طلعت مبالي شي ...
ماشوف نفسي واني ادك باب..ابو نرجس ....
طلعلي ابو نرجس رحب بيه ..ودخلني للبيت ...
طبيت جوة نرجس اجتي سلمت عليها بس سلامها ثكيل ....زعلانه يمكن ...
كتله عمي ..اريد نرجس ...
نرجس واكفه ..ضلت صافنه ..
اريدها ازوحها ..
عمار..سلامتك شبيك ...خلي نفتهم ..
انت اليوم مو كلت انطي صبر شبدلك ..
ماكو شي فكرت ومالكه مثلها ابد ..
لا ابني مو هيج هل مسأل تنحل .
.قرارك لا تخاذة بسرعه .
.نرجس ع وكفتها متحركت ..
عمي اني شاري بنتك ..واريدها ع سنه الله ورسوله ..
بيها شي ..
عمار ..افهم اهلك شكالو ..ماكو هيج شي وسرعه ...ولك مصخن ..
لا عمي ..بس فكرت بكلامك ...واشرف اذا ناسبتكم ...
كتلة نقرهه الفاتحه ع..نية البركه البركه ..
اهلك يرضون ..
كتله كلها موافقه...
بس لازم امك تجي اريد اعرف تقبل ..
ابو نرجس ...صدكني تقبل ..
قريناها
ونرجس صافنه ..
ابو ها عاط بيها ولج جيبي شي ولمي كفشتح لا الرجال ينهزم ..
ركضت للمطبخ اسمع بصوت المواعين عالي ..
كلي عوفها تلكاها من الفرح تكركط بيهن ..
ان شاء الله باجر اجيب الاهل واجي ..
عمار اصبر ..لا تخاذنا ركض ركض ..
كول ..ترة نرجس ميصير عدها اطفال ..
كتلة مو مشكله اني عندي اطفال ..ويجي يوم واخذهم ..
اسمع ابني ...ترة مدافتهم شي ...
جيت خبلتنه وصعدت السكر ..
سلامتك ياعمي ...
.اني اريدك تعيش هنا ويانه ..
كتلها هاي صعبه ..امي وحدها ..ماكدر اعوفها ..
سكت كال ..اندبرها يوم هنا ويوم هناك ..
لو تزوجني امك ..
هههههههه ياعمي متبطل سوالفك ..
والله عمار البيت يخنك اذا نرجس ماكو ..
هوة بس اني وهلمخبلة مفرحتني ..
طبت نرجس ..
بابا ليش تحجي عليه ..
لا عيني هذا دلع ..
بقيت يمهم لليل ..وترخصت وطلعت ..
لا نرجس فتهمت شي ولا اني بس ماعرف ليش هيج سويت ..طلعت بسيارة ..
مخنوك كلش ...ذكرت الاغنية الي سمعتها ..اول يوم شفتها ..
دورت عليها شغلتها ...
ختنكت اكثر ..
طلعت رحت لابو نؤاس ..وكفت ونزلت ..
ع الشط ..
دنيا لليل الهوى حلو ..محد اكو بس كم واحد ..
ضليت افكر ..شبيه وشجاني هيج سويت ..
معقوله رحت خطبت نرجس ..
عمار وين تريد توصل ..
وسهر ..اخ سهر ..دمرتي حياتي ..
يعني ..مداعرف اصرف عدل ..
اريد امجد ..اريد اموته بيدي ..
شنو اموته اعذبه والله هوة وسهام ..
بقيت لحد مامهند دك عليه ..
وكلي وينك اني بلبيت انتظرك كتلة تعالي انت ووصفت الة مكاني ..
شكو تعال ..ماكوشي ..وجيب وياك ..شي نسله بي ..
يمعود شرجعك عليه جيب حباب بس اليوم ..
تدلل ..تريد تفسد اخلاقي ..
تعال ..ابو اخلاق ..
ضليت اباوع ..ودماغي بدة يصفى ..هناك..واجه مهند متاخر هوايه ..
انداريت عليه ..طبك سيارته ونزل ..
واجاني بيدة علاكه سودة ..
كال هاك المقسوم ..
كتله تعال ننزل جوة نكعد نزلنه اكو حجر كعدنه عليه ..وبدينه نشرب ..
كلي حليتها الك سالفه الفحص بس غالي ترة ..ويطول ..
كتله سهله ..
بس اريد شعرايه من قمر ..
هم سهله ..
شبيك وين بالك .
كتله خطبت وراح ازوج ..
كال ها دك براسك توك باول قوطيه ..
هههه لا صدك راح ازوج ..
منو سهر ..
لا مو ....
نرجس ..
هاي شنو ..شعجب ..
ماعرف ..
عمار ..شبيك ..
هاي مابيها ماعرف ..
مهند مادري راح ازوج والسلام ..
دار وجهه
من اكول مخبل يضوج
تدري انت شكد جنت ..دايح بس ماوكعت روحك مثلي وبقيت محافظ ع مرتك وجهالك ..
واني الحريص ..من كفخه لكفخه ..
