ﻓﻲ ﺍﻟﻴﻮﻡ ﺍﻟﺜﺎﻧﻲ .. ﻳﻮﻡ ﺍﻟﻴﻤﻌﻪ ﻋﺎﻳﻠﺔ ﺑﻮﺳﻴﻒ ﻛﻠﻬﺎ ﻣﺘﻴﻤﻌﻪ. .ﺳﻴﻒ ﻭﻋﻴﺎﻟﻪ ﻭﻧﺎﺻﺮ ﻭﻋﻴﺎﻟﻪ ﻭﺣﻤﻴﺪ
ﻭﻋﻴﺎﻟﻪ .. ﻭﺭﺍﺷﺪ ﻭﺍﻟﺘﻮﺃﻡ ﺷﻤﺎ ﻭﺷﻤﺴﺔ ﻭﻃﺒﻌﺎ ﻋﻠﻰ ﺭﺃﺱ ﺍﻟﻘﺎﻳﻤﻪ ﺃﺑﻮﺳﻴﻒ ﻭﺃﻡ ﺳﻴﻒ.. . ﻫﺎﻟﺠﻤﻌﻪﻛﻞ ﻧﻬﺎﻳﺔ ﺃﺳﺒﻮﻉ ﺗﻘﺮﻳﺒﺎً. .. ﻭﺑﻔﻀﻞ ﻫﺎﻟﺘﺠﻤﻊ ﺍﻟﻌﺎﺋﻠﻲ ﺍﻷﺳﺒﻮﻋﻲ ﺍﻟﺒﻴﺖ ﻳﻨﺠﻠﺐ ﻓﻮﻕ ﺣﺪﺭ ﺑﺴﺒﺐ
ﺍﻟﻴﻬﺎﻝ. ..ﺇﻟﻲ ﺑﻌﻀﻬﻢ ﻳﻠﻌﺒﻮﺍ ﻓﻲ ﺍﻟﺤﻮﺵ ﻛﻮﺭﺓ.. . ﻭﺍﻟﺒﻨﺎﺕ ﻳﻠﻌﺒﻦ ﺑﻌﺮﺍﻳﺴﻬﻦ ﻭﺃﻟﻌﺎﺑﻬﻦ ﻓﻲ ﻛﻞ ﺃﻧﺤﺎﺀ
ﺍﻟﺒﻴﺖ. ..ﺃﻣﺎ ﺍﻟﻜﺒﺎﺭ ﻣﺘﻴﻤﻌﻴﻦ ﻓﻲ ﺍﻟﺼﺎﻟﺔ ﺑﻌﺪ ﺍﻟﻐﺪﻯ ﺇﻟﻲ ﻳﺸﺮﺏ ﻗﻬﻮﺓ ﻭﺇﻟﻲ ﻳﺸﺮﺏ ﺟﺎﻱ ﻭﻳﺎ
ﺍﻟﻜﻴﻚ. .. ﺭﻏﻢ ﺍﻟﺤﺸﺮﻩ ﺇﻟﻲ ﻣﺴﺒﺒﻴﻨﻬﺎ ﺍﻟﻴﻬﺎﻝ ﻭﺍﻟﺸﺒﺎﺏ ﺇﻻ ﺇﻥ ﺑﻮﺳﻴﻒ ﻭﺃﻡ ﺳﻴﻒ ﻳﺴﺘﺎﻧﺴﻮﺍ
ﻭﺍﻳﺪ .. .ﻭﺍﻟﻮﺩ ﻭﺩﻫﻢ ﺗﻜﻮﻥ ﻫﺎﻟﺤﺸﺮﻩ ﻭﺍﻟﺠﻤﻌﻪ ﻛﻞ ﻳﻮﻡ ﻣﻮﺏ ﺑﺲ ﻳﻮﻡ ﻭﺍﺣﺪ ﻓﻲ ﺍﻷﺳﺒﻮﻉ.. .
ﺑﻮﺳﻴﻒ: ﺭﺍﺷﺪ
ﺭﺍﺷﺪ: ﻋﻮﻧﻪ
ﺑﻮﺳﻴﻒ: ﻋﺎﻧﻚ ﺍﻟﻠﻪ ﻭﻟﺪﻱ.. . ﻋﻴﻞ ﻭﻳﻦ ﻋﻠﻲ ﻣﺤﺪ ﺷﺎﻓﻪ ﻣﻦ ﺃﺳﺒﻮﻉ
ﺭﺍﺷﺪ: ﻋﻨﺪﻩ ﺟﻴﻪ ﻛﻤﺎً ﺷﻐﻠﻪ ﻓﻲ ﺑﻮﻇﺒﻲ ﺍﻟﻴﻮﻡ
ﺑﻮﺳﻴﻒ: ﺍﻫﺎ .. . ﻣﺎﺗﺤﻠﻮ ﺍﻟﻴﻠﺴﻪ ﺑﻠﻴﺎﻩ "ﻭﻫﻮ ﻳﻄﺎﻟﻊ ﺷﻤﺴﺔ "
ﻭﺷﻤﺴﺔ ﻣﻦ ﺳﻤﻌﺖ ﻃﺎﺭﻱ ﻭﻟﺪ ﻋﻤﻬﺎ ﻭﻫﻲ ﻻﻭﻳﻪ ﺑﻮﺯﻫﺎ. .ﻳﻤﻜﻦ ﻳﺴﺌﻞ ﺍﻟﻜﻞ ﻟﻴﺶ؟؟ !! ﻷﻧﻪ ﺍﻟﻜﻞ
ﻳﻌﺮﻑ ﺇﻧﻪ ﻋﻠﻲ ﻳﺒﻰ ﺷﻤﺴﺔ ﻣﻦ ﻳﻮﻡ ﻫﻢ ﺻﻐﺎﺭ .. ﻳﻌﻨﻲ ﺗﻘﺮﻳﺒﺎً ﺷﺒﻪ ﻣﺤﻴﺮﻳﻦ ﻟﺒﻌﺾ. . ﻭﺷﻤﺴﺔ ﺻﺢ
ﺗﻌﺎﻣﻞ ﻋﻠﻲ ﺯﻳﻦ.. .ﺑﺲ ﻣﺎﻳﺘﻌﺪﻯ ﺗﻌﺎﻣﻠﻬﺎ ﻭﻳﺎﻩ ﺃﻛﺜﺮ ﻣﻦ ﺗﻌﺎﻣﻠﻬﺎ ﻭﻳﺎ ﺭﺍﺷﺪ ﺃﻭ ﺣﻤﻴﺪ .. .ﺗﻌﺘﺒﺮﻩ ﺑﻤﺜﺎﺑﺔ
ﺃﺧﻮ ﻻ ﺃﻛﺜﺮ .. .ﻛﺎﻧﺖ ﻗﺒﻞ ﻣﺘﻘﺒﻠﻪ ﺍﻟﻔﻜﺮﺓ .. ﺑﺈﻧﻪ ﻭﻟﺪ ﻋﻤﻬﺎ ﻭﻣﺎﺑﺘﻜﻮﻥ ﻟﻐﻴﺮﻩ. ..ﺑﺲ ﺑﻌﺪ ﻣﺎﺗﻌﺮﻓﺖ ﻋﻠﻰ
ﺣﻤﺪ ﺗﻐﻴﺮﺕ ﻛﻞ ﺍﻟﻤﻔﺎﻫﻴﻢ ﻋﻨﺪﻫﺎ.. . ﺣﺘﻰ ﻣﻌﺎﻣﻠﺘﻬﺎ ﻟﻪ ﺗﻐﻴﺮﺕ ... ﻭﻫﻮ ﺣﺲ ﺑﻬﺎﻟﺸﻲﺀ .. .ﺑﺲ ﻣﻊ ﻫﺬﺍ
ﻫﻮ ﻳﺤﺒﻬﺎ ﻭﻳﺘﺴﺎﻣﺢ ﻭﻳﺎﻫﺎ ﺣﺘﻰ ﻟﻮ ﺧﻄﺖ ﻋﻠﻴﻪ. ..
ﺑﻮﺳﻴﻒ: ﺇﻻ ﺃﻗﻮﻝ ﺷﻤﻮﺱ
ﺷﻤﺴﺔ: ﻫﺎ ﻳﺒﻪ .. .ﺃﻣﺮ
ﺑﻮﺳﻴﻒ: ﺟﻢ ﺑﻌﺪﻛﻦ ﺃﻧﺖ ﻭﺃﺧﺘﺞ ﻋﻦ ﺗﺘﺨﺮﺟﻦ ﻣﻦ ﺍﻟﺠﺎﻣﻌﺔﺷﻤﺴﺔ ﻭﻫﻲ ﻣﺘﻀﺎﻳﺠﻪ ﻷﻧﻬﺎ ﻓﻬﻤﺖ ﻣﻐﺰ ﺳﺆﺍﻝ ﺃﺑﻮﻫﺎ: ﺇﻥ ﺷﺎﺀ ﺍﻟﻠﻪ ﺧﺮﻳﺠﺎﺕ ﺍﻟﻜﻮﺭﺱ ﺍﻟﻴﺎﻱ
ﺑﻮﺳﻴﻒ: ﻳﻌﻨﻲ ﻣﺎﺑﺎﺟﻲ ﺷﻲﺀ
ﺷﻤﺎ ﻣﺴﺘﺎﻧﺴﻪ : ﻫﻴﻪ ﻳﺒﻪ .. ﺃﺧﻴﺮﺍً ﺑﻨﻔﺘﻚ ﻣﻦ ﻫﻢ ﺍﻟﺪﺭﺍﺳﺔ
ﺷﻤﺴﺔ: ﻫﻴﻪ ﺑﻨﻔﺘﻚ ..ﺑﺲ ﻋﺎﺩ ﻣﻦ ﺃﺣﻴﻨﻪ ﺩﻭﺭﻭﻟﻨﺎ ﻋﻠﻰ ﺷﻐﻞ
ﺭﺍﺷﺪ: ﻭﻣﻨﻮﻩ ﻗﺎﻝ ﻟﺞ ﺃﻧﺖ ﻭﻳﺎﻫﺎ ﺇﻧﻜﻦ ﺃﺻﻼ ﺑﺘﺸﺘﻐﻠﻦ
ﺷﻤﺴﺔ ﻭﻫﻲ ﻣﻄﻨﺸﻪ ﺃﺧﻮﻫﺎ. .ﻭﺻﺎﺩﻩ ﺻﻮﺏ ﺃﺑﻮﻫﺎ : ﻫﺎ ﻳﺒﻪ ﺷﻮ ﻗﻠﺖ
ﺑﻮﺳﻴﻒ: ﻳﺼﻴﺮ ﺧﻴﺮ ﻟﻴﻦ ﺗﺘﺨﺮﺟﻦ
ﺭﺍﺷﺪ: ﺃﺑﻮﻳﻪ ﻻﺗﻜﻮﻥ ﺑﺘﻮﺍﻓﻖ ﻋﻠﻰ ﺇﻟﻲ ﻳﻘﻮﻟﻨﻪ
ﺑﻮﺳﻴﻒ: ﺗﺮﺍﻧﻲ ﻗﻠﺖ ﻳﺼﻴﺮ ﺧﻴﺮ ﻟﻴﻦ ﻫﺬﺍﻙ ﺍﻟﻮﻗﺖ
ﺭﺍﺷﺪ: ﻭﺍﻟﻠﻪ ﺟﻨﻲ ﺃﺷﻮﻑ ﺧﻮﺍﺗﻲ ﻳﺨﺎﻟﻄﻦ ﺍﻟﺮﻳﺎﻝ ﻓﻲ ﺍﻟﺸﺮﻛﺎﺕ
ﺷﻤﺎ : ﻣﻮﺏ ﺷﺮﻁ ﻧﺨﺎﻟﻂ ﺍﻟﺮﻳﺎﻝ ﻋﻠﻰ ﻗﻮﻟﺘﻚ .. .ﻓﻲ ﺷﻐﻼﺕ ﻣﺎﻓﻴﻬﺎ ﺇﺧﺘﻼﻁ
ﺭﺍﺷﺪ: ﺃﺷﻚ
ﺃﻡ ﺳﻴﻒ ﺗﺒﺘﺴﻢ: ﻣﻨﻮﻩ ﻳﺪﺭﻱ ﻟﻴﻦ ﻫﺬﺍﻙ ﺍﻟﻮﻗﺖ ﻳﻤﻜﻦ ﻳﻌﺮﺳﻦ. ..
