Ali's P.O.V
اليوم روحي طالعة و مدري اصلا شلون مركز ب الشغل مالتي اللي گدامي لو ما إياز رجع هالفترة چان ضاع نص الشغل مالتي ع الخالي بلاش .. كل هذا بدة من نقاش أو ما أسميه نقاش اسميها عركة وي اختي علمود موضوع هي بدته
Flashback
- أم علي : حبيبي علاوي تعال اگعد ويانة شوي
- علي : ما اگدر يوم تعبان
- رؤى (أخت علي ) : وين چنت ؟
- علي : چنت طالع
- رؤى : طلعاتك صايرة تخوف هالفترة يا ولوو
- علي : عيفيني مالي خلگچ
- أم علي : تعال ابني أگعد شوي يمي
- علي : حاضر جيت
صعدت ذبيت السترة مال قاط و الجنطة مال دوام بغرفتي ونزلت ، يي نعم اني انسان عمره 33 و بعدني عايش وي امي وخواتي لأن بعدني ممزوج ولا ناوي أعزل خصوصي لأن الوالد توفه و الوالدة صحتها تعبانة
- أم علي : حبيب أمة اگعد گبالي صايرة قليل اشوفك
- علي : غير الشغل و ملتهي بهواي أشياء
- رؤى : بيك خير چان أزوجت 😒
- علي : حت لو ازوج گاعد ع گلبچ ما روح
- رؤى : يعني دشوفني دا اطردك من البيت حس شوية و أعزل 😒
- علي : للأسف ما عوف امي نبع الحنان أني 😏
- أم علي : حبيبي ابني وين اكو منك
- رؤى : 😒
- علي : 😋
- أم علي : بس ابني صدگ شوكت نفرح بيك عاد
- علي : ما طول فتحتي السيرة وانتوا اثنينكم گاعدين ، اني عاجبتني وحدة واريدچ تخطبيلي ياها
- رؤى : اوگف اوگف أحنة گلنة ازوج و أعزل بس مو بالسرعة هاي
- أم علي : احچيلي منو هي
- رؤى : هي منو ؟ عمرها شگد ؟ منين ؟ أهلها منين ؟ سألت عليها قبل لتجي ؟
- علي : يي ييوم سألت تصير عرف ل صاحبي بنية مؤدبة و وحيدة لأهلها من سكنة بغداد حت خريجة صيدلة
- أم علي : زين انت شفت البنية حچيت وياها بالموضوع
- علي : يي شفتها بس محچيت وياها ما طول أجة الموضوع يمچ اني رايد هالبنية
- رؤى : شمدرينا هاي البنية شنو أخلاقها شنو هي بنية غريبة غير نتعرف عليهم
- علي : مرة صاحبي صديقتها وتمدح ب أخلاقها
- رؤى : بلكت مخطوبة لو رايدة أحد شمدريك انت
- علي : مو دا أگول سألت عليها
- رؤى : ميصير علي مو هيچ يصير الزواج
- علي : اني رايدها للبنية وشايفها مناسبة
- رؤى : يي أحنة أهلك أحنة نشوف مناسبة تصير چنتنا لو لا
- علي : رؤى !!
- رؤى : لتعيط علية اني أكبر منك
- أم علي : كافي اثنينكم ! مو عيب تتناگرون وأني گاعدة ! عيفي رؤى . علي ديحچي وياي
- رؤى : بس ماما انتي مريضة
- أم علي : اني أمه اني اناقشه بهيچ موضوع .. يم منو سألت عليها يا صاحبك
- علي : صاحبي إياز
- أم علي : ها إياز الكردي
- علي : يي هذا اللي وياي بالدوام
- أم علي : يي هذا خوش ولد ما طول من طرفه اكيد خوش بنية بس رأي اختك هم صحيح البنية غريبة ولازم نتأكد
- علي : ميخالف تعاي وياي شوفيها
- رؤى : وين تروح امي صحتها تعبانة
- أم علي : زين رؤى انتي روحي
- علي : ها !!
