انا كلي لها وماملك قلبي غيرها

البارت الخامس

قامت حلا بعد ماخذت البساكيت والشبسات وفتحت الثلاجه الصغيرة وطلعت عصيرين فراوله وبرتقال وراحت جلست على السرير ونثرتها:لي شانا في شنو بعد حاسدتكي
مها بدلع وغرور:امممم في جمالي نعومتي رقتي دلعي
حلا حز بخاطرها يعني شنو انا مافيني ولاشي من ذا اكيد مو انا بنظرهم ولد:لا ماشاء الله عليكي مابحسدك كلي بس ومدت لها عصير الفراوله اللي تحبه مها وأخذت عصير البرتقال
** ** ** ** ** **
في مكان اخر وبلد آخر 

في "أمريكـــــــــا"
فهد وصاحبه كانو طالعين يتمشون ويوم تعبو جلسو في احد القهاوي
فهد:تصدق ودي ارجع اليوم قبل بكرة السعودية
زيد على فكر اسمه زيد مو زياد لاتخلبطون:والله حتى أنا
فهد وهو يتنهد ويرجع ظهره على الكرسي:اشتقت للخبر وأهلها
زيد يغمز له:اهلها ولا هي
فهد:مووووووووت اشتقت لها بكلم أمي ورفع جواله ودق رقم بيتهم

** ** ** ** ** **
ما علومك ان البعد يجرح الروح..
واني عقب فرقاك تنزف جروحي ..
وان المشاعر صمتها يقتل البوح ..
وان السكوت احيانن يكشف طموحي..
حطيتك ذكرى على البال ما تروح…
حتى تروح لخالق الكون روحي ………

** ** ** ** ** **

في بيت أبو فهد
أم فهد كانت توها راجعه من عند وحده من صديقاتها مرت بالصاله وسمعت التلفون يرن راحت وشالته
أم فهد:الو
فهد:السلام عليكم يمه
أم فهد بفرحه مبينه في صوتها وهي تجلس على وحده من كنابات البيت الفاخره:وعليكم السلام كيفك يمه 
فهد:بخير يالغاليه وانتي طمنيني عنك كيف ابوي واخواني انشاء الله تمام
أم فهد:بخير كلنا مو ناقصنا الا رجعتك لنا سالم
فهد:قريب قريب يمه أنشاء الله دعواتك بس
أم فهد:ربي يوفقك ويحفظك من كل شر يمه ويرجعك سالم غانم يالغالي
فهد:آمين يالله يمه سلمي على ابوي وأخواني مع السلامه
أم فهد:يوصل يمه بحفظ الله 
سكرت منه وهي تدعي له 
حلو لما يكون واحد بيدعي لك وأنت حاظر وقدامك تحس بفرحه غامرة وشعور حلو شعـــــــور"
أجل وشلون لو كنت غايب وفي واحد دوم يدعي لك بصلاته وقيامه وبآخر الليل هذول هم والدينك نعمه أنعـــــم بهـــــا رب العبـــــاد عيلنـــــــا وللأســــــــف كثـــير مايعرفـــون قيمتهـــــا ربي يهديهــــم قـــــولو آآآآآميـــــــــين و الله يحفظهم لنا ولكم يـــــآآآآرب
"

نرجع لسوق الراشد

في مطعم من أحد مطاعم هذا المجمع وفي احد الطاولات اللي محطوطه بره 
كان جالس كل من فارس وتركي وعلي وعبدالله
علي:يالله قومو نتمشى شوي 
تركي:قصدك نرقم شوي
علي غمز له:ههههههه دومك فاهمني تخاويني
تركي:يالله ووقف ووجه كلامه لفارس وعبدالله وأنتم
عبدالله:انا اللحين بيجيني واحد من أقاربي بسولف معاه شوي
فارس:وأنا شوي بطلب لي كافي وبشربه وبقوم 
تركي:اوكي تلاقينا فوق في الدور الثاني
علي:وامكن نطلع الثالث يالله تشاو