ﺷﻤﺴﺔ: ﻭﺣﺘﻰ ﻟﻮ ﺃﻧﺎ ﺑﺸﺘﻐﻞ. .ﺳﻮﻯ ﻋﺮﺳﺖ ﻭﻻ ﻻﺀ
ﺑﻮﺳﻴﻒ: ﺑﻮﻳﻪ ﺃﺷﺘﻐﻠﻲ ﺣﺸﺮﺗﻴﻨﺎ.. ..ﺇﻻ ﻭﻳﻦ ﻋﺒﻮﺩ ﻧﺎﻋﻤﻪ ﻣﺎﺷﻔﺘﻪ ﺍﻟﻴﻮﻡ
ﻧﺎﻋﻤﻪ ﻭﻛﺄﻧﻬﺎ ﺗﺬﻛﺮﺕ ﺷﻲﺀ : ﻭﻳﻪ ..ﺗﺼﺪﻕ ﻋﻤﻴﻪ ﺇﻧﻲ ﻧﺎﺳﻴﻪ ﻋﺒﻮﺩﻱ ﻣﻦ ﺭﻗﺪﺗﻪ ﻗﺒﻞ ﺍﻟﻐﺪﻯ
ﻧﺎﺻﺮ : ﻻ ﻋﺒﻮﺩﻱ ﺭﺍﻗﺪ. . ﺃﻧﺎ ﻣﻦ ﺷﻮﻱ ﺷﺎﻳﻔﻨﻪ
ﺃﻡ ﺳﻴﻒ : ﻓﺪﻳﺘﻪ ﻟﻴﺶ ﻣﺮﻗﺪﺗﻨﻪ ﻗﺒﻞ ﺍﻟﻐﺪﻯ
ﻧﺎﻋﻤﻪ: ﻋﺎﺩ ﺷﻮ ﺃﺳﻮﻱ ﻋﻤﻮﻩ ﻳﻮﻡ ﻫﻮ ﺑﻐﻰ ﻳﺮﻗﺪ
ﺃﻡ ﺳﻌﻴﺪ: ﺍﻟﻴﻬﺎﻝ ﻣﺎﻳﺘﺨﻠﻮﺍ ﻋﻠﻰ ﻫﻮﺍﻫﻢ
ﻧﺎﻋﻤﻪ: ﻭﺍﻟﻠﻪ ﻳﺎﺧﺘﻴﻪ ﺃﻡ ﺳﻌﻴﺪ ﻫﺬﺍ ﻋﺒﺎﺩﻱ ﺭﺃﺳﻪ ﻳﺎﺑﺲ " ﻭﻫﻲ ﺃﻃﺎﻟﻊ ﻧﺎﺻﺮ " ﺷﺮﺍﺕ ﺑﻌﺾ
ﺍﻟﻨﺎﺱ .. ﻭﺇﻥ ﻳﺘﻪ ﺍﻟﻨﻮﻣﻪ ﻣﺎﺃﻗﺪﺭ ﺃﻣﻨﻌﻪ
ﺃﻡ ﺳﻌﻴﺪ: ﺣﺘﻰ ﻟﻮ.. . ﻏﺴﻠﻲ ﻭﻳﻬﻪ ﺃﻭ ﻻﻋﺒﻴﻪ ﺃﻭ ﺃﻱ ﺷﻲﺀ ﺍﻟﻤﻬﻢ ﻣﺎﻳﺮﻗﺪ ... ﻷﻧﻪ ﻧﻮﻣﻪ ﺑﻌﺪﻳﻦ ﻣﺎﺑﻴﻨﺘﻈﻢ
ﻧﺎﻋﻤﻪ: ﻭﺍﻟﻠﻪ ﺃﻋﺮﻑ ﻳﺎﺧﺘﻴﻪ .. .ﺑﺤﺎﻭﻝ ﺇﻥ ﺷﺎﺀ ﺍﻟﻠﻪ
ﺭﺍﺷﺪ ﻭﻫﻮ ﻳﺄﺷﺮ ﻋﻠﻰ ﺑﺮﻉ : ﺷﺒﺎﺏ ﺍﻟﺠﻮ ﺣﻠﻮ ﺑﺮﻉ ﻭﻣﻐﻴﻢ .. ﺷﺮﺍﻳﻜﻢ ﻧﻠﻌﺒﻠﻨﺎ ﺷﻮﻁ
ﻧﺎﺻﺮ : ﺯﻳﻦ ﻭﺍﻟﻠﻪ
ﺭﺍﺷﺪ: ﺳﻴﻒ ﻭﻋﻴﺎﻟﻪ ﻓﺮﻳﻖ .. . ﻭﺃﻧﺎ ﻭﻧﺎﺻﺮ ﻭﺣﻤﻴﺪ ... . ﺧﺴﺎﺭﻩ ﻧﺎﻗﺼﻨﺎ ﻭﺍﺣﺪ ... ﻟﻮ ﻋﻠﻲ ﻫﻨﻴﻪ ﺯﻳﻦ
ﺷﻤﺴﺔ: ﻭﺷﻮ ﺃﻧﺎ ﻣﻮﺏ ﻋﺎﻳﺒﺘﻨﻜﻢ
ﺭﺍﺷﺪ ﻳﻄﺎﻟﻌﻬﺎ ﺑﻨﺺ ﻋﻴﻦ : ﺑﻌﺪﻩ ﻫﺬﺍ ﺇﻟﻲ ﻗﺎﺻﺮ ﺑﻨﺎﺕ
ﺷﻤﺎ : ﻭﻟﻴﺶ ﻻ. ..ﺍﻟﺸﻮﻁ ﺍﻷﻭﻝ ﺗﻠﻌﺐ ﺷﻤﻮﺱ. ..ﻭﺍﻟﺜﺎﻧﻲ ﺃﻧﺎ
ﺭﺍﺷﺪ: ﻻ ﺳﻮﺭﻱ .. . ﺑﺮﺍﻳﻨﺎ ﺑﻨﻠﻌﺐ ﺑﺜﻼﺛﻪ ﻭﺑﻨﻬﺰﻡ ﻓﺮﻳﻖ ﺳﻴﻒ ﻭﻋﻴﺎﻟﻪ ﻣﻦ ﺩﻭﻥ ﻣﺴﺎﻋﺪﺗﻜﻦ
ﺷﻤﺴﺔ ﻣﺒﻮﺯﻩ: ﻳﺒﻪ ﻗﻮﻟﻪ
ﺑﻮﺳﻴﻒ: ﺧﻠﻬﻦ ﻳﻠﻌﺒﻦ ﻭﻳﺎﻛﻢ ... ﻳﻌﻨﻲ ﺷﻮ ﺑﻴﺨﺮﺑﻦ ﻋﻠﻴﻜﻢ
ﺭﺍﺷﺪ ﻳﺒﺘﺴﻢ ﺇﺑﺘﺴﺎﻣﻪ ﺧﺒﻴﺜﻪ : ﺍﻧﺰﻳﻦ ﻳﺎﻟﻠﻪ ﺍﻟﻜﻞ ﻳﺮﻭﺡ ﻳﻐﻴﺮ ﻣﻼﺑﺴﻪ
ﺭﺍﺣﺖ ﺷﻤﺎ ﻭﺷﻤﺴﺔ ﻳﺮﻛﻀﻦ ﻓﻮﻕ ﻳﻐﻴﺮﻥ ﻣﻼﺑﺴﻬﻦ ﻭﻫﻦ ﻣﺴﺘﺎﻧﺴﺎﺕ ... ﻭﺍﻟﻜﻞ ﻇﻬﺮ ﻭﺭﺍﺡ ﻭﺭﻯ
ﺍﻟﺒﻴﺖ ﻷﻧﻪ ﻓﻴﻪ ﻣﻠﻌﺐ ﻛﻮﺭﺓ ﻗﺪﻡ ...
ﺃﻭﻝ ﻣﺎﺑﺪﺕ ﺍﻟﻤﺒﺎﺭﺍﺓ ﺣﻄﻮﺍ ﺷﻤﺎ ﺣﺎﺭﺱ. .ﺃﻋﺘﺮﺿﺖ ﺑﺲ ﻣﺤﺪ ﻋﻄﺎﻫﺎ ﻭﻳﻪ .. .ﻭﻣﺎ ﻣﺮ ﻋﻠﻰ ﺍﻟﻤﺒﺎﺭﺍﺓ
ﺃﻛﺜﺮ ﻣﻦ 3 ﺩﻗﺎﻳﻖ ﺇﻻ ﻭﻓﺮﻳﻖ ﺳﻴﻒ ﻣﺴﺠﻞ ﻋﻠﻰ ﺷﻤﺎ ﻫﺪﻑ.. .
ﺭﺍﺷﺪ ﻣﻌﺼﺐ: ﻫﺬﺍ ﺇﻟﻲ ﻳﺨﻠﻲ ﺑﻨﻴﻪ ﺗﻠﻌﺐ ﻭﻳﺎﻩ..
ﺣﻤﻴﺪ : ﻣﺎﻋﻠﻴﻪ .. . ﻧﻌﻮﺿﻬﺎ
ﺷﻤﺎ ﻣﺒﻮﺯﻩ: ﻫﻴﻪ ﺃﺣﻴﻨﻪ ﺭﺩﻭﻩ ﻋﻠﻴﻪ ﻳﻮﻡ ﻣﺎﺗﻌﺮﻓﻮﺍ ﺃﺩﺍﻓﻌﻮﺍ ﻋﻦ ﻣﺮﻣﺎﻛﻢ ﺯﻳﻦ
ﺭﺍﺷﺪ: ﺃﻧﺖ ﺟﺐ ﻭﻻ ﻛﻠﻤﻪ
ﺷﻤﺎ ﺃﻃﺎﻟﻌﻪ ﻭﻫﻲ ﻣﻌﺼﺒﻪ .. . ﻭﻛﻤﻠﻮﺍ ﺍﻟﻠﻌﺐ ... ﻭﻓﻲ ﺍﻟﺸﻮﻁ ﺍﻷﻭﻝ ﺳﺠﻞ ﺣﻤﻴﺪ ﻫﺪﻓﻴﻦ ﻋﻠﻰ ﻓﺮﻳﻖ
ﺳﻴﻒ. .. ﻭﻧﺘﻬﻰ ﺍﻟﺸﻮﻁ ﺍﻷﻭﻝ ﺑﻔﻮﺯ ﻓﺮﻳﻖ ﺣﻤﻴﺪ 2 / 1 ... ﻓﻲ ﺍﻟﺸﻮﻁ ﺍﻟﺜﺎﻧﻲ ﺣﺎﻭﻟﺖ ﺷﻤﺴﺔ ﻭﻳﺎﻫﻢ
ﻋﻠﺸﺎﻥ ﻳﺨﻠﻮﻫﺎ ﺗﻠﻌﺐ ﻏﻴﺮ ﻣﻜﺎﻥ ﺍﻟﺤﺎﺭﺱ. .. ﻭﺑﻌﺪ ﻣﺤﺎﻭﻻﺕ ﺧﻠﻮﻫﺎ ﺗﻠﻌﺐ ﺩﻓﺎﻉ. .. ﺃﺛﻨﺎﺀ ﺍﻟﻠﻌﺐ ﻛﺴﺮﻫﺎ
ﺭﺍﺷﺪ ﺃﻛﺜﺮ ﻣﻦ ﻣﺮﻩ .. .
ﺷﻤﺴﺔ ﻣﻌﺼﺒﻪ ﻭﺭﻳﻠﻬﺎ ﺗﻌﻮﺭﻫﺎ ﻷﻧﻪ ﺭﺍﺷﺪ ﺷﺎﺗﻬﺎ: ﺃﻳﻪ ﺃﻧﺖ ﻣﺎﺗﺸﻮﻑ
ﺭﺍﺷﺪ: ﺳﻮﺭﻱ.. . ﻣﺎﻧﺘﺒﻬﺖ
ﺷﻤﺴﺔ: ﻫﺬﺍ ﻭﺃﻧﺎ ﺃﻟﻌﺐ ﻓﻲ ﻓﺮﻳﻘﻚ.. . ﻟﻮ ﻛﻨﺖ ﻓﻲ ﻓﺮﻳﻖ ﺍﻟﺨﺼﻢ ﺷﻮ ﺑﺘﺴﻮﻯ ﻓﻴﻪ
ﺭﺍﺷﺪ ﻳﺒﺘﺴﻢ ﺇﺑﺘﺴﺎﻣﻪ ﻛﻠﻬﺎ ﺧﺒﺚ : ﻣﺤﺪ ﻗﺎﻟﺞ ﺗﻠﻌﺒﻲ ﻭﻳﺎ ﺷﺒﺎﺏ. .. ﺟﻴﻪ ﻟﻌﺒﻨﺎ ﺳﻮﺭﻱ ﻣﺎﻧﻘﺪﺭ ﻧﻐﻴﺮﻩ
ﺷﻤﺴﺔ: ﺣﺸﻰ .. . ﺃﻧﺖ ﻋﺎﻣﺪ ﺗﺴﻮﻳﺒﻲ ﺟﻴﻪ
ﺭﺍﺷﺪ: ﺑﺴﺞ ﻣﻦ ﺍﻟﻬﺬﺭﺑﻪ ﺍﻟﺰﺍﻳﺪﻩ ... ﻳﺎﻟﻠﻪ ﻟﻌﺒﻲ
ﺷﻤﺴﺔ: ﺍﻧﺰﻳﻦ .. .ﻫﺎﻙ ﺍﻟﻜﻮﺭﻩ "ﺗﺸﻮﺕ ﻟﻪ ﺍﻟﻜﻮﺭﻩ "
ﺑﻌﺪ ﻣﺎﻧﺘﻬﺖ ﺍﻟﻤﺒﺎﺭﺍﺓ ﻭﺃﺫﺍﻥ ﺍﻟﻤﻐﺮﺏ ﻳﺄﺫﻥ.. . ﻓﺎﺯ ﻓﺮﻳﻖ ﺣﻤﻴﺪ 5 / 3 ﺍﻟﻜﻞ ﺩﺵ ﺩﺍﺧﻞ ﻳﺘﺴﺒﺢ .. .ﻭﺷﻤﺎ
ﻭﺷﻤﺴﺔ ﻛﺎﻧﻦ ﻣﺮﺗﺒﺸﺎﺕ ﻷﻧﻪ ﻓﺮﻳﻘﻬﻦ ﻓﺎﺯ. ..
