حنيتك راحت لوين وشفيك ما تشتاق لي

وامها من خوفها عليها ضلت تسأل عنهاا وعن اخبارها
,,,,,,,,,,,,,,,,,,,,,,,,,,,,,,,,,,,,,,,,,,

كل مآ أشوفك أبتسم من دون ما أشعر
واقول في قلبي عسى الله يحفظك ليآ
يا أغلى البشر خف علي والله ما أقدر

افتحت الخدامه لها الباب وبشهقه

....................:ماما نور انتي وين في روح ..ماما في صيح وايد

نور:وديني حق ماما

الخدامه امسكت يد نور وتوجهت فيها لام جسار

وبداخل البيت ام جسار مو راضيه توقف اصياح

نور على طول اول ماسمعت صوت امها دمعت اعيونها وعلى طول نزلت ادموعها وبصوت مرتفع عشان تتنتبه لها:

يـــــــــــــــــمه

ام جسار ارفعت راسها لمصدر الصوت ويوم جافت نور قامت ابسرعه وتجهت لبنتها وضمتها وهي تبجي
:وين رحتي عني يابنتي ماتدرين اني ماقدر اعيش بدونكم

نور وهي حاسه بامها: سامحيني يا الغاليه

ام جسار وهي مستغربه :يمه نور وين رحتي انا دورتج بكل مكان
اوين جسار ليش مادخل معاج

نور بتسائل : جسار؟؟؟

ام جسار : أي اهو قال مابيرجع الا وانتي معاه

نور وهي مرتبكه وطرت ابالها فكره: يمه اتصلي حق جسار وقولي له اني بخير ومافيني شي واني كنت نايمه في غرفه الضيوف ومانتبهيتو لي

ام جسار وهي مستغربه : ليش

نور وهي مرتبكه وموعارفه اشلون اتبرر: باقولج بعدين ,,بس انتي طمني جسار وقولي له الي قلت لج

ام جسار وهي مو مطمنه طيب

الوووووووووو

جسار االي خاايف على اخته نور وموعارف شنو يقول حق امه سكت

ام جسار: ابشرك ياولدي نور اطلعت نايمه في غرفه الضيوف وانا مانتبهت لها ,, سامحني ياولدي تعبتك معاي

جسار الي تنهد براحه على سلامه اخته: الحمد االله اهم شي انها بخير,,وانا قلت لج من البدايه دوريها في الغرف

ام جسار وهي تحاول اتبرر: ماشاء الله البيت عود واكيد مانتبهيت لها
من خوفي

جسار وهو متوجه لبيته : حصل خير ,, المهم انا رايح لنسرين في بيتي ,,تامريني بشي

ام جسار وهي مستغربه: بيتك ؟؟,,ليش نسرين مو في جناحها

جساربهدوء: لا انا خذيتها ,, وطلعت معاها ورحت بيتي

ام جسار الي تمنت لهم السعاده : الله يوفقك ويبعد عنك كل سوء ياولدي تحمل ابنفسك وفي زوجتك

جسار :فمان الله

..........................................

نسرين وهي قاعده بملابس جسار وصايرين اكبار عليهاا ,, وهي جنها بيبي بهل لبس ..شغلت لها التلفزيون وصارت اتفرر بالمحطات بملل ,,وفكرها كله بجسار