#السحر-السفلي
بقلمي فردوس عبد اللطيف
الجزء. 5
بعد ماتحسنت صحه عمتي رجعت لبيتي والي هو بحديقه عيالي
كان بيتهم مسكون من الجن لكن محد يعرف
بهالفتره بديت اشوف خيالات اسود
واسمع اصوات محد صدكني
بيوم تعاركت ويه عادل والكهرباء طافيه
كعدت وحدي بالغرفه ظلمه بس فتحت لايت تلفوني
سمعت صوت احد يمشي وحسيت احد فتح الثلاجة عبالي عادل
باوعت على ميز التواليت وشفت بالمرايه
وحده عدهه أسنان كبيره وشعرهه كفشه ومدت ايدهه علي
صرخت سمعوني عيالي اجوي على صوت الصريخ
باوعت عليهم لونهم مخطوف لان اكو شغلات تصير بالبيت وميحجون
مثلا فد يوم عمي كاعد يباوع تلفزيون
ومتعديه وحده بيدهه طفل تشبهني كايللهه إيلاف مجاوبته وره شويه اني دخلت كال مو قبل ثواني مريتي من يمي وصحت عليج مجاوبتيني
عمى توني. دخلت للبيت كنت بالمشتمل
تعجب وخاف
حماى الصغير متزوج بنت خنساء وهم منتبه على هالحالات الغريبه بالبيت ولكن ساكت لحد ما كان توه نايم يعني بين نايم وكاعد اجتله ملكه الجن وكالتله اني أعشقك واريدك وهو خاف إجاني يرجف وحجالي لان يعرف بعد الحادثة الى صارتلي اكدر أساعده
رحت وياه لغرفته زوجته ماكانت موجودة
كتله اني راح اقرى ومن تحضر كلمهه لان حا تشوفهه تظهرلك وفعلا قريت مثلما علمتني ام بنين
اول شي انكسر المصباح والشمعة انطفت والبخور قوى
ظل يصرخ ويبجي
رأسا قريت المعوذات وفتحت الباب
سألته شنو شفت
كال شكلهه يخوف وكالت أريدك اتزوجك بقى يبجي ويخاف يحجي لاهله لان أصلا كلهم خايفين من البيت ومرعوبين
قررت اوكف ضد عمتي خنساء واحاربهه
بس الجن زادو بيت عيالي ويطلع علني
يخطف لو يغلق الأبواب لو يكسر الأغراض ودائما نتمرض
احترت اشلون اكشف خنساء امام الكل راح انطيكم أوصافهه
قصيره عيونهه طوال شكلهه مرعب الله ماخذ النور من وجهه بسبب شر اعمالهه
فد يوم اختنكت طلعت بالحديقه اشتم هوا شفت قطه سوداء تخوف تباوع علي كأنها تريد تكلمني وتحجي وياي
كمت وكفت باوعت عليهه انهزمت وراء البيت ركضت ورآها مالكيتهه رحت لغرفتي حتى انام :اول مانمت حسّيت واحد دفعني من السرير عالارض فتحت عيني شفت خيال عالحائط واختفى بسرعه بعد دقايق سمعت صوت طفل يبجي ماكان احد بالبيت
رحت غرفه الاستقبال ماكو احد الصوت جاي من الطابق الفوك بقيت محتاره اصعد لو لا مع شده خوفي أخذني الفضول صعدت 3 بايات وواحد دفعني من الخوف انهزمت وطلعت
بقيت ابجي بالطارمه إجه عادل عصبي
حجيتله موتني ضرب ويكول إنتي مجنونه وهذه تخيلات
بالليل اجوي بيت عمي جبت صينيه بيها كلاصات عصير وكعن لوحدهم عمي تعجب وانهزم ويه عائلته مابقو هالعشا
صرت اكره الليل واخاف
لو يندق باب الغرفه علي لو التحفيات تتحرك الباب يمه خيال يمر وعمتي دكول خبلتي ابني أبقى سهرانه للصبح يالى انام
بعد فتره صدكو عيالي من وره السحوره بيتنا سكن بي مملكه من الجن وميردونه بي يردون يطلعونه
عمي جاب رجل دين شيخ يقرى بالبيت
بقى يقرى وماكدر نزل من فوك وكال بيتكم بي مملكه كامله من الجن أحسن الكم تعوفو عمي انقهر لان باني على ايده بعد هذا الكلام صدقوني لكن شنو الفائده
فد يوم تعاركو وياي حمواتي غلط ومسبه وعمتي دكول مخليه عادل محبس بايدج وهذه اول مره اجاوبهم تعبت من السكوت عادل ما قصر كتلني بيت أهله ووداني لبيت جدي وهم شبعني كتل وعافني وطلع
بقيت ابجي وقررت اروح للزياره ارتاح شويه بعت محبسي الذهب وأخذت بيبيتي وجهالي ورحنا
نزلنا بالمطعم نسيت شنطتي ورجعت للسياره انتبهت الشنطه ماكو رجعت للمطعم لكيتها بايد شخص
للحكايه بقيه. F
أنت تقرأ
#السحر-السفلي
Horrorفتاة تتزوج ويعمل لها سحر (يسمى السحر الأسود) وتتعرض للضرب من قبل زوجها
