قبل كل شي احنا صديقات مع بعض في نفس الجامعة ونفس السكن بس كل وحده لها قصة غير بس في نفس الوقت مانفترق عن بعض أعرفكم عن نفس اللي بتسرد لكم القصة كامله.
اسمي جواهر تخصصي طب وانا الوحيدة اللي فيهم ماعندي سوالف حب وخرابيط أحب الدراسة بشكل مو طبيعي وأحب اقعد في الشقه ادرس بختصار المملة عن شكلي طويلة الوحيدة السمره شعري الأسود الطويل وبس أحب الكشخة وأيد بس ما أحب المكياج وأيد.
العنود اللي قريبة مني حيل وأيد وأيد ومعاي في نفس الشقة بس عكسي تماما تحب الطلعة وتخصصها إدارة وتحب الكشخة وأيد والمكياج اوفر وكل شي وتحب تروح الكافي تقعد مع باقي الشلة بس تحب تتكلم وأيد ههه شكلها قصيرة بيضة وشعرها الاشقر.
منى عاد اللي تحب تتفلسف اللي اذا قلنا كلمة لازم مليون تفسير وتحب تتكلم وأيد عن كل شي هي تعرفة وتخصصها علم نفس طموحها جدا بس للسانها طويل مجد يقدر يتناقش معاها ( أم المشاكل) طولها متوسط وبيضة وشعرها بني داكن وتحب المكياج .
اخر شي فرح قمة في الرومانسية وتحب كلام الحب وأغاني الحب هي الوحيدة اللي كل ساعة أغنية حب وهي الوحيدة اللي عندها حبيب اللي اسمه ( خالد بعدين أقول لكم عنه) وتخصصها شووون دولية ولكن جدا مزعجة واحنا بالنسبة لها ناس سخيفة عشان ماعندنا حبيب ونعرف الحب وشكلها طويلة نفسي وبيضة وشعرها القصير الأسود وتحب ملابس الكشخة اللي كلها ماركات اللي حبيبها جايبها لها هههههه
بختصار هي شخصية كل وحده فينا وساكنين كل ٢ في شقة منى وفرح وانا والعنود وكلنا نفس العمر ٢٢ سنة . والحين راح تبتدي كل قصة وحدة فينا وراح اسرد لكم عن مشاكلنا وفرحنا.
