ياسر
بعد ان صعدت للاعلى صعدت ورائها رأيت ميرنا تصعد خلفي ذهبت بسرعه لحنين قبلتها ابتعدت عنها و (الي صار بالبارت السابق)
الجد: جنت البارحه كاعد افكر انتو صار تقريبا سنه مماخذين اجازه ومسافرين
زهراء: يعني راح نسافر
الجد: اي بس اختارو لو للمزرعه بلوس انجلوس لو يم عمتكم بنيويورك
زينه: خلي نروح نشوف عمه صار هواي مشايفيه
محمود. فؤاد: اي خلي نروح لعمه
يزن: اني ويقه زينه
زهراء: شنو رايك ياسر
ياسر: بكيفكم.... صدك جدو انت راح تجي
الجد: اكيد ليش
ياسر: امممم عبالي مو اذا انت مأجيت يعني حنين هم متجي
الجد: لا راح اجي وجمال انت وميرنا هم تعالو
جمال: لا هي سفره عائليه
الجد: وانت من العائله انته النقاش
جمال؛ شكد عنودي وراسك يابس
الجد: ههههه وبعدك متصمم على قرارك يعني باي دقيقه تغير رايك
ظلو يتكلمون ويتكلمون انتبهت ان حنين كانت ترتجف قربت راسي حتى اصبح فمي بجانب اذنها انتفضت لكن من حسن حظي لم ينتبه احد قلت بصوت خافت
ياسر: كافي ترجفين فضحتينه..... قلتها بخفوت
حنين: طبعا ارجف اذا حضرتك مخلي ايدك عليه وخره بهدوء احسن ما اكسره..... قالتها وكانت رافعه راسها من اجل الوصول الى اذني ابتعدت وابتسمت ابتسمت معها قالت ميرنا
ميرنا: كافي تسولفون وحدكم احجي ويانه هم........قالتها بانزعاج
زهراء : وانت شكو واحد وحبيبته ليش تدخلين يعني عفتي الموجودين كلهم ورحتي على ياسر و حبيبته........قالتها واكدت على الكلمه الاخيره ذكروني ان اقبل هذه الفتاه
محمود: اي عيني ست زهراء ياجامعه راح تدخلين...... قالها من اجل تغير الموضوع
زينه: راح دخلين تحليلات مرضيه مو
نسرين: لا دخلي صيدله
فؤاد: بكيفه ليش تدخلون بشي ميعنيكم..... قالها بعد ان رفع نظره من الهاتف
يزن: ههههههه في منتصف الجبهه
ياسر: اخ ولك فؤاد انت شكد تقصف..... قلتها بعد ان انتهيت من ااضحك
حنين: اي زهراء ما كتيلنه شنو راح تدخلين
زهراء: والله عاجبني طب نفس يعني احب هذا القسم
فاطمه: اي صيري طبيبه مالت مخابيل
ياسر: هذا التفكير مالت العصر الحجري ليش متبطلي
فاطمه: ههههههه مضحك........ قالتها وهي متضايقه
فؤاد: عوفو اختي احسن الكم
فاطمه: شوف شلون يحجون عليه
والد فؤاد: كافي تتعاركون اي بتي زهراء يا قسم راح تدخلين
والد ياسر: اي بابه صدك
زهراء: والله ياجماعه اني راح ادخل طب نفس اني اريد ادخل هذا المجال
حنين: عادي اطي راي
الجميع: اكيد
حنين: انت عاجبج هذا المجال بس انت شوفي اقري عن غير مجالات يمكن يعجبوج اكثر لان هذا مستقبلج انت يمكن من دخلين طب نفس تشوفين غير مجالات يمكن تتندمين لذالك لتستعجلي......... قالتها وانهت كلامها بابتسامه دافئ جعلتني العن نفسي مئه مره
والد محمود :تره كلامه صحيح لازم تفكير وتخلين بالج اكثر من قسم
زهراء: والله مادري بس قنعتوني
جمال: يله احنه نترخص
الجد: لا ابقو شويه
جمال: لا و الله تاخر الوكت لازم نروح يله جدو ميرنا امشي خلي نروح و دكتوره حنين تشرفت بمعرفتج بس اتمنى تخلين بالج وتفكرين ويايه اذا احنه ملتقين لو لا
حنين: الي شرف عيني واكيد احاول
بعد ان ذهبو بقيت حنين شارده ذهن ذهبت لغرفتها وذهب البقيه لغرفهم ذهبت لغرفتي غيرت ملابسي وتمددت على سرير وبدء ضميري يؤنبني انا اكره نفسي عندما ارضخ لجدي سمعت صوت الباب يدق
