بغيابك كنت ما اخونك كنت اكتبك و اتامل صورة عيونك

11

ما تنسوا الفوت.

إنتي شريكة حياتي ومستحيل اخبي عنك .. إضطريت لهالوظيفه و تدرين ودي أملك الدنيا ومافيها عشان أحقق رغباتك وألبّيها ...قاطعته بقل صبر : بس ياراكان انا مابي شي من هالدنيا غيرك .. اانا أحبك ماحب ولا أفكر في بمكانتك او وظيفتك .. رغبتي أنت فاهم ؟
قرب راكان منها أكثر ومسك يدها : لتين .. تتزوجيني ! .
م أستغربت لتين طلبه لها بالعكس فرحت وماقدرت تكتم فرحتها .. نزلت دمعتين فرحها وماقدرت ترد عليه .
مسح راكان بأنامله دموعها وبإبتسامه : هذي الدموع وش افهم منها ؟
هزت راسها بـ رضا وردت : ماني مصدقه والله .. انا وإنت رح نتزوج ؟
راكان وهو يناظر الفرحه بعيونها : بتصدقين اذا جيت أنا وأمي بكره ولبستك الدبله .
رفعت لتين يدها لفمها : لهالدرجه مستعجل .. خلينا ننـ ..
قاطعها : إنطمي .. مليت وانا أنتظر وأنتظر .. خلينا نستعجل قبل تغير أمي رأيها .
نزلت لتين راسها بخجل وردت : زين بس لازم عمي يوافق ويكون موجود .
راكان بإبتسامه تفاؤل : ان شاء الله يوافق .. رفع خصلات شعرها عن وجهها وكمل : موعدنا بكره يالتين .
ـــــ ـــــ ـــــ
الساعه ١١:١٢ م
ف بيت خـآلد :
طاحت ع السرير من بعد الكف اللي جاها من زوجها .
خالد بغضب : انتي اللي طلعتي وراها يالكلبه هاااه
نوره وهي تبكي : والله كنت ابيك لي وحدي.
خالد بقهر : وش ذنب عيااالي ياللي ماتخافيين ربك
حتى زوجتي خليتيني اتركها من الكلام اللي تسمعيني ياه والخطط اللي خططتي لها .
وقفت نوره وردت بحقد : هيي زوجتك كانت تااخذك مني حتى صرت ماتسأل علي ودايم تجيني بأخر الليل بسبتهاا حتى ولدك قلت لك خليه يسكن عندي بس رفضت .
رفع يديه لراسه بينجن ورد : ولدي .. ولدي .. ولدي الحين م اعرف وين اراضيه ومع مين و وشلون حالته كيف اوصل له ؟؟؟
ناظرها بحده وكمل : ولدي رفض يسكن مع زوجة ابوه الثانيه تبينه يسكن معاك إنتي يالمجرمه .
قربت منه ومسكت يده وبترجي : الله يخليك سامحني والله كل اللي سويته من كثر حبي لك و ...
دفها عنه بقوه وصرخ : كذااابهه .. انتي لو تحبيني ماكان فرقتي بيني وبين عيالي اللي مالهم غيري سند .. انتي مافكرتي شلون بيعيشون .. بنتي ومعها أمها بس ولدي اللي راح يضيع بلحاله انا وين كان عقلي يوم سافرت وتركته وييين « كمل وهو ضاغط ع أسنانه ويأشر ع الباب : برااا اطلعي مراا ولا عاد اشوف وجهك .
مسحت نوره دموعها وبلهفه : لا خالد .. والله اناا مستعده اجمعك فيهم انا رح ادورهم وما اخلي مكان .
خالد بصراخ : قلت لك اطلعي برااا « ورمى عليها يمين الطلاق
صرخت نوره وصارت تبكي بندم وحرقه : ليشش ياخالد ليشش والله حرام علييك .
قبض ع يده وأشر عليها بيده الثانيه : انا بطلع وصدقيني ان رجعت وشفتك ماتلومين الا نفسسك .
ـــــ ـــــ ـــــ
قدام فله واسعه وكبيره لكنها مغلقه و وسن كل ثانيه وثانيه تضرب جرسها ولا مجيب .
تكتف بدّاح وبيأس : لين متى بتظلين هنا يعني ؟
وسن بإصرار : الين تفتح !! انا ادري انها هناا بس هي ماتبي تعطيني بنتي .
