مرت الايام ....
وسهر لا حصلت منها حق ولا باطل ..
دعيت رب العالمين ياخذ حقي من كل انسان ضلمني...
نرجس ملت حياتي ....بحبها الي ..واهتمامها ...
وقتلت بداخلي ...الانتقام ...والخوف ...
.......................
سهر بقت بلغرفه محبوسة ...
حاربتها نفسيا ......
لحد ماتمرضت .....
وبيومها قررت .....ارجعها لشارع ..لمكانها لاصلي ..
وتركتها ترووح .....
شكد حاولت تتلون ..وتتقرب بس ماكدرت ابد ...
ارجعها لحياتي .....................
زينه ...بيوم اكتشفت ..هية مزوجة ...وعايفه اطفالي بيت اهلها ..بعد ماادهم كدر ..يتصل من فون بيبيته ...وحجالي عن امه ..صار الها 3اشهر مزوجه ..وباقين وحدهم ...
وبين فترة وفترة تجي ...شوفهم ...
كدرت اسحبهم واخذهم ...من بيت جدهم ...واضمهم الي ...
.........................................
قمر ...طلعت بنتي ....من لحمي ...ودمي ..
ولكيت صعوبه علما ..تعلمت علينه ..بس من اجوي ادهم وايهم ..اتأقلمت ..بين فترة وفترة تريد امها ..بس نحاول نلعبها ونسيها ...
.....................................
نرجس حبتني الي ..محبت لا فلوس .و.لا شي ..
ورة ماسحبت اطفالي ..زوجت نرجس ...بس ..عانيت ..هواية .....علما ..تعلمت على نرجس.ورجعت ثقتي بلناس ..بس رب العالمين عوض ..صبري ...وتعبي بنرجس ...
.........................
امجد ....شائت الصدف اشوفه ...باحد ..الدول ...
بس شفته مقعد ...وعاجز عن الحركة ..حتى لا كدر يحجي او يبرر شي ..الي ..هنا عرفت عدالة السماء اخذت قصاصها...
................................
فديوم بليل ...
ندكت الباب ...
كمت ...صحت منو منو..
محد جاوب ...
رجعت كلت يجوز اطفال ...
رجعت اندكت الباب ..
طلعت ..فتحت الباب ..
اشوف سهر ...
بس مو هيه ولا شكلها ...
نصدمت بيها ...
توسلت بيه بس تشوف ..
قمر ...
مكدرت ..وكتلها ...روحي ..ماريد اشوفج بعد ..
رجعت تتوسل بيه .....
عمار بس اشوفها واروح ...
كتلها سهر طلعي من حياتنه ...
الطفلة نستج ....
لاترجعين بعد ....
انسي ...بنتج ..
راحت سهر ...
اخر مرة شفتها بيها ...
جان اخر يوم بحياتها ...
لان كعدت الصبح ..بطريقي للشغل ...
العالم تحجي ...بشابه لكوها ميتة ...
براس الشارع....
ومحد يعرف ...سبب موتها او هية منو ...
حزنت عليها ونقهرت ...
بس الي مثلها الموت راحه ...الها ...
تندمت لان مخليتها تشوف بتها...
بس ميفيد الندم بعد ....
اما اني عايش حياتي بين شغلي واطفالي ومرتي ....واهلي ...كدرت ارجع واعيش رغم المعاناة الي عشتها ...كدرت ..اكون نفسي والم كياني وروحي الي ضاعت
وعرفت خلف كل لون اكو قصة وحكاية ...
اما تكون ...طاهرة ....
اما تكون ...مجهولة ...
اما تكون شيطانه ....
.................................
احيانا الشيطان ....يختبئ خلف احمر شفاه ...
احبتي الكرام ..... قصتي كانت تتكلم وبكل وضوح عن الطيبه ولكن!احيانا كثيره تعتبر الطيبه غباء كرمنا الله من دون خلقه بالعقل فيجب ان نحكم ع الجميع بعقولنا قبل قلوبنا وان تكون الطيبه في حدود المعقول والا سنقع بالف سهر وامجد وقد لا نستطيع العيش والتعايش مثل عمار ....
بكل سطر من القصة اكو عبرة ..وحكمة ....اتمنى ...وصلت الكم بطريقة ...سلسة ومفهومة ...
دمتم سالمين .....
الكاتبه
سوزان المندلاوي ..
الناقله
MemeAlsamarrai
