TALENTO

Maraming tao ang may ibat ibang talento

Marami rin ang may kakaibang talento

Pero tulad nila may talento rin ako

Talentong maipagmamalaki ko

At ou hindi ko ito ikakahiya

at ito ay ipagmamalaki ko

ipagmamalaki ko tulad ng pagmamalaki ko sayo

at ou lahat ng ito ay totoo

Mahal magaling ako

Magaling akong ngumiti kahit masakit na

Magaling akong maging tapat kahit niloko na

Magaling akong Magmahal kahit sinaktan mo na

at ou lahat ng ito ay talento ko

hayaan mong ibahagi ko saiyo

ng malaman mo.

Ang mga kinakaya ko.

Para sayo

Magaling po akong magbago ng anyo

Nagmimistulang hunyango

sa harap ng pamilya at kaibigan mo

Magustuhan lang nila ang tulad ko

At mas mahusay pa ako sa mga bading

na kumakain ng apoy tuwing pyesta

Dahil kaya kong lunukin ang pride ko

Magkabati lang tayo

at ou lahat ng ito ay talento ko

hayaan mong ibahagi ko saiyo

ng malaman mo.

Ang mga kinakaya ko.

Para sayo

Mahal magaling ako

Magaling akong magbulagbulagan kahit harap harapan na

Magaling akong umako ng pagkakamali wag ka lang mawala sakin

Magaling akong mahalin ka kahit mahal ang pagmamahal mo ay napawi na

At lahat ng ito ay ginagawa ko

Dahil sa pagmamahal ko sayo

At sa tingin ko

kung sumali man ako sa kahit anong patimpalak

Ay magwawagi ako

Dahil sa lahat ng ginawa ko

Naging tanga na ako

Para sayo

At mahal sa huling pagtatanghal ko andun ka

Isa ka sa taong papalakpak

Isa ka sa taong mabibilib

Kapag naging magiling narin ako sa pagsuko

At sa pagsara ng tela ay maglalaho ako

Kasama lahat ng lahat alaala at pagasa

Sawakas naging nakuha ko na ang talentong gusto ko

Yung ang makalimot sayo