لحــن

part 3

ارواحنا تحترق في كل يوم بسبب الحب
نتألم لكن بصمت لا نستطيع قول شيء
ارواحنا ماتت عشقاً مرات عديدة ✔

اتت فترة بعد الظهيرة
توجهت إلى ذلك المطعم كان بعيد قليلا
لكن هذا المشوار سيستحق هذا العناء من اجل تحطيم ما تبقى من ذلك الحب ،، يجعلنا العشق نقسو كثيرا بأسم الانانية ،، لن نستطيع التوقف عن فعل اشياء كثيرة بأسم " الحب 💗 "
وصلت إلى هناك رأيتة يجلس على احد الطاولات الخارجية ينظر بشرود قبضت كف يدي اقتربت و ابتسامة خفيفة تعلو ملامح وجهي قلت بهدوء
ساهر: تأخرت عليك !!
يوسف: لا هسة اجيت
جلست مقابلة أتى النادل قمنا بطلب الطعام البحري
ساهر: متوقعت تحب الاكل البحري
يوسف: ليش اعرفك تعرفني حتى تتوقع !
ساهر: مع الاسف عرفتك قبل فترة لو التقينا بغير ظروف كان صرنا اصدقاء
يوسف ببرود: عندي اصدقاء ما احتاجك احجي بموضوعك بدون لف و دوران
عاد النادل ليضع الطعام امامنا ،، ذهب بعدها قلت بهدوء
ساهر: اول مرة خلص الاكل
يوسف 😠: بلا لف و دوران ساهر احجي الي عندك
ساهر: ما طايقني ابد ابد
قال بسخرية
يوسف: ابد ابد
ابتسمت ببرود ثم قلت
ساهر: شعور متبادل خصوصا بعد امس
يوسف: امس !!
ساهر: اي من اكتشفت زوجتي مسلمةة روحها لحبيبها بس شوكت صار هالشي ؟
يوسف: وليش تهتم بالتفاصيل يعني مو خلص هي زوجتك شكو جاي علية !!
قلت من بين اسناني
ساهر: البنت إلي احبها اكتشف عنها هيج شي بيوم الزواج و محد يدري واحد غيري يرجعها لبيت اهلها
يوسف ببرود: رجعها اني شعلية يعني ؟
ساهر: الحب واضح بعيونك
يوسف: احبها لدرجة اعرف ادق تفاصيل حياتها ما احبها بأنانية مثلك
ساهر: لو انت بمكاني شنو تسوي
صمت لفترة طويلة و كأنه يفكر
ليبتسم بهدوء مما اثار اعصابي ثم يقول
يوسف: اتركها بحالها ،، الحب تضحية عطاء و حنان الحب من جانب انت مراح تعرفة لانك اناني مهما حجيت مراح تكدر تفهم
ساهر: مثل ما كلت مراح افهم هالشي الي اعرفه مستحيل تلتقون و اني موجود
يوسف: لتخاف مراح اقترب منها هي أختارتك انت بعد ما اكدر اسوي شي
ساهر: و اذا كانت مجبورة
يوسف: هيج قرارات ناخذها بإرادتنا بدون ضغط ولا اجبار
ساهر: حلو الحجي وياك صراحة يوسف اني ما كرهتك صدكني بس دوامة الحب هاي تجبرني اكرهك من تجي متلهف لشي بس يخيب ضنك راح تنكسر من تبني حياة بس الحظ يكون معاكسك و بنفس الوقت ضدك راح تتصرف هيج تصرفات انت كلت الحب تضحية بنفس الوقت ممكن يكون الحب حياة ممكن يبني و ممكن يهدم مرات قراراتنا تتعارض ويه احلامنا بس مجبورين نستمو لان هي هيج الحياة تعلمنا هواي اشياء

كانت تلك الكلمات قد خرجت من تجربتي
تلك التجربة التي فشلت بها ،،
من واقع قد تعايشت معه رغم الظروف
اجل ذلك جزء من حياتي تلك الكلمات تعبر عن طفولة مفقودة هناك الكثير من الالم لا استطيع البوح به يخنقني فقط
نهضت من مكاني و قلت
ساهر: فرصة سعيدة
ذهبت لادفع الحساب خرجت من المكان اتصلت بها بعد مئات الاتصالات حتى اجابت
جيهان: خير
ساهر: شوكت تتعلمين تجاوبين من اول مرة اكره الانتظار جيهان: ما اتعلم 😣
ساهر: راح تتعلمين 😤 ردتي لو لا
جيهان: هسة شرايد ؟
ساهر: شوكت تخلصين شغل حتى اجي اخذج
جيهان بسخرية: واذا كلت لا شيصير !!
قلت بذات النبرة
ساهر: ما يتغير شي راح اجي و اخذج
جبهان بملل: اخلص الساعة خمسة و نص
ساهر: ماشي حدز السايق ياخذ السيارة و اني اجيج
اغلقت الهاتف تأكدت من المنزل و من التحظيرات كان كل شيء كما اريد ،، توجهت إلى منزل والداي
سألت فعلمت بإنهما غير متواجدين ،، ضربت الحائط وقلت
ساهر: وين الجديد ..!!