- رؤى : يي ليش لا اني اشوفها .. گول لأياز خل يعرفني عليها
- علي : لا ميصير عيب من الولد مگايله اني ع هيچ موضوع
- رؤى : تمام لعد انت عرفني ع البنية
- علي : هم ميرهم
- رؤى شطلعت هاي علي مصختها
- علي : هي تشتغل ب صيدلية .. ليش مشوفيها هناك
- رؤى : ماشي باچر نروح
- علي : لا باچر لا بعدها نروح
- رؤى : زودتها ترة
- أم علي : رؤى كافي گلچ عگب باجر ها هية لضوجيه لأخوچ
- علي : اني حصعد انام راسي يوجعني
- أم علي : اوگف ابني اتعشة
- علي : ما أريد يوم مالي نفس .. تصبحين على خير
- أم علي : وانت من أهله وليدي
صعدت لغرفتي فتحت التلفون زهراء مدازه سناب مو عوايدها .. خابرت على اختي الأصغر سماح حچيتلها گالتلي أمر عليها للعيادة باچر واحچيلها كلشي .. وهاي اني هسة دا أنتظر يخلص الدوام حتة اروح للعيادة ، طافرة روحي بس أريد أعيف كلشي و اطلع عاد .. خلص الدوام رحت ل سماح و طبعا لأن اخوها گبل فتت بدون موعد ، حچيتلها عالموقف الصار وي امي
- سماح : يعني انت ملگيت بس رؤى تحچي گدامها
- علي : امي فتحت الموضوع وأني حچيت
- سماح : انت تعرف رؤى نحسة من هسة أگلك ابدي دور على غير عروس
- علي : ليش يعني
- سماح : مستحيل تقنعها ل رؤى هسة تلگي للبنية 100 عيب وتخرب كلشي
- علي : حظي بعد غير ..
- سماح : ترة محكمت. . إلا هاي ؟
- علي : يي إلا هاي .. احبها وأريدها بس هي
- سماح : بلا لعبان نفس مال افلام هندية ..
- علي : لا دا احچي جديات
- سماح : عاا علي العانس گام يحب ويريد يزوج دا أحس نفسي حموت وهاي نهاية العالم 😢
- علي : بلا سخافة هسة شسوي
- سماح : أي شي المهم رؤى متدخل
- علي : زين تعاي أنتي ويانة
- سماح : اني حجي وياكم واحچي وي امي .. شسوي عندي غير حل
- علي : اموت عليچ
- سماح : أنچب أنچب يا ريت لو تقدر
- علي : يمة فدوة ل اختي منقذة الزواجات
- سماح : هففف باع خل استغلك أبشع استغلال ما طولك هنا
- علي : ما طول باچر تجين ميخالف استغليني
- سماح : باع اول شي تعال افحص سنونك وانظفهم خل اقطك انت هيچ هيچ ضيعت علية وقت بالعيادة و تشوفني صورة البنية
- علي : المهم تخلصين من وكت عندي طلعة
- سماح : فوگاها يتشرط فوگ محجي وياه باچر
طبعا قطتني سماح دين قطة فوگاها طلعت من العيادة شفتي ما أحس بيها من ورة البنج 😑 ومهدت ياختي الى ان شافت صورة زهراء ، رحت نفس اليوم وي زهراء بس الضوجة مبينة بية وتحججت ب طبيب الأسنان بلكت الله يعدي باچر على خير وتقتنع الوالدة
ثاني يوم الصبح جتي سماح و رؤى اصلا فاتحة إقامة يمنة ولا عبالك عدها رجال وبيت وجهال 😒 رحنة تقريبا انتظرنة فترة إلى أن تجي زهراء للصيدلية
- سماح : جعت😧
- علي : صوچچ كتلچ اتريگي 😑
- رؤى : لتنعوصين مثل الجهال
- سماح : عساس أحنة شلون شغل مهم دنسوي دنراقب بنية من بعيد مثل المختطفين 😒
هنا إذكرت حچاية زهراء من گالت علية مختطف نگس 😂👌 هسة من صدگ صرت مختطف من وراها
نزلت سماح دجيب كم شغلة من السوبر ماركت بس من راحت شوي طولت علما رجعت شفت زهراء جاية
- علي : ياتهة هاي البنية
- رؤى : يا هي
- علي : يعني دشوفين اكو بنية غيرها بالشارع
- رؤى : أم شعر اسود
