لــســة اجــمــل يــوم مجــاش ▬♫ ♫

الحلقه 30

وسام: انا قلبى دليلى قالى .. هيحبك مى: مش كده الاغنية وسام: طب مانا عارف مى: يعنى انت بتقولى انا (وبطلت رقص) وسام: اها مى: ورحمة ابوك وامك!! وسام: ابويا وامى عايشين ياهبله مى :(قعدت تتنطط ) ويسو بيحبنى .. ويسو بيحبنى (ونطت عليه وحضنته جااااااااااااامد بموووووووت فيك يا ويييييسووووو منة جت من بعيد والدموع فعنيها : انت بتحبها (بتشاور عليها) بتحب مى ؟(هتعيط) مى: منة ... ماهو .. منة صرخت جااااااامد وجوه سمعوها وطلعو ... واغمى عليها مى لما صرخت ع منة لما وقعت .. جوه طفو الاغانى وطلعو مخضوضين! امنية: مية ياجماعة مية شريف: اوعى اشيلها (شالها شريف وحطوها فوق واحد من المكاتب) غادة: ف ايه ؟ ليه اغمى عليها مى: والله م اعرف وسام: ثوانى احاول افوقها بطريقه عارفها وسام قعد يعمل حركات دائريه عند ودانها وفجبهتها من فوق وعملولها برفيوم وشمته فاقت .. منة عيطت اول م فاقت وحضنت غادة وخبت وشها فيها ، وسام واقف زعلان ومكشر ومى متدايقه بردو وخايفة لما يعرفو يجيبو اللوم عليها زى كل مرة.. غادة: ايه يامنون مالك ياحبيبتى منة: عايزة امشى .. (بتعيط) سامح: طيب فهمينا مش كنا بنرقص وفرحانين؟ منة: انا نكدية وعاوزة امشى وكملو انتو عادى .. وسام: انا هوصلك يامنة للبيت بالعربيه مى: لا انا يا وسام .. يلا يابنات منة:(باصة فالارض وبتتكلم بقرف) لا انت ولا هى وشكرآ ع كل حاجة .. يلا ياغادة روحينى غادة :(بتغمز لمى يعنى ف ايه ) مى :(بتقول بهمس) معرفش نزلو غادة ومنة ووصلهم ممدوح بالتاكس ... امنية: ف ايه ؟ ليه النكد ده ؟ منى: هى كانت واقفه برة عند وسام ومى مى: والله م اعرف انا كنت برقص مع ويسو وبعدين هى جت قالت.. وسام:(قطعها وهو متدايق) خلاص يا مى سامح: طب احنا والله مش فاهمين .. يعنى مى دايقتها ولا ايه ؟ مى: هو كل حاجة مى .. والله م جيت جمبها شريف اخد وسام ع جنب برة .. شريف: ايه الى حصل ؟ وسام:(متاخد خالص) مافيش كنت برقص مع مى وقولتلها انى بحبها ومى فرحت فوجئنا انها سامعه قالتلى انت بتحب مى وهوب وقعت .. بس شريف: اوبس! البت دى بتحبك يامعلم! عشان كمان عاملتك باسلوب زفت دلوقت انت ومى وسام: طب وايه الحل ؟ انا مبحبش جرح المشاعر ..بس هى والله اختى وانا معملتش حاجة تعشمها ف اكتر من كده شريف: انت ملكش ذنب .. هتدبر انشاءالله الحفله اتقفلت .. وكلهم روحو .. وسام شغال يفكر فالى حصل واتفاجئ انها للدرجة دى بتحبه عشان كده تعبت .. لكن منة من ساعة م روحت فاوضتها ونايمة ومش بتخرج وشغاله عياط هى محكتش لغادة حاجة لان منة كتومة .. غادة بقى اتصلت بمى وعايزة تعرف ايه الحكايه .. مى محكتش لكن قالتلها انها هتروحلها البيت تصالحها رغم انها مزعلتهاش .. فالوقت ده وسام اتصل بمى .. وسام: هتروحى لمنة ؟ مى: ايوة .. كنت لسه بتفق انا وغادة وسام: طيب هاجى معاكى انا مى: اوك جهزو وراحو لمنة وعدو ع غادة فطريقهم .. غادة: تاعب نفسك ليه يا وسام وسام: (وهو مكشر ومش باصص غير عالطريق) اصل الموضوع يخصنى ياغادة غادة: يخصك! مى: هتفهمى عندها ياغادة .. وصلو لهناك .. وطلعو شقتها ، استقبلتهم مامتها ودخلتهم الصالون ع بال م تيجى من جوه منه .. مرضيتش تخرج منه ليهم فوسام قال للبنات تدخلها .. مامت منة معاها فالاوضه : يابنتى اطلعى دول ضيوفك منة: مش هطلع ياماما البنات :(بيخبطو ع الباب وداخلين الاوضه ) احنا جينالك بنفسنا يا ستى الام: طيب هسيبكم سوا وانا هقعد مع الراجل الى برة ده قاعد لوحده منة: عايزة ايه يامى ، مبروك عليكى وسام .. زى زياد وغيره غادة: انا مش فاهمة حاجة؟ مى: ثوانى يا منة .. زياد كان بيحبك انتى وانا كدبت عليكى عشان اعرف اخليكى تسيبيه بانه بيحبنى انا منة: وليه عايزانى اسيبه ؟ هو انتى مينفعش راجل يطير من تحت ايدك ويحب غيرك ؟ لازم كل الاضواء تتسلط عليكى انتى ؟ مى:(اتدايقت) الله يسامحك .. بس ع فكرة انا مش كده زياد كان مصاحب واحدة انجليزية ومخلف ومع ذلك انا مرضتش عليكى الحال ده عشان كده اخترعتلك اى حاجة تكرهك ف .. منة: ووسام!! ده انا قولتلك انى بحبه ومستعدة اكون تحت رجليه ونتجوز ، ليه عملتى كده بقى حلو دلوقت وسام مانتو بتكرهو بعض وخناقات ع طول ولا عشان صاحبتك بتحبه مى: والله ابدآ.. انا ووسام من يوم خناقتنا انا وانتى وغادة والامور بدأت تتصلح بينا معرفش حبيتو ازاى ولا هو حبنى ازاى بس هى جت كده واسألى امنية مقصدتش اخده منك والله غادة: (بتبص لمى) انتى بتحبى وسام يا مى منة: (بزعيق) وهو بيحبها بردو ياغادة انا سمعته بودنى مامت منة بتقطع كلامهم وبتستأذن ان وسام داخل عايز يكلم منة .. وسام:(واقف ع الباب) لو عايزة اطلع هطلع .. مدام مش عايزة تقابلينى منة: (اتكسفت وعيونها ورموشها مبلولين خالص ) اتفضل وسام:(قعد ع كرسى جمب سريرها) انا مكنتش اعرف انك جواكى مشاعر ليا ولو كنت اعرف مكنتش ابدآ عملت كده(بيغمز لمى وبياخد منة ع اد عقلها) منة: مكنتش عملت ايه ؟ حبيت مى ؟ وسام: شوووووووور.. كنت فكرت فبنت امورة زى منون .. لكن تعالى هنا لو ارتبط بيكى مش هشوفك غير البيبى بتاعى يعنى مش نصى التانى طيب كنت هحتاجه وبالتالى كنت هخونك وقلبى يميل لغيرك ، لان الوضع الطبيعى لقلبى شايفك بنته الصغنونة مش كده غادة ومى بصو لبعض وعاجبهم كلامه وساكتين.. منة: طيب ماهو انا انفع كل حاجة ؟ ليه بتقول هتفتقد شريكة حياتك وسام: انتى احسن بنوتة فالدنيا .. لكن والله وسام شايفك كده نقنع قلبى الغبى ده ازاى غير كده ونقوله انك بنوتة مافيش منك 2 ويرتبط بيكى منة:(سمعت كلامه زى الاطفال وضحكت) يعنى مى هى الى فيها كل حاجة ؟ مى بصتلها وسكتت .. مرضيتش تتكلم عشان خلاص وسام برمجها ع امتصاص غضبها وسام: بصراحة؟ للاسف اه لاقيت المجنونة دى فيها حجات صحيح مكنتش بدور عليه فشريكة حياتى فعلا! بس عايز اقولك كملتنى .. كملت الناقص فيا منة: طيب وانا مش هتتخلى عنى ؟ وسام: انتى عمرى م اتخلى عنك .. انا وحيد ماليش اخوات كانت عندى منى اخت وشريف اخ دلوقت عندى منى وشريف ومنة وغادة وامنية .. بس احلاهم منة واطعمهم منة والبنت الى هتدوخنى ع مجايب جهازها وحجاتها وهشتريلها الفستان فرحها هدية وهختارلها عريسها بنفسى هى منة !! منة:(فرحت اووووووووووى لكلام وسام وقامت من عالسرير حضنته حضن بنت لباباها .. اد ايه هى كانت محتاجه الاحتواء ده عشان كده اعجبت بوسام ) والحمدلله المشكلة اتحلت كالعادة بعقل ورصانة ويسو طبعآآ ^^^^^^^^^^^^^^^^^^^^ بعدها بيومين .. شريف راح قرا فاتحه امنية ومعاه وسام واهل شريف طبعآ .. اتفقو عالشبكة .. ونزلو جابوها ومى صورت شريف وامنية وهما بيشتروها .. شريف بعد م اختارتله امنية الدبله .. لبسها وعمل بايده كلابوش فالكاميرا ههههههههه جت يوم الشبكة .. القاعة متظبطة والاغانى .. ومنة ومى وغادة .. ومنى جت بردو مع امنية فالكوافير فاكرين سوسن اخت امنية زميلة شريف فالجامعه .. كانت مبسوطة اوى عمرها م تخيلت ان شريف يتجوز اختها ! امنية لبست فستان شيييييييييك اوى لونه دهبى واااااااااو واتفقو مى والبنات كلهم يلبسو اسود زى بعض ونفس الفستان باختلاف استايله من واحدة للتانيه.. شريف جه واخد العروسه فعربيه وسام والبنات مع مى .. لفو كل الشوارع وهما بيهيصو .. وعمل وسام شوية حركات بالعربيه كده دواير وامريكانى ومى وراه واصحاب شريف فالشغل وصحبات امنية فالكليه بردو وصلو القاعة وكانت ملياااااااانة .. دخلو والبنات بيرشو عليهم ورد من ورا .. وسام من قدام بيصور بفونه وبيضحك وبيغمز لشريف .. بس انتو فاكرين انهم هيدخلو ساكتين كده ويمشى فرح عادى يعنى ؟! تؤتؤتؤتؤ.. لالالا بعد الزفه ع اول القاعه ومثلو هايل انهم مؤدبين وعريسان .. كانو متفقين مع الدى جى يشغل مهرجان لمحمود الليثى .. واشتغل فعلا وبدل م يدخلو يرقصو سلو عالبيست .. رقصو شعبى امنية وشريف قصاد بعض ,, بيشكلو الاساتذه وشريف قلع الجاكيت واداها الغريب بقى ان مى اخدت ايد ويسو اتجننو سوا .. قعدو يرقصو زيهم حواليهم .. ويخبطو فاكتاف بعض والناس هيصت جااااااااااااااااااااااااامد والزغاريد عليت .. وغادة وممدوح قعدو يرقصو بردو رقص كده كأنها رقاصة وهو بينقطها .. هههههههههههه وسام ومى شغالين جنان وهى تعمله حركات بايدها وهو يفتح الجاكيت ويقولها تعالى اخبيكى ويعدين شريف ساب العروسه ترقص وسط البنات .. واخد وسام من مى وقعدو يرقصو قدام بعض ويقلدوا حركات بعض ويلفو زى بعض ويدو ضهر بعض لبعض ويرجعو يميلو سوا ومحدش ابدآ كان متخيل ان كل الجنان ده يطلع من وسام مامت وسام و مامت شريف شغالين يسقفو وبيضحكو عليهم وبيقرو المعوذات .. راحو عالبيست ومبطلوش رقص.. وسام عرق وهو بيتحرك جامد .. مى جريت عليه ومسحتله عرقه قدام الناس .. مامت وسام شافتها وانبسطت وبعدين اشتغلت اغنيه انا اصلا واد جن .. كمل شريف مع زمايله وممدوح معاه بس وسام تعب وقعد وشاور لمى تيجى تقعد جمبه .. بعنيه بس! شايفين مشاها ع عجين متلخبطوش الفرح خلص والزقططة وشريف م اتهدش خالص لا هو ولا امنيه .. روحو عالبيت وسام ومامته ووراه بعربيتها مى .. وبعد م دخل وسام الشقه .. رنت عليه مى يطلع عالباب تكلمه .. مى: كان يوم جميل صح وسام: بعد كده مترقصيش كتير كده مى: م كلو كان بيرقص يا ويسوووووو (ماسكه كرفتته) وسام: كله يرقص يا قلب ويسو .. لكن انتى لا مى: مش كفايه اختارتلى فستان مقفول.. اهئ اهئ اهؤ وسام: لا اهؤ ولا مهؤ .. مبحبش اقعد اعيد وازيد انا مى: (بدلع) حاضر حاضر وسام: طب يلا ادخلى غيرى وصلى عشان اكلمك مى: حاضر .. بقولك انت بصيت ع عتبه بابكم كويس(بصت لتحت) ؟ وسام:(بيبص كده لقى ف جواب مرمى محشور من تحت) مممممممم (ابتسم) والله ! جواب مووووووشى ياستى مى: طيب اقراه انت اكون انا صليت .. وبعدين كلمنى لما تخلصه اوك ؟ وسام:(مسك ايدها وباس صوابعها واحد واحد وهو بيقول اوك يا روح قلبى انتى مى:(اتكسفت وشدت ايدها ع طول ) بتكثف انا ... (مشيت) تصبح ع خير يا حبيبى وسام: وانتى من اهلى مى: من اهلك (مبرئه وعجباها الكلمة ) وسام: اه (دخل بسرعة رزع الباب فوشها) مى: هههههههههههههههههههه مااااااااااااشى هردهالك ودخلت وهى بترقص زى المجنونة وسام كان شايفها من العين السحريه وبعدين ضحك ومسك الجواب وقال: ياترى كاتب ايه يا مشمش ؟؟؟