..طلعت من الجامعه ....واني ممركز بلمشي اجرت تكسي ورجعت ..خليت ايدي ع الجامه ..وضليت بمخيلتي ارسم ..شكلها ..صح ماخزنته بس كل شويه لون الحمرة ..يجي ابالي ..وارجع واكول شجاك عمار انت جاهل وهيج تفكر...وتنكطع افكاري ...
اووف ياخي ازدحام وحارة ..ومكطعين الطرق ..
عبالك يكولون النه طلعو من هل بلد ماكو عيشيه بي ..
اني اهز براسي اي اي ..
رد سولفلي ع الغرامات ...واني تعبان من الحر ..ومن الهوسه ..بس كلما اذكرها احس هوى بارد يجي عليه ...
ضل الرجال يحجي واني اجاوبه ..علما وصلت اني راسي احسة صارطبل ..طبيت للبيت ...
اووف مصدكت اكعد ..طفت الكهرباء ..صحت بربكم هااي عيشة ..لو وضع درجه الحراره عاليه وتطفى وتجي الحمدلله اهلي عدهم مولد كبير يشغل كلشي بس الله يعين الفقير..
جت امي جنها دعبله ....كوة تمشي
ها يمه ..جيت ..شبيك ..مابيه بس حارة ..وتعب ..وينه الحر بعدنه باولة ..الله لا يشوفك السادس والسابع ..وضلت تحجي ..ع الحر قبل شون وهسة شلون ...
كمت كتلها اريد اسبح ..صعدت طلعت الي هدوم ...
وطبيت ..للحمام فتحت الدوش ع البارد وبقيت ..ابرد جسمي وراسي ..هناك وذكرتها شون ..جت قريبه عليه ..وكالت ...ع راس الباميه ..ضحكت ..هههه صح هوة جنه راس البامية ..بس التفاح منو ...؟معقوله عليه ..
اهووو عمار شجاك يمعود ..طلعت جريت المنشفه ...وكفت كبال المرايه ...خليت ايدي ع شعري..ولحيتي ...شفت بيها شيب ....كلت ..شيبت شجاك ...وهاي الافكار ...لا لا بعدني صغير الي بعمري ممزوج ...ارجع اكول شنو اقشمر روحي ..لحد مامليت بدلت وطلعت ...
اشم ريحه سمج الله الله ...كبل للمطبخ فتحت الجدورة اي والله ..سمج وتمن ..اجت مرت اخويه ..
ياعيني ابو ادهم جوعان ...دقايق روح يم الحجيه سالت عليك ..كالت شبي خاف تخربط بلحمام اتاخر ....
خهههههه شتخربط عفيه امي عليها سوالف ....
فدوة لعينج بسرعه واكع جوع ..اشرت ع عيونها ...
رحت للهول ...يايمه شنو طولت ..كتله تعبان وحارة ...
بردت جسمي ..ان شاء الله حمام الهنا نعيما
بست راسها ..وكعدت فتحت الموبايل ...
خابرت مرتي ...
شونج ..
الحمدلله ..
وانت ..
تمام ...
الجهال سونهم وينهم ....
نيمتهم ..
شعجب ...
شبيك مو احنه انام الظهر ...
ي صح نسيت
شصار من مهند
من اجي افهمج مو مال حجي هنا
هاااا ميهم ....شوكت تجي
بعد فد اسبوع
لا تتاخر هوايه ...
كمت من يم امي تمشيت بلحولي
لازم مشتاقتلي
ي طبعا ..والجهال موتوني عليك ..
هه لا انتي انتي زينه ..
ي طبعا ...
شنو اي طبعا ...
مشتاقه الي ..
اووي شبيك ..كلنه مشتاقه ...
اهااا خوش روحي ومن يكعدون الجهال ...خلي يخابروني ..
شبيك زعلت ....لا ليش ازعل ..
عمي مشتاقتلك ...
خوش زينه ...ديري بالج ع الجهال
مع السلامه
سديته ..شكو واهس حلو طار من راسي بله هاي شبيها ..اذكرت شلون جانت زينه ويايه بدايه زواجنا بس مادري شنو الي غيرها وصارت مجرد زوجه وام وبامتياز ....واني وين من بين ذولي
اووف اووف ...........
عمااااااار
هايمه تعال اكل ي اي جاي ....
كعدت ع الاكل ....يوم ..مهند وين ..كالت يايمه من طلع الصبح ماجه ..صحت مرته .استبرق ..
