:
عشك النــاس #ونسـه💔✌️
#واني عشــگي⁉️
#همــــوم 😔🎻
~~~🖤🖤🖤~~~
سما:صراحه كسرت خاطري.. عبالها الموضوع كله لعبه وما تدري عن شي
نور: الله يعينها واخوج مبين من تكشيرته مراح يعديها ع خير ولا راح يهتم فيها
...
سما:هوة انا بالشهر مره اشوفه وبالكوه ابلعه مو هنوب هيه راح تكابل خشته كل يوم ..لو وحده عاقله جان تخبلت فشلون هيه!! صراحه زواجه لا تحسد عليها
نور:تعاي صدك هوة شو مينشاف بالبيت اربعه وعشرين ساعه دايحه..يطلع من الصبح ما يجي الا بالليل..شعده شو لا شغله ولا عمله
سما:اكيد وي شلته الصايعه ..بس تدرين الصوج صوج امه وابوه شو هاديله الحبل وهوة فلت من شاف لا حسيب ولا رقيب
نور:قصدج ابوج هم
سما باوعتلها بنص عين:سدي الموضوع
بعد لحظات اجت كعدت جوجو يمهم بعدما لبست عبايتها وشالها
جوجو بمرح: محد سال عني بنات
سما بابتسامه جانبيه ساخره:اي مو ع اساس حضره جناب الكونتيسه اليزابيث حتى الكل يسال عنج
جوجو:😂😂😂انجبي قصدي ع الحجيات محد سالت عني
نور: وليش يسالن عنج
سما: ولا وحده سالت
جوجو عفست وجهها بشقه: جبحهن صارلي ساعه اردح كبالهن اريد وحده تقلدني وتسالني انتي بت منو؟ تمدحني شنو هالجمال!! ابددد .. بله شلون هسه انخطب هااا ..وانا حاطه املي بالحجيات كون وحده تخطبني لابنها الصاك وكاعده اهز ليكول وحده متكهربه .. ضاعت جهودي خالي بلاش
سما:😂😂😂😂امداج عدالي عدج سالفه
نور: عود من كل عقلج تركصين بس علمود وحده تخطبج ..هلكد ميته ع الزواج
جوجو : لا ولج هوة انا وجه زواج ومسؤوليه وجهال واق ويق ..يا زواج يا بطيخ
نور: لعد ليش تردينهم يخطبوج اذا ما تردين تزوجين
جوجو: حتى من تخطبني ارجع شعري لوره بغرور واكللها سوري بعدني صغيره
نور:😂😂انتي خبله لو بيج شي
سما:معليج منها.. مو تشوفينها تمشي وتحجي ع الزواج ومن تشوف واحد حلو تموع بس اذا صار الصدك ترفض.. هاي اخذي منها بس شقه
جوجو: 😂😂كافي من يخطبوني احس اني حلوه واحد قلدني.. كافي هالاحساس
نور:تحجين جد انتي؟
جوجو:اي شبيج .. وبعدين انا مستحيل ازوج زواج تقليدي 😒
سما:😏شرايده عيني زواج عن حب
جوجو:لا بس ما ازواج واحد امه تختارله ولو اعجبه بعدين لو لا..لا عيني ميعجبني هيج.. ع الاقل اريده كون شايفني بالشارع مثلا واعجبه ويدز امه تخطبله .. يعني الزبده اريده هوة يختارني بقناعه.. واعتقد هالشي من حقي
نور بسخريه: لا بالله تزوجتي ع هالحال
سما: خليها خليها كاعده ع جبد امها احسن
سما وما انشالت عينها عن حنان طول العرس واول ما شافتها كامت طلعت متوجهه للحمام وكامت وراها
