زيزفونة و ويل

ﻟﺒﺎﺭﺕ ﺍﻻﻭﻝ

 --- ﺑﻌﺪ ﺍﻟﻤﺮﺍﺕ ﺍﻟﻮﺣﺪﺓ ﻓﻴﻨﺎ ﻛﺘﺤﺲ ﺑﺤﻴﺎﺗﻬﺎ ﺭﺗﻴﺒﺔ ﻣﻤﻠﺔ ... ﻛﺘﻔﻴﻖ ﻛﺘﻤﺸﻲ ﻟﻘﺮﺍﻳﺘﻬﺎ ﻭﻻ ﺧﺪﻣﺘﻬﺎ ﻛﺘﺎﻛﻞ ﻛﺘﻨﻌﺲ ... ﺑﻌﺪ ﺍﻟﻤﺮﺍﺕ ﺍﻟﻮﺣﺪﺓ ﻓﻴﻨﺎ ﻛﺘﺤﺲ ﺑﻠﻲ ﺍﻟﺪﻧﻴﺎ ﻣﺎﺷﻲ ﻏﻴﺮ ﺍﺳﻄﻮﺍﻧﺔ ﻛﺘﻜﺮﺭ ﻳﻮﻣﻴﺎ ﺍﻧﺎ ﻭﺣﺪﺓ ﻣﻦ ﺩﻭﻙ ﺍﻟﺒﻨﺎﺕ . ﺍﻧﺎ ﻓﺸﻜﻞ ﻛﻤﺎ ﻛﻨﻘﻮﻟﻮ،ﻛﻨﺤﺲ ﺑﺮﺍﺳﻲ ﻣﺨﺘﺎﻟﻔﺔ ﻋﻠﻰ ﺍﻟﻨﺎﺱ ﺗﻔﻜﻴﺮﻱ ﻋﻤﻴﻖ ﻛﻨﺸﻮﻑ ﻛﻠﺸﻲ ﺑﻨﻈﺮﺓ ﺷﻚ ﻭﺭﻳﺒﺔ ﻓﻮﺍﺣﺪ ﺍﻟﻤﺮﺣﻠﺔ ﻣﻦ ﺣﻴﺎﺗﻲ ﻗﺮﺭﺕ ﻧﻨﻌﺎﺯﻝ ﻣﺒﻘﻴﺘﺶ ﺍﺟﺘﻤﺎﻋﻴﺔ ﻛﻴﻒ ﻛﻨﺖ ﺣﻴﺖ ﺍﻟﻨﺎﺱ ﻭﻻﻭ ﻛﻴﺠﻴﻮﻧﻲ ﺗﺎﻓﻬﻴﻦ ﻭﺍﻧﺎﻧﻴﻴﻦ . ﺳﻤﻴﺘﻲ ﺯﻳﺰﻓﻮﻧﺔ،ﺳﻤﻴﺘﻲ ﻏﺮﻳﺒﺔ ﻋﺮﻓﺖ،ﺳﻤﺎﺗﻬﺎ ﻟﻴﺎ ﻣﺎﻣﺎ ﻣﻌﺮﻓﺘﺶ ﻋﻼﺵ ﺧﺘﺎﺭﺗﻬﺎ ﻭﻟﻜﻦ ﻛﺘﻌﺠﺒﻨﻲ ﻛﻨﺤﺲ ﺑﻠﻲ ﻣﻤﻴﺰﺓ .. ﻓﻌﻤﺮﻱ 20 ﺳﻨﺔ ﻛﻨﻘﺮﺍ ﻓﺎﻟﺴﻨﺔ ﺍﻟﺜﺎﻟﺜﺔ ﻛﻠﻴﺔ ﺍﻗﺘﺼﺎﺩ ﻋﺎﺯﺑﺔ ... ﻣﻦ ﺩﻳﻤﺎ ﻭﺍﻧﺎ ﻋﺎﺯﺑﺔ ﻋﻤﺮﻧﻲ ﺑﻐﻴﺖ ﺷﻲ ﻭﺍﺣﺪ ﺍﻭﻻ ﻋﺠﺒﻨﻲ ﺷﻲ ﺭﺍﺟﻞ ﻛﻠﻬﻢ ﻛﻴﺒﺎﻧﻮ ﻟﻴﺎ ﺑﺤﺎﻝ ﺑﺤﺎﻝ ﺟﻴﻌﺎﻧﻴﻦ ﻛﻴﺴﺘﻐﻠﻮ ﺍﻟﻮﺣﺪﺓ ﻭﻳﻠﻮﺣﻮﻫﺎ ﺑﺤﺎﻝ ﺍﻟﻜﺎﻏﻂ ﺩﻳﺎﻝ ﺑﻴﻤﻮ ﻭﻳﺪﻭﺯﻭ ﻟﻮﺣﺪﺓ ﺧﺮﺍ ﻫﺪﻓﻬﻢ ﺍﻟﻮﺣﻴﺪ ﻫﻮ ﺍﻟﺘﻴﺘﻴﺰ،ﺍﻟﺰﻳﻦ،ﻝ ﺍﻃﺎﻱ،ﺍﻟﺼﺪﺭ،ﺍﻟﻤﺆﺧﺮﺓ،ﺍﻟﺠﻨﺲ ... ﺗﻔﻮ ﻋﻠﻰ ﻗﻮﻡ . ﻣﻦ ﺻﻐﺮﻱ ﻣﻜﻨﺤﻤﻠﺶ ﺍﻟﺮﺟﺎﻝ ﻛﻮﻥ ﻣﺨﻔﺘﺶ ﻛﻮﻥ ﻧﺪﻭﺯ ﻋﻠﻴﻬﻢ ﺑﻤﻮﺱ ﻣﻦ ﺍﻟﻮﺩﻥ ﺗﺎﻟﻮﺩﻥ ،ﻧﺨﻮﻱ ﻋﻠﻴﻬﻢ ﺍﻟﻤﺎﺯﻭﻁ ﻭﻧﺸﻮﻱ ﻳﻤﺎﻫﻢ ﻛﻲ ﺍﻟﻜﺮﻋﻴﻦ ﺩﻳﺎﻝ ﺍﻟﻌﻴﺪ ﺍﻟﻜﺒﻴﺮ،ﻭﻟﻜﻦ ﺩﻭﻣﺎﺝ ﻣﻨﻘﺪﺭﺵ ... ﻳﻤﻜﻦ ﺧﻠﻌﺘﻜﻢ؟ﻛﻴﻔﺎﺵ ﺗﺨﻴﻠﺘﻮﻧﻲ؟ﺷﻲ ﻭﺣﺪﺓ ﻃﻮﻳﻴﻠﺔ ﻛﻠﻬﺎ ﺳﻴﻜﺎﻃﺮﻳﺲ ﻭ ﻛﺘﻠﺒﺲ ﺍﻟﻤﺰﻳﺮ ﻭﻛﺘﻬﻀﺮ ﺑﺤﺎﻝ ﺍﻟﺸﻤﺎﻛﺮﻳﺔ ﻳﺎﻙ؟ﻫﻬﻪ ﻻ ﺍﻧﺎ ﺍﻟﻤﻈﻬﺮ ﺩﻳﺎﻟﻲ ﻛﻴﺘﻨﺎﻗﺾ ﻣﻊ ﺍﻻﻓﻜﺎﺭ ﺩﻳﺎﻟﻲ ﺍﻟﺸﺎﺫﺓ ... ﺍﻧﺎ ﺑﻨﺖ ﺯﻭﻳﻨﺔ ﻣﺎﻃﻮﻳﻠﺔ ﻣﻘﺼﻴﺮﺓ ﺑﻴﻀﺎ ﺷﻌﺮﻱ ﻛﺤﻞ ﻭﻃﻮﻳﻞ ﻓﺎﻳﺖ ﺿﻬﺮﻱ ﻋﻴﻨﻴﺎ ﻛﺒﺎﺭ ﺑﺰﺍﻑ ﻳﻤﻜﻦ ﺍﻛﺒﺮ ﺣﺎﺟﺔ ﻓﻴﺎ ،ﻛﺎﻣﻠﺔ ﺍﻻﻧﻮﺛﺔ ﻻﻃﺎﻱ ﺩﻳﺎﻟﻲ ﻛﺘﻴﺮ ﺍﻻﻧﺘﺒﺎﻩ ،ﻭﺍﻧﺎ ﺍﻋﺪﻯ ﺣﺎﺟﺔ ﻋﻨﺪﻱ ﻧﻜﻮﻥ ﻣﺤﻂ ﺍﻻﻧﺘﺒﺎﻩ ،ﺍﺧﺮ ﺍﻫﺘﻤﺎﻣﺎﺗﻲ ﻧﺜﻴﺮ ﺍﻟﺮﺟﺎﻝ ﺍﻭﻻ ﻳﺠﻴﻮ ﻳﺨﻄﺒﻮﻧﻲ ... ﺟﻮﺍﺩﻱ ﻣﻜﻴﺤﻤﻠﻮﻫﻤﺶ ... ﺩﻛﺸﻲ ﻋﻼﺵ ﻣﻠﻲ ﺑﻠﻐﺖ ﻭﺑﺪﺍﻭ ﻣﻼﻣﺢ ﺍﻻﻧﻮﺛﺔ ﻛﻴﺒﺎﻧﻮ ﻋﻠﻴﺎ ﻭﻟﻴﺖ ﻛﻨﻠﺒﺲ ﺑﺤﺎﻝ ﺍﻟﺪﺭﺍﺭﻱ ﻗﺒﻴﺎﺕ ﻋﺮﺍﺽ ﻭﻃﻮﺍﻝ ﻭﺳﺮﺍﻭﻝ ﺩﺟﻴﻦ ﻋﺮﺍﺽ ﻭﺷﻌﺮﻱ ﺩﻳﻤﺎ ﺩﺍﻳﺮﺍ ﺍﻟﻜﺮﻳﻨﺎﺕ . ﻛﻨﻘﺮﺍ ﺍﻟﺮﻭﺍﻳﺎﺕ ﺍﻻﺟﻨﺒﻴﺔ ﺑﺰﺍﻑ ﺭﻭﺍﻳﺎﺕ ﺍﻟﺤﺐ ﻭﺍﻟﻐﺮﺍﻡ ﺗﺎﺛﺮﺕ ﺑﻴﻬﻢ ﻭﻟﻴﺖ ﻛﻨﻌﻴﺶ ﻓﺎﻻﺣﻼﻡ ﻳﻤﻜﻦ ﺍﺣﺴﻦ ﻟﻴﺎ ﻧﺒﻐﻲ ﺷﺨﺼﻴﺔ ﺧﻴﺎﻟﻴﺔ ﻋﻠﻰ ﺍﻧﻨﻲ ﻧﺘﺼﺎﺣﺐ ﻣﻊ ﺷﻲ ﺷﻼﻫﺒﻲ ﻳﺠﺮﺟﺮﻧﻲ ﺧﻤﺲ ﺳﻨﻴﻦ ﻓﻠﺨﺮ ﻳﺘﺰﻭﺝ ﺑﺒﻨﺖ ﺧﺎﻟﺘﻮ ﺑﺤﺎﻝ ﻟﻲ ﻛﻴﻌﺎﻭﺩﻭ ﺍﻟﺒﻨﺎﺕ ﻣﺴﺎﻛﻦ،ﻣﻊ ﺍﻧﻪ ﺗﻠﻘﺎﻳﻪ ﻻ ﺯﻳﻦ ﻻ ﺍﺧﻼﻕ ﻻ ﺧﺪﻣﺔ ﻣﻘﺎﺩﺓ ﻭﺍﻟﻨﺨﻮﺓ ﻋﺎﻟﺨﻮﺍ ... ﻣﻌﻠﻴﻨﺎﺵ . ﺍﻧﺎ ﻛﺎﺭﻳﺔ ﺑﺤﺪﻱ ﻛﻨﺴﻜﻦ ﻓﺎﻛﺎﺩﻳﺮ ﻋﺎﺋﻠﺘﻲ ﺳﺎﻛﻨﻴﻦ ﻓﻜﺎﺯﺍ ﺍﺻﻼ ﺍﻧﺎ ﺑﻨﺖ ﻣﺴﺘﻘﻠﺔ ﻣﻦ ﺻﻐﺮﻱ ﻭﺍﺧﺎ ﻛﻨﻘﺮﺍ ﺧﺪﺍﻣﺔ ﻓﻮﺍﺣﺪ ﺍﻟﺴﺒﻴﻄﺎﺭ ﺧﺼﻮﺻﻲ . ﻣﻜﻨﺪﻳﺮﺵ ﺷﻲ ﺧﺪﻣﺔ ﻭﻟﻜﻦ ﻛﺎﻓﻴﺎﻧﻲ ﻛﻨﻌﻘﻢ ﺍﻻﺩﻭﺍﺕ ﻧﻌﺎﻭﻥ ﺍﻟﻤﺮﺿﻰ ﻧﻌﻄﻴﻬﻢ ﺍﻟﺪﻭﺍ ﺗﻘﺮﻳﺒﺎ ﺑﺤﺎﻝ ﺷﻲ ﻓﺮﻣﻠﻴﺔ ... ﺍﻟﺤﺎﺟﺔ ﻟﻲ ﻛﺘﻌﺎﻭﻧﻲ ﻓﺨﺪﻣﺘﻲ ﻫﻲ ﺍﻧﻨﻲ ﺣﻨﻴﻨﺔ ﺩﻛﺸﻲ ﻋﻼﺵ ﻣﻜﻨﻠﻘﺎﺵ ﻣﺸﻜﻞ ﻭﺍﺧﺎ ﻛﻨﺘﺎﺛﺮ ﺑﺰﺍﻑ ﻓﺎﺵ ﻛﻨﺸﻮﻑ ﺷﻲ ﺣﺪ ﻣﺮﻳﺾ ... ﻣﻜﻨﺤﻤﻠﺶ ﻧﺸﻮﻑ ﺍﻟﻨﺎﺱ ﻛﻴﻌﺎﻧﻴﻮ ﻣﻜﺮﻫﺘﺶ ﻧﻌﺎﻭﻥ ﻛﻠﺸﻲ ﻭﻟﻜﻦ ﻣﺎ ﺑﻴﺪﻱ ﺣﻴﻠﺔ . ﻧﺴﻴﺖ ﻣﻘﻠﺘﺸﻠﻴﻜﻢ ﻋﻨﺪﻱ ﻃﻮﻣﻮﺑﻴﻞ ﻫﻬﻬﻪ ﺑﻼ ﻣﻴﻤﺸﻲ ﺑﺎﻟﻜﻢ ﺑﻌﻴﺪ ﻣﺎﺷﻲ ﺷﻲ ﻃﻮﻣﻮﺑﻴﻞ ﻭﺍﺣﺪ ﺍﻟﺨﺮﺷﺎﺷﺔ ﻗﺪﻳﻤﺔ ﻓﺎﻟﺒﻴﺾ ﺷﺮﻳﺘﻬﺎ ﺑﻤﻠﻴﻮﻥ ﻗﻞ ﺷﻴﺤﺎﺟﺔ ﺷﺤﺎﻝ ﻣﻦ ﻣﺮﺓ ﺷﻮﻫﺎﺗﻨﻲ ﻓﺎﻟﻄﺮﻳﻖ ﻓﺎﺵ ﻛﺘﻮﻗﻒ ﻟﻴﺎ ﻭﺍﻟﻨﺎﺱ ﻛﺘﻜﻼﻛﺼﻮﻧﻲ ﻭﻟﻜﻦ ﻭﺍﺧﺎ ﻫﻜﺪﺍﻙ ﻫﺎﺯﺍﻧﻲ ﻭ ﻣﻬﻨﻴﺎﻧﻲ ﻣﻦ ﺍﻟﻄﻮﺑﻴﺴﺎﺕ ﻭﺍﻟﻄﺎﻛﺴﻴﺎﺕ . ﺍﻟﺤﻤﺪ ﻟﻠﻪ ﻋﻤﺮﻧﻲ ﺳﻘﻄﺖ ﻭﺍﺧﺎ ﺍﻟﺨﺪﻣﺔ ﻛﻨﻘﺪﺭ ﻧﻌﻄﻲ ﺍﻟﻮﻗﺖ ﻟﻘﺮﺍﻳﺘﻲ ﺍﻧﺎ ﺑﻨﺖ ﺩﻛﻴﺔ ﻃﻤﻮﺣﺎﺗﻲ ﻛﺒﻴﺮﺓ ،ﻓﺎﺵ ﻛﻴﺴﻮﻟﻮﻧﻲ ﺻﺤﺎﺑﺎﺗﻲ ﺷﺒﻐﻴﺘﻲ ﺗﻜﻮﻧﻲ ﻓﺎﺵ ﺗﺸﺪﻱ ﺍﻟﺪﺑﻠﻮﻡ ﻛﻨﻘﻮﻟﻴﻬﻢ ﻏﻨﻜﻮﻥ ﺍﻥ ﺷﺎﺀ ﺍﻟﻠﻪ ﺷﻲ ﻛﺎﺩﺭ ﻓﺸﺮﻛﺔ ﺍﻣﺮﻳﻜﻴﺔ ﻛﻴﺒﻘﺎﻭ ﻳﻀﺤﻜﻮ ﻋﻠﻴﺎ ﻫﻬﻪ ﻭﻟﻜﻦ ﻭﺍﻟﻠﻪ ﺗﺎ ﻛﻨﺤﺲ ﺑﻠﻲ ﻏﻨﻮﺻﻠﻴﻬﺎ ﺷﻨﻬﺎﺭ ﺗﺎﺣﺎﺟﺔ ﻣﻤﺴﺘﺤﻴﻠﺔ