتج كل الردته احاجيج سويتيهها قصه
نسرين :يعني مافكرت ماكلت ماحققت بالموضوع الفون شوصله للغرفتنه الرمز منو شاله وشلون
زين :لج كافي انت ماتنسين كافي محد يكدر يسيطر على اعصابه بحالتي من شفت المسجات وصورج واسمج لج مااتحملت
نسرين :ماافكرت منو وره هالشي مافكرت ابد منو الي يخلي كل هذا بتليفون شهد
9زين :انت تتهمين ساره مو ؟؟!!بس باعي اذا ثبت ساره مسويه هالشي راح احرك بيت خالتي كله مو بس ساره وروحي يم ريم اخذي راحتج
الهام :كافي شنو هالعصبيه ارحم نفسك لاتنسه عمليتك وابوك يسمع صوتك وهم تعبان وتوه مسوي عمليه ياابني وانت نسرين مشي يابنتي الله يغفر ويسامح ياامي وهو ندمان راح تگضوها مشاكل ماتعبتو انطو النفسكم فرصه ....
نسرين :دنجت وبديت ابجي
زين :لبست وسحبت سويج السياره واريد اطلع
الهام :وين رايح ساعه 11هسه والوقت تعبان وخطر ارجع ياامي
زين :خليها تروح تنام بغرفة ريم واني رايح عسئ مااروح لجهنم محد اله علاقه بيه
يتبع ......بارت تصبيري هذا الكم لان متصبرون والعصر انزل جزء طوووييييل يشبعكم احداااث 😜