تولين بملل : بس هي لو موجوده كان فتحت .
بدّاح : اكيد مو موجوده هي تسكن ف بيت ثاني او معاك لها رقم .
وسن بعد ماتذكرت ردت : ايي ايه عندي رقمهاا بكلمهاا .
زفر بدّاح ورد : وليش ماتكلمتي من قبل كان قدرنا نوصل لها بدل هالتعب .. إتصلي كلميها يلا وخليه سبيكر .
بعد أكثر من إتصال
ردت ميار : آلو
وسن بلهفه : الو مياار .. انا وسن وين بنتي ليش خذيتيها ؟
ميار باستحقار : ومتى ان شاء الله صارت بنتك ؟؟
وسن بقل صبر : سمر بنتي وانا اللي مربيتها وماتقدرين تحرميني منهاا انتي ويينك وين ماخذه بنتي ردي .
ميار ببرود : شوفي ترا مو ناقصتك كافي سمر اللي صرعتني بصياحها الين خمدت ... واحسن لك تنسينها اوكيه .. باي .
وسن : الو .. ميار .. الووووو
رفعت عيونها الذبلانه لبداح وكلها دموع وبصوت مخنوق : بتااخذها .. سمرر رراحت مني .
تولين وهي مو مستوعبه : وش الحقاره اللي فيها .
.
.
جلست وسن ع الارض بقل حيله وصارت تبكي
مابيدها شي ولا وراها احد يوقف معها .
يتمية الأبوين وكانت تشوف زوجها سندها ..
بس قدّر ربي أخذ نواف وابتلاها ودايم نتذكر ان الله اذا أحب عبداً إبتلآه .. بس وش يصبّر وسن ع فراق سمر اللي صارت كمان قطعه من روحها
صبرها نفد كله من بعد ما تقبلت وفاه نواف.
.
.
نزلت تولين لمستواها وصارت تهديها
صغيره بالسن لكن عقلها كبير وتعرف تتصرف بهالأمور .
تولين وهي تمسح ع شعرها : صدقيني اخوي بياخذ حقك منهاا .
وسن بيأس : شلووون بيااخذ حقي .. انا مالي غير سمر واكيد رح تاخذها مني وماتخليني اشوفها .
تولين : أخوي بداح محامي ومحامي شاطر بعد .
بدّاح : اذا تبين الموضوع مايتعقد أكثر إرفعي عليها قضيه وانا رح اكون المحامي حقك .
وقفت وسن وردت : يعني كيف !! رح ترجع لي سمر ؟
بدّاح : أكيد رح ترجع لك اذا رفعتي قضيه وساعدتيني فيها شوي .. ع العموم الحين ممكن تعطيني جهازك !
وسن بإستغراب : ليش ؟
بدّاح : عشان يقدر البحث يوصل لبنتك عن طريق الخط اللي كلمتك عليه .
وسن بتعجل : اي هااك خذه يلا خلينا نروح .
بدّاح : إهدي .. تملية البحث تاخذ وقت ماهي سهله لهالدرجه ؟؟ بكره ان شاء الله تشوفينها .. الحين ناخذك لبيتك وترتاحين .
وسن بحزن : طيب .. بس ولا أقول لك انا بتصل ع زميلتي عشان تاخذني وأبيت عندها .
بدّاح : انا اوصلك .. الوقت تأخر ماله داعي تنتظرين .< مشى ومشو وراه تولين و وسن
ـــــ ـــــ ـــــ
عند إيڤا ونايف :
طلعت إيڤا من غرفتها وجلست بالصاله مع نايف .
إستغربت من سكوت وهدوء نايف ..
إيڤا : لتين وراكان لسى ماجو ؟
#عوج نايف فمـه وهز رقبته بمعنى لا بدون م يناظرها.
رن الباب و وراحت إيڤا تفتح
فتحت إيڤا الباب وبسخريه : وينكم تأخرتوو .. تسهرون من دوننا .
دخلت لتين : هذا احنا جينا .
راكان : يلا نيوف قوم ولا عاجبتك الجلسه .
وقف نايف واخذ جواله ورد بسخريه وهو يناظر إيڤا : وين عاجبتني الا ضقت هنا .
عقدت إيڤا حواجبها من رده بس تجاهلته .
$ بعد م طلعو :
بسيـارة راكان
شغل نآيف .. أم كلثـوم انت عمري .
