ملاذي الاخير

القصه كامله

#ملاذي_الاخير
#الجزء٣
وصدك صارت العطله
واجوي بيت خالي ضياء اخذوني يمهم طبعا مرت خالي  ضياء مو حبا بيه استقبلتني لان شافتني نظيفه وشاطره وام بيت ومرت خالي الشيخ حمدت بيه كدامها
فرادت ابقى يمهم حتى تنام براسي وهذ الي صار
من وصلت لبيتهم چان كلش حلو وحديث هم ذبتهم راقيه مو مثل بيت خالي الشيخ حتى لبسهم غير شكل
اول يوم وصلت وجدان گلتلي تعالي عوفي هاي الدشاديش مال بيت عمي رياض راح تلبسين بعد مثلنا بجايم ودشاديش قصيره وبناطير وتنانير
هاج هاي البجامه اليوم اللبسيها وباجر اخلي امي تاخذنا نشتريلج شغلات حلوه
لبست البجاما وبقيت ويا وجدان جانت كلش حبابه  شافت سعري حلو هو سرح من فوگ بس من جوه الرگبه ينزل مموج طويل لحد خصري
گلتلي تعالي اسويلجياه بالرولات يطلع حلو وطول مدتشتغل بشعري بقيت تسألني عن حياتي وامي واختي حسيتها تعاطفت ويايه  گلتلي اذا ارتاحيتي يمنا اكدر اخلي ابويه يجيبج عدنا وداومين ويايه مدرسه نروح ونرجع سوا اني ماعندي خوات وامنيتي تصير عندي اخت
جاوبتها الله كريم
بعدها نزلنا كعدت وياهم على الغدا كلهم حبابين  ماهر   ووجدان وخالي ومرته بقوا يسولفون ويايه ويجاملوني الا محمد ساكت وما عبرني
بعدها بكم يوم تعلمت على بيتهم ومرت عمي دلتني على كل مكان وصارت تصخرني وتخليني اساعدها بالشغل ومرات تخليني اشتغل وحدي  بس وجدان من تشوفني وحدي اشتغل تجي تساعدني طبعا شغلها يموت ضحك لان متعرف تستغل اذا غسلت مواعين  تشوفون ملابسها مال واحد داخل ذابين عليه طشت مي
والمسح مالتها يموت ضحك خريطه
بس كلش تعلقت بيها لان خطيه احسها تسوي الي تكدر عليه حتى تخفف عني الشغل
ماهر طالب كليه كلش هادئ وحياته كليه -غرفته-طلع ويا اصدقاءه-غرفته
ومحمد ضابط بالامن قليل يتواجد بالبيت بس من يدخل للبيت احس قلبي يدگ بسرعه مرات من يدخل احس يخلي عينه بعيني  وبعدها يتجاهلني  واذا راد يحجي ويايه مجرد جيبيلي فلان شي ودي فلان شي
ويبقى اغلب الوقت بغرفته يحجي بالتلفون وعرفت يحجي ويا بنات
وجدان الوحيده بالبيت الي تعانده وتنتقد تصرفاته
مرت عمي ما الها شغله بيه لان شالت ايدها من البيت بس تطبخ وتحب تطلع وعدها صديقات ومعارف يعني اجيتها من السماء
هي بالمقابل زينه يعني من تاخذني وجدان وياهم للسوگ يسألوني من يعجبج شي اخذي
ومره وجدان اخذت دشداشه قصيره قطن ردنها قصيره بيها لاستيك خرط
وصدرها هم  خرط كلش حلوه  گلتلي يله انت هم اختاري لون حتى نابسها سوا اليوم
اخذت وحده لونها سماگي بيها نقاط بيضه
من رجعنا للبيت سبحنا وبدلنا ووجدان سوت شعرها بعدها سوتلي شعري  ولبسنا الدشاديش
نزلنا للمطبخ  العصر كلهم نايمين  گلتلي خلي نسوي كيك ومعجنات جاوبتها ما اعرف گلتلي واخيرا اكوشي اني اعرفه وانت لا وتضحك
جاوبتها هههه انت شاطره بالسشوار سوالف الشعر وذوقج حلو بالملابس هم  يعني ٣شغلات
وجدان :يله لعد اني اعلمج الي اعرفه وانت علميني الي تعرفي .هديل انت مرتاحه عدنا ؟
هديل :اي والله مرتاحه
وجدان:هديل اذا اخلي ابويه ينقلج يمنا بالمدرسه تقبلين حتى اداومين صف رابع هنا يمنا