يلا تعاي اكلي ..لا لا انتظر مهند ...
هوة شوكت يجي هسة ع جية خابرته كال بطريق ...
تعاي اكلي يمعودة ..جهالج ماتو جوع ..لا وكلتهم ونامو .....اكلو انتو الف عافيه ..دتعالي .....ويانه لا لا انتظرة ماعرف اكل اذا مو وياه ...
باوعت ع امي ..كتلها يمه ابنج اذا ميعدل ترة اتعامل ويا غير شي ..
اسم الله شجاك ..مابية بس شوفي مرته وشوفي ابنج ...
اسكت ..فدوة ...لا تسمع ترة دمعتها بطارف عينها ..
استغفر الله ادري بس حرام هاي بنت العالم يعني كل سنه شدة واكع بيهها ...يايمه شبيك اكل لكمه كم اخ عدك هوة واحد ..
شبيك شصاير شو من خابرت جيت معصب
اني... لا ماكو شي بس ..اريد اسوي حل لهذا الي ميعرف يصرف ...
اكلت شويه وكمت .........هاي شنو يمه مااكلت ...
نعمه شبعت اريد انام راح اصعد واذا اجه مهند مو يطلع اريد احجي وياا ....
صعدت ...مددت ع الفراش ..توني غمصت عيني واجت ابالي ...شلون الشمس تعكس ع شعرها وعيونها ..وتاشر وايديها ليفوك...انكلبت رجعت نفس الصورة ...ضليت اتكلب ..لو نمت لو لا ماذكر ........
احس تليفوني يدك ...زوجتي .. جاوبت
شنو نايم
ي
شعجب
تعبان
من السهر
لا جنت بشغل ...
هاي الجهال يردوك
كعدت
هابابا شلونكم ...
احنه زينين بابا شوكت تجي
كم يوم حبايبي ...
دراستكم شلونه
زينين و.........يصيحون بابا نحبك هوايه ....
جرته زينه ...
ديري بالج عليهم ام ادهم ..
ي قابل اكلهم هههه ..
ههه لا لا ...يلا اروح ..بيت خالتي ...
شكو ..ماكو شي نكضي العصريه ونرحع ..
ديلا عيني بليل اتصل ...
سديته ..واني بعدني تعبان نعسان ..ماعرف ....شبيه ...
رديت غمضت عيوني ....تخيلت لون الحمرة الاحمر ..والشعر الاسود ..والعيون السود ..والبياض ..والملامح..الحلوة...
كمت ..وي نفسي وتالي وياك ادري انت فار الدنيا كلها ..وشفت اشكال..محد اخذ تفكيرك ....
اصحى عماار.....
كمت .دخنت جكارة ....
خابرت ع ام ادهم ..زينه
الو
حبي
ها عيوني خيرك
زينه اريدج صبغين شعرح اسود ...
هههههههه اسم الله عليك شبيج ..
مابيه والله بس شفت موديل وعجبني اللون ...
مو تعرف ماحبه واحب اللشقر
لخاطري بربج ...
هااا
كولي اي ....
اي اصبغه ..
وخلي حمرة حمرا ...مشتاقلج ..
شبيك يارجال ...هوى بغداد ...شسوالك ..
مابيه بس احبج ومشتاقلج هوايه ...
هههه فدوة لعمرك ابو ادهم ...
احنه هم نحبك ...
احنه ...
ي كلنه ..حتى اهلي يحبوك ...
فتهمت ...يلا عيني ماعطلج روحي لبيت خالتج وسلميلي عليهم ...
الله يسلمك ياعمري
انت هم سلملي وبوسلي الحجيه ..
خوش ...
سديته ...اييي اشغل روحي بمرتي وجهالي شبيك ...هههه دتراهق اصحى ...
نزلت ...كلها كاعدة ...
هاااا....خوش لمه ..وابتسم...
امي ...فدوة لهل الضحكه ..خوما الظهر جيتنه معصب ..
يامي تعب ..العراق ازدحام ...وحر ..وهوسة ...
ههههه نسيت قبل ...
لا مناسي...
مهند وين
جاوبت مرته ديسبح ...
اجه مهند دينشف بشعره ...ها خويي ....صح النوم ..
هه عمي منايم والله ...
تعال هنودي حبي عندي حجي وياك ...
اخذته للغرفه كتله ها فهمني شصار ...
كال كلشي تمام وفضت ..