ﺷﻤﺴﺔ: ﺷﻔﺘﻮﺍ ﻟﻮ ﻣﺎﻧﺤﻦ ﻟﻌﺒﻨﺎ ﻭﻳﺎﻛﻢ ﻭﻻ ﻛﻨﺘﻮﺍ ﺧﺎﺳﺮﻳﻦ 1 / 5
ﺭﺍﺷﺪ ﻭﻫﻮ ﻃﺎﻟﻊ ﺣﺠﺮﺗﻪ ﻋﻠﺸﺎﻥ ﻳﺘﺴﺒﺢ : ﺭﻭﺣﻲ ﻻﻩ. ..ﻫﺎﻱ ﺃﺧﺮ ﻣﺮﺓ ﺗﻠﻌﺒﻦ ﻭﻳﺎﻧﺎ
ﺷﻤﺎ ﺣﺎﻃﻪ ﺃﻳﺪﻫﺎ ﻋﻠﻰ ﺧﺼﺮﻫﺎ : ﻭﻟﻴﺶ ﺇﻥ ﺷﺎﺀ ﺍﻟﻠﻪ
ﺷﻤﺴﺔ: ﻣﺸﻜﻠﺔ ﺇﻟﻲ ﻣﻮﺏ ﻗﺎﺩﺭ ﻳﻌﺘﺮﻑ ﺑﺼﺎﺣﺐ ﺍﻟﻔﻀﻞ ﺍﻷﻭﻝ ﺑﺎﻟﻔﻮﺯ
ﺭﺍﺷﺪ: ﻫﻬﻬﻬﻬﻬﻬﻬﻬﻬﻪ ﺃﻧﺎ ﺃﺻﻼ ﻣﺎﺃﻧﺰﻝ ﻣﻦ ﻣﺴﺘﻮﺍﻱ ﻣﺮﻩ ﺛﺎﻧﻴﻪ ﻭﺃﻟﻌﺐ ﻭﻳﺎ ﺑﻨﻴﺎﺕ ﻫﺎﻱ ﺃﺧﺮ ﻣﺮﻩ
ﺷﻤﺎ ﻭﺷﻤﺴﺔ: ﻟﻴﺶ؟؟؟
ﺭﺍﺷﺪ: ﻋﺎﺩ ﻋﻠﻮﻩ ﻣﺎﻳﻲ ﺗﺒﻦ ﺗﺄﺧﺬﻥ ﻣﻜﺎﻧﻪ. ..
ﺷﻤﺴﺔ: ﺃﻭﻑ
ﺭﺍﺡ ﺭﺍﺷﺪ ﻓﻮﻕ ﻭﻭﺩﺭﻫﻦ ﻣﺘﻀﻴﺠﺎﺕ ﻣﻦ ﺭﻣﺴﺘﻪ ... ﻭﺳﺎﺭﺕ ﻛﻞ ﻭﺣﺪﻩ ﻣﻨﻬﻦ ﺣﺠﺮﺗﻬﺎ ﺗﺘﺴﺒﺢ ﻋﻠﺸﺎﻥ
ﺗﺼﻠﻲ. .. ﺑﻌﺪ ﻣﺎﺻﻠﺖ ﺷﻤﺴﺔ. .. ﺭﺍﺣﺖ ﻭﻧﺴﺪﺣﺖ ﻓﻮﻕ ﺷﺒﺮﻳﺘﻬﺎ ﻭﻳﻠﺴﺖ ﺗﻔﻜﺮ ﺑﻌﻠﻲ. ..ﺇﻟﻲ ﻣﻦ
ﺍﻟﻤﻔﺮﻭﺽ ﻳﻜﻮﻥ ﺧﻄﻴﺒﻬﺎ. .. ﻭﻓﻲ ﻧﻔﺲ ﺍﻟﻮﻗﺖ ﺗﻔﻜﺮ ﺑﺤﻤﺪ ﻭﺗﻘﺎﺭﻥ ﺑﻴﻨﻬﻢ .. . "ﻳﺎﺭﺑﻲ ﺷﻮ ﻫﺎﻟﺤﻆ
ﺍﻟﻌﺎﺛﺮ ... ﻟﻴﺶ ﻳﻌﻨﻲ ﺃﻧﺎ . .. ﻟﻴﺶ ﻣﺎﻳﺄﺧﺬ ﺷﻤﻮﻭﻩ ... ﻣﻄﻴﻌﻪ ﻭﺗﺤﺘﺮﻣﻪ. .. ﻟﻴﺶ ﻳﻌﻨﻲ ﻣﺘﻌﻠﻖ ﻓﻴﻪ ﺃﻧﺎ " ﻓﺠﺄﻩ
ﺳﻤﻌﺖ ﺻﻮﺕ ﻣﺴﺞ ﻓﻲ ﻣﻮﺑﺎﻳﻠﻬﺎ.. .ﻛﺎﻥ ﻋﺪﺍﻟﻬﺎ.. . ﻭﻳﻮﻡ ﺷﻠﺘﻪ ﺷﺎﻓﺖ ﺍﻟﻤﺴﺞ ﻣﻦ ﺣﻤﺪﻩ ...ﺃﺳﺘﺎﻧﺴﺖ
ﻣﻦ ﺍﻟﺨﺎﻃﺮ ﻣﻦ ﻛﻤﺎً ﻳﻮﻡ ﻣﺎﺭﻣﺴﺘﻪ. .. ﻓﺘﺤﺖ ﺍﻟﻤﺴﺞ " ﺃﻣﺴﻴﻨﺎ ﻣﺸﺘﺎﻗﻴﻦ .. ﻗﻠﻨﺎ ﻧﺴﻠﻢ ﻋﻠﻰ
ﺍﻟﺤﻠﻮﻳﻦ. . ﻣﺴﺎﺋﻚ ﻭﺭﺩ ﻭﻓﻞ ﻭﻳﺎﺳﻤﻴﻦ "
ﺷﻤﺴﺔ: ﻓﺪﻳﺖ ﺭﻭﺣﻪ.. . ﻭﺍﻟﻠﻪ ﺃﻧﺎ ﺃﻛﺜﺮ
ﻭﻃﺮﺷﺖ ﻟﻪ ﻣﺴﺞ " "ﺃﺷﺘﺎﻗﻠﻚ " ﻣﺜﻞ ﺍﻟﻄﻔﻞ ﻻﻣﻦ ﻓﻘﺪ ﺻﺪﺭ ﺣﻨﻮﻥ.. ﻭﻣﺜﻞ ﺍﻟﺒﺤﺮ ﻻ ﺻﺎﺭﺕ ﺃﻣﻮﺍﺟﻪ
ﺟﻨﻮﻥ. . "
ﻋﻠﻰ ﻃﻮﻝ ﻣﻦ ﻃﺮﺷﺖ ﻟﻪ ﺍﻟﻤﺴﺞ ﺃﺗﺼﻞ ﻓﻴﻬﺎ.. .
ﺷﻤﺴﺔ: ﻣﺮﺣﺒﺎ
ﺣﻤﺪ : ﻣﺮﺣﺒﺎﺍ ﻣﻠﻴﻮﻥ ﻭﻻ ﻳﺴﺪﻥ
ﺷﻤﺴﺔ ﻭﻋﻠﻰ ﻭﻳﻬﺎ ﺇﺑﺘﺴﺎﻣﻪ: ﺷﺤﺎﻟﻚ ﻳﺎﻟﻘﺎﻃﻊ
ﺣﻤﺪ : ﻣﺸﺘﺎﻕ
ﺷﻤﺴﺔ: ﺃﻧﺎ ﺃﻛﺜﺮ
ﺣﻤﺪ : ﺣﺸﻰ. .. ﻻﻣﺴﺞ..ﻭﻻ ﺭﻧﻪ ﻳﺎﺃﻡ ﺭﻧﻪ
ﺷﻤﺴﺔ: ﺃﻧﺖ ﻋﺎﺩ ﺇﻟﻲ ﻣﻘﻄﻌﻨﻪ ﻣﻦ ﻛﺜﺮ ﻣﺎﺗﺘﺼﻞ.. .ﻭﻻ ﺗﺴﺄﻝ
ﺣﻤﺪ : ﻭﺍﻟﻠﻪ ﻣﺸﻐﻮﻝ ﻏﻨﺎﺗﻲ ..ﺗﻌﺮﻓﻲ ﻋﺎﺩ ﺍﻟﺘﺠﺎﺭﺓ. .ﻋﻮﺍﺭ ﺭﺃﺱ ﻛﻞ ﻳﻮﻡ ﻭﺍﻟﺜﺎﻧﻲ ﻓﻲ ﻣﻜﺎﻥ
ﺷﻤﺴﺔ: ﻣﺤﺪ ﻗﺎﻝ ﻟﻚ ﺗﺸﺘﻐﻞ ﺷﻐﻠﺘﻴﻦ
ﺣﻤﺪ : ﺃﺿﻤﻦ ﻣﺴﺘﻘﺒﻠﻲ ..
ﺷﻤﺴﺔ: ﺣﻤﺪ ﺃﻧﺖ ﺻﺪﺝ ﺗﺤﺒﻨﻲ ﻭﻻ ﺑﺲ ﺗﻘﻀﻴﺖ ﻭﻗﺖ
ﺣﻤﺪ : ﺍﻟﻠﻪ ﻳﺴﺎﻣﺤﺞ ﺑﺲ. . ﻋﺎﺩ ﺃﻧﺎ ﻓﻲ ﻧﻈﺮﺝ ﺟﻴﻪ .. ﻭﺍﺣﺪ ﻟﻌﺎﺏ
ﺷﻤﺴﺔ: ﺃﻧﺎ ﻣﺎﻗﻠﺖ ﺟﻴﻪ.. ﺑﺲ ﺧﺎﻳﻔﻪ
ﺣﻤﺪ : ﻣﻦ ﺷﻮ ﺣﺒﻴﺒﺘﻲ ﺧﺎﻳﻔﻪ
ﺷﻤﺴﺔ: ﺧﻼﺹ ﻭﻻ ﺷﻲﺀ. .ﺑﺨﻠﻴﻚ ﺃﺣﻴﻨﻪ
ﺣﻤﺪ ﻣﺘﻀﻴﺞ: ﺣﺮﺍﻡ ﻋﻠﻴﺞ ﻣﺎﻣﺪﺍﻧﻲ ﺃﺭﻣﺴﺞ .. ﺃﻭﻧﻬﺎ ﻣﺸﺘﺎﻗﻪ ﺟﻴﻪ
ﺷﻤﺴﺔ: ﻻ ﺑﺲ ﺍﻟﻴﻮﻡ ﻋﻨﺪﻧﺎ ﻛﻞ ﺍﻟﻌﺎﻳﻠﻪ. . ﺃﻛﻴﺪ ﺑﻴﺴﺌﻠﻮﺍ ﻋﻨﻲ
ﺣﻤﺪ : ﺃﻭﻛﻰ ﺣﻴﺎﺗﻲ. . ﺑﺮﻣﺴﺞ ﻗﺮﻳﺐ
ﺷﻤﺴﺔ: ﺃﻭﻛﻰ. .. ﻳﺎﻟﻠﻪ ﻓﻤﺎﻥ ﺍﻟﻠﻪ
ﺣﻤﺪ : ﺍﻟﻠﻪ ﻳﺤﻔﻈﺞ
ﺑﻌﺪ ﻣﺎﺑﻨﺪﺕ ﺷﻤﺴﺔ ﻋﻦ ﺣﻤﺪ .. .ﻧﺰﻟﺖ ﺗﺤﺖ ﻭﻳﺎ ﺃﻫﻠﻬﺎ ﺇﻟﻲ ﻣﺘﻴﻤﻌﻴﻦ ﻭﺣﺸﺮﺓ ﺍﻟﻴﻬﺎﻝ ... ﻭﺭﺍﺣﺖ ﻳﻠﺴﺖ
ﻋﺪﺍﻝ ﺃﻣﻬﺎ ﺇﻟﻲ ﻣﻦ ﺷﺎﻓﺘﻬﺎ ﻋﺎﻗﺪﻩ ﺣﻴﺎﺗﻬﺎ ﺷﻜﻠﻬﺎ ﻣﻌﺼﺒﻪ ﻣﻦ ﺷﻲﺀ. .
