Salitang Naisambit

PARA SAYO ITO KAIBIGAN

Para sayo ito,kaibigan

Hindi alam ang mararamdaman
Nang minsang sinabing hindi naman namin dapat malaman
Ang iyong nararamdaman

Hindi makapaniwalaang iiling
Sa iyong tinuwiran napatingin
Maluha luhang itinigil
Nang hindi masaktan at puso'y parang pinipisil

Hindi kita maintindihan
Hindi ka namin maunawaan
Bakit kailangan ika'y magkaganyan?

Isang tao,sayo ay nakapagpabago
Hindi positibo pero medyo negatibo
Siya ang naging mundo mo
Sa buhay mo'y naging sentro
Nabalewala kaming mga kaibigan mo

Nawalan ng gana
Sa lahat ng gawa
Sabi pang ang pagiging masaya ay nakakasawa
Gustong maging malungkot at mapag-isa

Ayaw sa amin ipaalam
Dahil ba wala kaming karapatan?
O dahil natatakot ka sa reaksyon naming iyong kaibigan

Hindi mo alam na kami'y labis na nag-alala
Sa iyong hindi maipaliwanag na gawa
Sa mga tingin,salita at asta

Tinanong kita minsan
Pero hindi mo naman nasagot ni isa sa katanungan
Hindi alam kung ako iyong pinagtitripan
Dahil ito'y nakakaasar naman.

Ang sarap mong sampalin
Ang sarap ipamukha sayo na hindi ka niya mamahalin
Gusto kong puso mo'y tanggalin
At isip ang pairalin

Bata ka pa,bata pa siya
Hindi na dapat pa

Huwag mong ipagpilitan
Huwag mong itanong ang mga walang kasagutan
Huwag mo siya kabaliwan
Ikaw lamang ay masasaktan
Dahil hindi lahat ng magugustuhan
Ay ganun din ang ibabalik sayong nararamdaman
Hindi ito natututunan
Hindi ito pinagpipilitan
Kusa mo itong mararamandaman
Kusa kang mahuhulog ng hindi namamalayan
Kaya kahit anong mangyari ang puso mo'y hindi madidiktahan ninuman
Mahal mo siya pero huwag ka ng umasa na ito'y susuklian
Dahil hindi naman kailangan
Basta hayaan ka lang niya na iyong paramdan ang tunay na nasa kalooban.

-Sister