Saan maaaring ibuhos
Itong damdaming nagpupuyos?
Nagpupuyos, nag-uumalpas
Pusong di makalimot ng lumipas
Aking hinakbi iyo bang naririnig?
Namamalimos ng konting pag-ibig
Ngunit batid na di mo alintana
Mga matang maga sa pagluha
Sa isip lagi kang tumatakbo
At sakit ay di ko maitago
Damdaming nais ng ibaon
Ngunit paulit pa ring umaahon
Hindi man gustong gawin
Puso'y umaasa pa rin
Pag handa na'y lilingon din
Babalik rin dating pagtingin
