Pa titull

Dashurise... (asaj te humbures) & Kurre ti

U kryqëzuam sot,
dot nuk e shmangëm.
E ndodhi padashur,
u pame në sy,
ndodh gjithmonë rēndomte kur jemi të dy...

Shkarazi ule kokën,
për tu hutuar sadopak,
unë aktore e zonja,
nuk rashë në sy aspak.

Askush nuk dyshoi,
as me të voglën gjë,
e jona ishte sekret,
nuk e dinte asnjë...

Shume dyshuan,
por heshtën shpejt,
kur unë flutur nisa,
një tjetër jetë...

Je tundimi më i frikshëm,
ndjenjë e lënë në udhëkryq,
pa shpresa për drejtim,
pa mundësi,pa dëshirë
për rifillim.

I ke ndryshe syte sot i dashur,
nuk shkëlqejnë më si dikur.
I premtuam parajsën njëri-tjetrit,por nuk e arritëm kurrë.

Përplasmë fort prej muri,
ndëshkomë nëse bëra gabim,
që dashurova dikë tjetër,
teksa ti u ndryshke në shpirtin tim...

S'te shoh dot në sy gjatë,
kam frikë...
S'të buzëqesh dot si atëherë,
jam shuar...
Kam ndryshuar gjithçka isha,
sërish për të rifilluar.

Dhe këtë tonën e varrosa larg,
se pa më njeri me sy,
edhe pse miliona ëndërruan gjatë,
për ne të dy...

Harromë i dashur,
tutje shko.
Une jam tjetër sot,
jo me ajo...

---------------

Ishte vetëm një shikim i shkëmbyer,
ashtu rastësisht mes mijëra sysh
që qëndronin mbi ne.
Ishte vetëm një puthje e shkëmbyer,
gabimisht në kufirin mes realitetit dhe ëndrrës...
Dhe sot...
Tē kam lënë pezull në jetë,
pezull si pendimet,strukur cepave,
në shoqëri me mendimet...
Fragment i së kaluarës që turbullt më shfaqesh,shkarazi për të më trazuar...
Mbete iluzion në jetë,
ai i pakapshmi.
Mbete dëshirë në jetë,
ajo e pamundura.
Mbete pasion në jetë,
ai më i çmenduri.
E mjegullt të shoh,të ndjej...je ai...
Ai që gjithçka mbete,por kurrë ti...