BATANGGENYO AKO
ni Samuel Bathan de RamosKung walang malimi at mapaglibangan
Kayo'y pumarine't aking tuturuan
Ng mga salitang tuong kainaman
'Pinagmamalaking salitang BatanganSa inyo'y kiliti, sa ami'y LIGAWGAW
Sa inyo ay malat, sa amin ay PAGAW
Ang luto ay PANGGANG pag sobra ang ihaw
At ang batang tandang, sa amin ay TATYAWTawag sa gagamba, sami'y ANLALAWA
Gamit pambalagwit, sa amin ay PINGGA
Dine po ay BILOT ang tawag sa tuta
MAAMOS ang tawag sa may duming mukhaAng asong naulol, ang tawag ay BANG-AW
Ang malaking langaw, sa amin ay BANGYAW
Malakas na boses, dine po ay LAAW
Malamig na kanin, kung tawagi'y BAHAWMabilis ang takbo, sa ami'y PATIKAD
Taguri ay PANGKAL pagka ika'y tamad
Kulungan ng manok, sa amin ay TANGKAL
Ang lalagyang sako, ang tawag ay KUSTALPag-inom ng alak, sa amin ay BARIK
Dine po ay HAROK ang tawag sa hilik
Malalaking langgam, sa amin ay HANTIK
At iyang kutsilyo, dine po ay KAMPITSa amin ay DAG-IM pag itim ang ulap
Pag tanggal ang balat, dine po ay TUKLAP
Kapagka hinabol, ikaw ay PINAGAT
At ang walang alam ay walang MUTAKTAKIyang mga barya, tawag sami'y MULAY
Dumaan ka muna, ikaw ay SUMINSAY
Ginataang malagkit, sa amin ay SANGLAY
Ika'y nakaTANGLA, kung naka-istambayIbabaw ng ilong, sami'y BALINGUSAN
Ang gilid ng bahay, dine'y BALISBISAN
Dine po ay KITSE ang tawag sa tansan
Ang banga ng tubig, tawag ay TAPAYANIyon pong butones, sa amin ay TIPAY
Kapag dahan-dahan, dine'y UTAY-UTAY
Ang tawag sa lolo, sa amin ay MAMAY
AMPIYAS ang ulang napasok sa bahayGinataang bilo-bilo, sa ami'y PININDOT
Kapag nagkagulo, dine'y NAGKARIBOK
Ang ihing mapanghi, sa ami'y MAPALOT
At kapag kulelat, ang bansag ay PUTOTAng mga nabanggit ay ilan po lamang
Sa mga salitang kinaugalian
Ikinararangal ng lahing Batangan
Huwag ikahihiya at maaasbaranSaan man mapadpad, saan man tumungo
Yaman ang salitang kinasanayan ko
Gagamitin lagi, umaraw, bumagyo
'Di ikakailang ako'y Batanggenyo!Please visit, like and share my page:
www.facebook.com/thefrustratedpoet
YOU ARE READING
BATANGGENYO AKO
PoetryBatanggenyo ka kung alam mo ang mga salitang nakasaad sa tulang ito, at kung sakaling hindi ka Batanggenyo, subukan mo rin alamin ang mga salitang tagalog na sa Batangas mo laang maririnig.