رفع راكان نظره لنايف وهو يسوق ونطق : لا لا مو طبيعي تسمع ام كلثوم وريمكس بعد ؟
نايف ويده ع يسار صدره وبإستهبال : تعبااااان ياصاحبي خويّك تعبااان .
راكان بجديه : لا لا منججد شصاير معاك ؟؟ الاهل طيبين ان شاء الله !
نايف : لا الحمد الله الاهل بخير وطيبين ولله الحمد .. بس ضايق والله .
راكان باستغراب وشوية هياط : من وش ضايق ومن مضايقك والله لأنعن حظه ؟
نايف بدون مقدمات : إيڤا .
راكان بتعجب : إيڤا اللي نعرفها ؟!
نايف : وهو في غيرها !
راكان : لا تقول لي أنك تحبها . < مسك زجاجة العطر وكمل : عطيك بذا على راسك !
ناظره نايف بنظره كأنه يقول له : ما بالقلب حيله !
< فهمها راكان وهز راسه ورد : داري والله اني داري كنت حاس .
نايف بيأس : المشكله مو هنا .. المشكله انها رافضتني ..
< لف وجهه عنه وكمل وهو يناظر المارين والمحلات اللي حوله : اول مرا أحس اني ضعيف قدام بنت .
سكت راكان مو عارف وش يرد عليه .
نايف : انا صارحتها بس تجاهلتني وماعاد راح ارجع واصارحها مرا ثانيه إلين تفهم بنفسها وتجيني .
راكان : واذا ماجتك ؟
نايف بثقه : راح تجيني .
راكان : واثق ماشاء الله .
نايف : مو ثقه بس برودي تجاهها رح يحسسها بإنها غلطت يوم رفضتني .
راكان : ربك يعين .. انا بكرا بجيب امي عشان نخطب لتين .
صقعه نايف براسه وبحماس : اخخص والله وبتخطب.
راكان باحراج : خلاص كبرت تعرف يعني لازم اكون عائله وكذا .
نايف بسخريه : عائله وحراكات أتخيلك ي راكان وانت تمشي شايل بزر و وراك إثنين شادين بنطلونك ..يوووه 😂
راكان : حبيبي انا أحب الورعان لاتحسب انك بتغثني بذا الكلام لو أجيب درزن احطهم بين عيوني .
نايف بضحك : والله كلام واخرتها بترميهم ع بنت الناس ههههههه
تذكر راكان حياته المره اللي عاشها بسبة أبوه ورد بهدوء : ماني مثل للي يرمون عيالهم بدون مايفكرون بمصيرهم .
نايف عشان يغير السالفه شغل أغنيه ورد وهو مبتسم: اسمع اسمه بس هذي اهداء مني لك .
ـــــ ـــــ ـــــ
بـ الطـياره :
عبد الله بقل صبر : ( ولكن كيف .. هذا رقم مقعدي ورقمها من المفروض ان تكون بجانبي ! )
المسؤوله عن المقاعد والترتيب : ( آسفه سيدي ولكن هناك خطأٌ ف الأرقام فـ هؤلآء الاشخاص من كبار الشخصيات و لايمكننا أخذ أماكنهم بعد أن جلسو بها ) .
سيلين بهمس : عبد الله خلاص لاتكبر الموضوع .. قاطعها من بين أسنانه : إنطمي .
المسؤوله : ( نحن حقاً نعتذر منك ونعدك بالمره الآتيه ان نقوم بحسن إضافتك وترتيب وضعك بشكل تام .. والآن ارجوك لا تحدث أي فوضى ارجوك سيدي تفضل )
عبد الله بسخريه : اي هذا اذا حجزت مرا ثانيه عندكم ياعيال الـكلب .
شد يدها وجلسها ع مقعدها بجنب واحد أجنبي بهمس وبنبره أشبه بالتهديد : عيني عليك .
# بعـد نص سـاعه مرت عليـهم
عبد الله يهز رجله وهو يناظر الشاب اللي جنب سيلين ويحاول بأي طريقه يكلمها لكن سيلين متجاهلته وتسوي نفسها منشغله بجوالها او بالمجلات .
