سحر الحب

الحلقة الثانية

يوسف مشي وبعدها بفترة مازن استأذن ومشي روح البيت ونهي وسارة قعدوا يرغوا شوية وبعدها نهي روحت ودخلت والدة سارة

والدة سارة: حببتي انتي هتنامي

سارة: اه يا ماما عاوزة حاجة

والدة سارة: الشابين دوول كويسين معاكو ولا

سارة: عيب عليكي يا ست الكل هما لو مش كويسين معانا هخليهم يجو هنا

والدة سارة : طيب يا حببتي تصبحي علي خير

سارة: وانتي من اهله

نامت سارة وتاني يوم صحيو البنات ونزلو لعبو رياضه ورجعو غيرو هدومهم ونزلوا اشترو الطلبات اللي هيطبخوا بيها وراحو رنو الجرس وفتحلهم مازن

سارة: خد مننا الحاجة بسرعه

مازن(وهو بياخد الحاجة):اتفضلو

يوسف(وهو بيشيل مع مازن): ايه دا الحجات تقيله اوي انتوا جايبين ايه

نهي: شوية حجات بسيطه فين المطبخ

مازن: من هنا

مازن ويوسف حطو الحاجة علي الطربيزة وسارة ونهي طلعو مريلة المطبخ والجونتي

نهي: خدوا البسوا الحجات ديه

يوسف: نعم شكلي هيبقا مسخره انا مش عاوز اتعلم

سارة: محدش غيرنا هنا متقلقش

نهي كانت حطت كاميرا علشان يصوروا اللي هيحصل من غير ما تقولهم وطلعو الحاجة وبدأو مازن وهو بيقطع الفلفل كان بيقطع غلط

سارة(جت جمبه ومسكت السكينه): احنا عاوزينها حلقات مش صوابع كدا ماشي

مازن: ماشي

نهي: ايه يا اهبل اللي بتعملو دا حد يقطع البطاطس كدا وسع

يوسف:وريني يعني هتقطعيها ازاي

كانت نهي قطعتها ومشيت وبعد ما قطعو الخضار

سارة: دلوقتي علي مرحلة الفراخ انا جبت فرخه كامل علشان تتعلمو تقطعوها ازاي وبعد كدا ممكن تجيبوا متقطعه جاهزة

مازن: ماشي يا ستي

بدأت سارة تقطع وكانت بتوريهم ونهي حطت قدام كل واحد فيهم فرخه وبدأوا يقطعو وسارة ونهي واقفين علشان لو غلطو

نهي: تمام دلوقتي هنطلع صنية ونحط شوية زيت صغننين ندهن بيها سطح الصنية

مازن: تمام ديه سهله

سارة :وبعدها بترصصوا الخضار وتحطو قطع الفراخ اما بالنسبه للطماطم هتحطوها في الخلاط وتعملوها عصير يلا اعملو كدا

مازن اعد يرصص الصنية ويوسف حط الطماطم وشغل الخلاط من غير ما يحط الغطا نهي جريت ووقفت الخلاط بس كانت الطاطم اغلبيتها في السقف