#السحر_السفلي
بقلمي #ميديا_الفهد
البارت الخامس
رسل.. ركضنه ولكينه مريم سابحة بدمها كمت ادك والطم ، زاحفه وجارة الطبله الكزاز واكعه ع راسها اخذتها خالتي وماخلتني اروح وياهم
ام حسين.. وين رايحة كله منوراج عايفه الطفله وهاملتها عبالك عندج عشر جهال وياها
رسل .. انهاريت بعد مااتحمل بنتي غركانه بدمها وهاي تحجي وترزل بيه، وهنه ميخلني الزمها ، كلتلها..
اتقي الله مرة شكبرج وشكدج كافي ظلم مو انتي وبناتج متخلني الزمها مدرتن بالجن عليها لو كله براسي بعياط احجي ،
ام حسين.. ولج انتي تحجين عليه وتشمرين بالحجي ، اني رايحة اودي الطفله للمضمد ، وانتن شوفن شغلجن ويه هاي الك....
رسل.. مااحس والا ستتهن هجمن عليه مااعرف منين اجاني الضرب والعض وشعري كطعنه موتني اريد اخلص نفسي منهن ماكو كل وحده شكبرها واني الوحدي لا حول ولا قوة
حسين.. رجعت للبيت بس وجوهم مو طبيعيه بنتي راسها ملفوف وكاعده بحضن امي ، متت خوف،، هاي شبيها مريم يمه ليش لافين راسها
ام حسين.. روح اسأل امها المسعده المدلله لا تشيلها ولاتشوفها ولا عبالك عدها طفله للظهر نايمة لاشغل ولاعمل وفوك هذا كله تغلط عليه وتسبني ومتحترمني ، دكولي خلي بناتج يديرن بالهن ع بنتك مو بناتي خدامات عند الخلفوها
رسل.. اني بالغرفه مزوركه والعضات بكل مكان بجسمي وهنه استلمنه بالحجي والصوت العالي ، اسمعهن واتحسب عليهن نزلت ،
حسين.. تخبلت امي تحجي واني افور بس ادري برسل متتجاوز ع امي ،تلعب طوبه امي بيها وهيه متحجي ، جان تنزل وحالتها حالها،بقيت صافن هاي شصاير بيها 😳 #قصص_من_حياتناM&T
رسل.. اني اتجاوزت عليج وعلى بناتج ، لو انتن هجمتن عليه وحوش مو بنات تفووو 💦 عليجن ، بس لو عمي هنا جان مكدرتن تفتحن حلكجن ويابه ، طبعا عمي راح للعمرة جان هز سندي الوحيد بالبيت ،
حسين.. شفتها هيج تحجي ع امي وخواتي اتخبلت ، ركضت عليها وسحلتها من شعرها وصعدتها للغرفه ،
بنت الكلب اليوم احرك لشتج ولشة الخلفوج تغلطين ع امي كدامي ، شنو اني طرطور
رسل.. عبالي الافندي من يشوفني مضروبه ومزوركه راح يوكف بصفي بس صار العكس، سحلني من شعري وصعدني الدرج كله سحل ويغلط ويسب ،
حسين.. اضرب بيها وهيه ولا جنها تغلط اسد بحلكها واخنك بيها اريدها بس تسكت خلتني افقد اعصابي رادت تموت بيدي ، عفتها وكعدت ع صفحة ،،ميديا الفهد
رسل.. خنكني ردت اموت بس ادموعي تنزل مني عافني كمت اكح حيل ، بهل يوم احترك البيت حرك عليه ، كعدت بالكاع ابجي
أنت تقرأ
السحر السفلي
Horrorقصة حقيقية لفتاة تتعرض لسحر سفلي قوي يكاد ان ينهي حياتها لولا فضل الله ، وتنجى منه بأعجوبة