الشاب : ( رحلتكِ إلى سويسراً ! )
إبتسمت سيلين بخفه وهزت راسه بمعنى إيه
الشاب بفرح : ( آووه حقاً .. أنا أيضاً سوف نتسلى معاً في سويسرا أليس كذالك )
< تفاجأت بحركة عبد الله السريعه يوم سحبها من يدها وصار يجرها وراه
سيلين وهي تناظر اللي حولها ويناظرون وضعهم : عبد الله وين بتاخذني .. شوف الناس شلون تطالعنا !
وصل لدورة الميـاه ( يُكرم القارئ ) و وقف وبغضب : تجلسين جوا إلين توقف الطايره فهمتي ؟؟
ضحكت مو مستوعبه وردت : مجنون إنت ؟؟ أجلس داخل ليش وبالحمام بعد !!
عبد الله بنرفزه : عاجبتك سوالف هذاك الأشقر وليت لك الجلسه معه هااه ؟؟
سيلين بحده : انت صاير لعقلك شي ؟؟ يعني تبيني اجلس بالحمام عشانه ؟؟
ضغط ع يدها بقوه ومن بين أسنانه : بتجلسين الين تحط الطايره وغصباً عنك فاهمه ؟ / دفها لداخل الحمام وكمل بغضب : يمين الله ياسيلين ان طلعتي ماتلومين الا نفسك # سكر عليها ورجع جلس لمكانه .
.


بينما _ سيلين رجعت رجعت شعرها ع ورا وهي شوي وراح تجن
صرخت بصوت واطي ( مدري كيف جايه بس أعتقد فهمتوها واكيد تصير معكم يوم تصرخون وماتبون احد يسمع 😅) : بيجنني اكرهك اكرررررهك
أخذت نفس طويل وزفرته وف نفسها : آهه شلون بصبر الين تحط الطايره أحس ضاق نفسي صبرك يارب .
ـــــ ـــــ ـــــ
اليـوم الثـاني
الساعه ٢:٣٠ م
فـ بيت أم فهد اللي إحتضن الإبن الأكبر لهم بهاليـوم
وأحلى جلسـه له بين أمه وأختـه وأخوه الصغير فيصل الي مايتجاوز عمر الأربع سنين .
فهد جالس وبحضنه فيصل ..
فهد بضحك : عاد انا م وحشتني الا الغنمه اللي بجنبك ياخي فاقد ازعاجها .
لفت غنيمه وجهها عنه و بقهر : انت يافهيد والله اني مرتاحه من سافرت من حرشك فيني هفف .
ام فهد بحده : جعلك فداه يابنت إستحي على وجهك هذا اخوك الكبير .
كملت بإبتسامه : يلا الحين روح ارتاح وأصحيك المغرب عشان تجيب كم غرض .
فهد وهو يناظر فيصل : شفت يافصول من اول يوم لي عندهم وهم كارفيني وانا ع بالي مشتاقين لي وبيدلعوني .
إبتسم فيصل وهو مو فاهم كلامه .
أم فهد : عاد هذا كله عشانك .. اليوم رايحين عشان عشان حفلة الملكه .
فهد : يايمه ليش مستعجلين يكفي أبوي يوم أخذني من المطار أخذني لـ بيت عمي والشيخ وعقدنا بهالسرعه كأني طاير .. مو باقي الا تجوني بكرا تقولون لي الزواج بعد اسبوع .
أم فهد : لا تستبعدها ابد كل شي جايز يكفي انك رفضت تشوف البنت ع الأقل خلينا نحتفل فيك محد ضامن عمره ياولدي
فهد : الله يطول بأعماركم يايمه اللي تشوفونه يناسبكم انا اسويه بعد انا م رفضت الشوفه الا لأني اعرفها يعني من وحنا صغار باقي اذكرها .
أم فهد بابتسامه : لا يمه وينك عنها .. تغيرت بسم الله عليها تهببل الحين تهبل تهبل ماشاء الله عيني عليها بارده صدقني راح تكون مفاجأه لك .
ابتسم فهد و بصوت واطي : دايم تبالغون يالأمهات واخرتها تصير فاجعه مو مفاجأه .
غنيمه بسخريه : اي اي حش حش يامال الحش ارفع صوتك خلينا نسمعك .
فهد أخذ المخده اللي بجنبه ورماها عليها وبضحك : لايكثر ماحشّيت .. ها فصول تروح معاي !
فيصل بلهفه : اي اي اروح .. اروح ملاهي ماما بروح ملاهي .
قرص فهد خد فيصل ورد : ملاهي أبوك فاتحه هالوقت .. بنروح نفرفر .