ﺷﻤﺴﺔ ﻭﻫﻲ ﻻﻭﻳﻪ ﻋﻠﻰ ﺃﻣﻬﺎ: ﻫﺎ ﺍﻟﻐﺎﻟﻴﺔ ﺷﻮ ﻓﻴﺞ ﻣﺒﻮﺯﻩ
ﺃﻡ ﺳﻴﻒ : ﻣﺎﻓﻴﻨﻲ ﺷﻲﺀ
ﺭﺍﺷﺪ: ﻳﺎﻟﻠﻪ.. . ﻭﺍﻟﻠﻪ ﺷﻲﺀ ﻣﺎﻳﺮﺯﺍ ﺃﻡ ﺳﻴﻒ ﺗﻌﺼﺒﻴﻦ ﻋﻠﻴﻪ
ﺃﻡ ﺳﻴﻒ : ﺃﻧﺖ ﺟﺐ ﻭﻻ ﻛﻠﻤﻪ.. ﺃﻭﻧﻪ ﺑﻴﺘﻴﻮﺯ ﻭﺣﺪﻩ ﺯﻟﻤﻪ..ﺑﻌﺪﻩ ﻫﺎ ﺇﻟﻲ ﻗﺎﺻﺮ
ﺷﻤﺴﺔ: ﺷﻮﻭﻭﻭﻭﻭﻭﻭﻭﻭﻭﻭ ﺯﻟﻤﻪ
ﺭﺍﺷﺪ: ﻫﻴﻪ ﺯﻟﻤﻪ ﺷﻮﻓﻴﻬﻦ. ..ﺟﻤﺎﻝ ﺛﻘﺎﻓﻪ ﺃﺧﻼﻕ
ﺷﻤﺴﺔ: ﺃﻣﺤﻖ ﺃﺧﻼﻕ
ﺭﺍﺷﺪ: ﺷﻤﺴﻮﻭﻭﻩ ﺃﻧﺖ ﺟﺐ ﺃﺧﺮ ﻭﺣﺪﻩ ﺗﺮﻣﺲ ﺯﻳﻦ
ﺷﻤﺴﺔ: ﻭﻟﻴﺶ ﺇﻥ ﺷﺎﺀ ﺍﻟﻠﻪ ...ﻭﻻ ﺃﻧﺎ ﺑﻨﺖ ﺍﻟﻬﻨﺪﻳﻪ ﻣﺎﻳﺤﻖ ﻟﻲ ﺃﺭﻣﺲ ﻭﺃﺑﺪﻱ ﺭﺃﻳﻲ
ﺭﺍﺷﺪ: ﻫﻴﻪ ﺑﺲ ﺃﻧﻄﺒﻲ
ﺃﻡ ﺳﻴﻒ : ﻳﺎﻓﻀﻴﺤﺘﻨﺎ ﺑﻴﻦ ﺍﻟﻌﺮﺏ
ﺭﺍﺷﺪ: ﻓﻀﻴﺤﺔ ﺷﻮ ﺍﻟﻠﻪ ﻳﻬﺪﺍﺝ ﺃﻣﺎﻳﻪ
ﺑﻮﺳﻴﻒ: ﻳﺎﻟﻠﻪ ﺃﺣﻴﻨﻪ ﺃﻣﻨﻌﻴﻪ. .ﻣﺤﺪ ﻣﺪﻟﻌﻨﻪ ﻭﻣﻴﺒﺲ ﺭﺃﺳﻪ ﻏﻴﺮﺝ ﺃﻧﺖ
ﺃﻡ ﺳﻴﻒ : ﻫﻴﻪ ﺃﺣﻴﻨﻪ ﺭﺩﻩ ﻋﻠﻲ
ﺑﻮﺳﻴﻒ: ﻫﻴﻪ ﻭﻣﻦ ﺗﺮﺑﻴﺘﺞ
ﺑﻮﺯﺕ ﺃﻡ ﺳﻴﻒ ﻭﺳﻜﺘﺖ ﻋﻦ ﺭﻳﻠﻬﺎ .. ﺍﻟﻜﻞ ﻛﺎﻥ ﺳﺎﻛﺖ ﻭﻳﻄﺎﻟﻊ ﺇﻟﻲ ﻳﺼﻴﺮ. . ﺭﺍﺷﺪ ﺑﻤﺎ ﺇﻧﻪ ﺃﺻﻐﺮ ﻋﻴﺎﻟﻬﻢ
ﻣﻦ ﺍﻟﺸﺒﺎﺏ ﻓﻜﺎﻥ ﻋﺎﻃﻴﻨﻪ ﺍﻟﺨﻴﻂ ﻭﺍﻟﻤﺨﻴﻂ. .ﻭﻻ ﺣﺪ ﻳﺤﺎﺳﺒﻪ ﻋﻠﻰ ﺃﺧﻄﺄﻩ.. ﺭﻏﻢ ﺇﻧﻬﺎ ﻗﻠﻴﻠﻪ ﻷﻧﻪ ﺷﺨﺺ
ﻣﺴﺘﻘﻴﻢ..ﻭﻳﻌﺘﻤﺪ ﻋﻠﻰ ﻧﻔﺴﻪ ﻓﻲ ﻛﻞ ﺷﻲﺀ.. ﻭﻓﻜﺮﺓ ﺯﻭﺍﺟﻪ ﻣﻦ ﺍﻟﺴﻮﺭﻳﻪ ﺻﺪﺝ.. ﻫﺬﻱ ﺃﺧﺖ ﺭﺑﻴﻌﻪ
ﻣﺎﺯﻥ .. ﻭﻣﺎﺯﻥ ﻭﻋﺎﻳﻠﺘﻪ ﻣﻦ ﺃﺻﻞ ﺳﻮﺭﻱ ﻳﺴﻜﻨﻮﺍ ﻓﻲ ﺍﻹﻣﺎﺭﺍﺕ ﻣﻦ ﺯﻣﺎﻥ ..ﺗﻌﻮﺩ ﺭﺍﺷﺪ ﻳﺰﻭﺭﻫﻢ ﻭﺍﻳﺪ
ﻓﻲ ﺑﻴﺘﻬﻢ. .ﻭﻣﻦ ﻛﺜﺮ ﻣﺎﻳﺴﻴﺮ ﺑﻴﺘﻬﻢ ﺷﺎﻑ ﺭﻳﻢ ﺃﺧﺖ ﻣﺎﺯﻥ. .ﻭﺃﻋﺠﺐ ﻓﻴﻬﺎ ..ﻋﺮﻑ ﺇﻧﻪ ﺇﻗﻨﺎﻉ ﺃﻫﻠﻪ
ﺻﻌﺐ.. ﺑﺲ ﻗﺮﺭ ﻳﺴﻮﻱ ﺍﻟﻤﺴﺘﺤﻴﻞ ﻓﻲ ﺳﺒﻴﻞ ﺇﻧﻪ ﻳﺄﺧﺬ ﺭﻳﻢ .. .
ﻓﻲ ﻫﺎﻟﻠﺤﻈﻪ ﻧﺸﺖ ﺷﻤﺴﺔ ﻣﻦ ﻣﻜﺎﻧﻬﺎ ﻭﺻﺪﺕ ﺻﻮﺏ ﺃﺧﺘﻬﺎ : ﺷﻤﻮﻩ ﻧﺸﻲ ﻧﺮﻭﺡ ﻓﻮﻕ.. ﺃﺣﺴﻦ ﻟﻨﺎ
ﺷﻤﺎ : ﺃﻭﻛﻰ ﻳﺎﻟﻠﻪ
ﻧﺎﻋﻤﻪ: ﻭﻳﻦ ﺑﻨﺎﺕ .. . ﻳﺎﻟﺴﻴﻦ
ﺷﻤﺴﺔ ﺗﺒﺘﺴﻢ ﺑﺨﺒﺚ : ﻻ ﺣﺒﻴﺒﺘﻲ ﻻ ﻳﺎﻟﺴﻴﻦ ﻭﻻ ﺷﻲﺀ.. ﺍﻟﺠﻮ ﻣﻜﻬﺮﺏ ﻫﻨﻴﻪ ..ﺑﻨﺴﻴﺮ ﻓﻮﻕ ﺃﺑﺮﻙ ﻟﻨﺎ
ﻧﺎﻋﻤﻪ ﻭﻫﻲ ﺗﻨﺶ: ﺑﺴﻴﺮ ﻭﻳﺎﻛﻢ
ﺷﻤﺎ : ﺍﻧﺰﻳﻦ ﺗﻌﺎﻟﻲ
ﻇﻬﺮﺕ ﺷﻤﺎ ﻭﺷﻤﺴﺔ ﻭﻧﺎﻋﻤﻪ ﻣﻦ ﺍﻟﺼﺎﻟﻪ ﺇﻟﻲ ﻛﺎﻥ ﺍﻟﻜﻞ ﺳﺎﻛﺖ ﻳﻄﺎﻟﻊ ﺭﺍﺷﺪ ﺇﻟﻲ ﺳﺒﺐ ﻫﺎﻟﻮﺟﻮﻡ
ﻋﻠﻰ ﺍﻟﻮﺟﻮﻩ ... ﻭﻳﻄﺎﻟﻌﻮﺍ ﺃﻡ ﺳﻴﻒ ﺇﻟﻲ ﻛﺎﻧﺖ ﺻﺪﺝ ﺯﻋﻼﻧﻪ ﻣﻦ ﺭﻣﺴﺔ ﺭﻳﻠﻬﺎ ﻋﻨﻬﺎ ﻭﻣﻦ ﻭﻟﺪﻫﺎ
ﺭﺍﺷﺪ. ..ﺑﺲ ﻣﻊ ﻫﺬﺍ ﻛﺎﻥ ﺍﻟﻜﻞ ﻣﺘﺄﻛﺪ ﺇﻧﻬﺎ ﺑﺘﺮﺿﻰ ﺑﻜﻞ ﺑﺴﺎﻃﻪ ... ﻫﻲ ﺗﺰﻋﻞ ﻣﻦ ﺍﻟﺪﻧﻴﺎ ﻛﻠﻬﺎ ﺇﻻ ﺣﺒﻴﺐ
ﻗﻠﺒﻬﺎ ﺭﺷﻮﺩ. . ﻣﻬﻢ ﺧﻄﺄ ﻣﺎﻳﻬﻮﻥ ﻋﻠﻴﻬﺎ. ..
ﻧﺎﺻﺮ : ﻳﻌﻨﻲ ﺃﻧﺖ ﺗﻌﺪﻣﻦ ﺑﻨﺎﺕ ﺍﻟﻌﺮﺏ ﻋﻠﺸﺎﻥ ﺗﺄﺧﺬ ﺯﻟﻤﻪ
ﺭﺍﺷﺪ: ﻫﻢ ﻋﺮﺏ ﻋﻠﻰ ﻣﺎﺃﻋﺘﻘﺪ ... ﻭﻋﺎﻳﺒﻴﻨﻲ
ﺑﻮﺳﻴﻒ: ﻭﺍﻟﻠﻪ ﻫﺎﻟﻮﻟﺪ ﻣﺎﻳﻨﺼﺎﻉ ﻟﻪ ﺭﺃﺱ
ﻧﺸﺖ ﺃﻡ ﺳﻴﻒ ﻣﻦ ﻣﻜﺎﻧﻬﺎ : ﺑﺴﻴﺮ ﺃﺭﻗﺪ
ﺭﺍﺷﺪ: ﻭﻳﻦ ﻓﺪﻳﺖ ﺭﻭﺣﺞ. .ﺷﻮ ﻣﺎﺑﺘﺘﻌﺸﻲ
ﺃﻡ ﺳﻴﻒ : ﺳﺪﻳﺖ ﻧﻔﺴﻲ ﻋﻦ ﺍﻟﻌﺸﻰ
ﺭﺍﺷﺪ ﻭﻫﻮ ﻳﺮﻭﺡ ﺻﻮﺏ ﺃﻣﻪ : ﺁﻓﺎ ﻳﺎﻟﻐﺎﻟﻴﺔ.. ﺃﻧﺎ ﺳﺪﻳﺖ ﻧﻔﺴﺞ ﻋﻦ ﺍﻟﻌﺸﻰ. . ﺧﻼﺹ ﻓﺪﻳﺘﺞ ﻧﻐﻴﺮ
ﺍﻟﻤﻮﺿﻮﻉ
ﺃﻡ ﺳﻴﻒ : ﻭﺗﻐﻴﺮﻩ ﻳﻌﻨﻲ ﻣﺎﺑﺘﺮﺩ ﺗﺮﻣﺲ ﺑﻪ
ﺭﺍﺷﺪ ﻭﻫﻮ ﻳﺘﺮﺟﺎﻫﺎ : ﺃﻣﺎﻳﻪ
ﻃﺎﻟﻌﺘﻪ ﺑﻨﺺ ﻋﻴﻦ ..ﻭﺳﺎﺭﺕ ﻋﻨﻪ ﺣﺠﺮﺗﻬﺎ. .ﺑﺲ ﺭﺍﺷﺪ ﻛﻠﻪ ﻭﻻ ﺃﻣﻪ ﻟﺤﻘﻬﺎ ﻳﺮﺍﺿﻴﻬﺎ ..