- علي : يي ام شعر اسود
باوعت عليها وگلبي احسه حيوگف صار كلش ثگيل مدري لأن رؤى دشوفها واخاف تحچي مدري من الولد اللي واگف بصفها وداگ ميانة ضحك و شقة
و حظي زهراء صارت بوجه سماح وسماح ظلت صافنة بوجهة بحيث حسيتها خزتنة جتي ركض صعدت السيارة وزهراء ظلت تباع ع السيارة .. شنو انتبهت .. باوعت ع ميدالية السنجاب .. خرب نسيت اشيلها اكيد من عدها عرفت 😫 دسوي هلو بس اني انثولت وياي خواتي و گبال صديليتها يعني ما اگدر أگول صدفة شغلت السيارة وسقت سريع
Samah's P.O.V
- سماح : عززة عبالي حتجي للسيارة وراية ونتخزة متت من الخوف
- علي : غير انتي ثول ظليتي صافنة بوجهها 😒
- سماح : بس ما شاء الله حلوة احلة مما تخيلت
- علي : يي حلوة .. مو رؤى ؟
- رؤى : الجمال مو كافي .. خفيفة وسفيهة شفتي شلون تتمضحك وي هذا الولد
- سماح : لتحكمين قبل لتحچين وياها .. يجوز الولد عرف أو اخوها ، مو علي ؟
- علي : يي يجوز ع الأغلب گرايب
- رؤى : زين حتى نتأكد نرجع للصيدلية بحجة نريد نشتري شي و اشوف و احچي وياها للبنية
- سماح : خوش
طبعا اختي رؤى قافلة تبطل هاي الزواجه يعني شكو بيها واذا بنية دتضحك وي الولد شكو بيها يجوز أصدقاء ، اني بهاللحظة أكثر من رأي اختي خفت من ردة فعل علي يعني اني بنية اشوف عادي بس هو حبيبها و أخوية واعرف هذا الشي ابد مو عادي عنده بحيث إيدي على گلبي واگول ليش هيچ ساكت حت معلق و وجهة أنگلب
ورة فترة رجعنة للصيدلية حتة رؤى تحچي وي البنية وأني وي علي واگفيين بباب الصيدلية والله دا أحس نفسي حرامية مو خطابة تسأل على بنية 😂
دخلت رؤى و ملگت بس الولد سألت رؤى على البنية وينها ف راح الولد يصيحها ظلينة نباع من الباب إلى أن طلعت البنية من المخزن وجهها أحمر عبالك مصخنة متباع بعين الولد حت متحچي وياه مثل الصبح وجههة تعبان اني صفنت دا أريد اعرف يجوز مريضة بس من راحت مرة اللخ أندارت رؤى رفعت تك حاجب اني كبل عرفت صار خلل انداريت على أخوية شفته ديرجع للسيارة و عينه فوگ رأسه ، لحگت وراه دا احچي وياه بس شكله جدا چان يخوف حت ميجاوبني من احچي وياه .. ورة شوي جتي رؤى و بدة هو يسوق سريع
- سماح : علي خفف شوية راح نندعم
- رؤى : خليه خليه
- سماح : هسة ليش صايرين أعصاب اثنينكم شصار
- رؤى : لا مصار بس البنية طلعت من المخزن حمرة تلهث وهي وحدها وي ولد
- سماح : يجوز مريضة ، بعدين لتحكمين اني هم وياي ولد بالعيادة
- رؤى : عمري مشفتچ طلعتي من المخزن وي ولد
- سماح : هسة خفف ترة من صدگ حنندعم
- رؤى : لا خل نوصل بسرعة للبيت حتة احچي لأمي ع اللي يريد يخطبها اخوچ
هنا و علي داس بريك و طبگ ع صفحة غفل بحيث رأسي راد ينضرب بالكرسي مال رؤى
- علي : يي راح تگولين ل امي اني رايد هاي البنية رايدها و حخطبها
- رؤى : هاي شبيك علي تخبلت ردنة نطلع من الجام
- علي : وصلنة
عافنة علي ونزل وأني و رؤى اثنينة بقينة متحركنة
- رؤى : أخوچ تخبل
- سماح : دا ألاحظ 😐 بس لتلحين وياه هو رايدها للبنية
- رؤى : هففف الله كريم خل نحچي وي امي
رؤى هادئة بشكل غريب ولا عبالك قبل شوي گصت البنية گص
Extra Chapter 4
Start from the beginning