أم فهد : وين يايمه بتطلع قلت لك ارتاح توك راجع من السفر .
وقف فهد ورد : بطلع اشوف اخوياي مواعدهم وبرجع ع المغرب .. واجيب الاغراض اللي قلتيلي عليها يلا تبين شي ؟
أم فهد : لا سلامتك حبيبي انتبه لنفسك ولأخوك.
فهد : ها غنومه تبين شي قبل اطلع ؟
وقفت غنيمه وردت : جيب لي معاك بيبسي و هذاك الشيبس المثلث ناسيه إسمه .
ضحك فهد ورد : مستحيل تقول لا ماتفكر غير بكرشتها الدبيه .. يلا يمه سلام .
غنيمه بنرفزه : لاعاد تجيب مابي ماارح اكله .
ـــــ ـــــ ـــــ
في بيت أم ريان :
غاده مسترخيه بالصاله ع الكرسي وبوجهها الماسك وعلى عيونها شريحتين خيار ..
دخل أخوها معاذ وقرب منها وباستغراب : أعوذ بالله وش حاطة إنتي بوجهتس .
غاده وهي تأشر بيدها عشان يروح : م ابي اتكلم عشان م يتجعّد وجهي .
معاذ بسخريه : الحمدِ الله والشكر حتى نعمة ربي ماسلمت .. لاتكبينه حطي معه ملح وليمون وكليه عشان مايحاسبتس .
غاده بقل صبر : معاذ إنقلع عني خلاص .
ضحك معاذ ورد : كل ذا عشان فهد بكرا تطفرين الناس وتخلصين خيارهم .
# طنشته وماردّت عليه *
اخذ معاذ الريموت وجلس يقلب بالقنوات وهو يقول : فهد يقول لي أهتم فيها وترا يسلم عليك .
نزلت شرايح الخيار وفزت : منججد !! متى كلمك ؟
رفع معاذ حاجبه ورد : شف شف الحيوانه لي ساعه اكلمتس وحاقرتن ومن ذكرت حبيب القلب فزيتي .. قبل شوي متصل .
تنهدت ورجعت استرخت وبشوق : اههخ بعد عمري يفكر فيني .
معاذ : اثقلي اثقلي بس .
دخلت أم ريان ونطقت يوم شافت غاده : ها يمه كلمتي الكوافيره ؟
غاده : لا يمه م ابي انا بجهز نفسي .
أم ريان بنرفزه : تمزحين أنتي هذي ملكتس شبلاتس !
غاده : ادري يمه بس أعرف اسوي ميك أب وانا مرح أثقله وشعري راح أخليه طايح .
أم ريان : مخبوله انتي .. بيشوفتس رجلتس لازم يشوفتس كاشخه .
غاده : يايمه شعرفك إنتي الحين محد يسوي ميك اب ثقيل وتساريح أوڤر .. ماعليك انا اضبط نفسي.

معاذ : ع ١٦ الأخ الاصغر لغاده .. مقعد .
ذكي ومتفوق بدراسته ملامحه جميله جداً وفيه شبه من أخته غاده .
ـــــ ـــــ ـــــ

ف شقة ميـار
فتحت ميار باب شقتها وبصدمه : إنتي ؟؟
جت وسن بتدخل بس وقفتها وبنرفزه : خير ان شاء الله جايه بيتي وتبين تدخلين كذا .
وسن بلهفه : ابي بنتي .. وينهاا .. > بصوت اعلى : سسمر .. ماما سمرر وينك.
# طلعت سمر من الغرفه تركض من سمعت صوتها وإحتضنتها ع طول .
وسن وبفرح : حبيبتي اشتقت لك .. انتي بخير ؟
ميار بسخريه : اكيد بخير دامها عند عمتها ماني حراميه.
سمر مسكت يد وسن وبزعل : لاتروحي وتخليني مرا ثانيه .
سحبتها ميار منها وردت بحده : لا رح تخليك وبتروحين معاي .
تدخّل بدّاح هاللحضه ورد : مالك أي حق تحرمين الطفله من زوجة أبوها اللي بمثل أمها .
تكتف ميار وردت : وانت مين إن شاء .. كملت وهي تناظر وسن بسخريه : امداك تدورين رجال ومامر ع وفاة زوجك حتى شهرين يـالـ ...
