ملاذي الاخير

القصه كامله

#ملاذي_الاخير
#جزء٤
هديل :اخاف خالي رياض ومرته يزعلون مني صار كم سنه اني عدهم عيب بهالسهوله اعوفهم
محمد :دا انزل على الدرج سمعت وجدان تريدها تبقى عدنا
ووگفت اسمع اجابتها عجبتني لان تعرف بالاصول
اني منتبه عليها هي حلوه وطويله ورزنه بس ما منبه على جسمها  قبل اليوم
اول ما نزلت وشفتها بالمطبخ هي ووجدان ولابسه دشداسه قطن لحد ركبتها وردنها شويه عن الكتف يعني اختي وجدان لابسه نفس الدشداشه بس ما مطيتها الشكل والجاذبيه الي مطيتها لهديل
دخلت للمطبخ  گتلهن نص ساعه اريد چاي وشي اكله لان عندي طلعه  وسويت نفسي رحت اخذ گلاص حتى اشرب مي بس بالحقيقه ردت ابصبص على هديل وهي البنيه مطيتني ظهرها دتشتغل بشي على السنك
جسمها رهيب ولونه فاتح بس مو ابيض  رحت يمها دا اخلي الگلاص بالسنك اندارت عليه دتاخذه مني  صارت عيني بعينها والمسافه بيناتنا كلش قريبه هاي اول مره انتبه على ملامحها حلوه وعيونها بيها لو جوزي مايل على عسلي  انطيتها الكلاص وطلعت من المطبخ
طبعا اني ابو بنات من الطراز الاول بس ولا مره منتبه على هديل خلال هال٣اسابيع الي كعدتها ويانه هي هيج حلوه  لان قليل اتواجد بالبيت بحكم شغلي
هديل :محمد الوحيد بالبيت الي من اشوفه ارتبك ودائما الهي نفسي بشي من اشوفه
اول ما دخل لهيت نفسي بالشغل ومن وگف يمي حسيت قلبي يدگ من الخوف ما ادري ليش اخاف من عنده واتجنبه
وجدان يله خلصت هدوله صبي الچاي خلي اصيح  الافندي  يجي ياكل واصعد اكعد امي وابويه
محمد : دخلت للمطبخ لگيتها واگفه يم الميز دتصب چاي حسيتها ارتبكت
گعدت على الكرسي  گتلها متكعدين جاوبتني هسه يجون واكعد
سألتها انت تخافين مني ؟؟
هديل :ربكني بالسؤال جاوبته لا
محمد :لعد اكعدي /هديل :كعدت بقيت ساكته ومنزله راسي
ورا دقايق دخلوا الكل  بعدها خلصنا
محمد :صعدت ابدل بغرفتي والشيطان حلاها بعيني كلش عجبني جسمها وبقيت افكر بيها حتى فكرت شلون اكدر اقشمرها واتونس وياها بعدين صحيت على روحي هاي بت عمتي يعني عرضي شلون افكر بيها بهالصوره والبنيه حبابه وفقيره وفوگاها يتيمه استغفرك

تاخرت عليكم بنات لان بالغلط مسحت هذا البارت ورجعت من جده وجديد كتبته الاقريت القصه كلها يله تذكرت الحجي الي بهذا البارت

#ملاذي_الاخير
#الجزء٥
طلعت من البيت ورا ساعتين رجعت لگيتها واگفه بالمطبخ دتشتغل
صعدت لغرفتي بدلت وتمددت  وراها نزلت هم شفتها واگفه بالمطبخ دتسوي عشا
صحت على امي  /يوم وينج گلتلي بالغرفه  رحت عليها گتلها شنو افوت واطلع اشوف هديل بالمطبخ تشتغل شنو جايبيها خدامه احنه حتى حرام البنيه يتيمه
امي :حبيبي هي البنيه سباعيه وحبابه ومتذمر من الشغل بالعكس تلتهي بي
محمد :يعني متذمر احنه نستغلها شنو القصه يمه بتج مو صغيره خليها توگف تساعدها
امي :اختك مو تدري بيها متعرف تشتغل وكله براسي هسه البنيه مريحتني بعد كم يوم رايحه واجع اشتغل
محمد :اني اليوم اخلي ست وجدان تتعلم تشتغل
ورا ما خلصنا العشا گتلها لوجدان كومي ساعدي هديل بالمطبخ
وجدان :هسه راح اروح
محمد : صعدت انام  والبنيه متروح من بالي  وضجت من امي گلتلي بعد كم يوم وتروح  /لزمت التلفون وتصلت على بنيه وبقيت احجي وياها لتالي الليل حتى ما افكر بهديل
بقيت خلال هالايام احاول ابقى برا البيت
هديل :بعد يومين ارجع لبيت خالي تعلمت على الكل وعلى البيت
وعلاقتي صارت قويه بوجدان وماهر بس محمد بقى من بعيد لبعيد وبالفتره الاخيره قليل يتواجد بالبيت