جمال الروح

البارت السابع

البارت السابع..
#جمال_الروح
بقلمي #شمس
مرت اشهر وحب ماري وكرم يقوى وبداو يخططون للزواج وكان لازم اقطع الامل .. بس يبقى حبها خالد بقلبي الاخر نفس .. #شمس

وبيوم خلصت اجازتنا ولازم نرجع للمقر كان كرم كولش مريض .. فكوتله اني امر بيك واخذك ..
سمعت ماري واصرت انه تروح وياي لبيته تشوفه ..
اخذتها ومشينا من وصلنا فتحلنا الباب اخوه ورحب بينا ودخلنا ..
ماري دخلت يم امه الكرم .. هيج عاداتهم .. #شمس

ماريانا .. دخلت يم ام كرم انسانه طيبه  كولش ورحبت بيه وبوستني وگالت كرم دايما يسولفلي عليج بس مااتوقعت هيج حلوه وحبابه الله ينطيج يبنيتي .. كرم اتغير كولش من وراج ان شاء الله تصيرين من نصيبه. .
يمه احنا ناس ماتهمنا الديانات لتخافين كولنا اسلام ..
ماريانا .. استغربت من گالت كولنا اسلام عرفت مگايللهم اني مسيحيه بس مااهتميت لان مبينين ناس متحضرين ..
نزل كرم مو غرفته وبيده الجنطه ويبتسملي .. سلم عليه ويتغزل شنو هذي المفاجاة الحلوه واني ابتسم واباوع الامه وخجلانه .. #شمس
كرم .. ها يمه شلونه اختياري
امه .. زين مااخترت يمه الله يجمعكم
كرم .. امين .. التفت عليه يالله مانخلي عيسى ينتضر هواي عيب . ودع امه واخوه
وطلعنا اني مااتحملت حضنت كرم وابجي كرم دير بالك ع نفسك . وانت عيسى هم دير بالك عليه كرم امانه عندك .. #شمس
عيسى .. ههههههه شنو السالفه هي افلاونزا شبيج .
لتخافين ميصير عليه شي اني وياه امانتج امانتي سلمت علينا وصعدناهه بتكسي وراحت واحنا هم رحنا للمقر مالتنا ..
لگينا الاجواء مخبوصه .. منضمه ارهابيه ع الحدود وجامعينا كولنا حتى نقضي عليهم ..
احنه الفوج مالتنه ع حدود بغداد من طريق الحدود يعني مكان حساس ..
الآمر گال خبروا اهلكم طمنوهم عليكم لان الموبايلات حتبقى هنا بس الاسلكيات تاخذوهه لان هذي عمليه حساسه ولازم تتم بسريه ..
عيسى .. اتصلت ع امي وطمنتها وگولتلها بس ارجع اخابرج بقت تبجي وتوصي خطيه ..
ردت اتصل ع ماري شفت كرم يحجي وياهه .. #شمس
كرم .. لتبجين حبيبتي ماكو شي احنه هوايه وان شاء الله نقضي عليهم وعيسى وياي لتخافين ..
شويه ونطاني الموبايل گال ماريانا تريدك ..
فرحت حيل وعبالي قلقه عليه ..
ماريانا ..الو عيسى مااوصيك ع كرم دير بالك عليه وهو مريض شلون يروح ..
عيسى .. ضجت حيل..  بس طمنتها وكلتلها لتخافين هسا احجي وي الامر بلكي ميخليه يروح ..
غلقته ورحت للامر كوتله ع كرم مريض بس ماقبل هو شخص متعصب گلي حاله حال الكل .. #شمس
گولت الكرم .. گلي عادي لتهتم ..
عيسى .. اوك لعد حدخل للحمام الجو حار وبعد ساعه ونطلع يعني عندي وقت انت طلعلي مسدسي بالجنطه والذخيره حضرهم الي حتى مانتأخر ..
سبحت وطلعت ..😮😱
وشفت كرم لازم صوره ماري بأيده ويقرا بدفتري ..
جريته منه وگتله شلون تدور بغراضي .. #شمس
كرم اني مادورت واني اطلع الذخيره .كعت الجنطه وشفت صوره ماريانا من الدفتر اثارني الفضول شتسوي صوره ماريانا عندك ..
سحبت الدفتر منه وعرفت انه فهم كولشي .. وماحجيت شي
كرم .. ليش مگتلي تحبها ..
عيسى .. بلا هذي الخرابيط لان شفت صورتها هي مثل اختي وصديقه طفولتي .. #شمس
كرم .. هههههه كم ورقه الي قريتهم فهمتني كولشي .. ليش ماصارحتها ليش خبيت حبك وشلون گدرت تساندنا وتقوي علاقتنا ..
عيسى .. اني بقيت ساكت والم بغراضي وهو يحجي وودي اسكته بأي طريقه ..
كرم .. معناهه الاشعار والرساله الي كتبتها الها اول مره من جهازي كانت مشاعرك حقيقيه الها . يعني هي حبت كلماتك واشعارك ماحبتني الي .. وبدا يعيط ..
مااتحملت ..
#شمس
يتبع…