ﻧﺎﺻﺮ ﻳﻀﺤﻚ ﻣﻦ ﺍﻟﺨﺎﻃﺮ: ﺩﻟﻮﻉ ﺍﻟﻤﺎﻣﺎ. . ﺑﺘﺸﻮﻓﻮﺍ ﺑﻌﺪ ﺷﻮﻱ ﺑﻴﻈﻬﺮ ﻫﻮ ﻭﺃﻣﺎﻳﻪ ﻭﻻ ﻛﺄﻥ ﺷﻲﺀ ﺻﺎﺭ
ﺳﻴﻒ: ﻫﻬﻬﻬﻬﻬﻬﻬﻬﻬﻬﻪ ﻫﻴﻪ ﻭﺍﻟﻠﻪ
ﺣﻤﻴﺪ : ﻧﻔﺴﻲ ﺃﻋﺮﻑ ﻫﺬﺍ ﺷﻮ ﻣﻦ ﺳﺤﺮ ﻳﺴﺘﻌﻤﻞ ﻋﻠﺸﺎﻥ ﻳﺮﺿﻲ ﺍﻟﻮﺍﻟﺪﻩ ﺑﻬﺎﻟﺴﺮﻋﻪ
ﺳﻴﻒ: ﺧﻠﻨﺎ ﻣﻨﻪ . .. ﺻﺢ ﺣﻤﻴﺪ ﺳﻤﻌﺖ ﺇﻧﻚ ﺑﺘﻐﻴﺮ ﺍﻟﺴﻜﻦ
ﺣﻤﻴﺪ : ﻫﻴﻪ. .ﻫﺎﻟﺸﻘﺔ ﺟﺪﻳﻤﻪ ﻭﺍﻟﺨﺪﻣﺎﺕ ﻣﻮﺏ ﻟﻴﻦ ﻫﻨﺎﻙ. . ﻭﺑﻌﺪﻳﻦ ﺑﻌﻴﺪﻩ ﻭﺍﻳﺪ ﻋﻦ ﺍﻟﺸﺮﻛﺔ
ﺳﻴﻒ: ﺍﻧﺰﻳﻦ ﺷﻮ ﻗﺮﺭﺕ ﺗﺄﺧﺬ ﻓﻠﻪ
ﺣﻤﻴﺪ : ﻻ .. ﻣﺎﻓﻴﻨﻲ ﻋﻠﻰ ﻓﻴﻠﻪ. . ﻭﻋﺎﻳﻠﺘﻴﻪ ﺻﻐﻴﺮﻩ ﺷﻮ ﺃﺑﺎﺑﻬﺎ ﺍﻟﻔﻴﻠﻪ. .ﻳﻮﻡ ﺍﻷﺭﺑﻌﺎﺀ ﺷﻔﺖ ﻟﻲ ﺟﻴﻪ ﻛﻤﺎً
ﺷﻘﺔ. .ﻭﺑﺼﺮﺍﺣﺔ ﻋﻴﺒﺘﻨﻲ ﻭﺣﺪﻩ ﻣﻜﻮﻧﻪ ﻣﻦ ﻃﺎﺑﻘﻴﻦ ﺭﻭﻋﻪ ﻭﺑﻌﺪ ﺟﺮﻳﺒﻪ ﻣﻦ ﺍﻟﺸﻐﻞ
ﻧﺎﺻﺮ : ﻭﻣﺘﻰ ﺇﻥ ﺷﺎﺀ ﺍﻟﻠﻪ ﺑﺘﺘﺤﻮﻟﻮﺍ ﻓﻴﻬﺎ
ﺣﻤﻴﺪ : ﺟﺮﻳﺐ ..ﻳﻤﻜﻦ ﻋﻠﻰ ﻧﻬﺎﻳﺔ ﻫﺎﻷﺳﺒﻮﻉ
ﻓﻮﻕ ﻓﻲ ﺣﺠﺮﺓ ﺷﻤﺎ.. . ﻛﺎﻧﺖ ﻳﺎﻟﺴﻪ ﺷﻤﺴﺔ ﻭﺷﻤﺎ ﻭﻧﺎﻋﻤﻪ ﻳﺴﻮﻟﻔﻦ. .. ﻭﻧﺎﻋﻤﻪ ﻧﻔﺲ ﻋﻤﺮ ﺷﻤﺎ
ﻭﺷﻤﺴﺔ. ..ﺑﺲ ﻫﻲ ﻋﺎﺩ ﻣﺎﺣﺒﺖ ﺗﻜﻤﻞ ﺩﺭﺍﺳﺘﻬﺎ. .. ﻭﻫﻲ ﻣﺤﻴﺮﻩ ﺣﻖ ﻧﺎﺻﺮ ﻣﻦ ﻫﻢ ﺻﻐﺎﺭ. .. ﻓﻤﻦ
ﺧﻠﺼﺖ ﺛﺎﻟﺚ ﺛﺎﻧﻮﻱ ﺯﻭﺟﻮﻫﻢ .. .
ﻧﺎﻋﻤﻪ: ﻋﺎﺩ ﺭﺷﻮﺩ ﻣﺎﻟﻘﻲ ﻏﻴﺮ ﺯﻟﻤﻪ
ﺷﻤﺴﺔ: ﺷﻜﻠﻪ ﻧﺎﻭﻱ ﻳﻔﻀﺤﻨﺎ
ﺷﻤﺎ : ﻳﻤﻜﻦ ﻳﺤﺒﻬﺎ ﺍﻟﺮﻳﺎﻝ
ﺷﻤﺴﺔ: ﺣﺒﺘﻪ ﺍﻟﻘﺮﺍﺩﻩ
ﺷﻤﺎ : ﺣﺮﺍﻡ ﻋﻠﻴﺞ.. ﻛﻠﻪ ﻭﻻ ﺭﺷﻮﺩ
ﺷﻤﺴﺔ: ﻋﻠﻰ ﻛﺜﺮ ﺑﻨﺎﺗﻨﺎ .. ﻳﺴﻴﺮ ﻳﺄﺧﺬ ﻭﺣﺪﻩ ﺯﻟﻤﻪ
ﻧﺎﻋﻤﻪ: ﻭﻳﻦ ﺷﺎﻓﻬﺎ ﻫﺎﻱ
ﺷﻤﺎ : ﺇﻥ ﻣﺎﺧﺎﺏ ﻇﻨﻲ ﻫﺬﻱ ﺃﺧﺖ ﺭﺑﻴﻌﻪ ﻣﺎﺯﻥ
ﻧﺎﻋﻤﻪ: ﻟﻴﺶ ﻳﻌﻨﻲ ﺗﻈﻨﻲ ﺟﻴﻪ
ﺷﻤﺎ : ﻷﻧﻪ ﺭﺷﻮﺩ ﺭﺑﻌﻪ ﻛﻠﻬﻢ ﻣﻮﺍﻃﻨﻴﻦ ..ﺇﻻ ﻫﺬﺍ ﻣﺎﺯﻥ ﺳﻮﺭﻱ
ﺷﻤﺴﺔ ﻋﺎﻗﺪﻩ ﺣﻴﺎﺗﻬﺎ ﺗﺘﺬﻛﺮ: ﻫﻴﻪ ﺣﺘﻰ ﻣﺮﺓ ﺷﺎﻳﻔﻴﻨﻬﺎ ﻓﻲ ﺍﻟﻬﻴﻠﻲ ﻭﻛﺎﻥ ﺭﺷﻮﺩ ﻣﻌﻨﺎ .. ﻭﻳﻮﻡ ﺷﺎﻑ
ﻣﺎﺯﻥ ﺳﺎﺭ ﺻﻮﺑﻪ. .. ﻭﻛﺎﻧﺖ ﻭﻳﺎﻩ ﺃﺧﺘﻪ
ﺷﻤﺎ : ﻫﻴﻪ ﺃﺫﻛﺮﻫﺎ ﻭﺍﻳﺪ ﺣﻠﻮﻩ
ﻧﺎﻋﻤﻪ ﺗﻀﺤﻚ: ﻭﻣﺎﺗﺒﻮﻩ ﻳﺤﺒﻬﺎ
ﺷﻤﺎ : ﺍﻟﻠﻪ ﻳﺨﺴﻬﻦ ﻛﻠﻬﻦ ﺣﻠﻮﺍﺕ
ﺷﻤﺴﺔ ﺑﻐﺮﻭﺭ: ﻣﻮﺏ ﺃﺣﻠﻰ ﻋﻨﺎ
ﻧﺎﻋﻤﻪ: ﻋﻦ ﺍﻟﻐﺮﻭﺭ ﺃﺧﺖ ﺷﻤﺴﻮﻩ
ﺷﻤﺴﺔ: ﺣﻠﻮﻩ ﻭﻳﺤﻖ ﻟﻲ ﺃﻧﻐﺮ
ﺷﻤﺎ : ﺍﻟﻠﻪ ﻳﻌﻴﻨﺞ ﻋﻠﻰ ﻧﻔﺴﺞ
ﻧﺎﻋﻤﻪ: ﺍﻧﺰﻳﻦ ﺃﻧﺎ ﺑﻨﺰﻝ ﺑﺴﻴﺮ ﺍﻟﻤﻄﺒﺦ .. ﺃﺷﻮﻑ ﺍﻟﻌﺸﻰ
ﺷﻤﺎ : ﺑﻨﺰﻝ ﻭﻳﺎﺝ. .. ﺷﻤﺴﻮﻩ ﻣﺎﺑﺘﻴﻲ ﻭﻳﺎﻧﺎ
ﺷﻤﺴﺔ: ﻻ ﻣﺎﻓﻴﻨﻲ ﻋﻠﻰ ﺭﻳﺤﺖ ﺍﻟﻄﺒﺎﺥ
ﺷﻤﺎ : ﻫﻴﻪ ﻧﺴﻴﺖ ﺇﻥ ﺍﻷﺧﺖ ﻟﻮ ﺷﻤﺖ ﺭﻳﺤﺖ ﺍﻟﻄﺒﺎﺥ ﻣﺎﺑﺘﺎﻛﻞ
. ... .. ... .. ... .
ﻣﺮﺕ ﺍﻷﻳﺎﻡ. .. ﻭﺗﻌﻮﺩﺕ ﺷﻤﺎ ﺗﺸﻮﻑ ﺫﻳﺎﺏ ﻛﻞ ﻣﺎﺗﺮﻭﺡ ﺍﻟﺤﺪﻳﻘﺔ ﻳﻮﻡ ﺍﻟﺨﻤﻴﺲ ... ﻭﻫﻮ ﻳﻴﻠﺲ ﻳﻄﺎﻟﻌﻬﺎ
ﻣﻦ ﺑﻌﻴﺪ ... ﻭﻫﻲ ﺃﻃﺎﻟﻌﻪ ... ﺻﺎﺭ ﻫﺎﻟﺸﻲﺀ ﻣﺜﻞ ﺍﻟﻤﻮﻋﺪ ﻋﻨﺪ ﺷﻤﺎ ﻭﺫﻳﺎﺏ .. .ﺑﺲ ﻳﻜﻮﻥ ﺻﺎﻣﺖ ﻭﻣﻦ
ﺑﻌﻴﺪ. ..ﻣﺠﺮﺩ ﻧﻈﺮﺍﺕ. ..
ﻣﺮﻩ ﻛﺎﻧﺖ ﺷﻤﺎ ﻳﺎﻳﻪ ﺍﻟﺤﺪﻳﻘﺔ ﻫﻲ ﻭﺑﻨﺎﺕ ﺃﺧﻮﻫﺎ ﺳﻴﻒ ﻭﻋﺒﻮﺩ. .. ﻭﻳﻮﻡ ﺃﺗﻴﺐ ﻋﺒﻮﺩ ﻣﺎﺗﻴﻠﺲ.. ﻛﻠﻪ ﺇﻻ
ﺗﻼﻋﺒﻪ ﻓﻲ ﺍﻷﻟﻌﺎﺏ. ..ﻷﻧﻪ ﺻﻐﻴﺮ ﻭﻣﺎﻳﺘﺨﻠﻰ ﺑﺮﻭﺣﻪ ... ﻭﺫﻳﺎﺏ ﻳﺮﺍﻗﺒﻬﺎ ﻣﻦ ﺑﻌﻴﺪ .. . ﻭﻣﺘﺤﻴﺮ ﻓﻲ ﺃﻣﺮ
ﻋﺒﻮﺩ. .. ﻳﺘﺴﺄﻝ ﻣﻨﻮﻩ ﻫﺬﺍ.. . ﻭﻛﺎﻥ ﻳﺎﻟﺲ ﻭﻳﺎﻩ ﺃﺣﻤﺪ ﻭﻳﺴﻮﻟﻒ ﻭﻫﻮ ﻣﻮﺏ ﻣﻨﺘﺒﻪ ﻟﻪ. ..ﺑﻌﺪ ﺷﻮﻱ ﺷﺎﻑ
ﺷﻤﺎ ﺗﺰﻗﺮ ﺑﻨﺎﺕ ﺃﺧﻮﻫﺎ ﻭﺗﺸﻞ ﻋﺒﻮﺩ ﺇﻟﻲ ﻛﺎﻥ ﺛﺠﻴﻞ ﻭﺗﻤﺸﻲ ﺻﻮﺏ ﺍﻟﺒﻮﺍﺑﻪ.. .ﻓﻬﺎﻟﻠﺤﻈﻪ ﻗﺮﺭ ﺫﻳﺎﺏ
ﺷﻲﺀ. .
ﺫﻳﺎﺏ: ﺃﺣﻤﺪ ﻳﺎﻟﻠﻪ ﻧﺴﻴﺮ
ﺃﺣﻤﺪ ﻣﺴﺘﻐﺮﺏ: ﻭﻳﻦ
ﺫﻳﺎﺏ ﻭﻫﻮ ﻳﻨﺶ ﻷﻧﻪ ﺍﻟﻴﻮﻡ ﻳﺎﻳﺐ ﻋﻜﺎﺯﺍﺗﻪ ﻣﻮﺏ ﺍﻟﻜﺮﺳﻲ ﺍﻟﻤﺘﺤﺮﻙ : ﻳﺎﻟﻠﻪ ﻧﺴﻴﺮ ﻇﻬﺮﻧﺎ
ﺃﺣﻤﺪ ﻳﻠﺤﻘﻪ: ﻏﺮﻳﺒﻪ ﺍﻟﻴﻮﻡ ﻣﺎﻳﻠﺴﺖ ﻭﺍﻳﺪ
ﺫﻳﺎﺏ: ﺃﻧﺖ ﺑﺲ ﺃﺗﺒﻌﻨﻲ
ﺃﻭﻝ ﻣﺎﺭﻛﺒﻮﺍ ﺍﻟﺴﻴﺎﺭﺓ .. . ﻭﺑﻨﺪ ﺫﻳﺎﺏ ﺍﻟﺒﺎﺏ ..ﻗﺎﻝ : ﺗﺸﻮﻑ ﻫﺎﻟﻤﻮﺗﺮ ﺇﻟﻲ ﺟﺪﺍﻣﻨﺎ
ﺃﺣﻤﺪ : ﻫﻴﻪ ... ﺷﺒﻼﻩ؟
ﺫﻳﺎﺏ: ﻟﺤﻘﻪ
ﺃﺣﻤﺪ ﻋﺎﻗﺪ ﺣﻴﺎﺗﻪ: ﻟﻴﺶ
ﺫﻳﺎﺏ: ﺑﺨﺒﺮﻙ ﺑﺎﻟﺴﺎﻟﻔﺔ ﺑﻌﺪﻳﻦ
ﺃﺣﻤﺪ : ﻫﺎﻟﻤﻮﺗﺮ ﻣﻮﺏ ﻏﺮﻳﺐ ﻋﻠﻴﻪ .. ﺟﻨﻲ ﺃﻋﺮﻑ ﺃﺻﺤﺎﺑﻪ
ﺫﻳﺎﺏ ﻭﻫﻮ ﻳﻠﺘﻔﺖ ﺻﻮﺏ ﻭﻟﺪ ﻋﻤﻪ: ﺣﻠﻒ ... ﺗﻌﺮﻓﻬﻢ
ﺃﺣﻤﺪ : ﻫﻴﻪ ... ﺇﻥ ﻣﺎﺧﺎﺏ ﻇﻨﻲ ﻫﺎﻟﺴﻴﺎﺭﺓ ﻣﺎﻟﺖ ﻗﻮﻡ ﻣﺤﻤﺪ ﺑﻦ ﻣﺒﺎﺭﻙ
ﺫﻳﺎﺏ ﻭﻫﻮ ﻣﺘﺸﻘﻖ ﻣﻦ ﺍﻟﻮﻧﺎﺳﻪ: ﻭﺍﻟﻠﻪ ﻭﻃﻠﻌﻮﺍ ﻧﺎﺱ ﻧﻌﺮﻓﻬﻢ
ﺃﺣﻤﺪ : ﺍﻧﺰﻳﻦ ﻟﻴﺶ
ﺫﻳﺎﺏ: ﺗﻌﺮﻑ ﻟﺤﻖ ﺍﻟﺴﻴﺎﺭﺓ ﻋﺴﺐ ﻧﺘﺄﻛﺪ ﺑﺲ
ﺃﺣﻤﺪ : ﺃﻣﺮﻱ ﻋﻠﻯﺎﻟﻠﻪ ﺑﻠﺤﻘﻬﺎ .. . ﻣﻊ ﺇﻧﻲ ﻣﺘﺄﻛﺪ
ﻭﻟﺤﻘﻮﺍ ﺍﻟﺴﻴﺎﺭﺓ ﺇﻟﻲ ﻓﻴﻬﺎ ﺷﻤﺎ ﻭﻋﻴﺎﻝ ﺧﻮﺍﻧﻬﺎ ﻟﺤﺪ ﺍﻟﺒﻴﺖ ... ﻭﻫﻲ ﻣﺎﻧﺘﺒﻬﺖ ﻟﻬﻢ. .. ﻭﺷﺎﻓﻮﺍ ﺍﻟﺴﻴﺎﺭﺓ
ﻟﻴﻦ ﻣﺎﻭﺻﻠﺖ ﺍﻟﺒﻴﺖ ﻭﺩﺧﻠﺘﻪ. ..ﻭﻫﻢ ﻳﺮﺍﻗﺒﻮﻫﺎ ﻣﻦ ﺑﻌﻴﺪ.. .
ﺃﺣﻤﺪ : ﻣﻮﺏ ﻋﺎﻳﺒﺘﻨﻲ ﻫﺎﻟﺤﺮﻛﺔ
ﺫﻳﺎﺏ: ﻭﻻ ﺃﻧﺎ ﻭﺍﻟﻠﻪ. .ﺑﺲ ﻏﺼﺒﺎً ﻋﻨﻲ
ﺃﺣﻤﺪ : ﺍﻧﺰﻳﻦ. .ﺃﺣﻴﻨﻪ ﺗﺄﻛﺪﻧﺎ ﺇﻧﻬﻢ ﻣﻦ ﻗﻮﻡ ﻣﺤﻤﺪ ﺑﻦ ﻣﺒﺎﺭﻙ. .. ﻳﺎﻟﻠﻪ ﺧﺒﺮﻧﻲ ﺍﻟﺴﺎﻟﻔﺔ
ﺫﻳﺎﺏ: ﺃﻭﻛﻰ
ﺧﺒﺮ ﺫﻳﺎﺏ ﺃﺣﻤﺪ ﺍﻟﺴﺎﻟﻔﺔ ﻛﻠﻬﺎ. .. ﻭﺧﺒﺮﻩ ﺇﻧﻪ ﻣﻌﺠﺐ ﺑﺎﻟﺒﻨﻴﻪ ﻭﺍﻳﺪ. ..
ﺃﺣﻤﺪ ﻣﻴﺖ ﺿﺤﻚ: ﻫﻬﻬﻬﻬﻬﻬﻬﻬﻬﻪ ﺃﺥ ﻳﺒﻄﻨﻲ ﻋﻮﺭﻧﻲ ﻭﺍﻟﻠﻪ ﻣﻦ ﺍﻟﻀﺤﻚ
ﺫﻳﺎﺏ ﻣﻌﺼﺐ: ﻟﻴﺶ ﺗﻀﺤﻚ ﺣﻀﺮﺗﻚ.. . ﻣﺎﺷﻮﻑ ﺷﻲﺀ ﻳﻀﺤﻚ
ﺃﺣﻤﺪ ﻳﺤﺎﻭﻝ ﺃﻳﻮﺩ ﻋﻤﺮﻩ : ﻭﺍﻟﻠﻪ ﺗﻀﺤﻚ ... ﻋﻴﻞ ﻃﺮﺷﺖ ﺧﻠﻮﺩ ﻳﻌﻄﻴﻬﺎ ﺭﺳﺎﻳﻞ ﺍﻟﻐﺮﺍﻡ
ﺫﻳﺎﺏ ﻭﻫﻮ ﻣﺴﺘﺤﻲ ﻣﻦ ﻭﻟﺪ ﻋﻤﻪ ﺇﻧﻪ ﺳﻮﻯ ﺟﻴﻪ: ﺷﻮ ﺃﺳﻮﻱ. .. ﻫﺎﻟﻄﺮﻳﻘﺔ ﺍﻟﻮﺣﻴﺪﻩ
ﺫﻳﺎﺏ: ﺑﻴﻨﺴﻰ ﻣﻦ ﺷﺎﻑ ﺍﻟﻤﻴﺔ
ﺃﺣﻤﺪ : ﻭﺍﻟﻠﻪ ﺇﻧﻚ ﺳﻮﺍﻟﻒ ..ﺃﻧﺰﻳﻦ ﻭﺍﻟﺤﻴﻨﻪ ﺷﻮ ﺑﺘﺴﻮﻯ
ﺫﻳﺎﺏ: ﻭﺍﻟﻠﻪ ﻫﺎﻟﺒﻨﻴﻪ ﺩﺍﺷﻪ ﻣﺰﺍﺟﻲ .. ﻭﻋﺎﻳﺒﺘﻨﻲ ﻭﺍﻳﺪ
ﺃﺣﻤﺪ : ﻋﻴﻞ ﺃﺿﺮﺏ ﺍﻟﺤﺪﻳﺪ ﻭﻫﻮ ﺣﺎﻣﻲ ... ﺧﺒﺮ ﻋﻤﻲ ﻳﺴﻴﺮﻭﺍ ﻳﺨﻄﺒﻮﻫﺎ ﻟﻚ
ﺫﻳﺎﺏ: ﻳﺎﺭﻳﺖ ﺍﻟﺴﺎﻟﻔﺔ ﺳﻬﻠﻪ ﺟﻴﻪ
ﺃﺣﻤﺪ : ﻋﻴﻞ
ﺫﻳﺎﺏ ﻣﺘﻀﺎﻳﺞ : ﺃﻧﺖ ﻣﺎﺗﺸﻮﻑ ﺣﺎﻟﺘﻲ
ﺃﺣﻤﺪ : ﻭﺷﻮ ﻓﻴﻬﺎ ﺣﺎﻟﺘﻚ. .. ﻓﻴﻪ ﻣﺜﻠﻚ ﻭﺃﺷﺪ ﻣﻨﻚ ﺑﻌﺪ ﻋﺮﺳﻮﺍ ﻭﻋﻨﺪﻫﻢ ﻋﻴﺎﻝ. .. ﺑﻌﺪﻳﻦ ﺃﻧﺖ ﺭﻳﺎﻝ
ﻣﺎﺗﻨﺮﻓﺾ. ..ﺣﺴﺐ ﻭﻧﺴﺐ ﻭﻏﻨﻰ. .. ﺃﻟﻒ ﺑﻨﺖ ﺗﺘﻤﻨﺎﻙ
ﺫﻳﺎﺏ: ﺧﺎﻳﻒ ﺃﻧﺮﻓﺾ ﺷﺮﺍﺕ ﺍﻟﻤﺮﺓ ﺍﻷﻭﻟﻴﻪ
ﺃﺣﻤﺪ : ﻳﺎﻟﻠﻪ ﻋﺎﺩ ﻣﺮﺓ ﻭﺣﺪﻩ ﺃﻧﺮﻓﻀﺖ .. . ﺃﻧﺖ ﺃﺗﻜﻞ ﻋﻠﻰ ﺍﻟﻠﻪ ﻭﺧﺒﺮ ﻋﻤﻲ.. . ﻭﺑﻌﺪﻳﻦ ﻫﺎﻟﻨﺎﺱ
ﻧﻌﺮﻓﻬﻢ ... ﻭﺑﻌﺪ ﻳﻘﺮﺑﻮﺍ ﻟﻨﺎ ﻣﻦ ﺑﻌﻴﺪ
ﺫﻳﺎﺏ: ﺷﻮﺭﻙ ﺟﻴﻪ
ﺃﺣﻤﺪ : ﻫﻴﻪ .. ﺧﻠﻰ ﺛﻘﺘﻚ ﺑﻨﻔﺴﻚ ﻗﻮﻳﻪ .. ﻭﺗﻜﻞ ﻋﻠﻯﺎﻟﻠﻪ
ﺫﻳﺎﺏ: ﻋﻴﻞ ﺑﺮﻣﺲ ﺃﺑﻮﻳﻪ ﺍﻟﻠﻴﻠﻪ ﺇﻥ ﺷﺎﺀ ﺍﻟﻠﻪ
. ... .. ... .. ... ..
ﻓﻲ ﺣﺠﺮﺓ ﺷﻤﺎ.. .ﻛﺎﻧﺖ ﻣﻨﺴﺪﺣﻪ ﻓﻮﻕ ﺍﻟﺸﺒﺮﻳﻪ ﺗﻔﻜﺮ ﺑﺬﻳﺎﺏ ... ﻭﺑﺤﺎﻟﺘﻪ. .. " ﺟﻴﻪ ﻣﺴﺘﺤﻤﻞ ﺇﻧﻪ ﻳﺘﻢ ﻋﻠﻰ
ﻛﺮﺳﻲ. .. ﻭﺃﻧﻪ ﻋﺎﺟﺰ. ..ﺫﻳﺎﺏ ... ﺃﺳﻤﻪ ﺣﻠﻮ. .. ﻳﺎﺭﻳﺖ ﺑﺲ ﺃﺳﻤﻪ ﺣﻠﻮ .. . ﺣﺘﻰ ﺷﻜﻠﻪ ﺣﻠﻮ. .. ﻣﺎﺃﻗﻮﻝ ﻏﻴﺮ ﺍﻟﻠﻪ
ﻳﺴﺎﻋﺪﻩ ﻭﻳﻜﻮﻥ ﺑﻌﻮﻧﻪ ﻭﻳﺸﻔﻴﻪ " ﻣﺴﺤﺖ ﻋﻠﻰ ﻭﻳﻬﺎ ﺗﺤﺎﻭﻝ ﻣﺎﺗﻔﻜﺮ ﻓﻴﻪ .. . " ﺻﺢ ﺷﺒﻼﻧﻲ ﺃﻧﺎ ﺃﺣﻴﻨﻪ
ﻛﻠﻪ ﺇﻻ ﺃﻓﻜﺮ ﻓﻴﻪ " ﺗﻤﺖ ﻋﻠﻰ ﻫﺎﻟﺤﺎﻝ ﻟﺤﺪ ﻣﺎﻗﻄﻊ ﻋﻠﻴﻬﺎ ﺣﺒﻞ ﺃﻓﻜﺎﺭﻫﺎ ﺻﻮﺕ ﺍﻟﺒﺎﺏ.. .ﻛﺎﻥ ﺣﺪ ﻳﺪﻕ
ﺍﻟﺒﺎﺏ ﺑﻘﻮ. .ﻧﺸﺖ ﻣﻦ ﻓﻮﻕ ﺍﻟﺸﺒﺮﻳﻪ ﻭﻫﻲ ﻣﻌﺼﺒﻪ .. ﻭﺭﺍﺣﺖ ﺻﻮﺏ ﺍﻟﺒﺎﺏ ..
