Hayskul tayo nang tayo'y magkakilala
"Bes" ang tawagan natin sa isa't isa
Masaya tayong dalawa, magkasama
Ikaw at ako, sa akin ay sapat na.
Masakit 'man, pinilit kong layuan ka
Dahil ayokong masira at mawala
Ang pagkakaibigan nating dalawa
Nadarama ko kasi'y hindi na tama.
Pagsasama namin ay naging masaya
Ngunit para sa'ki'y may kulang talaga
Ngiti mo kasi'y hindi ko nakikita
Sa paglayo ko ba ika'y nagdurusa?
Isang araw ay hindi ko na kinaya
Hiniwalayan ko s'ya't nilapitan ka
Ako'y naluha nang ikaw ay makita
Kainis. Napakaduwag ko talaga.
Ikaw pa rin 'yan at ako pa rin ito
Kaibahan ay naging close uli tayo
Nadarama ko'y ayokong malaman mo
Pagkat mahal kita, ikaw na best friend ko.
