KAGAHAPONG MALIPAYON
( Kimberly Diane S. Serentas )
Sauna malipayon pa kay tang duha
Sige tag uban bisan pag
Gadalugdog ug kusog ang ulan
Kitang duha gapasilong sa usa ka payong
Apan kanang panghitabo-a
Dili na pwedeng ibalik pa
Kay sa atong pag-hinigugmaay
Daghay dili mu angay
Nibuhi ko apan dili ko gusto
Nibuhi ko kay dili ko gusto nga masakitan ka pag-ayo
Dili mo angay akong pamilya kanimo
Kay lage ikaw usa lamang ka tambay
Apan kini timan-e gihigugma tika
Ug wala tika binuangi
Dili pa gayud siguro karon
Ang tukmang panahon para sa atong kalipayon.
GRADONG LISOD ABTON
( Kimberly Diane S. Serentas )
Ako usa ka studyante
Naningkamot ug kab-ot
Sa grading dako
Aron akong pamilya malipay kanako
Ako naningkamot
Nagapaminaw ug nagatoon sa mga leksyon
Apan wala lang gihapon
Sige lang japun kog kahagbong
Unsay angay kong buhaton?
Dako na grado gusto kung kab-oton
Apan kinilisod buhaton
Kay sa among tulunghaan daghang utokan
Bogo lang jud seguro ko
Ug kini ako nalang dawaton
Bahala nag permi kong hagbong
Basta gihagoan ko ang akong grado
Kaysa sa pasar unya gasalig lang sa kauban.
BALAOD NIYA, SUPAK NIYA
( Kimberly Diane S. Serentas )
Tawong perti ka gahi ug ulo
Karatolang gibutang niya
Mismo siya gasupak ug
Wala kini niya sunda
“no smoking” English na siya
Gaduha-duha ko kung unsa ba
Kasabot ba ka o dili ka kabalo mo basa
Gikadlitan nimo imong sigarilyo
Ako nga imong pasahero
Nagasimhot sa asong gibugwak nimo
Wala ko kaagwanta kay baho na kayo
Ni reklamo ko ug ikaw nangayog pasaylo
Unta kining butanga dili na ma utro pa
Balaod nga gihimo nimo, palihog sunda
Siga man unta na imong mata
Basa-basa pud panalagsa
GIYA NI LOLA
( Kimberly Diane S. Serentas)
Mama ug papa
Wala rana para sa akoa
Kay naa akong lola
Andam mo supporta
Nanginahanglan kog giya sa akong ginikanan
Apan wala sila ug ila kong gibyaan
Sa akong pagkadusmo
Si lola ang nisalo
Gitabangan ug gipabarog ko niya
Bisag siya usa lamang ka labandera
Gipakaon ug gipaskwela gihapon ko niya
In-ana kamaayo akong lola
Dako akong pasalamat kay bisag siya tiguwang na
Naningkamot gihapon siya para sa akoa
Gikalimtan ko na akong mama og papa
Kay akong lola ani-a na
PAGBASOL KO SA TRAHEDYA
( Kimberly Diane S. Serentas )
Nasinati ko ang kainit
Kalayo sa akong isig ka kilid
Palayo ako nidagan
Nalimtan ko ang akong mga kauban
Wala ko damha ning panghitabo-a
Kalit-kalit lang murag kilat
Sa isa ka panghitabo
Akong kalibutan nahugno
Nakamata nako pero sila tulog pa
Akong kusog, akong pamilya wala na
Ug ako nangutana
Nangung ako gapabilin pa
Dako akong pagbasolaning trahedya
Nga nahitabo sa akong pamilya
Wala man lang koy nabuhat
Aron sila maka ikyas
