حاليا اني بعطله نجحت من الرابع اعدادي والحمد الله جانت سنه سخيفه كولش وكذاب اليكولك الرابع سهل واتعذبت حيل خاصه بالكيمياء العضويه
.. الغريب انو اني بعطله وكالعاده سهرانه اقره روايات واشوف مسلسلات وحاليا دا اتابع مسلسله كوريه اسمهه حبيبتي عميله سريه بس كولش حلوه وكوميديه واضل اباوع بيه الحد ما الشحن يخلص والموبايل يطفه فمن نمت البارحه وره مطفه التلفون طبعا والشمس الجميله اللطيفه طلعت حلمت حلم بس شلون حلم 😨😨😨ايموت ...عساس اني بسياره وشباب حلوين الله ياخذهم اقصد الله يحفظهم باحلامي وصلوني المدرستي الحبيبه وعساس جان امتحان نصف السنه وجان ادخل ومتحان انكليزي اني كلت يوووومه ومنو وكفت علينه حبيبتي هدايه طبعا اكثر مدرسه ادعي عليه اقصد ادعيله تعرفون احبه كولش وكذا ( تعريف هدايه هي مدرسه اسمه هدى ادرس انكليزي كولش احبه من جنت ثاني متوسط طيحت حظي بالدرجات فدعيت عليه فخطيه وكعت من درج المدرسه وكدامي وكسرت ايده ورجله وكلت اني الحمد الله حوبتي اقصد الله يشافيه وسلامته وطكيت هههههه بجي من الفرحه اقصد الحزن عالحبيبه مال الكلب واني ردت انقل من مدرستي اروح غير مدرسه علمود الحب هدايه لان تعرفون ما اتحمل هيج حب وكذا وهذا الحب ايدرس الخامس صح اني رابع بس اني حتى النظره من الحب هدايتي ما اتحمله تعرفون بعد يومه الحب يومه 😍😍😍او صدك نسيت اذكر فقره عالحب هي تحب اختي ال بالسادس اعدادي وتحبني بس مو اكثر مما اكرهه اقصد احبه الحب بعد 😍😍) المهم وكفت الحب هدايه علينه مراقبه فعساس جتي اختي الي هي بالسادس اعدادي صاحتني واستأذنت من الحب وطلعتني كتله فديتج اختي خلصتيني جان اتكولي لا وترجعين للامتحان بس رجعيلي صدريتي وبعياط جان وعزه وصخام باوعت عالهدوم طلعت لابسه صدريته
جان تنطيني صدريه وقميص وخلتني ارجعله اهدومه وكتلتني ورجعتني للامتحان وعززه وصخام بالامتحان جان باقي بس ٣٠ دقيقه والاسئله طويلة وتموت المهم منو كاعده يمي صديقتي الحب يسر فديتهه جان اتغششني السؤال الاول بس اذني بت الكلب خانتني وطرشت وعالمغشيت السؤال الاول دعيت عالاذني ٥٩٠٠دعوه وجان تجي الحب الابدي هدايتي الدبه 😍😍تسحب الورقه وكمت ابجي بس السؤال الاول حالته بالغش اقصد بالشطاره من ست اسئله يعني اكيد ارسب وجان هدايه الحب تضحك عليه بس انتو متعرفون هاي الضحكه واستني كلش لان هدايتي دبدوبتي هي ضحكه حياتي. بحيث من الفرحه ضربته بالورقه مال الامتحان عالراسه ونهزمت ومن دا اركض سمعت اقبح صوت اقصد احلى من بضاتي اعياط هدايه اي من الفرحه من الحب
وجان من اطلع من المدرسه شفت ذوله الحلوين ولد الحلال ال الله يحفظهم كتلهم ركض ودوني للبيت وصدك ودوني والحمد الله انتهى صوت عياط نبضاتي هدايه ما اتحمل صوته من الحب 😍😍😍من رحت للبيت. شفت اختي الاصغر مني الخبله ام خشم الحب كالعاده كاعده عالواتباد جان كلتلي كتبت قصه تعاي سمعيهه بس غمضي عينج وتخيلي اني من آمداني غمضت عيني وجان تحجيلي قصه عساس وحوش وبيد البطله سيف وجكد متكتل بيهم ميموتون وطبعا من امدا حضي اتحول الحجي مالته حقيقه ومن افتح عيني الكي وحش بطول مترين كرش جبير وتك عين وحلك بلا شفايف وخشم ابشع من خشم اختي ولون البشره وردي بيه ويييع مثل الزواع وبيدي طبعا وحضي الملطم الجميل سيف يعني اني البطله المصخمه الجكد متكتل بالوحوش ميموتون وجان اعيط وارجف وذبيت السيف وشلت النعال شمرته عالوحش ابن الكلب وانهزمت وكعدت ادور عالاختي واكوله كافي تحجين بالقصه مو صارت حقيقه اجيتج بالقندره والوحوش ورايه جان الكيه الاختي المصونه اللطيفه ام خشم خاتله جوه الجربايه طلعته شمرته عالوحوش جان بين مدا ياكلوه كعدت اتعوذ من الشيطان وقريت سوره الفاتحه والحمد الله من بديت اقره بالفاتحه فزيت من الحلم يووومه بس متتت خوف اكثر حلم مرعب سخييف شفته بحياتي ان شاء الله مينعاد وان شاء الله انتو تحلمون بحلم مثله اقصد الله يبعدكم عن هيج احلام ...
اذا كرهت حلمي وحبيت البارت مال قصه دوس النجمه 😉
باي حبايب