ياسر: تفضل
زهراء: تريد تنام لو عادي احجي وياك
ياسر: تعالي تعالي...... قلتها وربت على سرير
جلست بجانبي وكانت تلعب باصابع يديها
ياسر: شبيج احجي
زهراء: ياسر تره اني احب حنين
ياسر: اي حبيه كايلج لا
زهراء: اني ادري بيك جذاب وانته متحبه لان من دخلت ميرنا ونظره الحب الي بعيونك بعده وره كل الي سوته بيك بس بعدك تحبه تره انت اخويه واني اعرفك اكثر من نفسك
ياسر: تره هاي لعبه حتى حنين تدري روحي ساليه اني بس اريد اراوي ميرنا انو اني دا اعيش حياتي وفرحان
زهراء: همزين عبالي دجذب عليه جان ذبحتك يله اني هسه اروح تصبح على خير... قالتها وخرجت اه لو تعلمين اخوك الحقير ماذا سوف يفعل
زهراء
بعد كلامي مع اخي ياسر ارتحت لكن من الجيد انه اقام هذه الخدعه اتمنى ان يحبا بعضهما البعض حقا ذهبت الى غرفتي بعدها تذكت خرجت ودخلت غرفه حنين كانت جالسه على السرير ومنزله راسها وكان شعرها ساقط على جانبين بحيث يخفي ملامح وجهها قلت بهدوء
زهراء: حنين
رفعت راسها نظرت لي كانت الدموع في عينيها
حنين: ها حياتي محتاجه شي
زهراء: شبيج تعبانه تردين اصيحلج حبيب الكلب يخليج تضحكين
حنين: خرب زهراء امشي طلعي بره
زهراء: ههههههه خرب لا جذب اصلا اني اعرف كلشي ياسر كالي انو هذه لعبه
حنين: اف ولج تدرين تندمت لان وافقت على هاي الشغله
زهراء: انسي وتعاملي وياه طبيعي بعدين نسيتيني شنو ردت اكولج
حنين: صدك ليش اجيتي
زهراء: اف نسيت..... اي تذكرت الباجر بالليل الطياره مالتنه ياسر كلي اكلج من هسه حضريهن
حنين: ههههههه ماشي شكرا الج والاخوج...... وضعت يدها على فمها وضحك بعدها قالت كلماتها بهدوء
زهراء: يله تصبحين على خير
حنين: وانت من اهله
خرجت من الغرفه ذهبت لغرفتي حضرت ملابسي وضعتها في الحقيبه وذهبت في نوم عميق
حنين
بعد خروج جمال اخذت نفس عميق كدت اكشف لكن من الجيد انه لم يعرفني انا لا اريد من احد ان يعرفني انا لا اريد تذكر الماضي لا اريد تذكر شي صعدت لغرفتي جلست على سرير انزلت راسي ونزل شعري من الجانبين بحيث اختفت ملامحي كنت اقاوم دموعي من اجل ان لا تخرج لماذا الان لماذا بعد كل تلك السنوات ياتي شخص يذكرني بماضي المؤلم دق احدهم الباب قلت ادخل
(المحادثه الي فوق )
بعد خروج زهراء تذكرت ياسر ابتسمت لا اراديا مابالي اصبحت افكر بهذا الشاب كثيرا اخذت نفس وقفت ذهبت الى خزانتي رتبت ملابسي في الحقيبه وبعدها دخلت للحمام استحممت اتديرت ملابسي وذهبت الى سرير فورما وضعت راسي على وساده ذهبت في نوم عميق..............
*****************************
سلام حبايب رمضان كريم وينعاد علينه وعليكم بالصحه والعافيه والسلامه بارت صغيروني اتمنى يعجبكم
اراكم توقعاتكم
فويت كومنت
باي
الصوره: البنات وحنين مالكيت وحده تشبه الوصف الي كتبته
YOU ARE READING
لا استطيع كرهك
Romanceجرحت وجرحت وجرحت وبقيت صامده اضحك اتكلم اساعد الى ان اتاني جرحك هدمني قتلني دمرني حاولت حاولت وحاولت ولم استطع كرهك انت قدمت لي كل شي جميل عيشتني في حلم وردي رسم احلى واجمل الاماني كيف استطعت فعل هذا بي وانا التي قدمت لك كل الحب والاخلاص لكن ساقول ك...
