فصلوه للعشك🔞
بقلم(ام البنات)
بارت21
ورد..اني احجي وابجي بحركه كلهم مدنجين راسهم ومن كمت احجي على الي صار بيه من وره العادات والمعتقدات فيصل اباوع عليه ضاج وكام يهز برجله بس اني كلبي محترك مو مال اسكت ...
اخر شي كام العم وراد ياخذ جميله كتله عمي اذا تريد اسامحكم على الي شفته واسامح حتى فيصل بسواه الي تخلون جميله يمي اسبوع..كلهم كامو يباوعون عليه...كتلهم لاتباوعون ولا تنصدمون بس قبل سبوع جنت نفس حالها واتعس بس الله رحمني وخلالي الناس الطيبه الي تعيني واني متاكده اذا رجعت البنيه وياكم راح ادمرونها خليها يمي ترتاح ويبرد الموضوع وراها تعالو اخذوها..سكتو اخذت جميله اني وريم للحمام لان خشمها طاك دم وجسمها اكو مكانات هم بيها دم وهي طول الكعده مشالت عينها بس تبجي سبحناها ولبسناها من عدنه
ريم كالت اطيها هذا الدوه هسه تنام وترتاح وضحكت كالت صارت عدي خبره بهذا الموضوع
ضحكنه ثنينه نامت جميله وثاني يوم فيصل طلع لشغله اني كعدت مرتاحه لان ضهر الحق وكعدت اقره لان صار اكثر من اسبوع ممداومه بين اجازه وغياب وراه كعدت جميله وبقت بفراشه اخذتها كوه للحمام غسلتله ومشطت شعرها وصحت ريم وكعدنه نتريك سوه وجميله متحجي مدنجه راسه
كتلها لا اشلعين كلبي حبابه اكلي جان تكلي انتي تاذيني هيج اني اذيتج وانتي هيج تعاملين كافي فدوه ودوني لا اهلي خلي يكتلون ارتاح كتلها هذا الموضوع سدي وبعدين انتي ماذيتني اريد ابقيج يمي اريد انتقم وغمزت لريم ضحكنه وكمنه كملنه شغل وخاله كالت مشتهيه كيكه من ايدج سويتلها وفيصل اجه على الغده منتحاجه ناكل سوه ونكعد بنفس المكان بس ابد منحجي سوه وغرفته كمت ما اصعدها من يوم الي صار خلصنه غده وصبيت جاي ادري بيه يريد جاي ومراح يصيحلي ...وديته كال شكراً اني مجاوبته كعدت يم خاله وجبت جميله يمنه فيصل بده يموتها بس ساكت علمودي جان تكول خاله شخبار الكيكه كتلها اي كملت للعصر تبرد ناخذها ونطلع للحديقه
غمزت لريم تحجي بدوام كدام فيصل لان ما اريد اتنازل واكوله اني ومتفقه وياها تحجي كدامه ...
كالت ريم فيصل فدوه عود خلي السايق يجينه باجر من وكت ورد كومه محاظرات فاتتها هو باعو على ورد كال ميحتاج اني اوديكم .... شرب جاي ورجع طلع احنه رحنه بلحديقه الجو طيب العصريه وجميله بدت تضحك وتغير جو انقهر عليا لان طفله واهلها هم الي اذوها ....