ﻓﺠﺖ ﺍﻟﺒﺎﺏ. . ﻭﺑﻌﺼﺒﻴﻪ: ﺷﻮ ﻫﺎﻗﻠﺔ ﺍﻷﺩﺏ " ﻧﺼﺪﻣﺖ ﻳﻮﻡ ﺷﺎﻓﺖ ﻋﺒﻮﺩ ﻭﻟﺪ ﺃﺧﻮﻫﺎ ﻧﺎﺻﺮ. .ﻳﻄﺎﻟﻌﻬﺎ
ﻭﻋﻠﻰ ﻭﻳﻬﻪ ﺇﺑﺘﺴﺎﻣﻪ ﺷﻴﻄﺎﻧﻴﻪ.. .ﻭﺛﻴﺎﺑﻪ ﻛﻠﻬﺎ ﺧﺎﻳﺴﻪ ﺣﻠﻮﻳﺎﺕ ﻭﻓﻲ ﺃﻳﺪﻩ "
ﺷﻤﺎ : ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ .. ﺃﻧﺖ ﺇﻟﻲ ﺩﻗﻴﺖ ﺍﻟﺒﺎﺏ
ﻋﺒﻮﺩ ﺑﺼﻮﺕ ﻋﺎﻟﻲ ﻭﻫﻮ ﻣﺴﺘﺎﻧﺲ: ﻫﻴﻪ. .. ﺃﻧﺎ
ﺷﻤﺎ : ﻳﺎﺳﻼﻡ .. .ﺷﻮ ﺣﻀﺮﺗﻚ ﻣﺴﻮﻱ ﻋﻤﻞ ﺑﻄﻮﻟﻲ
ﺭﺷﻮﺩ : ﺃﻣﻮﻩ ﺗﺒﻲ ﺣﻮﺍﻭﻩ
ﺷﻤﺎ : ﻻ ﻳﺎﺑﻮﻙ ﻣﺎﺑﻰ
ﻋﺒﻮﺩ ﻭﻫﻮ ﻣﻴﻮﺩ ﺛﻮﺏ ﺷﻤﺎ ﻭﺧﻴﺴﻪ ﺑﺎﻟﺤﻼﻭﻩ: ﻋﻤﻮﻩ ﺛﻠﻴﻨﻲ
ﺷﻤﺎ : ﻳﺨﻴﻪ ... ﺷﻮﻑ ﺷﻮ ﺳﻮﻳﺖ .. .ﺧﻴﺴﺘﻨﻲ. .ﻧﻔﺴﻲ ﺃﻋﺮﻑ ﻣﻨﻮﻩ ﺣﻄﻚ ﻋﺪﺍﻝ ﺣﺠﺮﺗﻴﻪ
ﺷﻠﺖ ﻋﺒﻮﺩ ﻭﺩﺧﻠﺘﻪ ﺣﺠﺮﺗﻬﺎ ﻋﻠﺸﺎﻥ ﺗﻐﺴﻠﻪ ﻭﺗﻨﻈﻒ ﻭﻳﻬﻪ. ..
ﻭﻫﻲ ﻳﺎﻟﺴﻪ ﺗﻐﺴﻞ ﻋﺒﻮﺩ: ﻋﺎﺩ ﺃﻧﺖ ﻣﺎﺷﺎﺀ ﺍﻟﻠﻪ ﻣﺘﺴﺒﺢ ﺑﻬﺎﻟﺤﻼﻭﻩ
ﻋﺒﻮﺩ: ﺃﻣﻮﻩ ﺃﻧﺘﻲ ﺣﻮﻩ
ﺷﻤﺎ : ﻫﻬﻬﻬﻬﻪ ﻓﺪﻳﺖ ﻫﺎﻟﻮﻳﻪ ﺃﻧﺎ .. ﺃﻧﺖ ﺃﺣﻠﻰ
ﻋﺒﻮﺩ: ﺃﻣﻮﻩ ﺃﺳﻮﺩ ﻣﺎ ﺣﻮﻭ
ﺷﻤﺎ : ﻫﻬﻬﻪ ﻻ ﺭﺷﻮﺩ ﺣﻠﻮ
ﻋﺒﻮﺩ: ﻻ ﻣﺎﺣﻮﻭ.. ﺃﻧﺎ ﺣﻮﻭ
ﺷﻤﺎ ﻭﻋﻠﻰ ﻭﻳﻬﺎ ﺇﺑﺘﺴﺎﻣﻪ: ﻣﺸﻜﻠﺔ ﺍﻟﻐﺮﻭﺭ
ﻋﺒﻮﺩ ﻳﻄﺎﻟﻊ ﺷﻤﺎ ﺑﺴﺘﻐﺮﺍﺏ ﻣﻮﺏ ﻓﺎﻫﻢ ﺷﻮ ﺗﻘﻮﻝ : ﻣﻤﻤﻤﻢ
ﺷﻤﺎ : ﺷﻮ ﺍﻟﺤﺒﻴﺐ ﻳﻔﻜﺮ
ﻋﺒﻮﺩ: ﺑﺘﺜﻠﻴﻨﻲ ﻣﻌﺲ ﺍﻟﺤﻘﻴﻘﻪ
ﺷﻤﺎ : ﺇﺫﺍ ﻣﺎﺭﻗﺪﺕ ﺑﺸﻠﻚ ﻭﻳﺎﻳﻪ ﺍﻟﺤﺪﻳﻘﺔ
ﺑﻌﺪ ﺷﻮﻱ ﺳﻤﻌﻮﺍ ﺑﺎﺏ ﺣﺠﺮﺗﻬﺎ ﺣﺪ ﻳﺪﻗﻪ. .
ﺷﻤﺎ : ﺩﺧﻞ
ﺇﻧﻔﺘﺢ ﺍﻟﺒﺎﺏ ﻛﺎﻧﺖ ﻧﺎﻋﻤﻪ : ﻳﺎﻣﺴﻮﺩ ﺍﻟﻮﻳﻪ ..ﻣﻦ ﺍﻟﺼﺒﺢ ﺃﺩﻭﺭﻙ ﻭﺃﻧﺖ ﻫﻨﻴﻪ
ﺷﻤﺎ : ﻫﻬﻬﻬﻬﻬﻪ ﻳﺎﺑﻨﺖ ﺍﻟﺤﻼﻝ ﻋﻠﻤﻲ ﻭﻟﺪﺝ ﺟﻴﻪ ﻳﺪﻕ ﺍﻟﺒﺎﺏ ﻋﻠﻰ ﺍﻟﻨﺎﺱ.. ﻛﺎﻧﺖ ﺑﻴﻜﺴﺮ ﺑﺎﺏ ﺣﺠﺮﺗﻴﻪ
ﻧﺎﻋﻤﻪ ﻭﻫﻲ ﺗﺸﻞ ﻭﻟﺪﻫﺎ ﻓﻮﻕ : ﻓﺪﻳﺖ ﻭﻟﺪﻱ ﻭﺍﻟﻠﻪ .. ﻋﺎﺩ ﻳﻜﺴﺮ ﺍﻟﺒﺎﺏ. .ﻫﺎﻟﺮﻗﻪ ﻛﻠﻬﺎ ﺗﻜﺴﺮ
ﺍﻟﺒﺎﺏ ..ﺫﻛﺮﻱ ﺭﺑﺞ
ﺷﻤﺎ ﺗﻤﻂ ﺧﺪﻭﺩ ﻋﺒﻮﺩ : ﻣﺎﺷﺎﺀ ﺍﻟﻠﻪ ﻳﺎﺑﻮﺝ ﻣﺎﺑﻨﻌﻴﻨﻪ
ﻧﺎﻋﻤﻪ: ﻣﻦ ﺳﺎﻋﺔ ﺃﺩﻭﺭﻩ. . ﻣﺎﺧﻠﻴﺖ ﻣﻜﺎﻥ ﺇﻻ ﻭﺩﻭﺭﺗﻪ ﻓﻴﻪ .. ﻭﺍﻟﻠﻪ ﺧﻔﺖ ﻳﻜﻮﻥ ﻃﻠﻊ ﻓﻲ ﺍﻟﺸﺎﺭﻉ
ﺷﻤﺎ : ﻟﻮ ﻇﻬﺮ ﺍﻟﺸﺎﺭﻉ ﻭﻳﻦ ﺑﺘﺮﻭﺣﻲ ﻣﻦ ﻟﺴﺎﻥ ﺃﺑﻮﻩ
ﻧﺎﻋﻤﻪ: ﻫﻴﻪ ﻭﺍﻟﻠﻪ. ..ﺍﻧﺰﻳﻦ ﺃﻧﺎ ﺑﺴﻴﺮ ﺃﺭﻗﺪﻩ ﺃﺣﻴﻨﻪ
ﻋﺒﻮﺩ ﻳﻄﺎﻟﻊ ﺃﻣﻪ ﺑﻨﻈﺮﺍﺕ ﻭﻣﺒﻮﺯ : ﻣﺎﺑﻰ
ﻧﺎﻋﻤﻪ: ﻛﻴﻔﻚ ﻫﻮ
ﻋﺒﻮﺩ: ﺃﺑﻰ ﺃﻳﻠﺚ ﻣﻊ ﺃﻣﻮﻩ
ﻧﺎﻋﻤﻪ: ﻣﺎﺷﻲ.. ﻋﻤﻮﻩ ﺃﺣﻴﻨﻪ ﺗﺒﻰ ﺗﺮﻗﺪ
ﺷﻤﺎ : ﻳﺎﻟﻠﻪ ﺣﺒﻴﺒﻲ ﺗﺼﺒﺢ ﻋﻠﻰ ﺧﻴﺮ
ﻋﺒﻮﺩ ﻳﻄﺎﻟﻊ ﻋﻤﺘﻪ ﻭﻫﻮ ﻣﺘﻀﻴﺞ: ﻣﺎﺣﺒﺲ
ﺷﻤﺎ : ﻫﻬﻬﻬﻬﻬﻬﻬﻪ ﻫﺐ ﻣﺸﻜﻠﺔ
ﻧﺎﻋﻤﻪ: ﺗﺼﺒﺤﻲ ﻋﻠﻰ ﺧﻴﺮ
ﺷﻤﺎ : ﻭﺃﻧﺘﻲ ﻣﻦ ﻫﻠﻪ
ﻇﻬﺮﺕ ﻧﺎﻋﻤﻪ ﻭﻭﻟﺪﻫﺎ ﻣﻦ ﻏﺮﻓﺔ ﺷﻤﺎ ... ﻭﻣﻦ ﻇﻬﺮﻭﺍ ﻋﻠﻰ ﻃﻮﻝ ﺑﻨﺪﺕ ﺍﻟﻠﻴﺖ ... ﻭﺭﻗﺪﺕ ﻷﻧﻪ ﺑﻠﺒﺎﺟﺮ
ﺑﻴﻜﻮﻥ ﻋﻨﺪﻫﺎ ﺩﻭﺍﻡ ﻣﻦ ﺍﻟﺴﺎﻋﺔ 8. ..
. ... ..
ﻓﻲ ﺍﻟﺠﺎﻣﻌﺔ ﺍﻟﺴﺎﻋﺔ 12: 30 ﻓﻲ ﻛﻼﺱ ﺍﻹﺣﺼﺎﺀ ﺍﻟﻨﻔﺴﻲ ﺷﻤﺴﺔ ﻭﺷﻤﺎ ﻳﺎﻟﺴﺎﺕ ﻋﺪﺍﻝ
ﺑﻌﺾ ... ﻭﺷﻤﺴﺔ ﻛﻞ ﺷﻮﻱ ﺗﺘﺜﺎﻭﺏ ﻣﻦ ﺍﻟﻤﻠﻞ ...
