أنت قدري 💓

بارت_6

بارت 6
دخلت قدمت راسي المدير رحب بيا أو وراني الحارس العام أو بعض الاساتذة أو وجهني القاعة ديالي لي غانبدا ندرس فيها ؛دويت معاه شكرا سي كريم عدبتتك
كريم: لا مكين لاعداب لوالو حنى مشرفين بلي بنت فحالك تدرس فمؤسسة ديالنا
أنا:(مهبطة راسي)شرف ليا أستاذ
كريم:يالله نخليك أ أستاذة تعرفي على التلاميذ الله يعاونك أه متنسايش الغياب كل حصة بداي من اليوم
انا:شكرا ليك.واخا صافي
بديت فخدمتي ولفت وليت المدرسة الدار أو دار المدرسة الملال...صباح صباح كانت عندي زوج أوليات أو نخرج مع 12 ملي كانت إستراحة ديال 10 ,دخلت القاعة ديال الاساتذة كنتناقشو مع الاستاذات(إيناث)على مستوى التلامذة أو أحسن الاقسام حتى سمعت صوت مغريبش عليا تي هدر مع الاساتذة (الذكور) نزلت راسي تصدمت من الشخص لي شفت بقيت غير مصدومة تا صونا الجرس خرجت  كنسرع القاااعة مشيت قدمت شرح الدرس بزربة أو راسي ممعاياش هادا هو الاستاذ ديااالي أش جابو هنا منقدرش نشوفو كنحس براسي بغيت غير نبقا نشوف فيه أو صافي أوففف
دازت ليام عرفتو ولا درس حتا هوا هنا ... أو أنا كنتهرب طول هاد المدة  حيت حشمانة
تاسمعت واحد زوج زملاء ذكور تيهدرو مع زياد ليهوا الاستاذ لي قراني فالكلية(البوووقوص)واش شفتي الاستاذة الجديدة لي جات
زياد:لا لا وايلي كينا شي وحدة جديدة
الزميل١:علاه نتا مافخباركش ههههه مسكين طايح على راسك
الزميل2:هههه ماعايشش وامكتشوفش المدرسة منورة أش غنقوليك هاد الاستادة عجباتني أنا بززااف كيكتهدر شحال محترمة أو زيداها بالزين كن مكنتش مزوج والله تانديها...
الزميل١:هههه خطييير مع راسك بيني وبينك فكرت فحاااالك (سافل😜)
عندي أنا نور #أنا كنسمع ليهم واخا بعيدة كنسمع ههههه المهم قالهم فينها دابا قالو ليه راها فين واقفة
أنا ملي سمعت هكاك قلبي بدا كي ضرب حسيتو غايوقف حيت عرفتو تيشوف...
زياد :بانت ليا من اللور أو جاتني زوينة أو جاني إحساس فشكل كنحسها قريبة لياا معرفتش شنو هادشي ...
الزملاء:هههههههههههههه نتا شفتيها غير من اللور أو قلتي هادشي غير صبر تتشوفها مي عندك تكون مخطوبة ولا حاجة أخرى
زياد:هههه إوا تتعرفوا أو هدرو
المهم انا سمعت داكشي فرحت أو مفرحتش كنت ديما كنهرب مبغيتوش يشوفني أو يعرفني الصراااحة معرفتش واش خايفة على راسي واش حيت بصح مشاعر ديالي كنبغيييه ولا ٱعجاب معرفتش ..دازت شي شهرين أو حنا فنفس الوضعية خدامة خدمتي كنخرج مع واليديا أيام العطل الأسبوع كنديهم فينما بغاو حيت الحمد وليت كنخد فلوسي حسيت براسي مسؤولة والله...المهم حتى واحد النهار كان السبت ماكنتش كنقري نهار كلو أو كان حتى زياد فحالي كنت ديت والديا جيهت البحر أو بالصدفة بابا شاف صاحبو ليكان فلندن او رجع على قبل ولدو ملي خدم فالتدريس
بابا:واش هادا الحاج الوازني نيت أو لا لا
الحاج:أسلاااام توحشناااككك أ سي عزيز الغربة صعيبة
بابا :والحاج لي دفنوه مازاروه هههه وكبرتي أو ماشاء الله وهداك الله النور
الحاج:تانتا أصاحبي كيدير كيف دايرة بنتك نور فين وسلات
بابا:،بنتي تخرجات أو دابا هاهية أستاذة
الحاج :تبارك الله ماشاء الله
انا: شكرا عمي
الحاج:هي نتي فحال ولدي
بابا:أه ولدك فين تيقري؛؟الحاج: غير هنا هاهوا جاي نسولو!
يالله ولدو جا أنا كنسمع شي بنت كتنادي عليا درت لقيت جيداء لقيتها بالصدفة تما بقيت كنهدر أنا أياها أو كملات الهدرة رجعت لقيت بابا مع السي الحاج تيهدرو
قالي بابا فين كنتي غير مع صاحبتي لقيتها هنا بابا:أوكي
الحاج:إوا بنتي نور مزال مشفتي ولدي زياد راه تاهو فحالك خدام فالتدريس
أنا:تبارك الله أعمي الله يسهل عليه (زياد ناري مال هاد السمية ديما لاسقة فيا ياكما يكون...نن)
الحاج:بنتي فين سهيتي
أنا:نن أنا معاك
الحاج :خصارة لقيتيه يالله مشا خدا طاكسي عيطو ليه الادارة كنت غانعرفكم على بعضكم
أنا:ماشي موشكيل ههه مرة أخرى
الحاج أو بابا :إنشاء الله
بابا او الحاج توادعو او قاليه بابا شي نهار يتشاوفو او يهدرو صافي رجعنا الدار تعشينا صافي ندت نعست كنت داخلة مع 8 (او هاد النهاار غانحسل)
#يتبع