و إن جيتي عالعناد .. ترى فيه محدٍ مثلي

12

رجع فيصل للبيت لقى خزامى لحالها بالحديقة عند النافورة
فيصل : يا بطة
( ابتسمت خزامى وقامت تسلم عليه )
خزامى : هلا فيصل
فيصل : وش تسوين لحالك هنا ؟
خزامى تنهدت : ابد جالسة
فيصل : الجو بدى يبرد .. ناوية تمرضين مثلا ؟
خزامى : ههههه لا .. بعيد الشر عني وعنك .. بس مدري كذا طلعت
جلس فيصل معها واثنينهم ساكتين جلس فيصل يطالع فيها وهي سرحانة بالموية
انتبهت له
خزامى : وش فيك تطالع فيني كذا ؟؟ مضيع شي بوجهي ؟
فيصل : هههههههههه طالع لك لسااان والله .. لا ابد ولا شي
سكتوا شوي
فيصل : خزوم .. في واحد تقدم لك
توترت خزامى : بس .. يا فيصل
فيصل : اذا ما تبغينه مو مشكلة .. ما راح اجبرك على شي .. هذا الموضوع يخصك و ما لاحد دخل فيه
خزامى : طلبتك .. لا تعلم طلال وابوي انت عارفهم يبوني اتزوج وبس
فيصل : اهدي انا ما علمت احد ولا بقول لاحد ابدا ..بس عالاقل اعرفي مين هو
خزامى : مين ؟
فيصل : خالد .. اخو دانا صديقتك
انصدمت خزامى ماااا توقعت هالشي ابدا
خزامى : خااااااااااااااالد ؟
فيصل : ايه خالد .. وش فيك ؟
خزامى : و لا شي بس ما توقعت ,, هو داري عن ...........
فيصل : ايه .. يدري , يقول انه كان يحبك من قبل سعود لكن سعود غدره وغدرني فيك
ويا خزوم ترى خالد رجّال كفو ومحترم
خزامى : ادري .. انا اشوفه مع اخته شلون ,, بس يا فيصل ,, مدري ايش اقول
فيصل : فكري براحتك ... وترى خالد مو مثل سعود خالد رجّال ومحترم وحنون وماله في الحركات الفاضية
سكتت خزامى وقامت : انا رايحة غرفتي .. تصبح على خير
مشت عنه ... وفيصل تنهد بحزن على حالها الله يلعنك ياااا سعود لكن هين وين ما رحت مصيري اطلعك واذبحك قدامها عشان ارتاح انا وترتاح هي وتتأدب انت
<< ذكريـــــــــــــــــــــــات فرح حزين >>

جوانا : حركاااااااااااااااات .. مين قدي انا يا خزووم ,, خطيبك ولا جوون ابراهام يا بنت
جوري : ههههه والله جون مو حلو مقارنة بالزين ولد الرائد
ام طلال : بس يللا عن قلة الادب انتي وياها ,, انقلعوا على غرفكم ,,وانتي يا خزوم الحقيني بعيد عن هالمهبولات
دخل فيصل كعادته باستهباله المميز
وقف وقفة مااايلة وحط ايده على خصره والايد الثانية على فمه : كلللللللللوووووش الف الصلاة والسلام عليك يا حبيب الله محمد
قالها بصوت نسائي ..
هههههههههههههههههه وافقت الحلوة ولاّ لا ؟؟
جوانا : افاااااااااااعليك بس يخطبها شبيه جون ابراهام وترفض ؟؟
خزامى : بس وجججججع احرجتووووني
جوري : لبى الخدووووووود الحمر يا ناس
وافقت عليه خزوم وبعد اسبوع كانت الملكة
خزامى لابسة فستان ملون بسيور كريستال مخصر عليها وطالعة خقق وميك اب ثقيل كانت باختصار قمرررررررررر
وهو بالثوب الابيض والبشت الاسود والشماغ الابيض طالع يهببببببببببببل
بالغرفة كانوا لحالهم بعد الزفة ومعهم فيصل
فيصل : ياهووووه مين قدك انت وياها الحين
سعود لخزامى بصوت واطي : اخوك ما وده يتركنا
ضحكت خزامى بحياء
فيصل : قوووول اعترف وش حشيت فيني ؟؟؟ خليتها تضحك كشفتك
سعود : اقووول لها يالمرجووج ما ودك تذلف ؟
فيصل :ههههههههههاي واخليكم على راحتكم ؟ نو نو نو
سعود : الظاهر اني معرس عليك مو على اختك
فيصل : ههههه افا عليك بس .. ههههه وقال بصوت ناعم .. سعود حبيبي الله لا يفرقنا
ضحكت خزامى بقوووة ما استحملت حتى سعود مااات من الضحك
سعود : اقووول فيصل ... خلاص ترى عطيناك وجه ,, اذلف
فيصل : جاااالس على قلوووبكم ... ههههه اقصد على قلبك لان اختي فديتها عاجبها اني معكم والدليل انها ساكتة
ضحك سعود عرف ان فيصل يبي اخته تحكي
سعود : شفتي خزوم .. يقول عاجبك انه جالس على قلبي .. احكي حبيبتي خليه ينقلع
فيصل : لالا خيااااااانة وعيني عييينك بعد ... انا حبيبك شلوون تصير حبيبتك هي ؟


سعود : ما اقووول الا الله يخلف على ام (ن) جابتك يالخبل
خزامى : فيصل خلاص ( بصوت واااطي )
فيصل : ما سمعتك .. كأني شفت براطمك الحمر يتحركون بس ما سمعت شي .. شيلي السايلنت خزوم
سعود : ههههههههه ما عندك ذوووق ابد .. الناس تقول شفايفك وانت تقول براطمك .... تراها اختك يالاهبل
فيصل : الحين انت المتحدث باسمها ؟؟ ماااالك شغل ... بعدين تعاال تراني ساكت لك للحين بس عشان اختي فيه
اخاف عليها تنصدم وهي تشوف اخوها متوحش
سعود : ياللي مراعي مشاعرها ما ودك تراعي مشاعري وتنقلع ؟
فيصل : هههههه ادري زودتها بس عشان ارفع ضغطك .. اشوف العروق الحمراء بدت تطلع بعينك
عصبت ؟ هههههههههههههااااااااي بايووو
طلع فيصل من البيت وهو ما يزال يتذكر وصحى على صوت رنة جواله : يا حظ عينك تنام الليل مرتاحة
ما كأنها اللي خذت ممساي من عيني
ما كأنها اللي خذت من قلبي الراحة .... من يوم شفتك نوت بالحيل تشقيني
فيصل بضيق : الو
الجوري : فصوول وينك ؟ >> صوتها ضايق ومتوهق
فيصل وماله خلق شي : نعم جوري وش بغيتي ؟
جوري بصياح : اهئ اهئ .. اصلا الشرهة مو عليك علي انا اللي متصلة عليك ..... طوط طوط طوط قطع الخط
فيصل : اووووف ناقص دلعها انا
حط الجوال بجيبه و ما اهتم لها