ﺷﻤﺎ ﺑﺼﻮﺕ ﻭﺍﻃﻲ : ﺃﻳﻪ ﺑﺲ ﺗﺮﺍﻩ ﺍﻟﺪﻛﺘﻮﺭ ﺑﺪﻯ ﻳﻼﺣﻆ
ﺷﻤﺴﺔ: ﺃﻭﻑ ﻭﺍﻟﻠﻪ ﻣﻠﻴﺖ
ﺷﻤﺎ : ﻣﺤﺪ ﻗﺎﻝ ﻟﺞ ﺗﺴﻬﺮﻱ ﺃﻣﺲ
ﺷﻤﺴﺔ ﺗﻠﺘﻔﺖ ﺻﻮﺏ ﺍﻟﺪﻛﺘﻮﺭ ﻭﺗﺘﻜﻠﻢ ﺑﺼﻮﺕ ﻋﺎﻟﻲ: ﺩﻛﺘﻮﺭ
ﺍﻟﺪﻛﺘﻮﺭ : ﻫﺎ ﺷﻤﺴﺔ ﺷﻮ ﻋﻨﺪﺝ
ﺷﻤﺴﺔ: ﺩﻛﺘﻮﺭ ﺑﺴﻨﺎ ﻭﺍﻟﻠﻪ ﺧﻼﺹ ﻣﻮﺏ ﻗﺎﺩﺭﻩ ﺃﺳﺘﻮﻋﺐ ﺃﻛﺜﺮ
ﺍﻟﺪﻛﺘﻮﺭ ﺭﺍﻓﻊ ﺣﺎﺟﺐ: ﻫﻬﻬﻬﻪ ﻭﻫﻮ ﺃﺻﻼ ﺷﻲﺀ ﺩﺵ ﺩﻣﺎﻏﺞ
ﺷﻤﺴﺔ ﻭﻭﻳﻬﺎ ﺻﺎﺭ ﺃﺣﻤﺮ: ﻫﻴﻪ ﺩﻛﺘﻮﺭ ﻋﻴﻞ
ﺍﻟﺪﻛﺘﻮﺭ : ﻻ ﻭﺍﺿﺢ
ﺷﻤﺴﺔ: ﺍﻧﺰﻳﻦ ﺩﻛﺘﻮﺭ ﺧﻼﺹ ﻛﻤﻞ
ﺍﻟﺪﻛﺘﻮﺭ : ﻫﺐ ﻣﺸﻜﻠﺔ ﺷﻮﻱ ﻭﺑﻨﺨﻠﺺ
ﺑﻌﺪ ﻣﺎﺭﺩ ﺍﻟﺪﻛﺘﻮﺭ ﻳﻜﻤﻞ ﺷﺮﺣﻪ .. . ﺃﻟﺘﻔﺖ ﺷﻤﺴﺔ ﻋﻠﻰ ﺧﺘﻬﺎ ﻭﻗﺎﻟﺖ ﺑﺼﻮﺕ ﻭﺍﻃﻲ: ﻓﺪﻳﺘﻪ ﻣﺎﺃﻫﻮﻥ
ﻋﻠﻴﻪ. .. ﻭﻋﻠﺸﺎﻥ ﺧﺎﻃﺮﻱ ﺑﻴﺨﻠﺺ ﺍﻟﻤﺤﺎﺿﺮﻩ ﺑﻌﺪ ﺷﻮﻱ
ﺷﻤﺎ ﻭﻫﻲ ﺃﻃﺎﻟﻌﻬﺎ ﻭﻻﻭﻳﻪ ﺑﻮﺯﻫﺎ: ﻫﻴﻪ ﻋﻠﺸﺎﻥ ﺧﺎﻃﺮﺝ
ﺷﻤﺴﺔ: ﻫﻴﻪ ﻋﻠﺸﺎﻥ ﺧﺎﻃﺮﻱ .. .
ﺍﻟﺪﻛﺘﻮﺭ ﺃﻟﺘﻔﺖ ﺻﻮﺏ ﺷﻤﺴﺔ: ﻫﺎ ﺷﻤﺴﺔ ﺷﻮ ﻗﻠﺘﻲ
ﺷﻤﺴﺔ: ﻻ ﺩﻛﺘﻮﺭ ﻣﺎﻗﻠﺖ ﺷﻲﺀ
ﺍﻟﺪﻛﺘﻮﺭ ﻳﺒﺘﺴﻢ : ﺗﺤﺮﻳﺖ ﺳﺌﻠﺘﻴﻨﻲ ﺷﻲﺀ . ..
ﺑﻌﺪ ﺷﻮﻱ ﻧﺎﺩﻯ ﺍﻟﺪﻛﺘﻮﺭ ﻋﻠﻰ ﺍﻟﺒﻨﺎﺕ ﻳﺸﻮﻑ ﻣﻨﻮﻩ ﻏﺎﻳﺐ ... ﻭﻋﻠﻰ ﻃﻮﻝ ﻇﻬﺮﻫﻦ. ..ﻭﻫﻦ ﻇﺎﻫﺮﺍﺕ
ﻣﻦ ﺍﻟﻜﻼﺱ ﻭﻳﻤﺸﻦ ﻓﻲ ﺍﻟﻤﻤﺮ ﻛﺎﻥ ﻭﺭﺍﻫﻦ ﺷﻠﺔ ﺑﻨﺎﺕ ﻭﻳﻀﺤﻜﻦ ﺑﺼﻮﺕ ﻋﺎﻟﻲ .. . ﺑﻌﺪﻳﻦ ﺃﻟﺘﻔﺘﺖ
ﺷﻤﺴﺔ ﺻﻮﺑﻬﻦ ﻭﻳﻠﺴﺖ ﺃﻃﺎﻟﻌﻬﻦ ﺑﻨﺺ ﻋﻴﻦ. . ﻷﻧﻬﺎ ﺳﻤﻌﺖ ﻣﻦ ﻣﺠﻤﻞ ﺭﻣﺴﺘﻬﻦ ﺇﺳﻤﻬﺎ. .. ﻭﻭﻗﻔﺖ
ﻣﻜﺎﻧﻬﺎ ﻭﺗﻤﺖ ﺃﻃﺎﻟﻌﻬﻦ ... ﺃﻧﺘﺒﻬﺖ ﺍﻟﺒﻨﺖ ﺇﻟﻲ ﻛﺎﻧﺖ ﻓﻲ ﺍﻟﻮﺳﻂ ﻟﺸﻤﺴﺔ ..
ﻣﻨﻰ: ﻫﺎ ﺷﻤﺴﺔ ﻓﻲ ﺷﻲﺀ
ﺷﻤﺴﺔ: ﺳﻤﻌﺖ ﺇﺳﻤﻲ. . ﻭﻫﺎﺳﺆﺍﻝ ﺍﻟﻤﻔﺮﻭﺽ ﺃﻧﺎ ﺇﻟﻲ ﺍﺳﺄﻟﺞ ﻋﻨﻪ ... ﻓﻲ ﺷﻲﺀ ﺃﻧﺴﺔ ﻣﻨﻰ
ﻣﻨﻰ ﺃﻃﺎﻟﻊ ﺷﻤﺴﺔ ﺑﻨﻈﺮﺍﺕ: ﻻ ﺳﻼﻣﺘﺞ ﻣﺎﻓﻴﻪ ﺷﻲﺀ "ﻣﻨﻰ ﻓﻲ ﺧﺎﻃﺮﻫﺎ ﺗﻜﺮﻩ ﺷﻤﺴﺔ ﻣﻦ
ﺍﻟﺨﺎﻃﺮ. .. ﻭﺃﻛﺜﺮ ﺷﻲﺀ ﻳﻘﻬﺮﻫﺎ ﻓﻲ ﺷﻤﺴﺔ ﺑﺈﻧﻬﺎ ﺩﺍﻳﻤﺎ ﺗﺤﺎﻭﻝ ﺗﻠﻔﺖ ﺇﻧﺘﺒﺎﻩ ﺍﻟﺪﻛﺎﺗﺮﻩ ... ﻭﻃﺒﻌﺎ ﻫﻲ
ﻭﺃﺧﺘﻬﺎ ﺗﺄﺧﺬ ﻭﻳﺎ ﻣﻨﻰ ﻓﻲ ﻣﻌﻈﻢ ﺍﻟﻤﺴﺎﻗﺎﺕ ﻷﻧﻬﻦ ﻣﻦ ﻧﻔﺲ ﺍﻟﺘﺨﺼﺺ .. .ﻭﺭﻏﻢ ﻛﺮﻫﺎ ﺍﻟﻜﺒﺮ
ﻟﺸﻤﺴﺔ ﺇﻻ ﺇﻧﻬﺎ ﺗﺤﺎﻭﻝ ﺗﺘﺠﻨﺒﻬﺎ ﺑﺄﻱ ﻃﺮﻳﻘﻪ ﻣﻦ ﺍﻟﻄﺮﻕ ... ﻷﻥ ﺍﻟﻜﻞ ﻳﻌﺮﻑ ﺷﻤﺴﺔ ﻟﺴﺎﻧﻬﺎ ﻣﺘﺒﺮﻱ
ﻣﻨﻬﺎ .. .ﻭﻳﻤﻜﻦ ﻣﺴﺒﺒﻪ ﺷﻮﻳﺔ ﺭﻋﺐ ﻓﻲ ﻧﻔﻮﺱ ﺑﻌﺾ ﺍﻟﺒﻨﺎﺕ ... ﻓﻤﻨﻰ ﺗﺤﺎﻭﻝ ﻗﺪﺭ ﺍﻟﻤﺴﺘﻄﺎﻉ ﺗﺒﻌﺪ ﻋﻦ
ﺍﻟﺸﺮ ﻭﺗﺘﺠﻨﺒﻬﺎ "
ﻃﺎﻟﻌﺘﻬﺎ ﺷﻤﺴﻪ ﻣﻦ ﻓﻮﻕ ﻟﻴﻦ ﺗﺤﺖ ﻭﺯﺧﺖ ﺃﻳﺪ ﺃﺧﺘﻬﺎ ﻭﻛﻤﻠﺖ ﻃﺮﻳﺠﻬﺎ ...
ﺷﻤﺎ : ﺷﻤﺴﻮﻩ
ﺷﻤﺴﺔ: ﺷﻮ ﻋﻨﺪﺝ ﺃﻧﺖ ﺍﻟﺜﺎﻧﻴﺔ
ﺷﻤﺎ ﻣﺘﻀﺎﻳﺠﺔ : ﻓﺪﻳﺖ ﺭﻭﺣﺞ ﺇﻥ ﺗﻤﻴﺘﻲ ﺗﻌﺎﻣﻠﻲ ﺍﻟﺒﻨﺎﺕ ﺟﻴﻪ ﺍﻟﻜﻞ ﺑﻴﻜﺮﻫﺞ
ﺷﻤﺴﺔ: ﺃﺣﺴﻦ
ﺷﻤﺎ : ﻭﺑﻌﺪﻳﻦ ﻣﻮﺏ ﻋﺎﻳﺒﻨﻲ ﻃﺮﻳﻘﺔ ﺭﻣﺴﺘﺞ ﻭﻳﺎ ﺍﻟﺪﻛﺘﻮﺭ
ﺷﻤﺴﺔ ﺭﺍﻓﻌﻪ ﺣﺎﺟﺐ ﻭﺍﺣﺪ: ﻭﺷﻮ ﻓﻴﻬﺎ ﺭﻣﺴﺘﻴﻪ ﻭﻳﺎ ﺍﻟﺪﻛﺘﻮﺭ
ﺷﻤﺎ : ﺷﻤﺴﻮﻭﻩ ﺗﺮﺍﻩ ﺣﺮﻛﺎﺗﺞ ﻭﺍﺿﺤﻪ ﻟﻠﺠﻤﻴﻊ. .. ﺣﺸﻤﻲ ﺷﻮﻱ
ﺷﻤﺴﺔ ﻭﻋﻠﻰ ﻭﻳﻬﺎ ﺇﺑﺘﺴﺎﻣﺖ ﺛﻘﻪ : ﻣﺸﻜﻠﺔ ﺍﻟﻐﻴﺮﻩ
ﺷﻤﺎ : ﺍﻟﻠﻪ ﻳﺨﻠﻴﺞ. ..ﻣﻦ ﺷﻮ ﺑﻨﻐﺎﺭ
ﺷﻤﺴﺔ: ﺇﺑﺘﺴﺎﻣﺘﻲ.. ﺟﻤﺎﻟﻲ. .ﺃﻧﻮﺛﺘﻲ. . ﺷﻴﺎﻛﺘﻲ.. . ﻭﺃﻧﺎ ﺩﺍﻳﻤﺎ ﺃﻛﻮﻥ ﻣﺤﻂ ﺍﻷﻧﻈﺎﺭ ﻣﻦ ﻭﻳﻦ
ﻣﺎﺃﻛﻮﻥ. ..ﻭﻛﻞ ﻫﺬﺍ ﻭﻣﺎﺑﺘﻐﺎﺭﻥ
ﺷﻤﺎ : ﺃﻭﻑ ﻣﻨﺞ .. . ﺫﻟﻴﺘﻴﻨﺎ ﺑﺠﻤﺎﻟﺞ ... ﻻ ﺗﻨﺴﻲ ﺇﻧﻲ ﺗﻮﺃﻣﺞ ... ﻳﻌﻨﻲ ﻧﺴﺨﻪ ﻣﻨﺞ
ﺷﻤﺴﺔ: ﺗﺨﺴﻲ ﺇﻻ ﺃﻧﺖ. .. ﻧﺴﺨﻪ ﻣﺰﻭﺭﻩ
ﺷﻤﺎ : ﻣﺸﻜﻠﺔ ﺍﻟﻐﺮﻭﺭ
ﺷﻤﺴﺔ: ﻫﻬﻬﻪ ﻓﺪﻳﺘﻨﻲ ﺣﻠﻮﻩ ﻻﺯﻡ ﺃﻧﻐﺮ ﺷﻮﻱ
ﺃﺣﻤﺪ : ﺗﻌﻠﻢ ﺍﻟﻴﺎﻫﻞ ﻣﻦ ﺃﺣﻴﻨﻪ ﻳﻐﺎﺯﻝ
