الحلقة التاسعة من كرونيك #الندم:
فاتو 6 اشهور على هاد الحكاية
.
.
قاسم دبر خدمة للينة بشركة محترمة و لينة بدات خدمتها فالشركة و #خالد عايش وحيد حاول شحال من مرة مع لينة مي هي ديما ترجعو.
.
.
اليوم و لينة بخدمتها جات ليها امرأة فالخمسينيات
.
.
المرأة: السلام عليكم
لينة: و عليكم السلام
المرأة: حنونة ماعليش نحكي معاك فموضوع
لينة: ايه يما اتفضلي
المرأة: انا يمات الدكتور #حسين
لينة: الله يبارك بصح شكون دكتور #حسين
المرأة: يا بنتي علا حساب مافهمت انو انت مرة جبت وليدك مخنوق و هو داواه
لينة:ايييي تفكرتو غير الخير كاش مايحتاج
المرأة:حسين بعثني حاب يجي يخطبك
لينة:علاش هو ماشي مزوج
المرأة:ايه متزوج و عندو ذراري بصح حاب يعاود زواج
.
بالصدفة خالد جا عند لينة حتى يحكي معاها و يحاولها و سمع كلامها مع المرأة
.
لينة: و علاش حاب يعاود الزواج
المرأة:شوفي هو طبيب و مرتو أمية هو حاب وحدة تكون مثقفة تنجم تتواصل معاه و تليق بيه
لينة: كي شاف روحو طبيب علاش راح تزوج وحدة أمية
المرأة: هي بنت عمو وماتو والديها و بقات وحدها و انا قتلو اتزوجها
لينة: ااااا يعني شفقة اففف من هاد الرجال شوفي يا الحاجة مانيش قابلة
المرأة: ايه و اذا ماوافقتيش واش فيها كاين 1000 وحدة تتمنى طبيب
.
.
قطعها دخلت خالد: براااا حنا ماعندناش بنات للزواج براااا
خرجت المرأة و دار خالد للينة، قاتلو لينة كي علابالك بلي ماكاش بنات للزواج شا جاي دير هنا يالله براااا
#ilina
