السحر السفلي

الجزء الأول،،السحر السفلي

#السحر_السفلي

بقلمي #ميديا_الفهد

بيج قصص من حياتنا M&T

البارت الاول

السحر السفلي والطلاسم المستخدمة فيه شيطانية وتقوى طاقتها وفعلها عندما يقوم الساحر السفلي وبمساعدة من الشياطين بتدنيس وتنجيس بعض الايات القرانية المقدسة ارضاء للشيطان فيقوم الشيطان بمساعدته ومده بجنود يكونون تحت امرته وطوعه ورهن اشارته في كل ما يوكلهم به .

لايوجد فرق بين السحر العلوى والسحر السفلى فكلاهما سحر ولابد أن نعلم شيئا واحدا الا وهو قول الله تعالى افى سورة البقرة الاية102

( واتبعوا ماتتلوا الشياطين على ملك سليمان وما كفر سليمان ولكن الشياطين كفروا يعلمون الناس السحر وما انزل على الملكين ببابل هروت ومروت وما يعلمان من احد حتى يقولا انما نحن فتنة فلا تكفر فيتعلمون منهما ما يفرقون به بين المرء وزوجه وما هم بضارين به من احد الا باذن الله ويتعلمون ما يضرهم ولا ينفعهم ولقد علموا لمن اشتراه ماله فى الاخرة من خلاق ولبئس ماشروا به انفسهم لو كانوا يعلمون)

فالسحر مهما كان هو سحر سواء ان كان علوى او سفلى فهو تغيير فى طبيعة النفس البشرية

وان اصل كل عمل او سحر هو الحسد فلو لم يحسد الناس بعضهم بعضا لما كان هناك سحر وطلب لدمار الآخر عن طريق استخدام الجن

انطي القلم لصاحبة القصة تعرفكم عن نفسها ...

رسل.. هلو اني رسل عمري 30 سنة خريجة معهد ادارة ، بيضة عيوني صفر طولي 160 ووزني 62 شعري اشقر وطويل اعيش ويه عائلتي المتكونه من امي واخواني 3 واخوات 2 ابويه متوفي 😔 ،

المعيل الوحيد النه اخويه الجبير متزوج وعنده محل ادوات احتياطية ،
تبدي قصتي بداية المرحله الثانيه ، جنة طالعين اني وصديقاتي برة المعهد مفتح كوزمتك جديد رحنه جان واكف بي ولد حلو كلش اشكر وشواربه صفر بقى يباوع عليه ارتبكت ماعرف حسيت احساس غريب طبعا اني مانطي مجال الاي احد بالمعهد بس هذا الشاب كلش جذبني

حسين.. اني حسين عمري هسه 35 سنه مخلص اعدادية طويل وابيض وشعري اشكر عيوني صفر ، اعيش ويه عائلتي المتكونه من امي وابويه واخويه عبودي الصغير واخواتي 6 بس وحده متزوجه اني الوسطاني ، ابويه اجر محل يم مجمع الكليات فتح كوزمتك واني اشتغل بي ،

ورة فترة من فتحنه المحل دخلن للمحل مجموعة بنات بس وحده منهن جذبت نظري وبقيت اباوع عليها بيضة ومحجبة وماخاله قطرة مكياج ودمها يخبل والمميز بيها عدها شامة بوجها تجنن ، اشتروا صديقاتها وهيه مرتبكة لان ماشلت عيني من عدها ، طلعوا واني بقيت افكر بيها متت عليها بقيت يوميه انتظرها بس بعد ماجتي ردت بس اطلعها من راسي ماكو مكدرت ،