بربك منا منا
لا والله خلصت ...
مهند كافي واعقل ...
باوع صفح شبيه مخبل ..
لا والله اتعس ..مراهق ...عمي مرتك خوش مرة ترة وتحبك ..
اعرف والله ...بس الشيطان ..قوي ...
هوة انت شيطان ..احمد ربك مرتك تحبك ومهتمه بيك ..
يمعود ...شتريد بعد شوكلشي عدها ..
مهند مو بكلشي بس حسسها بحبك ...
هز راسه ميخالف ...
ديلا ماوصيك بعد ...
دك الموبايل امجد ..اوكف خلي اجاوب ..
ها استاذنه ..
هلو عمار شونك
تمام وانت
بخير ...
شكو ماكو ..
سلامتك حب ..يمكن نطلع طلعه عائليه ..اذا تكدر تعال
وين ...
بمطعم ..
ها لا والله بعيد عليه ..صدك..اليوم
شبيك طلعت بسرعه اليوم ..
راح فكري بيها سكتت ..
كتله هااا مو خابرو الاهل ...
خير ..
لا سلامتك ..
شكد باقي ترة مافهمت شي منك ...يعني مو تحسبها طلعه هاي .وتشاوفنه ...
حبيبي باقي فد سبوع ..هم نشاوف ةاجيك ..
اكيد ...خلي نسوينه طلعه ..ترة طلال ..وعلي عندي اتصال بيهم ...لا صدك ...ي والله مشتاق ...دخابرهم وكلي ..
خوش ...حبيبي ..مو تنسى تعال ..
ان شاء الله ...
ختمته .ويا ...مهند كاعد يكلب بلموبايل ..
كتله امشي نطلع ..كال يلا الله وايدك ..
يلا كول لاهلك يحضرون روحهم ..
ولك ياهل ..
مرتك وجهالك وامي ...
من كل عقلك هااي طلعتك
ي لعد ليش ...خطيه ..
اهووو لا بربك امشي اني وياك وحدنه واشوفك العجب ..
كتله خليهن الك ...امشي ولك نطلع كلنه ولا تعاند ..ترة اكطع عنك المعونه ....
ههههه اي اي اجي والله ..
طلعت ...كنلهم يلا كومو نطلع ..
كلها كالت .وين
مطعم ونفتر ونرجع ..
امي كالت يمه هوة اني كوة امشي مال مطعم ..
رحت بوستها ..امشي بطه انزلج كص ...ضحكت
يلا استبرق بدلي ..والله يابو ادهم بكيف مهند ...
اروح اكوله ..خطيه تعبان ..
صفنت
دكومي بدلي باعي الجهال كامت تركص ...يقبل يقبل ...
راحت ركض..عليه جان باب الغرفه مفتوح ...
حضنته وبوسته ...اني اباوع ..نداريت
ع امي يلا كومي ..حجيه لا لا روحو انتي ..كومي ..
والله كلها كملت ..طلعنه بس بقى مهند ..واستبرق ..صعدنه بسيارة دكيت هورن نزلو ...وكفت بلباب ..عدلت هدوم رجلها ....يلا يمعودة ..صعدو فضونه ..غير طلعتله هدوم وبدل ....زينت لحيته ...هااا مدلل مهند ...نفش روحه شعبالك ..خيي ...
وصلنه ...طبينه لقاسم ابو الكص ...كعدنه ....
كتلهم ...اروح للحمام واجي ..
دامشي ..اسمع صوتك ضحكه مو غريب عليه..
نداريت ..ادور بلوجوه ...ييي سامعه ...وينه ..شنو داتخايل ..اشوفها ...ي هيه ..والله هيه ...
هم حمره حمرةوالشعر الاسود والضحكه والعفويه ...
ضليت واكف بمكاني ...رجعت كعدت كتلهم كومو نغير مكانه ..ليش ارتاحينه ..لا كومو مناك ابرد ..يمعود ..نزلنه ..كومو ..كمنه ..كعدت وراها بلميز ...صار ظهرها عليه .
لابسه ....فستان جلد ..نمر وفاتحه شعرها ..وكل شويه تلعب بي ....وبالي وعيوني عليها ..
اجه ..دنطلب اكل الكل طلب سالوني ..كتله اريد همبركر ..
الكل ضحك ....عمار شبيك ..هنا ماكو همبركر . ها اي شخذتو مثلكم ....وللحكايه بقيه ....