قاطعتها : لاتغلطين احسن لك .هذا م أعرفه ولا يعرفني ولا يربطنا شي . بس ..
قاطعتها ميار : مايهمني تعرفينه او لا يلا انتي وياه وخرو من هنا ولا عاد اشوفكم .
وسن بقهر : بس هذي بنتي ومالك أي حق تحرميني منها .
ضحكت بسخريه وردت : نعمم ؟؟ ضحكتيني من متى صارت بنتك !! انتي اخوي ولعبتي على عقله لين خذاك والحين تبين تاخذين بنته بأي حق ؟؟ انتي حتى مانعرف اصلك من فصلك الله واعلم اذا ماكنتي بنت حرام واهلك ...
< قاطعتها وسن بكف قوي صدم بدّاح و وميار وسمر اللي خافت وإحتضت رجل بدّاح من دون شعور .
وسن وهي ضاغطه ع اسنانها : انتبهي للسانك واحترمي نفسك .. مارح اسمحلك تشكّكين بنسبي
فهمتي !
ميار وبدها ع خدها وبحقد : صدقيني رح اخليك تبكين ندم ع هالكف اللي تجرأتي وعطيتيني ياه انقلعي برااا يلاا .
مسكت وسن يد سمر : امشي يلا .
سحبتها ميار للمرا الثانيه : فكيها بس واطلعي من هنا مالك أي حق تاخذينها فاهمه لانها مو بنتك بالأصل من غير مطرود يلااا .
وسن بقهر : صدقيني رح آخذها منك والله آخذهاا ورح أرفع عليك قضيه .
ضحكت ميار وردت بخبث : مارح تآخذينها لاني بعد كم يوم راجعه للديره وراح آخذها معاي .
وصلت معها وسن .. لين هنا وبس .
كل شي يهون إلا أنها تسافر عنها .. وقفت وسن وردت بحده : ماتقدرين .. جواز سفرها عندي ولو تتقطعين قدامي ما أعطيك إيّاه إلين اجرجرك بالمحاكم يصدر حكم بأنك تاخذينها هذا اذا خذيتيها .
ميار وهي تكتم غيضها : واثقه الأخت !
وسن : عمرها م اهتزت ثقتي بنفسي ولا إنتي تقدرين تهزينها . # وطلعت.
سرعان ماطلعت من شقة ميار صارت تبكيي بقهر وحرقه بشكل يكسر الخاطر وكأنها فقدت بنتها للآخر
فهم بدّاح إنها تحاول قد ماتقدر تكون قويه بوجه ميار وماتبين مدى ضعفها وحاجتها الشديده لـ سمر .
وقف بدّاح قدامه وكان مقفي عنها عشان م يحرجها ونطق : إذا تحبين تقدرين ترفعين قضيه اليوم .. وبعد كم جلسه ان شاء الله رح تآخذيها !.
مسحت وسن دموعها واسترجعت قوتها : اي ألحين نروح .
ـــــ ـــــ ـــــ
الساعه ٧:٣٤م
فـ غرفة لتيـن
لتين وهي تناظر نفسها بالمرايا : إيڤا ماتحسين ان الروج غامق شوي !
وقفت إيڤا : وردت لا الله يرجك اساسا نصه راح بالمنديل من كثر ماتمسحين .
لتين بزعل : ياربيه ماحبيتني بهالشكل .
إيڤا ابتسمت وردت : بالعكس وربي تهبليين يلا إمشي الجماعه برا ينتظرون .
طلعو إيڤا ولتين والأغلبيه إنبهرو من جمال لتين وانوثتها الي مخبيته خلف شخصيتها العربجيه .
تسنيم بهمس : ماشاء الله ماشاء الله صلوات الله على نبينا محمد .. طالعه متل الئمر .
إبتسم راكان وصار يناظرها وهو ذايب من شدة جمالها .. كانت عيونه ع فستانها الوردي اللي يوصل تحت الركب ومخصر يبرز تفاصيل جسمها الناعمه وشعرها اللي وصل نص ظهرها ومملسته و اول مرا يشوف طوله بما انها كل أيامها ترفعه بأي حركه .
# بعد ما جلست جنب عمها ابو عبد الله .
تسنيم بإبتسامه : طبعا أكيد بتعرف ليش نحنا هون .. بيشرفنا نطلب ايد بنتكن لتين لإبني راكان وازا حاب تسألو لإبني أي سؤال تفضل ورح يجاوبك .
