الكابتن 😍

رخامه

عمرو: انتى متاكده انك هتقعدى فى الغرفه دى.
جى جى: ايوة متاكده.
عمرو: طيب براحتك.......يعنى مش خايفه.
جى جى: ياعم قولنا مابخافش غير من ربنا بقا.
عمرو: طيب خلاص يلا نشوف الشباب.
جى جى: يلا يسطا.

**************

صالح: ياشباب يلا نروح نلعب شوية .
مرمر: هنلعب ايه طاااه.
جى جى: الحاجه الوحيده اللى بنعرف نلعبها.
عمرو: اشطا طب عايزين نقسم الفريق.
هانى:هنلعب ازاى طااه احنا 18 .
سوما: عادى نلعب 9 و 9 .
ربيعه: طيب تمام يلا نقسم الفريق.
بيبو: طب ياجماعه انا مابعرفش العب كورة.
مونى: احنا هنعلمك وهنخليكى زى الفل.
سعد: ايوة انتى بس ركزى عالكورة وحاولى دايما تخطفيها وتجيبى جول.
اوفا: طيب هنقسم فريق بنات وفريق ولاد.
رمضان: لا انا من رأيى نقسمها خلطابيطا.
احمد: ايوا يعنى مثلا انا ولولا وبيبو وربيعه وصالح ومرمر ومؤمن ومونا وعمرو.
لولا: والفريق التانى هيبقى السولية وريمكس واوفا ورمضان وسعد ومونى وسوما وهانى والبت جى جى.
السولية: اشطا حلو تمام جدا.
ريمكس: طب لحظة هو مفيش حكم ولا اى حاجه.
مؤمن: احنا الحكم بتاعنا بس من غير غش اجودعان يعنى .
مونا: اشطا هتبقى لعبه زى العسل.

****************

بدأ اللعب الكورة مع رمضان يشوطها لاوفا يقطعها عمرو رمضان بيحاول يقطعها لكن مايعرفش يلعبها عمرو ويسجل جوووول (ايوا بقا ياغزال 😍) الكورة فى وسط الملعب يلعبها هانى ويشوطها لسوما من سوما لجى جى صالح يحاول يقطعها وفعلا بيلعبها لمرمر من مرمر لمؤمن تقطعها لولا وتلعبها لريمكس من ريمكس للسولية ويشوطها لجى جى وجوووووول (ايوا بقا يا انا 😂) الكورة مع مونا تلعبها لربيعه من ربيعه لبيبو بيبو مش عارفه تعمل ايه بتخطفها مونى وتلعبها لسعد يقطع رمضان وجووووول ( ايوا بقا يارمضونا 😍) . واللعب خلص بعد ساعتين .

****************

مونا: انا جعااانه .
مؤمن: انا كمان يامفجوعتى.
مونى: طب مين هيجيب اكل .
صالح: احنا طبعا هنجيب .
جى جى: طيب يسطا مش هتاخد الاوردر ولا ايه.
مرمر: مابوراحه عالواد ابت .
عمرو: ها اتفضلى ياست جى جى عايزة ايه.
هانى: اكيد احنا كلنا عايزين بيتزا.
صالح: ايوة فكرة حلوة البيتزا .
سعد: طيب عايزينها بطعم ايه.
احمد: اى حاجه وياريت معاها بيبسى عائلى ها.
لولا: اها وكمان كام كيس شيبسى بالشطه كده.
اوفا: تمام اوى وبعد الاكل نريح شوية علشان تعبت من كتر اللعب.
رمضان: اها ياريت وكمان الساعه دلوقتى 10 الوقت اتاخر علشان نصحى بكرة نبدا اليوم من اوله.
ريمكس: طيب ياريت تنجزوا وتبطلوا كلام علشان انا جعانه.
السوليه: يلا ياجذم علشان نمشى.
بيبو: انتى شكلك كيوت اوى بس ليه دايما بتتخانقى مع صالح.
صالح: اها والله دى عامله زى حماتى.
جى جى: كده يالصالوحتى انا زعلانه منك.
صالح: يخربيت كده ماتزعليش ياجى جى انا بهزر معاكى.
جى جى: انت لسه واقف ياض روح هات الاكل.
صالح: انتى ليه بتتحولى فجأة كده انتى كنتى كيوت مالك قلبتى عى عم عبده بتاع الكبده كده.
جى جى: امشى ياض.
كلهم: ههههههههههه مش هتتغيروا.

***************

جه وقت النومكل واحد راح غرفته علشان ينام واول ماحطوا راسهم عالمخده ناموا من كتر التعب بس فيه اتنين لسه ماناموش عمرو وجى جى .

***************

عمرو: انتى مش هتنامى ولا ايه.
جى جى: اها هنام بس انت صعبان عليا.
عمرو:ليه بقا.
جى جى: علشان انت هتنام عالكنبة بما ان مفيش غير سرير واحد.
عمرو: ومين قالك انى هنام عالكنبة.
جى جى: طب هتنام فين.
عمرو: هنام عالسرير.
جى جى:واناهنام فين.
عمرو: لا انامش ندل لدرجه انى اخليكى تنامى عالكنبة هتنامى عالسرير طبعا.
جى جى: انت عبيط ولا شارب حاجه انت متخلف ياض ولا ايه.
عمرو: براحتك انا نمت خلاص.
جى جى: طب بص ايه رايك نلعب لعبهواللى يكسب ينام عالسرير لحد اخر الاسبوع.
عمرو: طيب موافق.
جى جى:بص هسالك سؤال ......... ايه هى بلد المليون شهيد.
عمرو: مش عارف...... سؤال تانى.
جى جى: الرمانه فيها كام بذرة.
عمرو: وحياة خالتك .
جى جى: طيب خلاص قوم.
عمرو: ايه الاسئلة الصعبه دى.
جى جى: انت خسرت يابابا قوم بقا.
عمرو: طيب ماتزوقيش الله.
جى جى: تصبح على خير ياغزال.
عمرو: وانتى من اهل الخير يام لسان طويل.

****************
ايه رايكم 😉
يلا بقا فوت وكومنت بالهبل مش عايزة فوت من غير كومنت 😡
قولو اى حاجه ان شاء الله تسيبوا فردة شبشب 😂
اغور انا بقا 😂
سلااااااااموز ✌😎