في ليلة من ليالي صيف وسما صافية والجو بدا كيبرد شوية من بعد ما كانت الحرارة فالنهار كانوا مجتمعين في مكانهم المعتاد وضاحكين وناشطين وشوي قال مصطفى : أيوا حنا دابا شدينا كونجي آ شنو غنديرو هاهو الصيف بدا.
ضحكو صحابو بجوج وقال إبراهيم : هههه هاد الصيف ضحكتني ياك ما ضربتك الشمس.
بتاسم مصطفى وهو كيشوف فعبد السلام وقال: علاش زعما
شاف فيه ابراهيم وقال : لا يا صاحبي أنت أكيد ضربتك الشمس وا حضرنا اسي عبد السلام اشنو بان ليك فهاد خينا
شاف فيهم عبد السلام وقال:هاد خينا باغيها فيها ياه مايصحبلي واش كيغير
ضحكو كلهم ودار مصطفى أيدوا فوق كتف عبد السلام وقال: ياك أنا كنغير ولا أنت لي خرجت على الاتفاق ديالنا
قال براهيم : أودي صبرو أنا عندي الحل لي يرضينا كاملين
شاف فيه عبد السلام ومصطفى قالو بجوج : واشنو هاد الحل
قال براهيم و بتقى : أنت اسي عبد السلام عندك المناسبة في بداية الشهر الجاري واحنا دابا فبداية الشهر الماضي لا الحاضر
نفخ مصطفى وقال بعصبية : واش أنت باغي طير لينا جوج غرام ديال لعقل لي بقا لينا من هاد تامرة ديال الخدمة كول شعندك طلقنا
شاف فيه عبد السلام وقال : براهيم ما فينا من الألغاز شنو بغيت توصلنا من كلامك
قال براهيم : أودي صبرو أنا بغيت نكول بما أنو المناسبة حتى لشهر الجاري غادي ناخدو 15 يوم عطلة من شهر ديال العطلة لي كنا مقررين نسافرو فيها ولي مابقاتش بسبب المناسبة الله يكمل عليك بالخير ونمشو فيها لرحلة لي كنا مقررينها اش كلتو 15 يوم مدات ما جابت وهنا وفينا بوعدنا لي تافقنا عليه
عبد السلام ومصطفى بقاو كيشوفو فيه وشوية قال براهيم : اشنو
قال عبد السلام : صراحة ما عرفت
قال مصطفى : أنا بعدا موافق خصوصا أنو أنا بغيت هاد الرحلة
وقال براهيم : حتى أنا موافق
شاف عبد السلام فالساعة وقال :المهم أنا غادي دابا عندي شي حاجة نقضيها من بعد نجاوبكم
قال براهيم بسرعة قبل ما ينوض عبد السلام : لالالالا بلاتي تسنى تكون فراسك ضروري تجاوبنا وخا من هنا لساعة لأنو الرحلة غتبدأ من غدا
قال مصطفى و عبد السلام بجوج :اشنو
ضحك براهيم و قال : مالكم نتما بجوج متلاصقين فالهدرة ههه آه من غدا تبدأ الرحلة اليوم هو الأحد 30 فالشهر وغدا 1 من شهر يعني خاصنا نلتازمو بالمدة ديال الرحلة فهمتو
قال عبد السلام :المهم نعلمكم من هنا لساعة
مشى عبد السلام وخلى وراه مصطفى وابراهيم إلي كل واحد تافق على أنهم يتوصلو لقرار قبل حلول يوم جديد
نفس الشئ لعبد السلام لي مشا لدارو وفكر وحكى لاهلو عن الرحلة وخطيبته اهلو كانوا مترددين في الأول بسبب ضيق الوقت ولكن في الأخير ستسلمو لقرارو تاصل بأصدقائه لي تافقو على السفر بكري.......
خمسة عشر يوما هو الوقت الذي أتفق عليه الاصدقاء الثلاثه لقضاء العطلة الصيفية التي كان متفق عليها، ماذا سيحدث في خمسة عشر يوما؟
هذا ما سنعرفه خلال الأيام المقبلة.
تابعونا شكرا لكم
م.بوشعاب
VOCÊ ESTÁ LENDO
15 يوم
Aventura15 يوم يتحدد فيه مصيرهم الصداقة ،الكبرياء الخداع،الحب،الاخوة كل هدا في رواية جديدة باللغة الدارجة المغربية أتمنى أن تنال إعجابكم م.بوشعاب