أبو عبد الله : والله ونعم وسبعة أنعام راكان نعرفه ومن سنين وبما انه يماشي عيالنا ماعليه كلام ... بس بالأخير لتين اللي تقرر .. هابنتي لتين موافقه ؟
لتين بدون مقدمات : إيه موافقه .
دقتها إيڤا بكوعها وبهمس : ياخبله استحي اقصد سوي نفسك مستحيه شفيك دفشه كذا .
أبو عبد الله : يلا ان شاء الله تتوفقون واكيد راكان بيحطها بين عيونه .
راكان : أكيد ياعم .. كمل وهو يناظر لتين بإعجاب : لتين غاليه وان شاء الله رح اسعدها .
أبو عبد الله : على بركة الله .. في أي وقت تبون الزواج .
راكان بلهفه وبتعجل : بعد شهر .
ضحكت تسنيم وردت : أكيد رح نحدد بس هلأ بكير يعني لمن يتفئو العرسان ماهيك لتين .
لتين : ايه خاله اكيد .
أبو عبد الله : أجل على خير إن شاء الله .. يلا أنا رايح تعرفين انام بهالوقت عشان الدوام ومبروك ان شاء الله والله يتمم لكم اثنينكم على خير.
وقفت لتين وسلمت عليه .. < وطلع
نايف بهمس : هيه شعندك خاق هاه ؟
راكان بضحك : زوجتي ياخي شتبي .

ضحك نايف ورد : اقول بس لسى ماصارت زوجتك.
راكان بسخريه : خلك في الحب حقك انت .
< رفع نايف نظره وللحين تسولف مع رعد ومندمجه .. وإيڤا بين كل ثانيه وثانيه تسرق نظره له
زفر نايف بضيق وماهني بجلسته معهم.
ـــــ
في سويسرآ
ف شـقة أميره اللي ملك لهآ .
جلست جنب عبد الله بعد م حطت كوب العصير و.. قربها منه ولف يده عليها .
أميره وهي تمثل الزعل : طولت هالمره كم صار لي ماشفتك .
قرص عبد الله خدها ورد : كل مرا اتعذر بالشغل عشان اسافر لك بس من تزوجت أبوي عطاني إجازه والحين جاي ع اساس شهر عسل يعني من حقها .
أميره : وانا يعني مالي حق !! ناسي إني زوجتك ؟
عبد الله : أنسى عمري ولا أنساك من كثر شوقي لك خليت زوجتي بالفندق وجيتك إنتي .
باست خده بنعومه وردت : ياعمري حتى أنا مشتاقه لك حيييل .
تنهد عبد الله ورد : آهه يالبييه ويني عن هالكلاام الحلوو .. خذوني للنكد والشقا وبعدوني عنك .
إبتسمت أميره وردت : ماعاش من ينكد عليك كل كلامي الحلو والغزل مايطلع إلا لك أنت بس أنت زوجي وحبيبي وعشيقي وكل شي بحياتي .
رفع يده الثانيه لخدها وقرب وجهه لها وباسها جنب شفتها ورد : أحبك .
رفعت يدها لرقبته وردت : أعشقك وأموت عليـك.
.
# بينـما سيلين جالسه بالفندق لحالها
وحدّها طفشانه
سيلين وهي تدور بالغرفه وبقهر : اي شهر عسل هذا ..تاركني هنا لحالي اساسا ليش جايبني اذا بيتركني .. حسبي الله عليك ياعبد الله من تزوجتك ماشفت غير الهم والتعب .
تذكرت آخر موقف لها بالطياره بعد ماحطّت الطايره:
وقف عبد الله بسرعه ومشى بخطوات سريعه تجاه الحمام .. ودق الباب أكثر مم مرا إلين فتحت له وكانت تتمآيل و وجهها أحمر ومتعرقه بشكل فظيـع .
مسكها عبد الله وبقلق : سيلين .. شفييك ؟
سيلين وهي تتنفس بسرعه : مكتومه مكتومه .
في سويـسرآ
# تركها لثواني ورجع وبيده كاسة مويا وسقاها
إحتضن خدها بيديه : شلونك الحين .. احسن ؟؟
رفعت يديها تبي تنزل يدها لكنها كانت ضعيفه وحاسه جسمها تعبان .. سحبها عبدالله لحضنه وصار يمسح ع شعرها وبخوف : آسسف والله .. سامحيني ماكان بيدي غير هالحل . < رفعها عن حضنه ومسك يدها : يلا خلينا نمشي
/ وطول ماهو يمشي يده بيدها وماتركها إلين ركب تاكسي .
