السحر السفلي

الجزء الثاني،،السحر السفلي

حسين.. ادك عليها لو خواتها يجاوبن لو ينفتح الخط ويسدوا بوجهي تخبلت اريد بس اسمع صوتها ،

احجيلكم عن خطيبتي وشلون خطبتها ، طبعا قبل لااعرف او اشوف رسل، امي خطبتلي بنت كرايبها ، ماعندي اي علاقه وياهم بس امي شافتها بعرس اخوها ، وكالتلي تريد تزوج اكو بنية تخبل وحبابه ،واني كلتلها بكيفج بس من شفت رسل والله صدك حبيتها واغلب وقتي وياها وقليل اخابر خطيبتي او اروح اشوفها ،

رسل... بقيت اسبوع شفت بيها اسوء ايام حياتي بس بجي وقهر اذكر كلامه وحبه الي، اموت موووت ، يعني اول حب بحياتي وهيج يكسر كلبي ،كمت مااثق باي احد ، منورة حسين وهو ابد ما بطل اتصالاته واني ماجاوب ابد ، لحد ما مليت وكلتلهم لخواتي خلي اجاوبه واني اعرف شلون احجي وياه ،طبعا مقبلن بس اني عاندت ،

حسين.. بقيت اتصل عليها ماكدر بلياها ،احس يومي ناقص من مااسمع صوتها ، دكيت مرة. جان اجاوبني ، #قصص_من_حياتناM& T

رسل..الووو ،
حسين.. ياعمري عاش من سمع هل الصوت العذب ، شلونج رسوله ولج هيج اهون عليج متسمعيني صوتج اسبوع

رسل.. هو يحجي واني كلبي يتكطع بس ماكدر اسامحة وسلون اسامحة شنو ذنب خطيبته اني اخرب عليها ، كلتله
بس اريد اسئلك شستفاديت من دمرتني وحطمت حياتي هاي الرجوله تلعب بمشاعر بنات الناس ولو تموت مااسامحك ولا ابريك الذمه حسبي الله ونعم الوكيل عليك يا حسين

حسين.. والله العظيم احبج انتي وخطيبتي اصلا قليل احجي وياها ومااحبها واصلا باشرت بامور فسخ العقد ، #قصص_من_حياتناM& T

رسل.. يعني عاقدين بالمحكمه هم ، انطيك نصيحة لاتفسخ العقد لان لو تموت ماارجعلك ، مو اني الي ابني سعادتي ع تعاسة غيري ،

حسين.. رسل والله حته لو انتي متسامحيني اني مااتراجع من موقفي واصلا حجيتلها كلشي عنج ، صح انقهرت بس راسا وافقت نفسخ العقد ، اترجاج رسل سامحيني اني غلطان وجذاب المفروض من البداية اصارحج بكلشي بس والله خفت لا تعوفيني وفعلا هسه من عرفتي عفتيني ، معقوله هانت عليج ايامنه الي كضيناها سوه وحبنه ، ميديا الفهد

رسل.. حسين ماكدر بعد اصدك بيك وبعد لاتخابر والحمد لله من خلصت دوام وتخرجت حته بعد ماشوفك ، يلا روح مع السلامه ، وسديت الخط

حسين.. سدت الخط تخبلت انوب بالبيت اهلي كلهم عادوني ابويه وامي لان اريد افسخ الخطوبه ،

ام حسين.. ولك تريد تفشلنه كدام الناس ، شلون تفسخ ولك والله اتبرة منك

حسين.. خوش لعد خلي اتزوجها وثاني يوم اطلكها وخطيتها بركبتكم ، مااحبها البنية ماكدر اتزوجها هو غصب الزواج ، #ميديا_الفهد

ابو حسين.. ام حسين عوفي هذا يورطنه ويه العالم خلي تفض من هسه احسن ،

ام حسين.. ولك بعد التوبه اذا ورطت نفسي وياك ماعندك كلمة ورطتنه وفشلتني كدام كرابتي ، ولو تموت ماروح اخطبلك الي تريدها

رسل .. توجهت الربي وادعي ينسيني حسين بس ماكدر صعب ع الواحد ينسى اول حب بحياته ، اشاقه واسولف ويه خواتي ومابين الي بداخلي ، احترك حرك بداخلي بس مابين ،ليشوفني اضحك وانكت واسولف يكول شكد فايخة وماعدها هم واني اتعس وحده بالعالم ،

حسين.. فسخت خطوبتي هم وانزاح من صدري ، بقيت اتوسل بامي حته تخطبلي رسل والوالدة قافله وزعلانه عليه ، و رسل من جهه لا ترد ع مكالمتي ولا تعبرني اروح يم بيتهم بالساعات وادك هورن 3 مرات مثل ممتعود اسوي حته تعرف هاي اني وتطلع للباب اتشوفني ، بس ماكو ، مرة من المرات اتجرأت ودكيت بابهم ، طلع اخوها الجبير سلمت عليه وكتله بلا زحمه عليك سيارتي صاعده الحماوه بلكي الصونده ، انطاني الصونده وكف يمي يسولف ويايه ،

رسل. . اجتي اختي موج تركض ولج رسل الحكي هذا حسين بالباب ،😳 عزة ردت اموت من الخوف هذا المخبل شيريد ، بيومها دمي نشف اذا ذبحوني قطرة دم ميلكون بيه 😵

حسين.. تشكرت من اخوها وحركت السيارة وطلعت ،
رجعت للبيت سويت هوسه معدله ويه اهلي كلتلهم والله اهج وبعد محد يعرف طريقي ، اني اريدها واني الي راح اعيش وياها ، ميديا الفهد

ابو حسين.. يمعوده دروحي انتي واخذي البنات وياج تعرفي عليهم وخلصيني من حسين ودوخته تدرين بيه ماتحمل دوخت راس

ام حسين.. حجي بس انت هيج دتطلع عينه وتكوي علينه اني ماروح وياه،

ابو حسين.. رحمه الله على والديج فضيها تره ضغطي يصعد وتحيرون بيه

حسين.. فدوه الحلك يابة بس انت تفتهمني بهذا البيت ، واباوع ع امي، قصص من حياتنا M& T

ام حسين.. اي بس هو يفتهمك واني الربيت والتعبت تاليها طلعت صفر باليد حصان ، امري الله راح اروح بس الخاطرك ابو حسين مو ع مود هذا ناكر الجميل

حسين.. بقيت ابوس براسها وايدها واحنه شعدنه غيرج حجية انتي نبع الحنان بهل البيت 😘

------------------

اريد توقعاتكم للبارت الجديد ،قراءة ممتعة الكاتبة ميديا الفهد