انا كلي لها وماملك قلبي غيرها

البارت الثامن

مها:حلا وش فيكي اول مره تكلميني كذا صار شي
حلا:خلاص بكرة تعرفي
مها:طيب براحتك يالله سي يو
حلا:سي يو

وسكرت وطلعت غرفتها وفتحت الدرج وطلعت الجوال وفتحته وشافت الصور اللي صورتها سكرته ورجعته مكانه وقامت فتحت كتبهااا ورتبتهااا ودخلتها في الشنطه ودخلت الجوال عشان ماتنساه وسكرت الشنطه

وأخذت الشماغ والطاقيه وأعطت الشغاله تغسلهم ووصتهاا تحطها في دولاب مازن بس مايكون في<<عشان مايشك

وأخذت الشماغ ورمته في الزباله"الله يكرمكم"

&&&&&&&&&&&&&&&&&&&&&&&&&&&&&&&&&

في بيت أبو فارس

الساعه 9:30 مساءً

في مجلس الرجال كلهم مجتمعين
وسوالف وضحك والمذاكرة على حنب

فارس:ههههههه وربي أنكم فله اللحين عازمكم تذاكرو معاي تقومو تلهوني بسوالفكم
علي:ياشيخ فلهااا وربك يحلهاا
فارس:اي وجدي بيجي يحل لي يوم الأختبار
علي:في هذي صدقت ذاكر بس

فارس وقف:بروح أجيب عصيرر وبجي الاقيكم تذاكرو فاهمين
تركي يستهبل:حاضر ياستااااااااااااااذ

عبدالله يكمل الأستهبال وهو يوقف ويروح لفارس:استاذ خليني أنا أراقب عليهم واللي يطلع أكتب أسمه
علي:وأنا أوديه الأداره
تركي:مين بتودون مابقي الا انا دام واحد مراقب والثاني بيوديه الأداره ومين الأداره
علي وهو يسوي نفسه يفكر:الحاارررس
فارس وهو ميت ضحك عليهم:أقول أجلس أنت ويااه ومثل مايقول استاذ صالح<<مدرسهم في الأبتدائي كل وااحد يراقب على نفسه

وطلع
تركي:شباب من اشر صفحه 130 مع الاستاذ سالم
عبدالله:انا خذ أشر ومد له الكتاب

وشوي جاب فارس العصير ووزعه عليهم
وجلسوو يذاكروشوي ويسوولفووو شوياات <<حلووه شويات ذي صححح ><أخمدي بس><
وعلى الساعه 11 حضرو العشااء وتعشو وجلسو شووي

وبعدين كل واحد راح بيته
_ _ _ _ _ _ _ _ _ _ _ _ _ _ _ _
في الليل
الساعه12:5
في بيت أبو خالد

دخل البيت وتوجه لغرفته

وماشاف أم خالد فيها
بدل وفتح الدرج الكمودينه بيحط ساعته تذكر الفلوس اللي حطهاا دور في الدرج نبشه كله طلع كل اللي فيه مافي أي أثررر للفلوس جن جنونه فتح المحفظه حقته فتشهاا مالقي الفلوس اللي كان حاطه فيهااا في الدرج الداخلي للمحفظه وين راحت

نزل تحت وهو يصرخ وينادي

ساااااااااارة سااااااااااارة وينك

نزلت بهدوء من الدرج وهي واقفه وتناظره:وش فيك تصارخ الجيران سمعو صوتك
أبو خالد والشرار يطلع من عيونه:وين الفلوس
أرتبكت أم خالد بس حاولت ماتبين:اي فلوس مدري عن شنو تتكلم
أبو خالد:الفلوس اللي في درج الكومدينه واللي في درج المحفظه ونيها من شالهاااا

أم خالد:صدقني يابو خالد مدري عنهااا ليه عمرك شفتني أخذت منك فلوس بدون أذنك
أبو خالد بصراخ:أجل من بياخذها
أم خالد بخبث:في غيرها أكيد بنت أخوك السراقه واللي اليوم يوم رحت عند جارتي جيت مالقيتها في البيت تخيل مدري مين كانت معااه حتى الغداء أنا سويته تخيل<<ياويلي على الكذببببببببب

كانو واقفين في الدرج فوق ويتسمعون وفي البداية كانو خايفين من صوت أبوهم وصراخه لاكن بعدين أنبسطو يوم سمعو كلام أمهم
أم هي

<>جنـــــــــــى<>

كانت نايمه بسسسسسسلام مسكينه ماتدري عن اللي يصير تحت

وعن الناس اللي يشكو فيها وبأخلاقهاا

في الدور اللي تحت

أبو خالد:ايش وش تقولين
أم خالد وهي تقرب منه:اي يابو خالد هذا الصدق وأكيد هيا ماخذه الفلوس لأني قلت لهااا قبل يومين ترتب الغرفه أنت من متى كنت حاط الفلوس
أبو خالد وهو بادي يصدق:من قبل ثلاثه ايام
أم خالد:شفت مافي غيرها بالله أنا ولابناتك تتوقع نسرقك ليش الحمدلله ماتقصر جعل ربي يخليك لناااا ولايحرمناا منك
أبو خالد:وينهاا وينهااا الحقيرره وينهااااااااا
أم خالد بخبث: فوق بغرفتهاا

طلع بسرعه والبنات بسرعه دخلو غرفتهم وسكرو الباب

ولحقته أم خالد والبنات يوم شافوه راح جهة غرفتها فتحو الباب شوي وجلسو يناظرون
فتح الباب عليها بقوة أرعبتها وخلتها تقوم من نومهااا وهي ترتجف<<اللي عمرها ماتهنت فيه ياعمرري عليكي

جنى:عمي وش فيه

تقدم منه وطاح فيها ضرب وهي تصرخ ولاحول لها ولاقوة قدام قوة عمهااا ونظرات مرة عمهاا وتشجيعها وتحريضهاا له

فسخ عقاله وحط في كل مكان في جسمهاا علامه وبين كل ضربه يرمي عليها من كلامه الجارح اللي تحسه يجرحها ويحرقها أكثر من ضربه

بعد ماطفى شوي من النار اللي بقلبه طلع وطلعت وراه زوجته وخلوها طريحه الأرض تشكي الأمها وهمااا لربهااا وتغسلهاا دموعها دموع المظلووم اللي مالقى من يناصره ودموع اليتيم اللي مالقى حظن يلمه

أنتهـــــــــــــــــــــ ـــى الباااااااااارت