لان انت طيب عمار وتشوف الناس كلها مثلك ..
لا ولك مو طيب غشيم واثول ..
لاعمار ..طيبك ..وصلك لهل ..مرحلة ...
كمت ..كملت القوطية شمرته ..بلمي ..
انداريت عليه ...
كتلة شفت شسويت ..
كال شنو ..
شمرت القوطية بلمي..
ي وشنو يعني ..
شسويت اني ...
شبيك عمار ..لا تخبلني ..
اشرت اله شوف البحر شكد نظيف ..
احنه نوصخهه بدينه ..
ي وبعدين قابل بس انت ذب ...
لا مو هنا مقصد كلامي ..
المقصد احنه نفس الشي ...
نظاف ويجي احد يوصخ ارواحنه ...
مممممممممم بدت رحمه الله ...
اخذت القوطية الثانيه ..وخلصت ..
كتله اني مثلها ..خلصت ..ونشمرت بشط ..
عمار امي جنك سكرت علية ..
هههه لاوالله لو اشرب بكد البحر ماسكر ..
دمشي امشي لا ذب روحك ..
لا اذب سهر بلكي تنضف بي ...
اليوم فارهه ع النظافه ...
طب اسبح وفضنه ..
درووح مو صوجك صوجي اني اشاركك افكراي ...
عمار انت تحب سهر ...
مجاوبته ..
اخذت نفس عميق حسيته ديحرك صدري ..
عمار اتحبها ..
اذا اكولك لا ..اكذب عليك ..
واذا اكولك اي اكرهه نفسي ..
لا بس انت صدك مخبل ..ولك لو اني منك اشرب من دمها ..
هاي انت ...لان محاب صدك بحياتك ..
عمار موحب هذا ..ضعف ..منك ..
ماعرف ماعرف ...
احبها وماحبيت ..انسانه مثلها ..
تدري ...اني داطول بكعدتها يمنه ..
من يمها ...اكرهها ..
ومن اعوفها ...احبها ..
هنا صدك مريض ...
عمار انت خطية ..وانقهر عليك ..
ضعيت نفسك بأيدك ..
صح ..ماعرفت اختار ..
بس الحب مابي اختيار ..
وموكل انسان يعيش الحب ..
لا انت سالفه الحب زايدة يمك ..لان فنان ..
هههههههه مالها دخل ..انت استبرق عوضتك كلشي ..حتى بعدك عن امك عوضته ..تذكر اني من جنت وي زينه رايح جاي ...لان زينه ماعرفت ..تحتويني بشي ..ابد ..
اما سهر عوضتني عن كلشي ...
بس سهر متاحة للجميع ..
لا رجولتي ولا كرامتي ..
تقبلها بعد ..
كافي عمار انساها ..وافتح صفحة جديدة وي نرجس..
اييي...
انطيني بعد ...
ولك شبيك خلصن ...
لعد خلي نرجع ...
صعدنه بسيارة ورجعنه .....
نزلني بلباب وراح لان استبرق ..كل شويه ادك ....
طبيت للبيت ..رحت لغرفة امي ..
شفتها نايمة ومنومة قمر بصفها ..
ضليت اباع عليهم ..
وراها سديت الباب ..
وضليت كاعد بلهول ..
ضليت ..افكر اريد اروح احجي ..وي سهر ..
كمت سبحت ..وغيرت هدومي ..صحصحت شوية ..
فتحت الباب ..وطبيت ع سهر ..
جانت نايمة ..
فزت ..
عفيه اريد اغسل ..
طلعتها ..وانتظرتها ورجعتها ..
كعدت كبالها ..
كتلها ليش ...
شنو ليش ..
ليش سهر ..
شنو ليش ..
غدرتيني ..
سكتت ..
احجي ..
مو كتلك ..
لا ميقنع ..
عذرج اقبح من فعلج ..
ليش ..
اني حبيتج ..صدك ليش ..
اني هم احبك ..
اكو كدامي ..كلاص..مي ..
شلته وكسرته ..
كتلها كومي رجعي مثل قبل ..
وراها تعرفين شنو الي سويتي ..
عماار كافي ..
تعبت ..تريد تموتني موتني لا تحاربني نفسيا ..
سلمني للشرطة ..خلي يحبسوني ..يعدموني ..
تعبت تعبت ..
هههههه تعبتي ..
اي والله ..
شنو الي تريدة سوي....بس كافي ...
راح ازوج ..واعيشج هنا خدامه ...
لا ليش ..اعيشج هنا ..اشمرج برة بشارع ..
هذا مكانج ..
عمار ..ابوس ايدك كاافي ..
انطيني مدة حتى فلوسك ارجعها ..
اريد امجد ..
والله مااندل مكانه ..
لزمت وجهها ..سهر ..اريد امجد ..
ماعرف ..لعد ابقي ..هيج ..
كمت ..وصلت للباب ..
جتي حضنتني ..
غمضت عيني ...
بس حسيت ..بكرهه ..موحب ..
دفعتها وطلعت ..