.
مسحت بيديها ع وجهها وف قلبها : أستغفر الله يارب كنت بموت بسبته .. النذل مافكر فيني ماتوقعته يسوي كذا معاي .
جلست وكملت وهي تكلم نفسها : وانا ليش افكر فيه الحين هفف خليني أعيش حياتي مثل ماهو عايشها ولا يفكر فيني حتى .
ـــــ ـــــ ـــــ
فـ كندا
بـ المطبخ :
نزلت إيڤا كوب المويا من يدها من شافت رعد داخل المطبخ وبارتباك : هلا رعد بغيت شي ؟
وقف قدامها ورجع يديه لورا ع الكرسي ورد : فكرتي بالموضوع اللي كلمتك فيه .. اقصد اخر مره يوم طلعتي وماعاد رجعتي .
إيڤا باحراج : ايييه هذاك اليوم جاني اتصال ضروري واضطريت اروح ونسيت أكلمك .
رعد بجمود : حصل خير .

# وقف نايف جنب باب المطبخ يوم شافهم .. بعد م استغرب غيابهم اثنينهم عن الكل .

إيڤا بتوتر : بصراحه كل اللي عندي قلته لك .
رعد : إيڤا انا كل ماحاولت أفتح لنا باب إنتي سكرتيه عطيني مجال .
زفرت إيڤا وردت : رعد شتبيني اسوي !! تبيني اكذب عليك واقول لك راضيه ارتبط فيك قول لي تبيني اكذب ؟؟
رعد بقل صبر : لا طبعاً م ابي تكذبين بس إنتي بكل الطرق تمنعيني عنك ليشش ؟؟ ليش ف كل مرا اتقرب منك تصدين عني ؟
فرصه وحده بس .. إنسي اللي صار وعطيني فرصه
كم صار لي أنتظرك حسي فيني شوي .
نزلت نظرها عنه وردت : آسفه م أقدر .
رد بغضب : ادري ليشش رافضتني في أحد بحياتك ومتأكد بعد من هالشي لدرجة إنك ترفضيني انا اللي تعرفين اني اموت بالتراب اللي تمشين عليه .
ردت إيڤا عشان يفك عنها : إيه في احد بحياتي والحين دام عرفت الله يخليك خليني في حالي .
شدها من ذراعها وبقوه ومن بين أسنانه : تحبينه هاه !! والله مايااخذك الكلب فاهمه .. إنتي لي ومحد يقدر ياخذك مني إلا الموت .
انا اذا قلت شي مايصير غيره وغصبن عنك بترضين فيني لأني أحبك أكثر منه .
إيڤا وهي تتألم وبهمس : رعد وخخر عني .. اقول لك وخر .
دخل نايف بهاللحضه وهو يمثل الأسى والتأسف : مسكيين .. كذا تذل نفسك عندها عشان ترضى فيك ؟
.
.
بالصاله :
راكان : طالعه نااار . لتين باحراج : اما عاد والله كنت احس شكلي غبي . ابتسم راكان ورد : بالعكس ذبت يوم شفتك .. إنتي حلوه بالأساس وزدتي حلا اليوم .
تصدقين كاان ودي أقوم وأغطيك بالغتره اللي لابسها .
إبتسمت لتين وردت : اي صح شعندك اليوم مرسم فاجأتني ؟ .
راكان : مشتاق البس ثوب اساسا حق نايف .
لتين : اممم طلعت كشخه .
راكان : لتين .
لتين : هلا .
راكان بإحراج : تسمحين لي ؟ .
لتين بإستغراب : وشو ؟ بعد تستأذن !! من متى ههه صاير رسمي .
باسها بخفه قريب من شفتها .. إنبلمت لتين وماعاد قدرت تنطق بحرف .
رفع حاجبه ورد : نقطة ضعفي هالمكان لاتزعلين انا خطيبك .
مسحت بيدها مكان البوسه ع السريع وردت : لا عادي
خلينا نرجع لأمك بتكون ملّت لحالها .
.
.
.
كت # إنتهـى أشوفكم بالبارت اللي بعده 💗🌸