ثاني يوم كعدنه الصبح بدلنه وبقينه ننتضر فيصل تاخر صعدت ريم كلها جاي نزل كالب وجها كال متعرفون تكعدوني عود يقصد عليه اني عفته وطلعت وكفت يم السياره صعد هو وفتح الباب بقيت احجي وي ريم صعدي كدام اني وره تكول والله يكلب الدنيه عفتها وصعدت وره هيه بقت واكفه تخاف من اخوها شو هذا نزل صاير نار فتح الباب وجرني صعدني كدام وركع الباب حيل وصعدت ريم وره..اني كلبت وجهي ودرت على الجامه اباوع مو يمه ...جاي انزل لزم ايدي نزلت وريم كلي مره لخ لا تعيديها اني محجيت شي عفته ونزلت هوه راح بقينه عادي كملنه محاضرات
اجانه فيصل اخذنه كال ليش مجاوبين سكتت كال لاتصرفين ويايه هيج حتى لو الحق وياج تدرين بيه ما اتحمل
ريم كلتله انت مو دكيت عليه ومجاوبتك لان جانت عدنه محاضره ومن طلعنه خابرتك ماكو داعي تتعارك كله انتي محد وكلج محامي الها شغل وطلع ....بقينه كم يوم هو وين ما اكعد يحاول يحجي ويايه واني ممعبرته بس بكلبي ميت اريد احظنه اشمه ابوسه هذا حبيبي بس ما اريد اتنازل الصار مو شويه بقه هو يحاول اضحك اشاقه وياه اني ولا يمي وي الكل اضحك وسولف ال وياه ...جميله اجه ابوها اخذها وباستني وكالت سامحيني كتلها مسامحه وركزي بدراستج احسن ابوها وكعت عليه واعتذرت منه وباسته وهوه حضنها ودمعته بعينه اياد اخوهاابو طرده من البيت ...واني وفيصل بقينه هو يريد يصالحني واني مو يمي ابد وبيوم طلعت من الغرفه سابحه ومشطه لكيت موطه جايبين من الفقمه اني اموت عليه ام التوفي وكلهم يدرون بيه افقد كدامها صحت يمه كلبي كعدت اكول على الميز ضحكو عليه اول لكمه جان ريم تكول اي عيني يدري بلعافيه هم التحبيه اجاج وهم من الحبيب
اني راسن كمت بكلبي اكوله هسه لو صامه حلكج مخليتني اكمل الموطه واحجي لازم اعوفها واكوم كرامتي متسمحلي عفتهم وكمت جان تكلي خاله تعاي يمه للغرفه رحت وراها كالت انتي بتي والي سواه فيصل الله شاهد مرضيت عليه بس يمه الرجال والمره كلشي يصير بينهم وانتي بت اصول وفيصل يحبج شايف الويل بلياج كافي جفه توبتيه بعد ميسويها كتلها مقهوره منه حيل الحجي الكاله اذاني اكثر من الضرب كالت يمه الرجال اذا بزع يطلع من بيته ومن حظن مرته اذا لكه حظن ثاني ينسيه لاتخلي يضيع من ايدج ...من كالت هيج خفت لا شايفه فيصل يحجي وي وحده بس مبينت الها...كتلها الله كريم افكر ويصير خير...بس اني اريد اروح اشوف اهلي مدام صرت زينه لان مرايحه صار هواي ما اريد يشوفون الضرب الي بجسمي هسه اكدر اروح كالت شوفي رجلج كتلها انتي كليله كالت لا انتي ميصير ادخل اني ...
رحت دكيت الباب كال فوت منو ...
فيصل جاي اعزل بهدومي من كامت متصعد ورد غرفتي هوسه وما اخلي احد يصعد يعدله بس هيه تعرف شلون ترتبها اندك الباب كلت فوت جان تنفتح الباب واشوف ورد...واني كلبي طار من مكانه اريد اركض احضنها واشمه بس هواي نزلت نفسي وتوسلت وخاف تفشلني ما اتحمل.....كوه لزمت نفسي كتلها تفضلي كالت فيصل اريد اطلب منك طلب كتلها امري... اني بساعتها لو تطلب روحي اطيها بس تحاجيني وتسامحني ...كالت اريد اروح لا اهلي
اني نعصر كلبي وختنكت كتلها ليش كالت صار هواي مشايفتهم ونفسيتي تعبانه حيل ... ضغطت على نفسي هواي ...اريد ارتاح يومين تلاثه وافكر براحه وراها يصير خير ...سكتت كتلها التردينه يصير العصر اوديج...
يتبع
أنت تقرأ
فصلوها للعشك🔞
Romanceفتاة تتزوج بشخص لا تعرفه ولم تراها من قبل بسبب الاخ الذي يفقد اعصابه ولكن تقع الفتاة في حبه هذا الشاب لوسامته ونبل اخلاقه لكن هذا الحب لايخلو من بعض الشوائب....
